Ir-Regolament tal-Kummissjoni (KE) Nru 1843/2003

tas-17 ta’ Ottubru 2003

li jiffissa l-perċentaġġi tad-deprezzament li għandhom ikunu applikati meta l-prodotti agrikoli jinbiegħu fi kwantitajiet kbar matul is-sena finanzjarja 2004

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat ir-Regolament tal-Kunsill (KEE) Nru 1883/78 tat-2 ta’ Awissu 1978 li jippreskrivi r-regoli ġenerali għall-iffinanzjament ta’ l-interventi mit-Taqsima Garanziji tal-Fond Ewropew għall-Gwida u l-Garanzija Agrikoli [1], kif emendat l-aħħar bir-Regolament (KE) Nru 1259/96 [2], u l-aktar it-tieni sentenza ta’ l-Artiklu 8(1) miġjuba fih,

Billi:

(1) Skond l-Artiklu 8 tar-Regolamenti (KEE) Nru 1883/78, id-deprezzament tal-prodotti agrikoli maħżuna f’imħażen pubbliċi għandu jsir meta dawn jinbiegħu fi kwantitajiet kbar. Il-perċentaġġ tad-deprezzament m’għandux ikun aktar mid-differenza ta’ bejn il-prezz tax-xiri fi kwantitajiet kbar u dak mistenni mid-disponiment għal kull wieħed minn dawn il-prodotti.

(2) Skond l-Artiklu 8(3) tar-Regolament (KEE) Nru 1883/78, il-Kummissjoni tista’ tirrestrinġi d-deprezzament fiż-żmien tax-xiri għal proporzjon ta’ dan il-perċentaġġ ta’ deprezzament, iżda dan il-proporzjon jista’ ma jkunx inqas minn 70 % tad-deprezzament totali. Il-koeffiċjenti għandhom ikunu ffissati għal ċerti prodotti għas-sena finanzjarja 2004, li dawn għandhom ikunu applikati mill-aġenziji ta’ intervent għall-valuri tax-xiri fi kwantitajiet kbar ta’ kull xahar ta’ dawk il-prodotti, u dan biex l-aġenziji jkunu jistgħu jistabbilixxu l-ammonti tad-deprezzament.

(3) Il-miżuri msemmija f’dan ir-Regolament huma fi qbil ma’ l-opinjoni tal-Kumitat tal-GFGGA,

ADOTTAT DAN IR-REGOLAMENT:

L- Artiklu 1

1. Dwar il-prodotti li jidhru fl-Anness li nxtraw fi kwantitajiet kbar b’intervent pubbliku, u li kienu nħażnu jew ittieħdu mill-aġenziji ta’ intervent bejn l-1 ta’ Ottubru 2003 u t-30 ta’ Settembru 2004, l-awtoritajiet għandhom jiddeprezzaw l-valur tagħhom biex jagħmlu tajjeb għad-differenza bejn il-prezzijiet tax-xiri għall-ħażna u l-prezzijiet mistennija tal-bejgħ tal-prodotti relevanti.

2. Biex ikunu ffissati l-ammonti tad-deprezzament, l-aġenziji ta’ intervent għandhom jgħoddu għall-valuri tal-prodotti mibjugħa fi kwantitajiet kbar ta’ kull xahar il-koeffiċjenti stabbiliti fl-Anness.

3. L-ammonti tan-nefqa stabbiliti b’dan il-mod għandhom ikunu nnotifikati lill-Kummissjoni taħt id-dikjarazzjonijiet stabbiliti skond ir-Regolament tal-Kummissjoni (KE) Nru 296/96 [3].

L- Artiklu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan għanu jkun jgħodd mill-1 ta’ Ottubru 2003.

Dan ir-Regolament għandu jorbot fil-kumplessità tiegħu u japplika direttament fl-Istati Membri kollha.

Magħmul fi Brussel, fis-17 ta’ Ottubru 2003.

Ghall-Kummissjoni

Franz Fischler

Membru tal-Kummissjoni

[1] ĠU L 216, tal-5.08.78, p. 1.

[2] ĠU L 163, tat-2.07.96, p. 10.

[3] ĠU L 39, tas-17.02.96, p. 5.

--------------------------------------------------

L-ANNESS

Koeffiċjenti tad-deprezzament li għandhom ikunu jgħoddu għall-valuri tax-xiri fi kwantitajiet kbar ta’ kull xahar

Prodotti | Koeffiċjenti |

Qamħ komuni għall-produzzjoni tal-ħobż | — |

Ix-xgħir | — |

Is-segala | 0,20 |

Il-qamħ ir-rum | 0,10 |

Is-sorgu | 0,10 |

Ir-ross bil-fosdqa | 0,40 |

Alkoħol | 0,65 |

Butir | 0,45 |

Trab tal-ħalib xkumat | 0,20 |

Kwartijiet taċ-ċanga | 0,25 |

Ċanga bla għadam | 0,25 |

--------------------------------------------------