L_2021407GA.01003701.xml

CINNEADH (CBES) 2021/2008 ÓN gCOMHAIRLE

an 16 Samhain 2021

lena leasaítear agus lena nuashonraítear Cinneadh (CBES) 2018/340 lena mbunaítear liosta na dtionscadal atá le forbairt faoi PESCO

TÁ COMHAIRLE AN AONTAIS EORPAIGH,

Ag féachaint don Chonradh ar an Aontas Eorpach, go háirithe Airteagal 46(6) de,

Ag féachaint do Chinneadh (CBES) 2017/2315 ón gComhairle an 11 Nollaig 2017 lena mbunaítear buanchomhar struchtúrtha (PESCO) agus lena gcinntear liosta na mBallstát rannpháirteach (1),

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)	An 11 Nollaig 2017, ghlac an Chomhairle Cinneadh (CBES) 2017/2315.

(2)

Le hAirteagal 4(2), pointe (e) de Chinneadh (CBES) 2017/2315 foráiltear go bhfuil an Chomhairle chun liosta na dtionscadal atá le forbairt faoi PESCO a bhunú, lena léirítear tacaíocht d’fhorbairt cumais agus tacaíocht shuntasach a sholáthar d’oibríochtaí agus do mhisin an chomhbheartais slándála agus cosanta (CBSC) ó thaobh na n-acmhainní agus cumas de.

(3)	An 6 Márta 2018, ghlac an Chomhairle Cinneadh (CBES) 2018/340 (2) lena mbunaítear liosta na dtionscadal atá le forbairt faoi PESCO.

(4)	An 6 Márta 2018, ghlac an Chomhairle Moladh a bhaineann le treochlár le haghaidh chur chun feidhme PESCO (3) (‘an Moladh’), freisin.

(5)

I mír 9 den Mholadh, sonraíodh gur cheart don Chomhairle liosta thionscadal PESCO a nuashonrú faoi mhí na Samhna 2018 chun an chéad tacar eile tionscadal a áireamh, i gcomhréir leis an nós imeachta a leagtar amach in Airteagal 5 de Chinneadh (CBES) 2017/2315, lena bhforáiltear go háirithe go bhféadfaidh Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’) moladh a dhéanamh a bhaineann le sainaithint tionscadal PESCO agus a bhaineann le meastóireacht a dhéanamh orthu, ar bhonn measúnuithe arna soláthar ag rúnaíocht PESCO, go bhféadfaidh an Chomhairle cinneadh a dhéanamh, tar éis comhairle mhíleata a fháil ó Choiste Míleata an Aontais Eorpaigh (EUMC).

(6)	An 25 Meitheamh 2018, ghlac an Chomhairle Cinneadh (CBES) 2018/909 (4) lena mbunaítear tacar coiteann rialacha rialachais do thionscadail PESCO.

(7)	An 19 Samhain 2018, ghlac an Chomhairle Cinneadh (CBES) 2018/1797 (5) lena leasaítear agus lena nuashonraítear Cinneadh (CBES) 2018/340.

(8)	An 14 Bealtaine 2019, ghlac an Chomhairle Moladh lena ndéantar measúnú ar an dul chun cinn a rinne na Ballstáit rannpháirteacha chun na gealltanais a tugadh faoi chuimsiú PESCO (6) a chomhlíonadh.

(9)	An 12 Samhain 2019, ghlac an Chomhairle Cinneadh (CBES) 2019/1909 (7) lena leasaítear agus lena nuashonraítear Cinneadh (CBES) 2018/340.

(10)	An 20 Samhain 2020, ghlac an Chomhairle Conclúidí maidir le hAthbhreithniú Straitéiseach PESCO 2020.

(11)	An 20 Samhain 2020, ghlac an Chomhairle Cinneadh (CBES) 2020/1746 (8) lena leasaítear agus lena nuashonraítear Cinneadh (CBES) 2018/340.

(12)	An 29 Meán Fómhair 2021, thug an tArdionadaí moladh don Chomhairle maidir le tograí tionscadail faoi chuimsiú PESCO a shainaithint agus meastóireacht a dhéanamh orthu.

(13)	An 19 Deireadh Fómhair 2021, tháinig an Coiste Polaitiúil agus Slándála ar chomhaontú maidir leis na moltaí atá i gcomhairle mhíleata EUMC i ndáil leis an moladh ón Ardionadaí i dtaca le tograí tionscadail faoi chuimsiú PESCO a shainaithint agus meastóireacht a dhéanamh orthu.

(14)	Ba cheart don Chomhairle, dá bhrí sin, Cinneadh (CBES) 2018/340 a leasú agus a nuashonrú,

TAR ÉIS AN CINNEADH SEO A GHLACADH:

Airteagal 1

Leasaítear Cinneadh (CBES) 2018/340 mar a leanas:

(1)

in Airteagal 1, cuirtear na tionscadail seo a leanas leis an liosta:

‘48.	Lárionad Ionsamhlúcháin agus Tástála um Phríomhthainc Chatha (MBT-SIMTEC);

49.	Comhpháirtíocht Mhíleata an Aontais Eorpaigh (AE MilPart);

50.	Eilimintí Sár-Riachtanacha an Tionlacain Eorpaigh (4E);

51.	Feithicil Dhromchla Leath-Uathrialaitheach Mheánmhéide (M-SASV);

52.	Aeriompar Straitéiseach do Lasta Ollmhór (SATOC);

53.	RPAS Beag den Chéad Ghlúin Eile (NGSR);

54.	Stáisiún Nasctha Rótarárthaigh do Ladrainn;

55.	Mionarmáin Inscálaithe (SSW);

56.	Aerchumhacht;

57.	Lasta Oirbheartaíochta Meánmhéide amach anseo (FMTC);

58.	Cónaidhmeanna Cibear-Raonta (CRF);

59.	Samhaltú Uathoibrithe, Sainaithint agus Measúnú Damáiste ar Thír-Raon Uirbeach (AMIDA-UT);

60.	Mol Comhchoiteann d’Íomhánna Rialtasacha (CoHGI);

61.	Sócmhainní Spáis a Chosaint (DoSA).’;

(2)	in Iarscríbhinn I, cuirtear isteach na hiontrálacha a leagtar amach in Iarscríbhinn I a ghabhann leis an gCinneadh seo;

(3)	déantar an téacs atá in Iarscríbhinn II a ghabhann leis an gCinneadh seo a chur in ionad Iarscríbhinn II.

Airteagal 2

Tiocfaidh an Cinneadh seo i bhfeidhm ar dháta a ghlactha.

Arna dhéanamh sa Bhruiséil, 16 Samhain 2021.

Thar ceann na Comhairle

An tUachtarán

J. BORRELL FONTELLES

(1) IO L 331, 14. 12. 2017, lch. 57.

(2) Cinneadh (CBES) 2018/340 ón gComhairle an 6 Márta 2018 lena mbunaítear liosta na dtionscadal atá le forbairt faoi PESCO (IO L 65, 8.3.2018, lch. 24).

(3) Moladh ón gComhairle an 6 Márta 2018 maidir le treochlár i ndáil le cur chun feidhme PESCO (IO C 88, 8. 3. 2018, lch. 1).

(4) Cinneadh (CBES) 2018/909 ón gComhairle an 25 Meitheamh 2018 lena mbunaítear tacar coiteann rialacha rialachais do thionscadail PESCO (IO L 161, 26.6.2018, lch. 37).

(5) Cinneadh (CBES) 2018/1797 ón gComhairle an 19 Samhain 2018 lena leasaítear agus lena nuashonraítear Cinneadh 2018/340 lena mbunaítear liosta na dtionscadal atá le forbairt faoi PESCO (IO L 294, 21.11.2018, lch. 18).

(6) Moladh ón gComhairle an 14 Bealtaine 2019 lena ndéantar measúnú ar an dul chun cinn a rinne na Ballstáit rannpháirteacha chun na gealltanais a tugadh faoi chuimsiú an bhuanchomhair struchtúrtha (PESCO) a chomhlíonadh (IO C 166, 15.5.2019, lch.1).

(7) Cinneadh (CBES) 2019/1909 ón gComhairle an 12 Samhain 2019 lena leasaítear agus lena nuashonraítear Cinneadh (CBES) 2018/340 liosta na dtograí atá le forbairt faoi PESCO (IO L 293, 14.11.2019, lch. 113).

(8) Cinneadh (CBES) 2020/1746 ón gComhairle an 20 Samhain 2020 lena leasaítear agus lena nuashonraítear Cinneadh (CBES) 2018/340 lena mbunaítear liosta na dtionscadal atá le forbairt faoi PESCO (IO L 393, 23.11.2020, lch. 12).

IARSCRÍBHINN I

Tionscadal

Rannpháirtithe an Tionscadail

48.	Lárionad Ionsamhlúcháin agus Tástála um Phríomhthainc Chatha (MBT-SIMTEC)

An Ghréig, an Fhrainc, an Chipir

49.	Comhpháirtíocht Mhíleata an Aontais Eorpaigh (AE MilPart)

An Fhrainc, an Eastóin, an Iodáil, an Ostair

50.	Eilimintí Sár-Riachtanacha an Tionlacain Eorpaigh (4E)

An Spáinn, an Iodáil, an Phortaingéil

51.	Feithicil Dhromchla Leath-Uathrialaitheach Mheánmhéide (M-SASV)

An Eastóin, an Fhrainc, an Laitvia, an Rómáin

52.	Aeriompar Straitéiseach do Lasta Ollmhór (SATOC)

An Ghearmáin, an tSeicia, an Fhrainc, an Ísiltír, an tSlóivéin

53.	RPAS Beag den Chéad Ghlúin Eile (NGSR)

An Spáinn, an Ghearmáin, an Phortaingéil, an Rómáin, an tSlóivéin

54.	Stáisiún Nasctha Rótarárthaigh do Ladrainn

An Iodáil, an Fhrainc

55.	Mionarmáin Inscálaithe (SSW)

An Iodáil, an Fhrainc

56.	Aerchumhacht

An Fhrainc, an Ghréig, an Chróit

57.	Lasta Oirbheartaíochta Meánmhéide amach anseo (FMTC)

An Fhrainc, an Ghearmáin, an tSualainn

58.	Cónaidhmeanna Cibear-Raonta (CRF)

An Eastóin, an Bhulgáir, an Fhrainc, an Iodáil, an Laitvia, Lucsamburg, an Fhionlainn

59.	Samhaltú Uathoibrithe, Sainaithint agus Measúnú Damáiste ar Thír-Raon Uirbeach (AMIDA-UT)

An Phortaingéil, an Spáinn, an Fhrainc

60.	Mol Comhchoiteann d’Íomhánna Rialtasacha (CoHGI

An Ghearmáin, an Spáinn, an Fhrainc, an Liotuáin, Lucsamburg, an Ísiltír, an Ostair, An Rómáin

61.	Sócmhainní Spáis a Chosaint (DoSA)

An Fhrainc, an Ghearmáin, an Iodáil, an Ostair an Pholainn, an Phortaingéil, An Rómáin

IARSCRÍBHINN II

LIOSTA NUASHONRAITHE COMHDHLÚITE DE RANNPHÁIRTITHE NA dTIONSCADAL AR LEITH

Tionscadal

Rannpháirtithe an Tionscadail

1.	Ceannasaíocht Leighis Eorpach (EMC)

An Ghearmáin, an Bheilg, an tSeicia, an Eastóin, an Spáinn, an Fhrainc, an Iodáil, Lucsamburg, an Ungáir, an Ísiltír, an Pholainn, an Rómáin, an tSlóvaic, an tSualainn

2.	Raidió Bogearraí-Shainithe Slán Eorpach (ESSOR)

An Fhrainc, an Bheilg, an Ghearmáin, an Spáinn, an Iodáil, an Ísiltír, an Pholainn, an Phortaingéil, an Fhionlainn

3.	Líonra na Mol Lóistíochta san Eoraip agus na Tacaíochta d'Oibríochtaí

An Ghearmáin, an Bheilg, an Bhulgáir, an Ghréig, an Spáinn, an Fhrainc, an Chróit, an Iodáil, an Chipir, an Liotuáin, an Ungáir, an Ísiltír, an Pholainn, an tSlóivéin, an tSlóvaic

4.	An tSoghluaisteacht Mhíleata

An Ísiltír, an Bheilg, an Bhulgáir, an tSeicia, an Ghearmáin, an Eastóin, an Ghréig, an Spáinn, an Fhrainc, an Chróit, an Iodáil, an Chipir, an Laitvia, an Liotuáin, Lucsamburg, an Ungáir, an Ostair, an Pholainn, an Phortaingéil, an Rómáin, an tSlóivéin, an tSlóvaic, an Fhionlainn, an tSualainn

5.	An Lárionad Deimhniúcháin Oiliúna Eorpach um Airm Eorpacha

An Iodáil, an Ghréig

6.	Feidhm Oibríochtúil Fuinnimh (EOF)

An Fhrainc, an Bheilg, an Spáinn, an Iodáil, an tSlóivéin

7.	Pacáiste chun Cumas Míleata Fóirithinte a Imlonnú i gcás Tubaistí (DM-DRCP)

An Iodáil, an Ghréig, an Spáinn, an Chróit, an Ostair

8.	Córais Mhuirí (leath-)Uathrialaitheacha um Fhrithbhearta Mianach (MAS MCM)

An Bheilg, an Ghréig, an Fhrainc, an Laitvia, an Ísiltír, an Pholainn, an Phortaingéil, an Rómáin

9.	Faireachas agus Cosaint Cuanta agus Mhuirí (HARMSPRO)

An Iodáil, an Ghréig, an Pholainn, an Phortaingéil

10.	Uasghrádú Faireachais Mhuirí

An Ghréig, an Bhulgáir, Éire, an Spáinn, an Fhrainc, an Chróit, an Iodáil, an Chipir

11.	An tArdán le haghaidh Comhroinnt Faisnéise faoi Fhreagairt Cibearbhagairtí agus Cibirtheagmhas)

An Ghréig, an Iodáil, an Chipir, an Ungáir, an Phortaingéil

12.	Foirne Mearfhreagartha Cibirtheagmhas agus Cúnamh Frithpháirteach maidir le Cibearshlándáil

An Liotuáin, an Eastóin, an Chróit, an Ísiltír, an Pholainn, an Rómáin

13.	Córas Ceannais agus Comhordaithe (C2) Straitéiseach um Misin agus Oibríochtaí CBSC (EUMILCOM)

An Spáinn, an Ghearmáin, an Fhrainc, an Iodáil, Lucsamburg, an Phortaingéil

14.	Feithicil troda choisithe armúrtha / Feithicil ionsaithe amfaibiach / Feithicil armúrtha éadrom (AIFV/AAV/LAV)

An Iodáil, an Ghréig, an tSlóvaic

15.	Tacaíocht Lámhaigh Indíreach (EuroArtillery)

An tSlóvaic, an Iodáil, an Ungáir

16.	Lárionad Oibríochtaí EUFOR um Fhreagairt Géarchéimeanna (EUFOR CROC)

An Ghearmáin, an Ghréig, an Spáinn, an Fhrainc, an Iodáil, an Chipir, an Ostair

17.	Oiliúint ar phíolótú héileacaptar faoi theocht ard agus ar airde mhór (Oiliúint H3)

An Ghréig, an Iodáil, an Rómáin

18.	Scoil faisnéise chomhpháirteach an Aontais (JEIS)

An Ghréig, an Chipir

19.	Lárionaid Tástála agus Mheastóireachta AE

An Fhrainc, an tSualainn, an tSlóvaic

20.	Córas Comhtháite Talún Gan Foireann (iUGS)

An Eastóin, an Bheilg, an tSeicia, an Ghearmáin, an Spáinn, an Fhrainc, an Laitvia, an Ungáir, an Ísiltír, an Pholainn, an Fhionlainn

21.	Córais Diúracán Láthair Chatha Talún AE thar an líne amhairc (BLOS)

An Fhrainc, an Bheilg, an Chipir

22.	Pacáiste Cumais Idirghabhála Fo-Uisce Modúlach In-imscartha (DIVEPACK)

An Bhulgáir, an Ghréig, an Fhrainc, an Rómáin

23.	Córais Eorpacha Aerárthaí Cianrialaithe Meánairde Fad-Aga - MALE RPAS (Eurodrone)

An Ghearmáin, an tSeicia, an Spáinn, an Fhrainc, an Iodáil

24.	Héileacaptair Ionsaithe TIGER Marc III de chuid na hEorpa

An Fhrainc, an Ghearmáin, an Spáinn

25.	Córas in aghaidh Aerárthaí Gan Foireann (C-UAS)

An Iodáil, an tSeicia

26.	Ardán Aerloinge Ard-Atmaisféir na hEorpa (EHAAP) – Síorchumas Faisnéise, Faireachais agus Taiscéalaíochta (ISR)

An Iodáil, an Fhrainc

27.	Post Ceannais (CP) In-imscartha Aonuaire do Cheannas agus Rialú (C2) Oirbheartaíoch na bhFórsaí Oibríochtaí Speisialta (SOF) i gcás Oibríochtaí Beaga Comhpháirteacha (SJO) – (SOCC) i gcás SJO

An Ghréig, an Chipir

28.	Clár um Chumas Cogaíochta Leictreonaí agus um Idir-inoibritheacht don Fhaisnéis, Faireachas agus Taiscéalaíocht (JISR) amach anseo

An tSeicia, an Ghearmáin

29.	Faireachas Ceimiceach, Bitheolaíoch, Raideolaíoch agus Núicléach (CBRN) mar Sheirbhís (CBRN SaaS)

An Ostair, an Fhrainc, an Chróit, an Ungáir, an tSlóivéin

30.	Comhroinnt Bunáiteanna

An Fhrainc, an Bheilg, an tSeicia, an Ghearmáin, an Spáinn, an Ísiltír

31.	Aonad um Chomhordú na Tacaíochta (GMSCE) Geoimeitéareolaíche agus Aigéineolaíochta (GeoMETOC)

An Ghearmáin, an Bheilg, an Ghréig, an Fhrainc, Lucsamburg, an Ostair, an Phortaingéil, an Rómáin

32.	Réiteach Radaloingseoireachta an Aontais (EURAS)

An Fhrainc, an Bheilg, an Ghearmáin, an Spáinn, an Iodáil, an Pholainn

33.	An Líonra Míleata Eorpach um Fheasacht ar Fhaireachas Spáis (EU SSA-N)

An Iodáil, an Ghearmáin, an Fhrainc, an Ísiltír

34.	An Lárionad Comhtháite Eorpach Oiliúna agus Ionsamhlúcháin (EUROSIM)

An Ungáir, an Ghearmáin, an Fhrainc, an Pholainn, an tSlóivéin

35.	Acadamh agus Mol Nuálaíochta an Aontais Eorpaigh um Earnáil na Cibearchosanta (AE CAIH)

An Phortaingéil, an Spáinn

36.	Lárionad oiliúna leighis d'fhórsaí oibríochtaí speisialta (SMTC)

An Pholainn, an Ungáir

37.	Raon Oiliúna le haghaidh cosaint cheimiceach, bhitheolaíoch, raideolaíoch agus núicléach (CBRN) (CBRNDTR)

An Rómáin, an Fhrainc, an Iodáil

38.	Líonra an Aontais Eorpaigh de Lárionaid Tumadóireachta (EUNDC)

An Rómáin, an Bhulgáir, an Fhrainc

39.	Córas Frith-Fhomhuireáin Muirí Gan Foireann (MUSAS)

An Phortaingéil, an Spáinn, an Fhrainc, an tSualainn

40.	Coirbhéad Patróil Eorpach (EPC)

An Iodáil, an Ghréig, an Spáinn, an Fhrainc

41.	Ionsaí Leictreonach Aerbheirthe (AEA)

An Spáinn, an Fhrainc, an tSualainn

42.	An Lárionad Comhordúcháin Cibearchosanta agus Faisnéise (CIDCC)

An Ghearmáin, an Spáinn, an Ungáir, an Ísiltír

43.	Rabhadh agus Tascradh Tráthúil le Faireachas ón Spás ar Limistéir Imlonnaithe (TWISTER)

An Fhrainc, an Ghearmáin, an Spáinn, an Iodáil, an Ísiltír, an Fhionlainn

44.	. Ábhair agus comhpháirteanna le haghaidh iomaíochas teicneolaíoch an Aontais (MAC-EU)

An Fhrainc, an Ghearmáin, an Spáinn, an Phortaingéil, an Rómáin

45.	Cumas Comhoibríoch Cogaíochta AE (ECoWAR)

An Fhrainc, an Bheilg, an Spáinn, an Ungáir, an Pholainn, an Rómáin, an tSualainn

46.	Córas Eorpach um Chomhtháthú Domhanda Ollstruchtúr na gCóras Aerárthaí Cianrialaithe (RPAS) (GLORIA)

An Iodáil, an Fhrainc, an Rómáin

47.	Lárionad Ionsamhlúcháin agus Tástála um Phríomhthainc Chatha (MBT-SIMTEC)

An Ghréig, an Fhrainc, an Chipir

48.	Comhpháirtíocht Mhíleata an Aontais Eorpaigh (AE MilPart)

An Fhrainc, an Eastóin, an Iodáil, an Ostair

49.	Eilimintí Sár-Riachtanacha an Tionlacain Eorpaigh (4E)

An Spáinn, an Iodáil, an Phortaingéil

50.	Feithicil Dhromchla Leath-Uathrialaitheach Mheánmhéide (M-SASV)

An Eastóin, an Fhrainc, an Laitvia, an Rómáin

51.	Aeriompar Straitéiseach do Lasta Ollmhór (SATOC)

An Ghearmáin, an tSeicia, an Fhrainc, an Ísiltír, an tSlóivéin

52.	RPAS Beag den Chéad Ghlúin Eile (NGSR)

An Spáinn, an Ghearmáin, an Phortaingéil, an Rómáin an tSlóivéin

53.	Stáisiún Nasctha Rótarárthaigh do Ladrainn

An Iodáil, an Fhrainc

54.	Mionarmáin Inscálaithe (SSW)

An Iodáil, an Fhrainc

55.	Aerchumhacht

An Fhrainc, an Ghréig, an Chróit

56.	Lasta Oirbheartaíochta Meánmhéide amach anseo (FMTC)

An Fhrainc, an Ghearmáin, an tSualainn

57.	Cónaidhmeanna Cibear-Raonta (CRF)

An Eastóin, an Bhulgáir, an Fhrainc, an Iodáil, an Laitvia, Lucsamburg, an Fhionlainn

58.	Samhaltú Uathoibrithe, Sainaithint agus Measúnú Damáiste ar Thír-Raon Uirbeach (AMIDA-UT)

An Phortaingéil, an Spáinn, an Fhrainc

59.	Mol Comhchoiteann d’Íomhánna Rialtasacha (CoHGI)

An Ghearmáin, an Spáinn, an Fhrainc, an Liotuáin, Lucsamburg, an Ísiltír, an Ostair, an Rómáin

60.	Sócmhainní Spáis a Chosaint (DoSA)

An Fhrainc, an Ghearmáin, an Iodáil, an Ostair, an Pholainn, an Phortaingéil, an Rómáin