(1)

Leagtar síos le Rialachán (AE) Uimh. 904/2010 ón gComhairle (3) rialacha maidir le malartú agus stóráil faisnéise ag na Ballstáit chun na scéimeanna speisialta dá bhforáiltear i gCaibidil 6 de Theideal XII de Threoir 2006/112/CE ón gComhairle (4) a bhunú.

(2)

Le Rialachán (AE) 2017/2454 ón gComhairle (5), déantar na forálacha sin a leasú chun raon feidhme na scéimeanna speisialta sin a leathnú agus chun scéim nua a thabhairt isteach. Tá na leasuithe sin le cur i bhfeidhm ón 1 Eanáir 2021.

(3)

An 30 Eanáir 2020, dhearbhaigh an Eagraíocht Dhomhanda Sláinte (EDS) gur éigeandáil sláinte poiblí arb ábhar imní ar leibhéal idirnáisiúnta í ráig COVID-19. An 11 Márta 2020, dhearbhaigh EDS gur paindéim ráig COVID-19. Chuaigh paindéim COVID-19 i bhfeidhm ar Bhallstáit uile an Aontais. De bharr an mhéadaithe scáfair ar an líon cásanna agus an easpa modhanna éifeachtacha atá ar fáil láithreach chun dul i ngleic le paindéim COVID-19, tá staid éigeandála náisiúnta fógartha ag roinnt mhaith Ballstát.

(4)

Éigeandáil nach raibh coinne léi agus atá gan fasach atá i bpaindéim COVID-19, ráig atá ag imirt tionchar tromchúiseach ar na Ballstáit ar fad agus a fhágann go bhfuil orthu gníomhú láithreach ar an leibhéal náisiúnta chun déileáil mar thosaíocht leis an ngéarchéim atá ar siúl trí acmhainní a cuireadh i leataobh do shaincheisteanna eile a athleithdháileadh. Mar thoradh ar an ngéarchéim seo, tá deacrachtaí ag roinnt Ballstát le críochnú na gcóras TF atá riachtanach chun na rialacha a leagtar síos le Rialachán (AE) 2017/2454 a chur i bhfeidhm ón 1 Eanáir 2021 i leith. Dá bhrí sin, d’iarr roinnt Ballstát go gcuirfí siar dátaí cur i bhfeidhm Rialachán (AE) 2017/2454.

(5)

Agus na dúshláin atá le sárú ag na Ballstáit chun dul i ngleic le géarchéim COVID-19 á gcur san áireamh, chomh maith lena chur san áireamh go bhfuil na forálacha nua bunaithe ar an bprionsabal go gcaithfidh na Ballstáit ar fad na córais TF atá acu a thabhairt cothrom le dáta chun go mbeidh siad in ann na forálacha a leagtar síos le Rialachán (AE) 2017/2454 a chur i bhfeidhm, ionas go n-áiritheofar bailiú agus tarchur faisnéise agus íocaíochtaí faoi na scéimeanna modhnaithe, tá sé riachtanach dátaí cur i bhfeidhm an Rialacháin sin a chur siar sé mhí. Is iomchuí iad a chur siar sé mhí, toisc gur ceart an mhoill a choinneáil chomh gairid agus is féidir ar mhaithe le caillteanais bhuiséadacha bhreise do na Ballstáit a íoslaghdú.

(6)

I bhfianaise thionchar suntasach an tsuaite eacnamaíoch agus deacrachtaí breise a d’fhéadfadh teacht as paindéim COVID-19, agus chun tacú le cur i bhfeidhm ceart tráthúil na rialacha nua ríomhthráchtála CBL, d’fhéadfadh an Coimisiún oibriú i ndlúthchomhar leis na Ballstáit lena mbaineann chun faireachán a dhéanamh ar oiriúnú na gcóras náisiúnta TF agus chun cúnamh teicniúil a chur ar fáil nuair is gá sin.

(7)

Ba cheart, dá bhrí sin, Rialachán (AE) 2017/2454 a leasú dá réir,

(1)

in Airteagal 1, leasaítear pointe (7) mar a leanas:

(2)

in Airteagal 2, cuirtear an méid seo a leanas in ionad an dara mír:

“Beidh feidhm aige ón 1 Iúil 2021.”

(1)

Leasaíodh Treoir 2006/112/CE ón gComhairle (3) le Treoracha (AE) 2017/2455 (4) agus (AE) 2019/1995 (5) ón gComhairle chun creat dlíthiúil maidir leis an gcáin bhreisluacha (CBL) a nuachóiriú i gcás na ríomhthráchtála trasteorann gnólacht le tomhaltóir. Tá formhór na bhforálacha nua sin le cur i bhfeidhm ón 1 Eanáir 2021.

(2)

An 30 Eanáir 2020, dhearbhaigh an Eagraíocht Dhomhanda Sláinte (EDS) gur éigeandáil sláinte poiblí arb ábhar imní ar leibhéal idirnáisiúnta í ráig COVID-19. An 11 Márta 2020, dhearbhaigh EDS gur paindéim í ráig COVID-19. Chuaigh paindéim COVID-19 i bhfeidhm ar Bhallstáit uile an Aontais. De bharr an mhéadaithe scáfair ar an líon cásanna agus an easpa modhanna éifeachtacha atá ar fáil láithreach chun dul i ngleic le paindéim COVID-19, tá staid éigeandála náisiúnta fógartha ag roinnt mhaith Ballstát.

(3)

Éigeandáil gan choinne agus gan fasach atá i bpaindéim COVID-19, paindéim atá ag imirt tionchar tromchúiseach ar na Ballstáit ar fad agus a fhágann go bhfuil orthu gníomhú láithreach ar an leibhéal náisiúnta chun dul i ngleic mar thosaíocht leis an ngéarchéim atá ar siúl trí acmhainní a cuireadh i leataobh do shaincheisteanna eile a athleithdháileadh. Mar thoradh ar an ngéarchéim seo, tá deacrachtaí ag roinnt Ballstát an fhorbairt a chríochnú faoin 31 Nollaig 2020, ar na córais TF atá riachtanach le haghaidh chur i bhfeidhm na rialacha a leagtar síos le Treoir (AE) 2017/2455 agus Treoir (AE) 2019/1995 agus na rialacha sin a chur i bhfeidhm ón 1 Eanáir 2021 i leith. Dá bhrí sin, d’iarr roinnt Ballstát chomh maith le hoibreoirí poist agus cúiréara go gcuirfí siar dátaí cur i bhfeidhm Threoir (AE) 2017/2455 agus Threoir (AE) 2019/1995 araon.

(4)

Agus na dúshláin atá le sárú ag na Ballstáit chun dul i ngleic le géarchéim COVID-19 á gcur san áireamh, chomh maith lena chur san áireamh go bhfuil na forálacha nua bunaithe ar an bprionsabal go gcaithfidh na Ballstáit ar fad na córais TF atá acu a thabhairt cothrom le dáta chun go mbeidh siad in ann na rialacha a leagtar síos le Treoracha (AE) 2017/2455 agus (AE) 2019/1995 a chur i bhfeidhm, agus a áirithiú go ndeántar faisnéise agus íocaíochtaí faoi na scéimeanna modhnaithe a bhailiú agus a tharchur, tá sé riachtanach dátaí trasuí agus dátaí cur i bhfeidhm na dTreoracha sin a chur siar 6 mhí. Is iomchuí iad a chur siar 6 mhí, mar gur ceart an mhoill a choinneáil chomh gairid agus is féidir chun caillteanais bhuiséadacha bhreise do na Ballstáit a íoslaghdú.

(5)

I bhfianaise thionchar suntasach an tsuaite eacnamaíoch agus deacrachtaí breise a d’fhéadfadh teacht as paindéim COVID-19, agus chun tacú le cur i bhfeidhm ceart tráthúil na rialacha nua ríomhthráchtála CBL, d’fhéadfadh an Coimisiún oibriú i ndlúthchomhar leis na Ballstáit lena mbaineann chun faireachán a dhéanamh ar oiriúnú na gcóras náisiúnta TF agus chun cúnamh teicniúil a chur ar fáil nuair is gá sin.

(6)

Ba cheart, dá bhrí sin, Treoir (AE) 2017/2455 agus Treoir (AE) 2019/1995 a leasú dá réir,

(1)

Leasaítear Airteagal 2 mar a leanas:

(2)

Cuirtear an méid seo a leanas in ionad Airteagal 3:

(3)

in Airteagal 4, leasaítear mír 1 mar a leanas:

(1)

Thar ceann an Chomhphobail Eorpaigh agus na mBallstát, tá an Comhaontú maidir le hAeriompar idir an Comhphobal Eorpach agus a Bhallstáit, de pháirt, agus Stáit Aontaithe Mheiriceá, den pháirt eile (“an Comhaontú”) caibidlithe ag an gCoimisiún i gcomhréir leis an gCinneadh ón gComhairle lenar údaraíodh don Choimisiún tús a chur le caibidlíochtaí.

(2)

Síníodh an Comhaontú an 25 agus an 30 Aibreán 2007 agus tá sé á chur i bhfeidhm go sealadach ón 30 Márta 2008.

(3)

Tá an Comhaontú daingnithe ag gach Ballstát. Tá sé beartaithe go n-aontóidh an Chróit don Chomhaontú i gcomhréir le hAirteagal 6(2) den Ionstraim Aontachais atá i gceangal le Conradh Aontachais an 5 Nollaig 2011.

(4)

Ba cheart an Comhaontú a fhormheas.

(5)

Ba cheart an seasamh a bheidh le glacadh, thar ceann an Aontais, sa Chomhchoiste arna chur ar bun de bhun Airteagal 18 den Chomhaontú maidir le hábhair a thagann faoi inniúlacht an Aontais, a bhunú de réir an cháis i gcomhréir le forálacha infheidhme an Chonartha.

(6)

Ós rud é go bhfuil an tAontas agus a Bhallstáit ina bpáirtithe sa Chomhaontú le chéile, tá sé riachtanach go mbeadh dlúthchomhar eatarthu. D’fhonn an dlúthchomhar sin agus aontacht na hionadaíochta seachtraí sa Chomhchoiste a áirithiú, agus gan dochar do na Conarthaí, go háirithe d’Airteagal 16(1) den Chonradh ar an Aontas Eorpach agus d’Airteagal 218(9) den Chonradh ar Fheidhmiú an Aontais Eorpaigh, ba cheart na cinntí atá le glacadh, thar ceann an Aontais agus na mBallstát, laistigh den Chomhchoiste maidir le hábhair a thagann faoi inniúlacht an Aontais a chomhordú roimh aon chruinniú den Chomhchoiste ag a ndéileálfar leis an ábhar sin.

(7)

In Airteagail 3 go 6 de Chinneadh 2007/339/CE ón gComhairle agus ó Ionadaithe Rialtais Bhallstáit an Aontais Eorpaigh, ag teacht le chéile dóibh i dtionól na Comhairle (2), agus in Airteagail 2, 3 agus 4 de Chinneadh 2010/465/AE ón gComhairle agus ó Ionadaithe Rialtais Bhallstáit an Aontais Eorpaigh, ag teacht le chéile dóibh i dtionól na Comhairle (3), tá forálacha maidir le cinnteoireacht ag an gComhairle i ndáil le hábhair éagsúla a leagtar amach sa Chomhaontú, mar a leasaítear é leis an bPrótacal chun an Comhaontú maidir le hAeriompar idir Stáit Aontaithe Mheiriceá agus an Comhphobal Eorpach agus a Bhallstáit, a síníodh an 25 agus an 30 Aibreán 2007, a leasú agus i ndáil le bunú na seasamh atá le glacadh laistigh den Chomhchoiste agus maidir le hoibleagáidí faisnéise na mBallstát, le linn chur i bhfeidhm sealadach an Chomhaontaithe. Ós rud é nach bhfuil gá a thuilleadh le forálacha cinnteoireachta na Comhairle, a leagtar amach sna Conarthaí, ná leis na forálacha maidir le hoibleagáidí faisnéise na mBallstát, ba cheart dóibh scoireadh d’fheidhm a bheith acu ar dháta theacht i bhfeidhm an Chinnidh seo. Tar éis bhreithiúnas na Cúirte Breithiúnais an 28 Aibreán 2015 i gCás C-28/12 (4), is iomchuí go scoirfeadh na forálacha maidir le seasaimh a bhunú atá le glacadh laistigh den Chomhchoiste d’fheidhm a bheith acu freisin ar dháta theacht i bhfeidhm an Chinnidh seo,

(1)

An 10 Meán Fómhair 2010, thug an Chomhairle údarú don Choimisiún chun tús a chur le caibidlíochtaí le Rialtas Dhaon-Phoblacht na Síne le haghaidh Comhaontú maidir le comhar i dtaca le tásca geografacha agus a gcosaint. Tugadh na caibidlíochtaí i gcrích go rathúil trí inisealacha a chur leis an gComhaontú idir an tAontas Eorpach agus Rialtas Dhaon-Phoblacht na Síne i dtaca le comhar i leith na dtásc geografach agus a gcosaint (“an Comhaontú”).

(2)

Féachann an Comhaontú leis an leibhéal is airde cosanta is féidir a fháil le haghaidh na dtásc geografach agus ionstraimí a sholáthar chun cosc a chur ar chleachtais mheabhlacha agus ar úsáid éagórach na dtásc geografach.

(3)

Ba cheart an Comhaontú a shíniú thar ceann an Aontais, faoi réir a thabhairt i gcrích ar dháta níos déanaí,

(1)

Leagtar síos le Rialachán Cur Chun Feidhme (AE) Uimh. 282/2011 ón gComhairle (2) forálacha mionsonraithe maidir leis na scéimeanna speisialta do dhaoine inchánach a sholáthraíonn seirbhísí áirithe do dhaoine neamh-inchánach.

(2)

Le Rialachán Cur Chun Feidhme (AE) 2019/2026 ón gComhairle (3) déantar na forálacha sin a leasú chun raon feidhme na scéimeanna speisialta atá ann cheana a leathnú agus chun scéim nua a thabhairt isteach d’fhonn creat reachtaíocht an Aontais maidir leis an gcáin bhreisluacha (CBL) a nuachóiriú i gcás na ríomhthráchtála trasteorann gnólacht le tomhaltóir (B2C). Tá na leasuithe sin le cur i bhfeidhm ón 1 Eanáir 2021.

(3)

An 30 Eanáir 2020, dhearbhaigh an Eagraíocht Dhomhanda Sláinte (EDS) gur éigeandáil sláinte poiblí arb ábhar imní ar leibhéal idirnáisiúnta í ráig COVID-19. An 11 Márta 2020, dhearbhaigh EDS gur paindéim í ráig COVID-19. Chuaigh paindéim COVID-19 i bhfeidhm ar Bhallstáit uile an Aontais. De bharr an mhéadaithe scáfair ar an líon cásanna agus an easpa modhanna éifeachtacha atá ar fáil láithreach chun dul i ngleic le paindéim COVID-19, tá staid éigeandála náisiúnta fógartha ag roinnt mhaith Ballstát.

(4)

Éigeandáil nach raibh coinne léi agus nach bhfacthas a leithéid cheana atá i bpaindéim COVID-19, ráig atá ag imirt tionchar tromchúiseach ar na Ballstáit ar fad agus a fhágann go bhfuil orthu gníomhú láithreach ar an leibhéal náisiúnta chun déileáil mar thosaíocht leis an ngéarchéim atá ar siúl trí acmhainní a cuireadh i leataobh do shaincheisteanna eile a athleithdháileadh. Mar thoradh ar an ngéarchéim seo, beidh deacrachtaí ag roinnt Ballstát an fhorbairt a chríochnú ar na córais TF atá riachtanach le haghaidh chur i bhfeidhm Rialachán Cur Chun Feidhme (AE) 2019/2026 ón 1 Eanáir 2021. Dá bhrí sin, d’iarr roinnt Ballstát chomh maith le hoibreoirí poist agus cúiréara go gcuirfí siar dátaí chur i bhfeidhm Rialachán Cur Chun Feidhme (AE) 2019/2026.

(5)

Agus na dúshláin atá le sárú ag na Ballstáit chun dul i ngleic le géarchéim COVID-19 á gcur san áireamh, chomh maith lena chur san áireamh go bhfuil na forálacha nua bunaithe ar an bprionsabal go gcaithfidh na Ballstáit ar fad na córais TF atá acu a thabhairt cothrom le dáta chun go mbeidh siad in ann Rialachán Cur Chun Feidhme (AE) 2019/2026 a chur i bhfeidhm, agus a áirithiú go ndeántar faisnéise agus íocaíochtaí faoi na scéimeanna modhnaithe a bhailiú agus a tharchur, tá sé riachtanach dátaí chur i bhfeidhm an Rialachán Cur Chun Feidhme sin a chur siar 6 mhí. Is iomchuí iad a chur siar 6 mhí, toisc gur ceart an mhoill a choinneáil chomh gairid agus is féidir chun caillteanais bhuiséadacha bhreise do Bhallstáit a íoslaghdú.

(6)

I bhfianaise thionchar suntasach an tsuaite eacnamaíoch agus deacrachtaí breise a d’fhéadfadh teacht as paindéim COVID-19, agus chun tacú le cur i bhfeidhm ceart tráthúil na rialacha nua ríomhthráchtála CBL, d’fhéadfadh an Coimisiún oibriú i ndlúthchomhar leis na Ballstáit lena mbaineann chun faireachán a dhéanamh ar oiriúnú na gcóras náisiúnta TF agus chun cúnamh teicniúil a chur ar fáil nuair is gá sin.

(7)

Ba cheart, dá bhrí sin, Rialachán Cur Chun Feidhme (AE) 2019/2026 a leasú dá réir,

(1)

i bpointe (5) d’Airteagal 1, cuirtear an méid seo a leanas in ionad mhír 1 nua d’Airteagal 61 de Rialachán Cur Chun Feidhme (AE) Uimh. 282/2011:

(2)

in Airteagal 2, cuirtear an méid seo a leanas in ionad an dara mír agus an tríú mír:

“Beidh feidhm aige ón 1 Iúil 2021.

Bíodh sin mar atá, ceadóidh na Ballstáit do dhaoine inchánach agus idirghabhálaithe atá ag gníomhú thar a gceann, ón 1 Aibreán 2021 an fhaisnéis a chur isteach a cheanglaítear de réir Airteagail 360, 369c nó 369o de Threoir 2006/112/CE chun clárú faoi chuimsiú na scéimeanna speisialta.”.

(1)

Shínigh an tAontas agus a Bhallstáit an Comhaontú Comhpháirtíochta Eacnamaíche eatramhach idir Gána, de pháirt amháin (1), (“an Comhaontú”) agus an Comhphobal Eorpach agus a Bhallstáit, den pháirt eile, an 28 Iúil 2016. Tá sé á chur i bhfeidhm go sealadach idir an tAontas, de pháirt amháin, agus Gána, den pháirt eile, ón 15 Nollaig 2016 (2).

(2)

De bhun Airteagal 73(3) den Chomhaontú, tá an Coiste Comhaontú Comhpháirtíochta Eacnamaíche (CCE) freagrach as na réimsí ar fad a chumhdaítear leis an gComhaontú a riar agus as na cúraimí ar fad a luaitear sa Chomhaontú a dhéanamh. De bhun Airteagal 73(2), is é Coiste CCE a chinneann na rialacha maidir lena eagrú agus feidhmiú féin.

(3)

Tá cinneadh maidir lena Rialacha Nós Imeachta le glacadh ag Coiste CCE sa bhliain 2020.

(4)

Is iomchuí an seasamh atá le glacadh thar ceann an Aontais i gCoiste CCE a leagan síos, ós rud é go mbunófar rialacha atá ceangailteach ó thaobh an dlí de leis an gcinneadh atá beartaithe ag Coiste CCE.

(5)

Is é an rud atá in CCEnna, cuid den chaidreamh foriomlán idir an tAontas agus a Bhallstáit, de pháirt amháin, agus tíortha ACC den pháirt eile, mar a leagtar amach sa Chomhaontú Comhpháirtíochta idir comhaltaí Ghrúpa Stát na hAfraice, Mhuir Chairib agus an Aigéin Chiúin de pháirt amháin, agus an Comhphobal Eorpach agus a Bhallstáit, den pháirt eile (3), mar a leasaíodh go deireanach (Comhaontú Comhpháirtíochta Cotonou) agus, ach a mbeidh sé infheidhme, an comhaontú a thiocfaidh ina dhiaidh. Faoi Airteagal 34(1) de Chomhaontú Comhpháirtíochta Cotonou, is é is aidhm do chomhar eacnamaíoch agus trádála idir na páirtithe comhtháthú réidh céimneach tíortha ACC sa gheilleagar domhanda a chothú, agus aird chuí á tabhairt ar a roghanna polaitiúla agus ar a dtosaíochtaí forbartha, agus ar an gcaoi sin a bhforbairt inbhuanaithe a chur chun cinn agus rannchuidiú le díothú na bochtaineachta i dtíortha ACC. Sa chomhthéacs sin, is féidir a mheas gur ionstraimí forbartha mar a thagraítear dóibh in Airteagal 36(2) de Chomhaontú Comhpháirtíochta Cotonou iad CCEnna. Dá bhrí sin, cuirtear leibhéil éagsúla forbartha na bPáirtithe san áireamh sa Chomhaontú, chomh maith leis na srianta sonracha eacnamaíocha agus sóisialta atá ar Ghána agus a mhéid atá Gána ábalta a geilleagar a oiriúnú agus a choigeartú le haghaidh phróiseas an léirscaoilte. Ina theannta sin, bunaíodh Cinneadh (AE) 2016/1850 maidir le síniú agus cur i bhfeidhm sealadach an Chomhaontaithe, ar comhaontú measctha é agus ina bhfuil teideal maidir le comhpháirtíocht forbraíochta, bunaíodh é ar bhunús dlí na trádála agus ar bhunús dlí an chomhair um fhorbairt araon. Ba cheart sin a léiriú freisin sa Chinneadh seo,

(1)

Féadfaidh Coláiste Eurojust (“an Coláiste”) Rialacha Nós Imeachta Eurojust (na “Rialacha Nós Imeachta”) a leasú agus an nós imeachta céanna á leanúint acu lena nglacadh ar thogra an Bhoird Feidhmiúcháin nó ar an tríú cuid de chomhaltaí an Choláiste, i gcomhréir le hAirteagal 5(5) de Rialachán (AE) 2018/1727 agus le hAirteagal 18 de na Rialacha Nós Imeachta. Beidh na leasuithe sin ar na Rialacha Nós Imeachta le formheas ag an gComhairle trí bhíthin gníomhartha cur chun feidhme.

(2)

D’fhormheas an Coláiste dréachtleasuithe ar na Rialacha Nós Imeachta, i gcomhréir le hAirteagal 5(5) de Rialachán (AE) 2018/1727, an 14 Iúil 2020.

(3)

Ba cheart don Chomhairle na Rialacha Nós Imeachta a fhormheas.

(4)

Níl Rialachán (AE) 2018/1727 ina cheangal ar an Danmhairg agus dá bhrí sin níl sí rannpháirteach i nglacadh ná i gcur chun feidhme an Chinnidh seo, ar leis a chuirtear Rialachán (AE) 2018/1727 chun feidhme.

(5)

Tá Rialachán (AE) 2018/1727 ina cheangal ar Éirinn agus dá bhrí sin tá sí rannpháirteach i nglacadh agus i gcur chun feidhme an Chinnidh seo, ar leis a chuirtear Rialachán (AE) 2018/1727 chun feidhme,

(1)

Rinne an Comhphobal Eorpach an Comhaontú idir an Comhphobal Eorpach, de pháirt amháin, agus Rialtas na Danmhairge agus Rialtas Baile Oileáin Fharó, den pháirt eile (“an Comhaontú”), a thabhairt i gcrích trí bhíthin Cinneadh 97/126/CE (1) ón gComhairle, agus tháinig sé i bhfeidhm an 1 Eanáir 1997.

(2)

De bhun Airteagal 34 den Chomhaontú, féadfaidh an Comhchoiste arna bhunú faoi Airteagal 31 den Chomhaontú (“an Comhchoiste”) forálacha na bPrótacal a ghabhann leis an gComhaontú a leasú.

(3)

Tar éis caibidlíocht a dhéanamh, chomhaontaigh an tAontas agus Rialtas Baile Oileáin Fharó forálacha áirithe de na Prótacail a ghabhann leis an gComhaontú a leasú, eadhon, Prótacal 1, a bhaineann leis an gcóir taraife agus na socruithe is infheidhme maidir le hiasc agus táirgí iascaigh áirithe a scaoiltear chun saorchúrsaíochta sa Chomhphobal nó a allmhairítear isteach in Oileáin Fharó, agus Prótacal 4, a bhaineann leis na forálacha speisialta is infheidhme maidir le hallmhairiú táirgí talmhaíochta áirithe seachas na cinn a liostaítear i bPrótacal 1. Tá sé d’aidhm ag na leasuithe sin scóip na rochtana atá ag an dá Pháirtí ar an margadh a leathnú i gcás táirgí roghnaithe.

(4)

Tá an Comhchoiste le cinneadh a ghlacadh maidir leis na leasuithe ar Phrótacail 1 agus 4.

(5)

Is iomchuí an seasamh atá le glacadh thar ceann an Aontais laistigh den Chomhchoiste a leagan síos, a mhéid a bhaineann le glacadh na leasuithe ar Phrótacail 1 agus 4, ós rud é go mbeidh an cinneadh lena leasófar na Prótacail sin ceangailteach ar an Aontas,

(1)

An 29 Feabhra 2020 chuaigh téarma oifige an Uas. Oskar HERICS in éag.

(2)

Ba cheart, dá bhrí sin, comhalta nua a cheapadh ar an gCúirt Iniúchóirí,

(1)

Is le Rialachán (AE) 2017/1939 a bunaíodh Oifig an Ionchúisitheora Phoiblí Eorpaigh (OIPE). Is é an Coimisiún atá freagrach as bunú OIPE agus oibriú tosaigh OIPE ó thaobh an riaracháin de go dtí go mbeidh an acmhainneacht ag OIPE a bhuiséad féin a chur chun feidhme.

(2)

Tá na hIonchúisitheoirí Eorpacha chun imscrúduithe agus ionchúisimh a mhaoirsiú i gcomhréir le hAirteagal 12 de Rialachán (AE) 2017/1939.

(3)

I gcomhréir leis an dara fomhír d’Airteagal 120(2) de Rialachán (AE) 2017/1939, tá OIPE chun na cúraimí imscrúdaithe agus ionchúisimh a tugadh dó faoin Rialachán sin a ghlacadh air féin ar dháta atá le cinneadh trí chinneadh ón gCoimisiún ar thogra ón bPríomh‐Ionchúisitheoir Eorpach a luaithe a chuirfear OIPE ar bun.

(4)

Is le Cinneadh (AE) 2019/1798 ó Pharlaimint na hEorpa agus ón gComhairle (5) a ceapadh an Príomh-Ionchúisitheoir Eorpach. Chun Coláiste OIPE a bhunú, ina mbeidh an Príomh‐Ionchúisitheoir Eorpach agus Ionchúisitheoir Eorpach amháin ó gach Ballstát rannpháirteach, is gá don Chomhairle na hIonchúisitheoirí Eorpacha a cheapadh.

(5)

Leagtar síos i gCinneadh Cur Chun Feidhme (AE) 2018/1696 rialacha oibriúcháin an phainéil roghnúcháin dá bhforáiltear in Airteagal 14(3) de Rialachán (AE) 2017/1939 (“rialacha oibriúcháin an phainéil roghnúcháin”).

(6)

De bhun Airteagal 16(1) de Rialachán (AE) 2017/1939, tá gach Ballstát rannpháirteach le triúr iarrthóirí ar phost an Ionchúisitheora Eorpaigh a ainmniú as measc iarrthóirí atá ina gcomhaltaí gníomhacha de sheirbhís ionchúisithe nó de bhreithiúnacht an Bhallstáit ábhartha, nach bhfuil a neamhspleáchas inchurtha in amhras agus ag a bhfuil na cáilíochtaí is ga lena gceapadh d'ardoifig ionchúisimh nó bhreithiúnach ina mBallstáit faoi seach, agus ag a bhfuil an taithí phraiticiúil ar chórais dlí náisiúnta, ar imscrúduithe airgeadais agus ar chomhar breithiúnach idirnáisiúnta in ábhair choiriúla.

(7)

Tharraing an painéal roghnúcháin suas na tuairimí réasúnaithe agus an rangú do gach ceann de na hiarrthóirí ainmnithe a chomhlíon na coinníollacha a leagtar amach in Airteagal 16(1) de Rialachán (AE) 2017/1939, agus chuir sé faoi bhráid na Comhairle iad, a fuair iad an 29 Bealtaine, 20 Meitheamh, 11 Deireadh Fómhair, 18 Samhain agus10 Nollaig 2019, agus an 16 Iúil 2020.

(8)

De bhun an cheathrú mír de Riail VII.2 de rialacha oibriúcháin an phainéil roghnúcháin, rinne an painéal roghnúcháin na hiarrthóirí a rangú de réir a gcáilíochtaí agus a dtaithí. Cuirtear ord rogha an phainéil roghnúcháin in iúl leis an rangú sin agus níl sé ina cheangal ar an gComhairle.

(9)

I gcomhréir le hAirteagal 16(2) de Rialachán (AE) 2017/1939, tar éis di na tuairimí réasúnaithe ón bpainéal roghnúcháin a fháil, tá an Chomhairle chun duine de na hiarrthóirí a roghnú agus a cheapadh mar Ionchúisitheoir Eorpach an Bhallstáit rannpháirtigh lena mbaineann.

(10)

I gcomhréir le hAirteagal 16(3) de Rialachán (AE) 2017/1939, tá an Chomhairle, ag gníomhú di trí thromlach simplí, chun na hIonchúisitheoirí Eorpacha a roghnú agus a cheapadh ar feadh téarma neamh-inathnuaite 6 bliana. Féadfaidh an Chomhairle a chinneadh go bhfadófar an sainordú ar feadh uastréimhse 3 bliana ag deireadh na tréimhse 6 bliana.

(11)

Leagtar síos i gCinneadh Cur Chun Feidhme (AE) 2019/598 rialacha idirthréimhseacha i ndáil le ceapachán Ionchúisitheoirí Eorpacha do chéad tréimhse an tsainordaithe agus le linn na tréimhse sin, tar éis do theacht i bfheidhm Rialachán (AE) 2017/1939. I gcomhréir le hAirteagal 2(1) de Chinneadh Cur chun Feidhme (AE) 2019/598, sula gceapfar Ionchúisitheoirí Eorpacha, táthar chun grúpa a bhunú trí chrannchur a dhéanamh, grúpa ina mbeidh aon trian de líon na mBallstát atá rannpháirteach tráth chur i bhfeidhm na rialacha idirthréimhseacha sin. Rinneadh an crannchur ar an 20 Bealtaine 2019 agus is iad na Ballstáit atá sa ghrúpa sin an Ghréig, an Spáinn, an Iodáil, an Chipir, an Liotuáin, an Ísiltír, an Ostair agus an Phortaingéil. Le hAirteagal 3 den Chinneadh Cur Chun Feidhme sin, foráiltear gur téarma neamh-inathnuaite 3 bliana a bheidh i dtéarma na nIonchúisitheoirí Eorpacha ón ngrúpa Ballstát sin.

(12)

Mheasúnaigh an Chomhairle fiúntais faoi seach na n‐iarrthóirí, agus na tuairimí réasúnaithe a chuir an painéal roghnúcháin isteach á gcur san áireamh. I dtaca leis an tuairim réasúnaithe a bhaineann leis na hiarrthóirí arna n‐ainmniú ag Málta, bunaítear go leordhóthanach leis na forais a chuir an painéal roghnúcháin ar aghaidh gurb amhlaidh, i bhfianaise na n‐imthosca eisceachtúla sa Bhallstát sin, nach féidir leis an mBallstát sin go hoibiachtúil teacht ar a thuilleadh iarrthóirí incháilithe faoi cheann tréimhse réasúnach, ainneoin go ndearna an Ballstát sin gach iarracht déanamh amhlaidh. Dá bhrí sin, comhlíontar na coinníollacha a leagtar amach sa tríú mír de Riail VII.2. de rialacha oibriúcháin an phainéil roghnúcháin. I bhfianaise na n‐imthosca eisceachtúla thuasluaite, mheas an Chomhairle gur thug an tuairim réasúnaithe a cuireadh isteach i dtaca leis na hiarrthóirí a d'ainmnigh Málta rogha dhóthanach iarrthóirí oiriúnacha di agus, ós rud é go mbeadh iarmhairtí tromchúiseacha diúltacha ar éifeachtacht dhlí an Aontais ag aon mhoill bhreise i gceapadh na nIonchúisitheoirí Eorpacha, chinn sí imeacht ar aghaidh ar an mbonn sin.

(13)

Mar thoradh ar an measúnú sin, lean an Chomhairle an t‐ord rogha neamhcheangailteach a léirigh an painéal roghnúcháin do na hiarrthóirí arna n‐ainmniú ag an tSeicia, an nGearmáín, an Eastóin, an nGréig, an Spáinn, an bhFrainc, an gCróit, an Iodáil, an gCipir, an Laitvia, an Liotuáin, Lucsamburg, Málta, an Ísiltír, an Ostair, an Rómáin, an tSlóivéin, an tSlóvaic agus an bhFionlainn. Maidir leis na hiarrthóirí arna n‐ainmniú ag an mBeilg, an mBulgáir agus an bPortaingéil, níor lean an Chomhairle an t‐ord rogha neamhcheangailteach a chuir an painéal roghnúcháin isteach, ar bhonn measúnú eile ar fhiúntais na n‐iarrthóirí sin a rinneadh i gcomhlachtaí ábhartha ullmhúcháin na Comhairle,

Yves VAN DEN BERGE (6)

Teodora GEORGIEVA (7)

Petr KLEMENT (8)

Andrés RITTER (9)

Kristel SIITAM-NYIRI (10)

Frédéric BAAB (11)

Tamara LAPTOŠ (12)

Gatis DONIKS (13)

Gabriel SEIXAS (14)

Yvonne FARRUGIA (15)

Cătălin-Laurențiu BORCOMAN (16)

Mr Jaka BREZIGAR (17)

Juraj NOVOCKÝ (18)

Mr Harri TIESMAA (19)

Dimitrios ZIMIANITIS (20)

María Concepción SABADELL CARNICERO (21)

Danilo CECCARELLI (22)

Katerina LOIZOU (23)

Tomas KRUŠNA (24)

Daniëlle GOUDRIAAN (25)

Ingrid MASCHL-CLAUSEN (26)

José Eduardo MOREIRA ALVES D'OLIVEIRA GUERRA (27)