Is é is aidhm d’imscaradh leanúnach monarchana intleachta saorga agus gigeamhonarchana intleachta saorga rochtain leathan ar acmhainní ríomhaireachta ardacmhainneachta den chéad ghlúin eile a chur ar fáil do ghnólachtaí agus do thaighdeoirí Eorpacha a bhfuil cumais intleachta saorga ag teastáil uathu. Chun é sin a chomhlánú, ní mór don Aontas a acmhainneacht néalríomhaireachta agus lárionaid sonraí a leathnú chun tacú le himscaradh agus scaipeadh níos leithne na hintleachta saorga.
Neartóidh CADA acmhainneacht lárionaid sonraí atá tíosach ar fhuinneamh, agus ag an am céanna comhlánóidh sé an straitéis ‘Cuir IS i bhFeidhm’ chun borradh a chur faoi ghlacadh na hintleachta saorga agus na néalríomhaireachta ar fud na hEorpa.
Díreoidh sé ar thrí chuspóir:
- Taighde, forbairt agus nuálaíocht: tacú le hiarrachtaí chun an chéad ghlúin eile de theicneolaíochtaí néalríomhaireachta agus intleachta saorga atá ceannródaíoch agus inbhuanaithe a chur in úsáid
- Toilleadh: dlús a chur leis na coinníollacha chun lárionaid sonraí a imscaradh ar fud an Aontais, ag díriú ar shaoráidí lena bhfeabhsaítear feidhmeanna bunriachtanacha na hearnála poiblí
- Neamhspleáchas: creat measúnaithe aonair uile-Aontais a thabhairt isteach le haghaidh néalcheannasacht agus ceannasacht IS, a mbeidh sásra glactha san earnáil phoiblí ag gabháil leis
Comhlánaíonn CADA tionscnaimh nua eile, lena n-áirítear an Gníomh Eorpach um Shliseanna 2.0 agus Straitéis an Aontais maidir le Foinse Oscailte, chun rannchuidiú le geilleagar digiteach Eorpach níos iomaíche, níos sláine agus níos athléimní.
Is féidir leat an togra le haghaidh rialacháin iomláin, na hiarscríbhinní, an measúnú tionchair agus achoimre ar an measúnú tionchair seo thíos a íoslódáil.
Tuilleadh eolais: