16.12.2015   

MT

Il-Ġurnal Uffiċjali tal-Unjoni Ewropea

C 418/1

16.12.2015   

MT

Il-Ġurnal Uffiċjali tal-Unjoni Ewropea

C 418/4

(1)

Bid-Deċiżjoni tiegħu tat-13 ta’ Ottubru 2015 (2), il-Kunsill ħatar il-membri u l-membri supplenti tal-Kumitat ta’ Konsulenza għall-Koordinazzjoni ta’ Sistemi ta’ Sigurtà Soċjali għall-perjodu mill-20 ta’ Ottubru 2015 sad-19 ta’ Ottubru 2020.

(2)

Il-Gvern tad-Danimarka ppreżenta nomini oħra għal diversi karigi li għandhom jimtlew,

16.12.2015   

MT

Il-Ġurnal Uffiċjali tal-Unjoni Ewropea

C 418/6

1.

IFAKKAR li taħt l-Artikolu 168 tat-Trattat dwar il-Funzjonament tal-Unjoni Ewropea livell għoli ta’ ħarsien tas-saħħa fiżika u mentali għandu jkun assigurat fid-definizzjoni u l-implimentazzjoni tal-istrateġiji u l-attivitajiet kollha tal-Unjoni, u li l-azzjoni tal-Unjoni, li għandha tikkomplementa l-politika nazzjonali, għandha tkun diretta lejn it-titjib tas-saħħa pubblika, lejn il-prevenzjoni tal-mard, u lejn l-evitar tal-fonti ta’ periklu għas-saħħa umana. Din l-azzjoni għandha tkopri wkoll il-ġlieda kontra il-flaġelli kbar tas-saħħa, billi b’mod partikolari tinkoraġġixxi riċerka fuq il-kawża tagħhom u l-prevenzjoni tagħhom, kif ukoll informazzjoni u edukazzjoni dwar is-saħħa;

L-Unjoni għandha tinkoraġġixxi l-kooperazzjoni bejn l-Istati Membri fil-qasam tas-saħħa pubblika u, jekk meħtieġ, tagħti sostenn lill-azzjoni tagħhom. L-Unjoni u l-Istati Membri għandhom jikkultivaw kooperazzjoni ma’ pajjiżi terzi u mal-organizzazzjonijiet internazzjonali kompetenti. L-azzjoni tal-Unjoni għandha tirrispetta bis-sħiħ ir-responsabbiltajiet tal-Istati Membri fir-rigward tad-definizzjoni tal-politika tas-saħħa tagħhom, kif ukoll l-organizzazzjoni u l-għoti ta’ servizzi tas-saħħa u tal-kura medika, kif ukoll l-allokazzjoni tar-riżorsi assenjati lilhom;

2.

IFAKKAR li l-użu ta’ ħsara tal-alkoħol ingħaraf bħala fattur ta’ riskju importanti stabbilit fil-komunikazzjoni mill-Kummissjoni dwar l-istrateġija tal-Komunità Ewropea fil-qasam tas-saħħa (1) u li l-azzjonijiet biex titnaqqas il-ħsara relatata mal-alkoħol ġew iffinanzjati mit-tieni u t-tielet Programm tal-Unjoni fil-Qasam tas-Saħħa (2);

3.

IFAKKAR fir-Rakkomandazzjoni tal-Kunsill tal-2001 dwar ix-xorb tal-alkoħol miż-żgħażagħ (3), li stiednet lill-Kummissjoni biex, f’kooperazzjoni mal-Istati Membri, tagħmel użu sħiħ mill-politiki Komunitarji kollha biex tindirizza l-materji koperti fir-rakkomandazzjoni, fost l-oħrajn, l-iżvilupp fil-livell nazzjonali u dak Ewropew ta’ politiki komprensivi għall-promozzjoni tas-saħħa li jindirizzaw l-alkoħol;

4.

IFFAKAR fl-Istrateġija tal-UE li tappoġġa lill-Istati Membri għat-tnaqqis ta’ ħsara relatata mal-alkoħol (2006–2012) (4) kif ukoll il-Konklużjonijiet tal-Kunsill tal-2001 (5), 2004 (6) u 2006 (7), li jistiednu lill-Kummissjoni tressaq strateġija komprensiva mmirata lejn it-tnaqqis tal-ħsara relatata mal-alkoħol, l-istabbiliment tal-Kumitat dwar il-Politika u l-Azzjoni Nazzjonali dwar l-Alkoħol (CNAPA) għall-appoġġ tal-implimentazzjoni ta’ tali strateġija, kif ukoll il-Konklużjonijiet tal-Kunsill tal-2009 (8) li jistiednu lill-Kummissjoni biex tiddefinixxi l-prijoritajiet għall-fażi li jmiss tal-ħidma tal-Kummissjoni dwar l-alkoħol u s-saħħa wara t-tmiem tal-ewwel Strateġija tal-UE dwar l-Alkoħol fl-2012;

5.

JILQA’ r-Riżoluzzjoni tal-Parlament Ewropew dwar Strateġija dwar l-Alkoħol tad-29 ta’ April 2015 li titlob Strateġija ġdida tal-UE dwar l-Alkoħol (2016-2022) (9), u li ttenni l-importanza ta’ impenn politiku b’saħħtu mill-Kummissjoni, il-Parlament, il-Kunsill u l-Istati Membri biex jiżdiedu l-isforzi għall-prevenzjoni tal-ħsara relatata mal-alkoħol;

6.

JILQA’ l-Istrateġija Globali tal-WHO biex jitnaqqas l-użu ta’ ħsara tal-alkoħol (10) u l-pjan ta’ azzjoni Ewropew tal-WHO biex jitnaqqas l-użu ta’ ħsara tal-alkoħol 2012–2020 (11);

7.

JINNOTA BI TĦASSIB li, skont ir-Rapport tal-Istatus Globali tal-WHO dwar l-alkoħol u s-saħħa (12), l-użu ta’ ħsara tal-alkoħol huwa fost il-fatturi dinjija ewlenin ta’ riskju ta’ mard u diżabbiltà, u li l-Unjoni Ewropea hija r-reġjun bl-ogħla konsum ta’ alkoħol fid-dinja b’konsum medju ta’ alkoħol mill-adulti (ta’ 15-il sena jew aktar) ta’ 10,1 litri ta’ alkoħol pur fl-2012 (13);

8.

JINNOTA BI TĦASSIB li, skont ir-rapport tal-Organizzazzjoni għall-Kooperazzjoni u l-Iżvilupp Ekonomiċi (OECD) dwar “Tackling Harmful Alcohol Use - Economics and Public Health Policy” (14), ix-xorb b’mod regolari u eċċessiv qiegħed jiżdied f’xi Stati Membri, u hemm tħassib ġenerali dwar iż-żieda allarmanti fil-konsum tal-alkoħol fost iż-żgħażagħ (minuri u adulti żgħażagħ) u n-nisa f’ħafna Stati Membri, u li l-abbuż mill-alkoħol ma għandux biss impatt negattiv fuq is-saħħa tal-individwi, iżda wkoll fuq is-soċjetà b’mod ġenerali;

9.

JENFASIZZA li t-tnaqqis tal-piż tal-mewt, il-mard kroniku u il-feriti kroniċi, il-vjolenza, l-inugwaljanzi fis-saħħa u konsegwenzi soċjali oħra għal partijiet terzi relatati mal-alkoħol u li jistgħu jiġu evitati, kif ukoll tal-imġiba ta’ xorb riskjuża b’mod partikolari fost iż-żgħażagħ, sar tħassib komuni u li l-kooperazzjoni u l-koordinazzjoni fil-livell tal-UE jkunu ta’ valur miżjud;

10.

JENFASSIZA li l-prevenzjoni tal-ħsara relatata mal-alkoħol tirrapreżenta investiment neċessarju, li huwa ta’ benefiċċju għall-ekonomija peress li tippermetti l-limitazzjoni fit-tul tat-telf ekonomiku u n-nefqa fil-kura tas-saħħa, fost oħrajn permezz tat-tnaqqis tal-piż tal-mard kroniku, inkluż il-kanċer, u ż-żieda tal-produttività tal-forza tax-xogħol;

11.

JENFASIZZA wkoll li t-tnaqqis tal-użu ta’ ħsara tal-alkoħol għandu wkoll effett pożittiv fuq is-sigurtà pubblika u s-sigurtà fit-toroq, b’mod partikolari fuq it-tnaqqis tal-imwiet u l-korrimenti dovuti għal inċidenti tat-toroq;

12.

JINNOTA li t-tnaqqis tal-ħsara relatata mal-alkoħol jirrikjedi azzjonijiet fuq firxa ta’ oqsma ta’ politika u li jinvolvu ħafna setturi fis-soċjetà kollha, kemm fil-livell nazzjonali kif ukoll fil-livell tal-UE;

13.

ITENNI t-talba għal strateġija tal-UE dwar it-tnaqqis tal-ħsara relatata mal-alkoħol espressa minn għadd kbir ta’ Ministri fil-laqgħa informali tal-Ministri għas-saħħa tal-21 ta’ April 2015 kif ukoll fil-Kunsill EPSCO tad-19 ta’ Ġunju 2015, u jissottolinja l-fatt li tali strateġija tista’ tappoġġa u tikkomplementa aktar il-politiki nazzjonali dwar is-saħħa pubblika.

14.

IKOMPLU jippromwovu approċċ multisettorjali fir-rigward tat-tnaqqis tal-ħsara relatata mal-alkoħol fil-livell nazzjonali u dak tal-UE u jsaħħu jew jiżviluppaw, kif xieraq, strateġiji jew pjanijiet ta’ azzjoni nazzjonali komprensivi mfassla għal tradizzjonijiet lokali u reġjonali speċifiċi;

15.

JADOTTAW miżuri xierqa biex jindirizzaw il-protezzjoni taż-żgħażagħ mill-użu ta’ ħsara tal-alkoħol, b’mod partikolari fil-qasam tal-età legali tax-xorb u l-esponiment għall-kummerċjalizzazzjoni u JKOMPLU jappoġġaw l-informazzjoni u l-edukazzjoni dwar l-użu ta’ ħsara tal-alkoħol u b’mod partikolari dwar imġiba ta’ xorb riskjuża.

16.

ISAĦĦU l-kooperazzjoni fl-identifikazzjoni ta’ miżuri effettivi u l-aħjar prattiki mmirati lejn it-tnaqqis tal-impatti fuq is-saħħa u dawk soċjali kif ukoll l-inugwaljanzi fis-saħħa li ġejjin mill-użu ta’ ħsara tal-alkoħol, filwaqt li jiffukaw b’mod partikolari fuq il-prevenzjoni ta’ imġiba ta’ xorb riskjuża fost iż-żgħażagħ, fuq in-nies li jikkunsmaw l-alkoħol f’livelli ta’ ħsara jew b’xejriet ta’ xorb ta’ ħsara, fuq il-konsum tal-alkoħol waqt it-tqala u fuq is-sewqan taħt l-influwenza tal-alkoħol;

17.

IKOMPLU jappoġġaw il-ħidma tas-CNAPA, filwaqt li jieħdu kont tar-riżultati tar-rapport tal-implimentazzjoni dwar l-ewwel Strateġija tal-UE dwar l-Alkoħol (15) kif ukoll l-involviment tal-partijiet ikkonċernati fil-livell nazzjonali u dak Ewropew biex titnaqqas il-ħsara relatata mal-alkoħol;

18.

JAGĦRFU l-ħtieġa li jitkompla l-ġbir ta’ informazzjoni fil-livell tal-UE dwar l-implimentazzjoni ta’ leġislazzjoni nazzjonali relatata mal-alkoħol, filwaqt li jiġu rispettati l-kompetenzi nazzjonali kif ukoll it-tradizzjonijiet soċjali u kulturali fil-livell reġjonali u dak lokali;

19.

JIKKUNSIDRAW, b’mod partikolari fid-dawl tar-rapport li għandu jiġi adottat mill-Kummissjoni f’konformità mal-Artikolu 16(4) tar-Regolament (UE) Nru 1169/2011 tal-Parlament Ewropew u tal-Kunsill (16) dwar l-għoti ta’ informazzjoni dwar l-ikel lill-konsumaturi, il-possibbiltà tal-introduzzjoni ta’ tikkettar mandatorju tal-ingredjenti u d-dikjarazzjoni dwar in-nutrizzjoni, b’mod partikolari tal-valur enerġetiku, ta’ xorb alkoħoliku.

20.

TKOMPLI tappoġġa lill-Istati Membri fl-isforzi tagħhom biex inaqqsu l-ħsara relatata mal-alkoħol, filwaqt li tirrispetta b’mod sħiħ il-prinċipji tas-sussidjarjetà u l-proporzjonalità;

21.

TADOTTA sa tmiem l-2016, filwaqt li tirrispetta b’mod sħiħ il-kompetenzi tal-Istati Membri, strateġija komprensiva tal-UE dedikata għat-tnaqqis tal-ħsara relatata mal-alkoħol u li tinkludi azzjonijiet fil-politiki kollha tal-UE sabiex jiġu indirizzati il-konsegwenzi ta’ saħħa, soċjali u ekonomiċi tal-użu ta’ ħsara tal-alkoħol. Din l-istrateġija dedikata tal-UE għandha tiffoka fuq inizjattivi dwar it-tnaqqis tal-ħsara relatata mal-alkoħol b’dimensjoni transkonfinali u valur miżjud tal-UE bħala segwitu għall-ewwel Strateġija dwar l-Alkoħol tal-UE (2006–2012) u għandha tqis il-ħidma mwettqa mis-CNAPA kif ukoll il-ħidma li saret taħt l-Istrateġija Globali dwar l-Alkoħol tal-WHO u l-pjan ta’ azzjoni Ewropew tal-WHO biex jitnaqqas l-użu ta’ ħsara tal-alkoħol 2012–2020;

22.

TIRRAPORTA lill-Kunsill dwar ir-riżultati tal-ħidma u l-progress tagħha fil-qasam tat-tnaqqis tal-ħsara relatata mal-alkoħol.

16.12.2015   

MT

Il-Ġurnal Uffiċjali tal-Unjoni Ewropea

C 418/9

1.

IFAKKAR li skont l-Artikolu 168 tat-Trattat dwar il-Funzjonament tal-Unjoni Ewropea, livell għoli ta’ ħarsien tas-saħħa umana għandu jkun assigurat fid-definizzjoni u l-implimentazzjoni tal-politiki u l-attivitajiet kollha tal-Unjoni, u li l-azzjoni tal-Unjoni, li għandha tikkomplementa l-politiki nazzjonali, għandha tkun diretta lejn it-titjib tas-saħħa pubblika. L-Unjoni għandha tinkoraġġixxi l-kooperazzjoni bejn l-Istati Membri fil-qasam tas-saħħa pubblika u, jekk meħtieġ, tagħti sostenn lill-azzjonijiet tagħhom u trawwem il-kooperazzjoni ma’ organizzazzjonijiet internazzjonali kompetenti. L-azzjoni tal-Unjoni għandha tirrispetta b’mod sħiħ ir-responsabbiltajiet tal-Istati Membri għall-organizzazzjoni u l-għoti ta’ servizzi tas-saħħa u kura medika, inkluż l-allokazzjoni tar-riżorsi assenjati lilhom;

2.

JINNOTA BI TĦASSIB li 47,5 miljun ruħ fid-dinja kollha bħalissa qegħdin jgħixu bid-demenzja, b’58 % minnhom jgħixu f’pajjiżi bi dħul baxx u medju. Huwa stmat li fl-Unjoni Ewropea 6,4 miljun ruħ jgħixu bid-demenzja (1);

3.

IFAKKAR li d-demenzja hija waħda mill-kawżi prinċipali ta’ diżabilità u dipendenza fost l-anzjani madwar id-dinja u li għandha impatt fiżiku, psikoloġiku, soċjali u ekonomiku fuq il-persuni li jgħixu bid-demenzja u l-familji tagħhom u dawk li jieħdu ħsiebhom, kif ukoll fuq is-soċjetà (2);

4.

IFAKKAR li filwaqt li l-maġġoranza tal-persuni bid-demenzja huma anzjani, hemm ukoll għadd sinifikanti ta’ persuni b’bidu bikri tad-demenzja;

5.

JENFASIZZA d-drittijiet tal-pazjenti, b’mod partikolari dawk relatati mad-dinjità tal-bniedem, kif stabbilit fil-Karta tad-Drittijiet Fundamentali tal-UE (3);

6.

JIRRIKONOXXI li l-persuni jistgħu jgħixu tajjeb bid-demenzja għal għadd ta’ snin, partikolarment jekk ikun hemm fis-seħħ l-aċċess, il-valutazzjoni, id-dijanjożi u l-appoġġ it-tajjeb f’waqthom;

7.

JIRRIKONOXXI l-impatt sinifikanti tad-demenzja u ta’ mard marbut mad-demenzja fuq is-sostenibbiltà finanzjarja tas-sistemi tas-saħħa u s-sigurtà soċjali;

8.

JENFASIZZA l-importanza li jiġu promossi stili ta’ ħajja f’saħħa tajba, inklużi s-saħħa tal-moħħ, tul iċ-ċiklu kollu tal-ħajja, sabiex jiżdiedu s-snin ta’ ħajja f’saħħa tajba;

9.

IFAKKAR li fehim aħjar ta’ dawn il-kondizzjonijiet huwa meħtieġ biex jintlaħqu standards għoljin ta’ saħħa għal soċjetà li qed tixjieħ, li hija waħda mill-prijoritajiet kemm tat-tieni kif ukoll tat-tielet Programm tas-Saħħa attwali (2014-2020) (4);

10.

IFAKKAR li bosta inizjattivi fil-livell tal-UE rrikonoxxew ukoll d-demenzja bħala prijorità għal azzjoni fil-kuntest tal-bidla demografika u tenna l-konsegwenzi sinifikanti taż-żieda fl-għadd ta’ persuni li jgħixu bil-marda (5);

11.

IFAKKAR fil-Konklużjonijiet tal-Kunsill adottati fis-16 ta’ Diċembru 2008 dwar strateġiji tas-saħħa pubblika għall-ġlieda kontra l-mard newrodeġenerattiv assoċjat max-xjuħija, li talab lill-Kummissjoni biex fl-2009 tadotta inizjattiva għall-ġlieda kontra dan il-mard (6);

12.

IFAKKAR li l-Kummissjoni pproponiet approċċ ġdid favur użu aħjar tal-fondi pubbliċi tal-Ewropa għar-riċerka u l-iżvilupp (R&Ż) permezz ta’ Programmazzjoni Konġunta f’oqsma ewlenin li jinkludu l-marda tal-Alzheimer. Bħala riżultat, fl-2010 tnediet l-Inizjattiva ta’ Programmazzjoni Konġunt dwar il-Mard Newrodeġenerattiv (JPND) immexxija mill-Istati Membri bil-għan li jikkoordinaw aħjar l-isforzi ta’ riċerka nazzjonali fil-qasam tal-mard newrodeġenerattiv, u b’mod partikolari l-marda tal-Alzheimer;

13.

IFAKKAR li fis-7 Programm Qafas għar-Riċerka u l-Iżvilupp Teknoloġiku (2007-2013) intefqu aktar minn EUR 576 miljun f’finanzjament dwar ir-riċerka fuq id-demenzja u l-mard newroġenerattiv bejn l-2007 u l-2013; waqt li jibni fuq dawn ir-riżultati, l-Orizzont 2020 (2014-2020), il-Qafas il-ġdid tal-UE għar-Riċerka u l-Innovazzjoni – Orizzont 2020 jippermetti li tiġi indirizzata aktar id-demenzja bħala sfida soċjetali u tas-saħħa, b’diġà aktar minn EUR 103 miljun investiti f’riċerka rilevanti għad-demenzja u azzjonijiet ta’ innovazzjoni;

14.

JILQA’ r-Riżoluzzjoni tal-Parlament Ewropew, adottata fid-19 ta’ Jannar 2011, dwar inizjattiva Ewropea dwar il-marda ta’ Alzheimer u demenzji oħrajn li tappella biex id-demenzja ssir prijorità tal-UE fil-qasam tas-saħħa u tħeġġeġ b’mod qawwi lill-Istati Membri biex jiżviluppaw pjanijiet nazzjonali ddedikati (7);

15.

IFAKKAR fl-ewwel rapport tal-Organizzazzjoni Dinjija tas-Saħħa (WHO), “Demenzja: Prijorità tas-Saħħa Pubblika” (8), ippubblikat fl-2012, li pprovda informazzjoni u qajjem sensibilizzazzjoni dwar id-demenzja u li għamel id-demenzja waħda mill-kundizzjonijiet ta’ prijorità li ġew indirizzati fil-Programm ta’ Azzjoni għas-Saħħa Mentali tad-WHO (9), li għandu l-għan li jżid il-kura għal disturbi mentali, newroloġiċi u dawk relatati mal-abbuż tad-droga;

16.

JILQA’ d-Dikjarazzjoni tal-Ministri tas-Saħħa tal-G8 dwar id-Demenzja, adottata fil-11 ta’ Diċembru 2013 fis-Summit tal-G8, biex titrawwem l-innovazzjoni għall-identifikazzjoni ta’ kura jew terapija li timmodifika l-marda tad-demenzja sal-2025 kif ukoll oqsma ta’ prijorità strateġika u biex jiżdied il-finanzjament għar-riċerka (10);

17.

IFAKKAR fil-Konferenza tal-Presidenza Taljana “Id-Demenzja fl-Ewropa: sfida għall-futur komuni tagħna”, li saret f’Ruma fl-14 ta’ Novembru 2014 (11), li tat ħarsa ġenerali tal-inizjattivi dwar id-demenzja fl-UE, b’mod partikolari dwar il-prevenzjoni, it-trattament u l-promozzjoni tas-saħħa fix-xjuħija;

18.

IFAKKAR fir-rapport tal-Organizzazzjoni għall-Kooperazzjoni u l-Iżvilupp Ekonomiċi (OECD) tat-13 ta’ Marzu 2015 intitolat “Kura aħjar għad-demenzja u kura fil-futur jeħtieġu azzjoni llum” (12), li afferma mill-ġdid il-ħtieġa li d-demenzja ssir prijorità politika;

19.

JILQA’ s-Sejħa għall-Azzjoni ffirmata mill-parteċipanti fl-ewwel Konferenza Ministerjali tad-WHO dwar Azzjoni Globali Kontra d-Demenzja f’Ġinevra fis-17 ta’ Marzu 2015, li ssottolinjat ir-rwol u r-responsabbiltà primarji tal-gvernijiet fir-rispons għall-isfida tad-demenzja u enfasizza l-ħtieġa għal azzjoni multisettorjali u koordinata fuq livell nazzjonali u globali, immirata b’mod partikolari lejn l-avvanz tal-prevenzjoni, it-tnaqqis tar-riskju, id-dijanjosi u t-trattament tad-demenzja (13);

20.

JENFASIZZA li fis-snin reċenti d-demenzja saret prijorità għolja għal aktar u aktar Stati Membri, minħabba l-fatt li l-iżvilupp, l-adozzjoni jew l-implimentazzjoni ta’ strateġiji nazzjonali, pjanijiet ta’ azzjoni jew programmi li jindirizzaw id-demenzja għaddejjin fil-maġġoranza tal-Istati Membri; li l-inizjattivi tal-Istati Membri diġà fis-seħħ jew li jinsabu fil-proċess huma bbażati fuq approċċ integrat għat-triq tal-pazjent li jikkunsidra kwistjonijiet soċjali u ta’ saħħa;

21.

JILQA’ d-diskussjoni fil-laqgħa informali tal-Ministri għas-Saħħa tal-UE fl-24 ta’ Settembru 2015 dwar it-trawwim tal-iżvilupp u l-implimentazzjoni ta’ strateġiji nazzjonali, pjanijiet ta’ azzjoni jew programmi dwar id-demenzja kif ukoll dwar l-iffaċilitar tal-iskambju tal-aħjar prattiki fil-livell tal-UE, b’kont meħud tal-attivitajiet tad-WHO;

22.

JILQA’ t-tieni Azzjoni Konġunta dwar id-Demenzja, li għandha titnieda fl-2016.

23.

JINDIRIZZAW id-demenzja bħala prijorità permezz ta’ strateġiji, pjanijiet ta’ azzjoni jew programmi nazzjonali u transversali dwar id-demenzja biex jipprovdu kura u assistenza adatta lill-persuni li jgħixu bid-demenzja, il-familji tagħhom u dawk li jieħdu ħsiebhom, filwaqt li tiġi żgurata s-sostenibbiltà tas-sistemi tas-saħħa u s-sigurtà soċjali.

24.

IKOMPLU jiddedikaw attenzjoni speċjali lit-tisħiħ tal-koordinazzjoni fl-Istati Membri ta’ politiki rilevanti fil-qasam tad-demenzja, inkluż it-tisħiħ tar-rwol tal-kura primarja.

25.

JIRRIKONOXXU li kollaborazzjoni kontinwa bejn is-setturi fost l-Istati Membri u fil-livell tal-UE – filwaqt li jieħdu kont tal-attivitajiet tad-WHO – ser tippermetti kontribut siewi biex jittejjeb l-appoġġ ta’ persuni li jgħixu bid-demenzja;

26.

JIRRIKONOXXU l-benefiċċji tal-awtonomizzazzjoni ta’ persuni li jgħixu bid-demenzja u jinkoraġġixxu l-inklużjoni tagħhom fil-proċessi ta’ teħid ta’ deċiżjonijiet billi jsaħħu r-rappreżentanza tagħhom, b’mod partikolari f’inizjattivi, organizzazzjonijiet u korpi fil-qasam tad-demenzja;

27.

JAPPOĠĠAW approċċ individwali u bbażat fuq riċerka u sensittiv għall-ġeneru fl-elaborazzjoni ta’ strateġiji, pjanijiet u programmi dwar id-demenzja, b’kont meħud ta’ gruppi bi ħtiġijiet speċifiċi, l-impatt tad-diversità kulturali fuq il-perċezzjonijiet tad-demenzja, kif ukoll l-aspettattivi u d-drittijiet ta’ persuni li jgħixu bid-demenzja u l-familji tagħhom u dawk li jieħdu ħsiebhom;

28.

JIRRIKONOXXU r-rwol importanti ta’ familji u persuni li jieħdu ħsiebhom, b’mod partikolari billi jiżguraw l-inklużjoni tagħhom fi proċessi ta’ teħid ta’ deċiżjonijiet, u l-ħtieġa li jipproteġu l-benesseri fiżiku u mentali tagħhom permezz ta’ appoġġ adegwat.

29.

JIRRIKONOXXU l-ħidma importanti tal-Grupp ta’ Esperti Governattivi dwar id-Demenzja fil-faċilitazzjoni tal-iskambju ta’ esperjenzi u prassi tajba biex jappoġġaw lill-Istati Membri fl-iżvilupp u l-implimentazzjoni ta’ strateġiji, pjanijiet jew programmi nazzjonali dwar id-demenzja;

30.

JAPPOĠĠAW il-ħidma fil-kuntest ta’ oqsma ta’ politika tal-UE li jista’ jkollhom impatt fuq il-politika dwar id-demenzja, b’mod partikolari l-Grupp ta’ Ħidma dwar is-Saħħa Pubblika fil-livell ta’ Uffiċjali Għolja kif ukoll il-Kumitat tal-Protezzjoni Soċjali (SPC) (14) u l-Kumitat għall-Politika Ekonomika (EPC) (15) dwar il-kura tas-saħħa u l-kura għal perijodu twil;

31.

IMEXXU 'L QUDDIEM, filwaqt li jirrispettaw b’mod sħiħ il-kompetenzi tal-Istati Membri, diskussjonijiet fil-livell tal-UE dwar il-kwistjonijiet li ġejjin:

32.

JINTENSIFIKAW ir-riċerka dwar id-demenzja, waqt li jibnu fuq ir-riżultat ta’ proġetti ffinanzjati mill-UE bħall-Inizjattiva ta’ Programmazzjoni Konġunta tal-UE dwar il-Mard Newrodeġenerattiv (JPND), partikolarment dwar il-fatturi ta’ riskju u l-patofiżjoloġija sottostanti tagħha, kif ukoll it-traduzzjoni ta’ interventi ta’ suċċess dwar il-ġestjoni tad-demenzja fil-prassi klinika, waqt li jikkunsidraw ukoll sħubijiet pubbliċi-pubbliċi, pubbliċi-privati u internazzjonali;

33.

JIBBENEFIKAW minn riżorsi, mudelli u għodod żviluppati b’suċċess fil-livell tal-UE, bħal dawk miġbura permezz tas-Sħubija Ewropea għal Innovazzjoni dwar it-Tixjiħ Attiv u b’Saħħtu, l-Azzjoni Konġunta ALCOVE u mill-istrateġiji żviluppati biex tiżdied il-prassi tajba;

34.

JIŻVILUPPAW, fejn adatt, f’kooperazzjoni mill-qrib mal-Grupp ta’ Esperti Governattivi dwar id-Demenzja, gwida volontarja bbażata fuq perspettiva komprensiva u integrata dwar id-demenzja, filwaqt li jitqiesu l-aspetti ta’ prevenzjoni u promozzjoni tas-saħħa kkoordinati, id-dijanjożi f’waqtha, l-appoġġ wara d-djanjożi, it-trattament u l-kura, filwaqt li jirrispettaw il-kompetenzi tal-Istati Membri;

35.

JIDENTIFIKAW u JISKAMBJAW, f’kooperazzjoni mill-qrib mal-Grupp ta’ Esperti Governattivi dwar id-Demenzja, prassi tajba, b’mod partikolari fir-rigward tal-prevenzjoni mmirata, inkluż il-prevenzjoni sekondarja, il-promozzjoni tas-saħħa, id-dijanjożi f’waqtha, l-appoġġ u t-terapija wara d-dijanjożi, ir-riċerka, it-taħriġ u l-edukazzjoni ulterjuri tal-professjonisti tas-saħħa, kif ukoll informazzjoni pubblika għall-ġlieda kontra l-istigma;

36.

ITEJBU l-kwalità tal-informazzjoni epidemjoloġika dwar id-demenzja sabiex jiffaċilitaw l-iżvilupp ta’ strateġiji, pjanijiet ta’ azzjoni jew programmi nazzjonali, kif ukoll l-iskambju ta’ prassi tajba;

37.

JENFASIZZAW il-ħidma ta’ organizzazzjonijiet mhux governattivi u x-xogħol volontarju fil-qasam tad-demenzja bil-għan li jikkontribwixxu b’mod effettiv għal strateġiji, pjanijiet ta’ azzjoni jew programmi nazzjonali.

38.

ISSAĦĦAĦ il-kooperazzjoni ta’ Stati Membri tal-Grupp ta’ Esperti Governattivi dwar id-Demenzja sabiex tiġi ffaċilitata l-kondiviżjoni tal-informazzjoni dwar oqfsa ta’ politika u prattiki tajba diġà fis-seħħ, kif ukoll biex tappoġġa lill-pajjiżi fl-iżvilupp u l-implimentazzjoni ta’ strateġiji, pjanijiet u programmi nazzjonali dwar id-demenzja;

39.

TRAWWEM il-kooperazzjoni li għaddejja mad-WHO u l-OECD dwar id-demenzja, f’koordinazzjoni mill-qrib mal-Istati Membri.

16.12.2015   

MT

Il-Ġurnal Uffiċjali tal-Unjoni Ewropea

C 418/13

16.12.2015   

MT

Il-Ġurnal Uffiċjali tal-Unjoni Ewropea

C 418/14

16.12.2015   

MT

Il-Ġurnal Uffiċjali tal-Unjoni Ewropea

C 418/15

16.12.2015   

MT

Il-Ġurnal Uffiċjali tal-Unjoni Ewropea

C 418/16

16.12.2015   

MT

Il-Ġurnal Uffiċjali tal-Unjoni Ewropea

C 418/17

1.

Fit-8 ta’ Diċembru 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Lone Star Fund IX (l-Istati Uniti tal-Amerika), takkwista, fit-tifsira tal-Artikolu 3(1)(b) tar-Regolament dwar l-Għaqdiet, il-kontroll uniku tal-impriża MRH (GB) Limited kollha kemm hi (“MRH” tar-Renju Unit) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permez tal-faks (+32 22964301), permezz tal-e-Mail lil [email protected] jew permezz tal-posta, bin-numru ta’ referenza M.7793 — Lone Star Fund IX/MRH, f’dan l-indirizz: