(1)

Bunaíodh scéim shonrach fabhar uathrialach trádála do Phoblacht na Moldóive ("an Mholdóiv" anseo feasta) le Rialachán (CE) Uimh. 55/2008 ón gComhairle (2). Leis an scéim sin, tugtar saor-rochtain ar mhargadh an Aontais do na táirgí uile ar de thionscnamh na Moldóive iad, seachas táirgí áirithe talmhaíochta atá liostaithe in Iarscríbhinn I a ghabhann leis an Rialachán sin agus a bhfuil lamháltais teoranta tugtha ina leith, i bhfoirm díolúine ó dhleachtanna custaim laistigh de theorainn na dtaraifchuótaí, nó i bhfoirm laghdú ar dhleachtanna custaim.

(2)

Faoi chuimsiú Bheartas Comharsanachta na hEorpa (BCE), Phlean Gníomhaíochta BCE AE-naMoldóive, agus Chomhpháirtíocht an Oirthir, tá clár oibre ardaidhmeannach glactha ag an Moldóiv chun comhlachas polaitiúil agus breis páirtíochta eacnamaíche leis an Aontas a bhaint amach. Tá dul chun cinn mór déanta cheana ag an Moldóiv maidir le comhfhogasú rialála i dtreo cóineasú le dlíthe agus caighdeáin an Aontais.

(3)

Tosaíodh ar chaibidlíocht leis an Moldóiv ar an gComhaontú Comhlachais, lena n-áirítear bunú limistéir shaothrádala doimhne cuimsithí, in Eanáir 2010 agus tugadh chun críche í in Iúil 2013. Foráiltear sa Chomhaontas sin do léirscaoileadh iomlán trádála déthaobhaí san fhíon.

(4)

Chun tacú le hiarrachtaí na Moldóive i gcomhréir le BCE agus le Comhpháirtíocht an Oirthir, agus chun margadh a bheidh tarraingteach agus iontaofa a chur ar fáil dá honnmhairí fíona, ba cheart allmhairiú an fhíona ón Moldóiv isteach san Aontas a léirscaoileadh gan mhoill.

(5)

D'fhonn leanúnanachas na sreafaí trádála ó Moldóiv agus cinnteacht dhlíthiúil d'oibreoirí eacnamaíocha a áirithiú, ní mór feidhm a bheith ag na fabhair trádála uathrialaitheacha gan bhriseadh go dtí an dáta atá socraithe dá ndul in éag i Rialachán (CE) Uimh. 55/2008.

(6)

Ba cheart, dá bhrí sin, Rialachán (CE) Uimh. 55/2008 a leasú dá réir,

(1)

in Airteagal 16, scriostar an triú mír, an ceathrú mír agus an cúigiú mír;

(2)

sa tábla i bpointe 1 d’Iarscríbhinn I, scriostar an sraith dheireanach a bhaineann le hordú Uimh. 09.0514 "Fíon ó fhíonchaora úra, seachas fíon súilíneach".