(1)

Wara kuntatti preliminari, fit-30 ta' Lulju 2014, Franza nnotifikat lill-Kummissjoni, bi tliet miżuri ta' appoġġ finanzjarju (self mill-ESDF), sussidji u avvanzi rimborsabbli kif ukoll abbandun eventwali ta' dejn fiskali u tas-sigurtà soċjali) inklużi fil-kuntest ta' pjan ta' ristrutturar permezz tal-kontinwazzjoni tal-kumpanija Kem One SAS (aktar 'il quddiem “Kem One” jew “l-intrapriża”).

(2)

Permezz ta' ittra datata l-1 ta' Ottubru 2014, il-Kummissjoni għarrfet lil Franza li kienet iddeċidiet li tibda l-proċedura stabbilita fl-Artikolu 108(2) tat-Trattat dwar il-Funzjonament tal-Unjoni Ewropea (“TFUE”) fir-rigward ta' dawn il-miżuri (aktar 'il quddiem “id-deċiżjoni ta' ftuħ”). Franza ssottomettiet l-osservazzjonijiet tagħha permezz ta' ittra tat-3 ta' Novembru 2014.

(3)

Id-deċiżjoni tal-Kummissjoni li tibda l-proċedura kienet ippubblikata f'Il-Ġurnal Uffiċjali tal-Unjoni Ewropea (2). Il-Kummissjoni stiednet lill-partijiet interessati jippreżentaw l-osservazzjonijiet tagħhom dwar il-miżuri inkwistjoni.

(4)

Il-Kummissjoni rċeviet l-osservazzjonjiet dwar dan is-suġġett min-naħa ta' sitt partijiet terzi interessati. Hija bagħtithom lil Franza, waqt li tatha l-possibbiltà li tikkummenta dwarhom, u rċeviet il-kummenti tagħha b'ittra tal-25 ta' Frar 2015.

(5)

Fl-20 ta' Marzu 2015, Franza ppreżentat informazzjoni addizzjonali bħala sostenn għall-osservazzjonijiet tagħha. Fl-istess ġurnata, il-Kummissjoni talbet informazzjoni supplimentari, li Franza pprovdiet fit-8 ta' Mejju 2015. Sussegwentement, fit-23 ta' Ġunju 2015, il-Kummissjoni talbet informazzjoni ulterjuri, li Franza pprovdiet fit-2 ta' Lulju 2015.

(6)

Barraminhekk, saru diversi konferenzi telefoniċi u laqgħat bejn il-Kummissjoni u l-awtoritajiet Franċiżi.

(7)

Kem One kienet sussidjarja 100 % ta' Kem One Holding, li kienet imwaqqfa fl-2012 sabiex tippermetti s-sussidjarizzazzjoni u t-tkomplija ta' attivitajiet tal-vinil ta' Arkema mill-grupp Klesch, grupp finanzjarju bbażat fl-Iżvizzera. Fl-2012, Kem One u s-sussidjarji tagħha (Kem One Italia u Kem One Hernani) iġġeneraw fatturat totali ta' EUR […] (*1) miljuni, li minnhom, EUR […] miljuni ġew iġġenerati fi Franza li hija ċ-ċentru prinċipali ta' produzzjoni u bejgħ tagħha. Huma jimpjegaw 1 315-il persuna fi Franza u madwar 80 fi Spanja u l-Italja.

Grafika 1

Struttura tal-grupp Kem One qabel ir-ristrutturar

KEM ONE International

Alphacan BV (Netherlands)

Alphacan Omniplast Gmbh

Alphacan D.o.o. (Croatia)

Alphacan Spa (Italy)

Alphacan SA (France)

Akishima Chemicals Industries Co Ltd (Japan)

Resinoplast Vietnam Ltd (Vietnam)

Changshu Resichina Engineering Polymers Co Ltd (China) 1

Resitech Germany Gmbh

Resinoplast North America SRL (Mexico)

Resilia Srl (Italy)

Plasgom (Spain)

Resinoplast (France)

KEM ONE Hernani

KEM ONE Italia

KEM ONE Trésorerie

KEM ONE Innovative Vinyls

KEM ONE SAS

KEM ONE Holding

Périmètre de l’entreprise bénéficiaire des mesures

Sors: Notifikazzjoni

(8)

Kem One twettaq diversi attivitajiet li jappartjenu għal sussidjarja integrata vertikalment mit-trasformazzjoni tal-melħ sal-ipproċessar tal-klorur tal-polivinil (PVC). Barraminhekk, Kem One tiġbor l-attivitajiet upstream li jikkonsistu fil-produzzjoni u l-kummerċjalizzazzjoni ta' prodotti klorokimiċi u tal-PVC għal diversi setturi tal-ekonomija: tal-karozzi, tal-kostruzzjoni, tas-settur agrikolu u tas-settur tas-saħħa.

Grafika 2

Attivitajiet ta' Kem One fil-katina tal-produzzjoni tal-PVC

Soda kawstika caustique

Balan (Franza)

·

[…] kt S-PVC

Lavéra (Franza)

·

[…] kt klorur

·

[…] kt VCM

·

[…] kt sodju

Fos-sur-Mer (Franza)

·

[…] kt klorur

·

[…] kt VCM

·

[…] kt sodju

Saint-Fons (Franza)

·

[…] kt M-PVC

·

[…] kt PVC-C

Hernani (Spanja)

·

[…] kt E-PVC

Saint-Aubain (Franza)

·

[…] kt E-PVC

Berre (Franza)

·

[…] kt S-PVC

PVC-C

M-PVC

E-PVC

S-PVC

Poliklorur tal-vinil (PVC)

polimerizzazzjoni

Kloru tal-vinilmonomeru (VCM)

Kraking

Dichlorure d’éthylène (EDC)

Klorazzjoni

Klorur

Etilene

Elettroliżi

NaCl

Kraking tal-NLG jew nafta

Kem One (stimi ta’ kapaċità f’kt/sena)

Katina tal-produzzjoni ta’ PVC

Sors: Il-Kummissjoni abbażi ta' informazzjoni pprovduta minn Franza u l-osservazzjonijiet ta' partijiet terzi kkonċernati

(9)

L-attivitajiet ta' Kem One għandhom bħala għan aħħari li jipproduċu ([…] % tal-fatturat) u l-kummerċjalizzazzjoni tal-PVC. Kem One tipproduċi tliet tipi ta' PVC: (i) PVC għal użu ġenerali (M-PVC u S-PVC), li jirrappreżenta […] % tal-volum tal-produzzjoni tal-PVC, (ii) emulsjoni tal-PVC (E-PVC), li jirrappreżenta […] % tal-volum tal-produzzjoni tal-PVC iżda […] % tal-marġni totali marbuta mal-attività tal-PVC, kif ukoll (iii) PVC superklorinat (PVC-C), li jirrappreżenta […] % tal-volum tal-produzzjoni tal-PVC. Jirriżulta mill-prattika deċiżjonali tal-Kummissjoni (3) li s-suq tal-PVC jinkludi żewġ segmenti distinti tas-suq: l-S-PVC u l-E-PVC. Fis-segment tal-S-PVC, għandu jkun hemm sottosegmentazzjoni supplimentari skont it-tip ta' S-PVC: S-PVC bażiku, S-PVC speċjali u mili tal-polimeru. Dan huwa l-istess għas-segment tal-E-PVC (pasta tal-PVC, E-PVC speċjali).

(10)

Barraminhekk, il-Kummissjoni kkunsidrat li dawn is-swieq probabbilment huma ta' dimensjoni Ewropea (fil-livell taż-Żona Ekonomika Ewropea, ŻEE), u huwa possibbli li, għas-segment tal-S-PVC, tinżamm żona ġeografika eqreb korrispondenti għall-Ewropa tal-Punent, anke fil-Majjistral tal-Ewropa (il-Ġermanja, il-Belġju, id-Danimarka, Franza, l-Irlanda, il-Lussemburgu, in-Norveġja, in-Netherlands, ir-Renju Unit u l-Iżvezja meħudin flimkien).

(11)

Illum, Kem One hija prinċipalment preżenti fis-suq tal-S-PVC bażiku. Kem One tqis li l-partijiet tas-suq tagħha kif ukoll dawk tal-kompetituri tagħha huma dawn li ġejjin:

Tabella 1

Partijiet tas-suq għall-S-PVC bażiku fil-Majjistral tal-Ewropa (2012-2014)

(12)

Fis-suq tal-E-PVC, Franza tqis li l-intrapriża konġunta ta' Ineos u Solvay għandha parti mis-suq f'termini ta' kapaċità ta' madwar [20-30] %, filwaqt li l-parti tas-suq ta' Vinnolit huwa ta' madwar [30-40] %, dak ta' Vestolit ta' [10-20] % u dak ta' Kem One ta' [10-20] %. Barraminhekk, it-tliet kompetituri l-aktar importanti (Vinnolit, l-intrapriża konġunta ta' Ineos u Solvay u Vestolit) flimkien jirrappreżentaw madwar [80-90] % tal-kapaċitajiet tal-produzzjoni u tal-bejgħ tal-E-PVC fl-Ewropa tal-Punent.

(13)

Minbarra l-PVC, Kem One tipproduċi u tikkummerċjalizza s-soda, il-klorometani u l-kloru għall-manifattura tal-PVC (4).

(14)

Id-diffikultajiet affaċċjati jirriżultaw minn żvantaġġi strutturali u l-kriżi globali li wasslu għal telfiet finanzjarji importanti bejn it-tieni semestru tal-2012 u l-bidu tas-sena 2013.

(15)

L-awtoritajiet Franċiżi jikkunsidraw li l-kompetittività tal-atturi tas-settur tal-PVC jiddependu fuq diversi fatturi, fosthom il-prezz tal-aċċess għall-enerġija u l-materja prima, l-integrazzjoni u d-daqs tal-unitajiet tal-katina kollha tal-vinil, l-implantazzjoni ġeografika tagħhom u l-loġistika assoċjata, it-teknoloġiji tal-unitajiet u l-possibbiltà għal ċertu atturi biex jiżviluppaw il-kloru darbtejn.

(16)

L-attivitajiet attwali ta' Kem One ġew żviluppati fil-pol tal-vinil ta' Arkema, li fl-2006 sar grupp indipendenti. Wara, fl-2012 dawn l-attivitajiet għaddew għand il-grupp Klesch. L-istruttura attwali ta' Kem One hija r-riżultat ta' diversi qtugħ li sar matul waqfien differenti ta' attivitajiet preżistenti fis-settur tal-kimika fi Franza, li wasslu għal diżintegrazzjoni vertikali tal-katina tal-etilen, ta' żvantaġġ għal Kem One minħabba l-importanza tal-ispejjeż li jirrappreżentaw ix-xiri tal-etilen fil-produzzjoni tal-PVC. Barraminhekk, Kem One ma tibbenefikax minn aċċess integrat għall-etilen, b'mod partikolari minħabba l-qtugħ tar-rabta mal-kraker tal-istim tat-Total, li jikkostitwixxi s-sors tagħha għall-provvediment tal-etilen. Il-kompetituri prinċipali ta' Kem One jibbenefikaw minn sitwazzjoni ta' integrazzjoni parzjali bis-saħħa tal-produzzjonijiet integrati tal-etilen għal parti mill-bżonnijiet tagħhom (krakers tal-istim ta' Ineos fin-Norveġja u ta' Solvay fi Franza) jew minn ftehimiet fit-tul ekwivalenti għal forma ta' integrazzjoni (dan huwa l-każ ta' SHIN-ETSU fin-Netherlands għall-aċċess għall-kraker tal-istim ta' Shell).

(17)

Minn erba' unitajiet tal-elettroliżi, waħda biss tista' tiġi kkunsidrata bħala teknoloġikament moderna u tlieta jikkunsmaw ħafna enerġija (l-impjanti tal-elettroliżi dijaframmika f'Fos-sur-Mer u Lavéra u tal-elettroliżi tal-merkurju f'Lavéra.) Bejn l-2003 u l-2013, il-kompetituri prinċipali ta' Kem One kienu impenjati fil-konverżjoni tal-impjanti tagħhom tal-elettroliżi tal-merkurju u dijaframmatika lejn elettroliżi membranika.

(18)

Barraminhekk, Kem One għandha biss […] % tal-kapaċitajiet l-iktar moderni (elettroliżi membranika) filwaqt li din it-teknoloġija tirrappreżenta madwar […] % tal-kapaċitajiet eżistenti.

(19)

It-trasferiment tal-attivitajiet tal-vinil tal-Arkema lil Klesch ma kienx ippreċedut minn sussidjarizzazzjoni u ristrutturar intern, li kieku kien jottimizza l-ispejjeż strutturali. Fl-2013, dawn tal-aħħar kienu jammontaw għal EUR […] miljuni.

(20)

Barraminhekk, kienu stabbiliti diversi kuntratti ta' servizzi u prestazzjoni bejn Arkema u Kem One, li ġġeneraw defiċits tal-kompetittività.

(21)

Il-pożizzjoni ġeografika ta' Kem One, li l-unitajiet prinċipali ta' produzzjoni tagħha għandhom aċċess dirett għall-Mediterran, xprunat l-implimentazzjoni ta' politika ta' bejgħ (PVC u soda) fil-biċċa l-kbira tagħha orjentata lejn il-pajjiżi tan-Nofsinhar tal-Ewropa, li s-swieq tagħhom kienu affettwati direttament mill-kriżi tal-2008-2009 u mill-importazzjoni ta' prodotti bi prezzijiet baxxi, b'mod partikolari tas-soda, meta mqabbel ma' dawk tas-swieq taż-żona tal-Majjistral tal-Ewropa. Din l-orjentazzjoni tal-politika kummerċjali kkontribwixxiet għad-degradazzjoni tal-marġini ta' Kem One.

(22)

Il-kondizzjonijiet ekonomiċi ħżiena tat-tieni semestru tal-2012 u tal-bidu tas-sena 2013 malajr waslu għal telfiet finanzjarji kbar għal Kem One.

(23)

L-impatti negattivi tal-kriżi ġew rinfurzati minn diversi avvenimenti li wasslu għal tnaqqis sinifikanti tal-bejgħ u affettwaw il-marġni tal-intrapriża: il-waqfien ta' kull ħames snin tal-impjant ta' Fos-sur-Mer fl-2012 li dam aktar milli kien previst, il-problema tal-kwalità tal-etilen ipprovdut minn Total, l-inċident kbir li seħħ fuq il-kraker tal-istim tat-Total f'Lavéra sa Diċembru 2012, li wassal għall-waqfien totali tiegħu sa Marzu 2013, u wara għall-funzjonament b'nofs kapaċità tiegħu.

(24)

Id-diffikultajiet rikorrenti affaċċjati minn Kem One wasslu biex din, f'Jannar 2013, titlob il-ftuħ ta' proċedura ta' konċiljazzjoni quddiem it-Tribunal Kummerċjali ta' Lyons. Peress li ma ntlaħaq ebda ftehim, fis-27 ta' Marzu 2013, it-Tribunal iddikjara il-waqfien tal-pagamenti ta' Kem One u ppronunċja l-ftuħ ta' rimedju ġudizzjarju.

(25)

Pemezz tad-deċiżjoni tal-20 ta' Diċembru 2013, it-Tribunal Kummerċjali ta' Lyon aċċetta l-offerta konġunta tas-Sur Alain de Krassny u l-kumpanija tal-investiment OpenGate Capital (aktar 'il quddiem “OpenGate” ) u vvalida l-pjan ta' rimedju. Il-pjan ta' rimedju jimmira lejn il-kontinwazzjoni tal-intrapriża.

(26)

Ġiet iffurmata kumpanija ġdida, K1 Group SAS (aktar 'il quddiem “K1”), għall-bżonnijiet tal-pjan ta' rimedju; hija għandha l-għan li takkwista u żżomm it-titoli ta' Kem One u ta' Kem One Innovative Vinyls. K1 hija kostitwita minn 50 % mill-kumpanija AK1, immexxija mis-Sur Krassny, u minn 50 % mill-kumpanija K1 International, immexxija minn OpenGate.

(27)

[…] (5):

(28)

L-ESDF jintuża mill-awtoritajiet Franċiżi bħala għodda ta' akkumpanjament tar-ristrutturar ta' ċertu impriżi f'diffikultà. Il-prinċipju mħaddem mill-ESDF huwa attwalment ibbażat fuq iċ-ċirkulari tas-26 ta' Novembru 2004 dwar l-azzjoni tal-Istat fil-prevenzjoni u t-trattament tad-diffikultajiet tal-impriżi (6). L-ESDF tintervjeni fil-forma ta' self, limitata għall-intrapriżi li l-vijabbiltà tagħhom tiġi żgurata għall-perjodu tar-ristrutturar u li għalhekk, id-disparizzjoni tagħhom ikollha konsegwenzi kbar fuq settur sħiħ jew reġjun. Fil-każijiet kollha, l-Istat jintervjeni b'kofinanzjament mas-settur privat. F'Novembru 2013, il-Ministru tar-Rimedju produttiv implimenta dispożizzjoni eċċezzjonali li għandha l-għan li, fil-kuntest tal-ESDF, tappoġġja b'mod partikolari l-intrapriżi ta' daqs medju (7), li ħafna drabi jkunu s-suġġett ta' proċeduri kollettivi.

(29)

Is-self tal-ESDF ta' EUR 30 miljun għandu l-għan li jservi ta' garanzija għall-għotjiet tal-fornituri tal-kreditu lil Kem One u sabiex jagħmel tajjeb għall-finanzjament tal-bżonnijiet tagħha għall-operat kif ukoll għall-bżonnijiet finanzjarji għal żmien qasir.

(30)

Is-self ser jingħata lil Kem One wara li jiġi ffirmat il-kuntratt tas-self u l-għotja tiegħu hija suġġetta b'mod partikolari għas-sottoskrizzjoni mis-suċċessuri għal żieda kapitali fi flus ta' minimu ta' EUR 10 miljuni mħallsa b'mod sħiħ.

(31)

Is-self huwa marbut b'rata tal-imgħax annwali fissa ta' 3,5 %. Kem One tirrimborża s-self tal-ESDF f'seba' pagamenti annwali.

(32)

L-Istat jibbenefika minn kollateral tal-ogħla prijorità bil-kunsens ta' Kem One fuq il-materjal u t-tagħmir tiegħu. Il-valur nett kontabbli tal-materjal u t-tagħmir, kif deskritt fil-kontijiet magħluqa fil-31 ta' Diċembru 2013, huwa ta' EUR 138,49 miljuni. B'kunsiderazzjoni għall-validazzjoni tal-osservazzjonijiet tal-awditur f'Lulju 2012 u n-nuqqas ta' ċirkostanzi eċċezzjonali li jippruvaw jitfgħu dubju fuq il-perjodi tad-deprezzament, l-awtoritajiet Franċiżi jqisu li l-valuri netti kontabbli jirriflettu l-valur reali tal-assi.

(33)

Dawn il-miżuri ta' finanzjament huma maħsuba għall-implimentazzjoni tal-proġett SAM tal-konverżjoni ta' impjant industrijali (unità tal-elettroliżi tal-merkurju tas-sit f'Lavéra) fil-qafas tal-programm ta' investimenti fil-futur “għajnuna għar-riindustrijalizzazzjoni”.

(34)

Fin-notifikazzjoni tagħha, Franza qablet li s-sussidju kien jikkostitwixxi għajnuna mill-Istat.

(35)

L-avvanzi sejrin jiġu rimborsati fuq perjodu ta' seba' snin. Huma jinkludu differiment tad-deprezzament għal sentejn u jikkonsistu f'żewġ segmenti: (i) EUR 65 miljun b'rata fissa annwali ta' 3,5 % u (ii) EUR 15-il miljun b'rata fissa annwali ta' 10 %.

(36)

Fil-kuntest tad-dispożizzjoni ta' dawn il-finanzjamenti, ġie mwaqqaf kumitat ta' monitoraġġ magħmul minn rappreżentanti tal-Istat, ta' Kem One u taċ-ċessjonarji. Il-kumitat huwa inkarigat mill-validazzjoni tal-ispejjeż allokati għall-proġett SAM, il-validazzjoni taż-żamma tal-attività u tax-xogħolijiet fuq is-sit ta' Lavéra u l-osservazzjoni tal-konformità tal-“management fees” eventwali (tariffi għall-ġestjoni) li jirċievi s-Sur Krassny.

(37)

Fin-notifikazzjoni tagħha, Franza vvalutat id-dejn fiskali u tas-sigurtà soċjali dovut minn Kem One bħala EUR 42 miljun.

(38)

Fl-20 ta' Frar 2014, Kem One irreferiet għall-Kumitat tal-Kapijiet tas-Servizzi Finanzjarji (aktar 'il quddiem “CCSF”), kompetenti fil-qasam tar-rimessa tad-dejn fiskali u tas-sigurtà soċjali.

(39)

[…], Kem One ippreżentat quddiem it-Tribunal Kummerċjali ta' Lyon talba għall-emendar sostanzjali tal-pjan ta' rimedju tal-intrapriża b'konformità mal-Artikolu L626-26 tal-Kodiċi Kummerċjali (8), b'talba għar-rimessa importanti tad-dejn pubbliku legalment rimessibbli. B'konformità mad-deċiżjoni tat-Tribunal Kummerċjali ta' Lyon, it-talba għar-rimess ta' Kem One, tkopri 90 % tal-parti rimessibbli tad-dejn imsemmi. L-awtoritajiet Franċiżi żammew l-ammont ta' […] EUR, li jikkorrispondi għal […] % tad-dejn fiskali u tas-sigurtà soċjali. It-talba għar-rimessa għadha ma ġietx formalment istruwita mis-CCSF fil-ġurnata tan-notifikazzjoni tal-miżuri ta' għajnuna lill-Kummissjoni.

(40)

Il-pjan ta' ristrutturar jiddependi fuq il-kontinwazzjoni tal-attività ta' Kem One, miġbura mal-filjali l-oħra miżmuma minn Kem One Innovative Vinyls SASU sabiex jiġi rikostitwit il-perimetru tal-attivitajiet upstream u downstream.

(41)

Il-pjan ta' ristrutturar jinkludi tliet tipi ta' miżuri: industrijali, kummerċjali u finanzjarji.

(42)

Dan il-proġett jinkludi tliet għanijiet prinċipali:

(43)

L-istima li għamlet Kem One biex tlaħħaq id-distakk tal-kompetittività tagħha tammonta għal madwar EUR [20-40] miljun fis-sena fuq l-ispejjeż tal-produzzjoni. Il-kummissjonar huwa previst li jsir fl-2016. L-ammont totali tal-ispejjeż tal-proġett SAM jitla' għal EUR [150-250] miljun.

(44)

Kem One għandha l-għan li tissatura l-kapaċitajiet ta' produzzjoni tagħha għal aktar opportunitajiet profittabbli, speċjalment il-PVC-C jew l-E-PVC u l-attività tal-kloru likwidu, li jippermettu wkoll it-tkabbir tal-marġni tal-kapaċità kostanti tal-kloru.

(45)

Kem One għandha wkoll l-intenzjoni li tiżviluppa l-bejgħ tagħha fi Franza u fil-Majjistral tal-Ewropa għas-soda u l-S-PVC bażiku.

(46)

Il-pjan ta' rimedju jipprevedi qligħ ta' EUR [10-30] miljuni minn issa sal-2016, jiġifieri tkabbir ta' madwar [0-10] % tal-marġni gross tal-fatturat.

(47)

Il-pjan jipprevedi tnaqqis ta' [90-110] post tax-xogħol. [1-15]-il impjegat ġew innotifikati bil-bidliet sostanzjali fil-kuntratt tax-xogħol tagħhom minħabba l-għeluq tas-sit f'Aix-en-Provence. Rigward ir-riklassifikazzjoni, [80-100] tal-postijiet tax-xogħol ġew identifikati fil-Kem One u fil-grupp. Dan il-pjan soċjali jikkorrispondi għal EUR [0-10] miljuni f'iffrankar tal-ispejjeż tal-pagi.

(48)

Il-pjan jipprevedi wkoll frankar fl-ispejjeż strutturali ta' EUR [10-20] miljun marbuta mat-tnaqqis tal-ispejjeż tal-assigurazzjoni, l-għeluq tal-fergħa tal-kwartieri f'Aix-en-Provence kif ukoll il-postponiment ta' proġetti tal-informatika.

(49)

Fl-aħħarnett, il-pjan jimmira għal EUR [15-25] miljun ta' frankar li jirriżulta mit-titjib tal-produttività: tnaqqis tal-ispejjeż fissi u varjabbli, titjib tal-prestazzjonijiet. Dawn il-miżuri huma indipendenti mill-proġett SAM u huma intiżi li jitwettqu fl-2014 u l-2015.

(50)

L-ispejjeż għar-ristrutturar jitilgħu għal EUR 222 miljun: il-proġett għall-konverżjoni tal-impjanti tal-elettroliżi ta' Lavéra (EUR [150-210] miljuni) u t-tħaffir ta' żewġ doublets sas-salmura ta' Vauvert (EUR [15-30] miljun).

(51)

Sabiex jiġu ffinanzjati l-ispejjeż tar-ristrutturar, il-pjan jipprevedi il-finanzjamenti li ġejjin:

Tabella 2

Sorsi ta' finanzjament previsti fil-pjan ta' ristrutturar, bħal dawk ippreżentati fin-notifikazzjoni

(52)

Il-finanzjament tar-ristrutturar huwa kkompletat minn miżuri ta' abbandun ta' dejn mill-kredituri privati, li jammontaw għal EUR 158,8 miljuni u min-naħa ta' kredituri pubbliċi, li jammontaw għal EUR […].

(53)

Fl-aħħarnett bħala parti miċ-ċediment tat-titoli ta' Kem One għal K1, Kem One Trésorerie tat lil Kem One l-ammont ta' EUR [10-19]-il miljun, korrispondenti għall-garanzija magħrufa bħala “SEVESO” li kienet kostitwita mill-grupp Kem One Holding permezz ta' Kem One Trésorerie għas-siti Kem One fi Franza matul it-trasferiment tagħhom minn Arkema, b'applikazzjoni tal-Artikolu L515-8 tal-kodiċi dwar l-ambjent (10), dwar l-impjanti kklassifikati għall-ħarsien tal-ambjent. L-awtoritajiet Franċiżi ppreċiżaw li jekk ir-rilaxx u t-trasferiment lil Kem One tal-ammont tal-garanzija SEVESO inizjalment ikkostitwit mill-grupp Klesch, għandhom effett pożittiv immedjat fuq it-teżor, l-ammont korrispondenti ma kienx kontabilizzat bħala kontribuzzjoni privata minħabba l-fatt li kellu jkun allokat gradwalment għar-rikostruzzjoni tal-garanziji finanzjarji msemmija.

(54)

Il-pjan ta' negozju Kem One jkopri l-perjodu 2013-2017, b'ritorn tal-intrapriża lejn il-vijabbiltà previst mill-2017 abbażi ta' ipoteżi realistiċi, skont l-awtoritajiet Franċiżi. Fix-xenarju medjan, Kem One terġa' ssib livell ta' finanzjament sodisfaċenti mill-2014, livell ta' marġni gross ta' [25-35] % tal-fatturat mill-2017 u livell ta' EBITDA ta' bejn [4-12] % mill-2018 bir-referenzi tas-settur tal-kimika tal-komoditajiet.

(55)

It-titjib tal-vijabbiltà ser jirriżulta b'mod partikolari mill-ħames miżuri li ġejjin: opportunitajiet privati sinifikanti għar-rikostruzzjoni immedjata tal-finanzi; investimenti li jippermettu l-affidabbiltà tal-attivitajiet tal-elettroliżi u ta' tħaffir sabiex titjieb il-kompetittività tal-intrapriża; ir-rinegozjar ta' kuntratti tal-aċċess fl-oqsma primari u l-pjattaformi industrijali; ristrutturar intern assoċjat ma' pjan ta' prestazzjoni u produttività u reviżjoni tal-poltika kummerċjali tal-pożizzjonament ta' Kem One fis-suq.

(56)

L-awtoritajiet Franċiżi jikkunsidraw li l-ipoteżi kkunsidrati huma realistiċi: il-qligħ mistenni diġà ġie kkunsidrat mill-kuntratti ġodda; minbarra l-unitajiet tal-elettroliżi, id-daqs tal-unitajiet tas-CVM u tal-S-PVC jinsabu f'livell ta' unitajiet imtejba kompetittivi mal-Ewropa tal-Punent; fl-aħħarnett, l-ipoteżi tal-prezz tas-suq ma jantiċipax irkupru tad-domanda jew it-titjib tal-bilanċ bejn l-offerta u d-domanda għall-PVC, għalkemm previst mill-konsulenti prinċipali tal-professjoni.

(57)

Il-pjan tan-negozju jikkunsidra wkoll xenarji alternattivi. Fix-xenarju pessimist, l-awtoritajiet Franċiżi għandhom l-ipoteżi li inċidenti repetittivi tal-produzzjoni jnaqqsu l-produzzjoni u l-bejgħ bejn [8-14] % meta mqabbel max-xenarju medjan, kif ukoll l-ispejjeż varjabbli u l-qligħ identifikat mill-kuntratti ta' provvista. L-EBITDA jibqgħu degradati matul il-perjodu 2014-2016 ([1-5] % tal-fatturat). Mill-aħħar tal-2014, il-finanzi jerġgħu jilħqu bilanċ sodisfaċenti iżda ma jippermettux lil Kem One biex tnaqqas id-dejn tagħha. Madankollu, ir-ritorn għall-vijabbiltà għal żmien twil hija żgurata anke f'dan ix-xenarju bis-saħħa ta' proġett ta' konverżjoni ta' impjanti tal-elettroliżi.

(58)

Ix-xenarju ottimist jagħmel l-ipoteżi taż-żieda progressiva tal-prezz tal-bejgħ tal-PVC ta' komodità u tas-soda għas-snin li ġejjin. F'dan ix-xenarju, il-finanzi jilħqu livell sodisfaċenti mill-2014 (+ EUR [40-60] miljuni). Il-pjan jippermetti wkoll lil Kem One biex tiffinanzja ċerti investimenti tagħha (EUR [300-500] miljun bejn l-2014 u l-2020), biex tnaqqas id-dejn tagħha fuq il-perjodu 2017-2020 u biex tilħaq livell ġdid ta' EBITDA ta' [10-15] % mill-2018.

(59)

Bid-deċiżjoni tal-1 ta' Ottubru 2014, il-Kummissjoni fetħet il-proċedura ta' analiżi formali. F'din id-deċiżjoni ta' ftuħ, il-Kummissjoni esprimiet dubji kemm dwar il-kwalifikazzjoni ta' għajnuna mill-Istat tal-miżuri analizzati kif ukoll fuq il-kompatibbiltà eventwali mas-suq intern b'applikazzjoni tar-regoli applikabbli għall-għajnuniet mill-Istat mogħtija lill-intrapriżi f'diffikultà.

(60)

F'dak li jikkonċerna t-tliet miżuri nnotifikati, jiġifieri (i) is-self tal-ESDF, (ii) is-sussidju u l-avvanzi rimborsabbli u (iii) l-abbandun tad-dejn, il-Kummissjoni qed tistaqsi dwar il-preżenza ta' vantaġġ ekonomiku u, fil-każ ta' riżultat pożittiv, l-ammont tiegħu.

(61)

Il-Kummissjoni, l-ewwelnett qed tistaqsi dwar il-kondizzjonijiet tas-self mill-ESDF F'dak li jirrigwarda l-kollateral, il-Kummissjoni kellha diversi riservi dwar l-istima tal-valur tiegħu. L-ewwelnett, l-awtoritajiet Franċiżi ma ppreċiżawx liema materjali u tagħmir ġew ikkollateralizzati. Il-Kummissjoni nnutat ukoll li l-karattru qed jeqdiem u b'rendiment baxx, jiġifieri skadut, ta' ċertu għodod ta' produzzjoni ġie ppreżentat mill-awtoritajiet Franżiċi bħala waħda mid-diffikultajiet prinċipali ta' Kem One; dan huwa b'mod partikolari l-każ tal-unitajiet tal-elettroliżi tal-merkurju u dijaframmatika. Konsegwentement, il-Kummissjoni staqsiet dwar il-valur reali tat-tagħmir u l-materjal ikkollateralizzat u tiddubita li l-valur nett kontabbli miżmum għall-istima tal-kollateral huwa l-valur l-iktar pertinenti, speċjalment meta mqabbel mas-soluzzjoni alternattiva li terġa' tistma l-valur tal-kollaterali abbażi tad-dħul nett li l-esplojtazzjoni tagħhom jista' jħalli.

(62)

Fir-rigward ta' dawn id-dubji, iż-żieda ta' 400 punt bażi mar-rata ta' referenza ta' Franza fil-mument tal-għoti tas-self (0,53 %) sabiex jiġi kkalkulat l-imgħax fuq is-self, tidher inadegwata.

(63)

Il-Kummissjoni kellha dubji wkoll fuq il-kondizzjonijiet tal-imgħax fuq is-self. Fil-fatt, l-awtoritajiet Franċiżi, permezz tal-applikazzjoni tal-komunikazzjoni tal-Kummissjoni dwar ir-reviżjoni tal-metodu ta' kalkolu tar-rati ta' referenza u l-attwalizzazzjoni (aktar 'il quddiem il-“komunikazzjoni dwar ir-rati ta' referenza tal-2008”) (11), laħqu imgħax ta' 4,53 %, iżda żammew ir-rata ta' 3,5 %.

(64)

Il-Kummissjoni għall-kuntrarju tqis li s-suppliment li jikkonċerna l-kwalità tal-kollaterali ma kinetx biżżejjed u r-rata għandha tkun pjuttost bejn 6,53 % u 10,53 % (12).

(65)

Il-Kummissjoni nnutat ukoll li fin-nuqqas ta' self mogħti lil Kem One minn bank privat bl-istess kondizzjonijiet, fil-kuntest ta' diffikultajiet u tar-ristrutturar tal-intrapriża, is-self kollu jista' jiġi kkunsidrat bħala ammont ta' għajnuna.

(66)

Il-Kummissjoni kienet tal-opinjoni li sussidju jikkostitwixxi vantaġġ ekonomiku li l-benefiċjarju ma jakkwistax bil-kondizzjonijiet tas-suq. Fil-fatt, sussidju huwa strument finanzjarju li l-kapital tiegħu mhux rimborsabblli u li ma jiġġenerax imgħax li għandhom jitħallsu mill-benefiċjarju. Għalhekk ġie eskluż li kreditur privat, li għandu kost ta' finanzjament u li għandu jirrimunera l-kapital tiegħu, jaċċetta li jiffinanzja intrapriża permezz ta' sussidji.

(67)

Rigward l-avvanzi rimborsabbli, il-Kummissjoni nnutat il-preżenza ta' ċertu kondizzjonijiet marbuta mal-għoti tagħhom li kreditur privat ma kienx verament jesiġi. Dan jirrigwarda b'mod partikolari l-kondizzjoni dwar iż-żamma tal-attività u l-impjiegi fis-sit ta' Lavéra matul il-ħames snin wara t-twettiq tal-proġett, ħlief jekk dan ikun iġġustifikat mid-durabbiltà ta' Kem One, u bi ftehim minn qabel mal-Istat. Barraminhekk, fin-nuqqas ta' dimostrazzjoni mill-awtoritajiet Franċiżi li l-kredituri privati kellhom ikunu disposti li jselfu tali ammont bl-istess kondizzjonijiet lil intrapriża f'diffikultà, il-Kummissjoni kkunsidrat li l-avvanzi rimborsabbli kollha jistgħu jiġi kkunsidrati bħala għajnuna.

(68)

Il-Kummissjoni l-ewwelnett tosserva li l-perċentwali tal-abbandun ta' dejn ma kinux l-istess għad-debituri privati (70 %) u għad-debituri pubbliċi ([…] %), anke jekk ma kienx ċert li l-Istat għandu jitpoġġa fl-istess kondizzjonijiet bħad-debituri privati li kellhom relazzjonijiet antiki ma' Kem One.

(69)

Barraminhekk, rigward il-prinċipju ta' debitur privat f'ekonomija tas-suq, abbandun ta' dejn jikkostitwixxi għajnuna li għaldaqstant tagħti vantaġġ lil intrapriża vis-à-vis il-kompetituri tagħha billi tnaqqas l-ispejjeż tagħha. Dan huwa partikolarment veru meta intrapriża tkun f'diffikultà u tkun is-suġġett ta' proċedura kollettiva. F'dan il-każ, il-Kummissjoni qed tistaqsi dwar il-motivi ta' dan l-abbandun ta' dejn fiskali u tas-sigurtà soċjali, li kellhom jipprivileġġjaw l-offerta ta' ċessjonarju. Il-Kummissjoni ma tiskartax il-possibbiltà li l-ammont tal-għajnuna jkun ekwivalenti għall-ammont totali tal-abbandun previst.

(70)

Rigward il-kompatibilità tal-miżuri mar-regoli applikabbli fil-qasam tal-għajnuna mill-Istat, il-Kummissjoni qieset li l-bażi ġuridiku applikabbli kien magħmul minn linjigwida komunitarji dwar l-għajnuna mill-Istat u s-salvataġġ u r-ristrutturar ta' intrapriżi f'diffikultà fl-2004 (aktar 'il quddiem il-“linjigwida tal-2004”) (13). F'dan ir-rigward, il-Kummissjoni qajmet dubji dwar (i) ir-ritorn għall-vijabbiltà għal żmien twil ta' Kem One, (ii) il-prevenzjoni ta' kull tgħawwiġ tal-kompetizzjoni, u (iii) il-limitazzjoni tal-għajnuna għall-minimu neċessarju.

(71)

L-ewwelnett, il-Kummissjoni qed tistaqsi dwar il-perjodu eżatt tal-pjan ta' ristrutturar, minħabba nuqqas ta' preċiżjoni dwar dan il-punt min-naħa ta' Franza.

(72)

Il-Kummissjoni barraminhekk osservat li l-awtoritajiet Franċiżi ma kinux qed jinkludu fl-ispejjeż għar-ristrutturar ħlief l-ispejjeż marbuta mal-immodernizzar tat-tagħmir produttiv [proġett ta' konverżjoni tal-impjanti tal-elettroliżi ta' Lavéra (EUR [150-210] miljuni) u t-tħaffir ta' żewġ doublets sas-salmura ta' Vauvert (EUR [15-30] miljun). Il-Kummissjoni kkunsidrat li r-ristrutturar intern ta' Kem One għandu neċessarjament jiġġenera spejjeż supplimentari marbuta mat-tnaqqis tal-ispejjeż strutturali u r-riorjentazzjoni tal-politika kummerċjali.

(73)

Barraminhekk, il-Kummissjoni qed tistaqsi dwar il-kredibbiltà ta' ċerti informazzjoni tax-xenarji tar-ritorn għall-vijabbiltà għal żmien twil ippreżentati minn Franza. Barraminhekk, l-istabbilment mill-ġdid tal-finanzi jidher inċert, kemm fix-xenarju nominali kif ukoll fix-xenarju pessimist.

(74)

It-tliet xenarji proposti minn Franza fin-notifikazzjoni kienu jinkludu l-akkwist ta' self bankarju ta' EUR 60-70 miljun fl-2016 minn istituzzjonijiet finanzjarji privati. F'dan l-istadju, l-awtoritajiet Franċiżi ma jidhru li qed jagħmlu ebda garanzija fuq l-akkwist ta' dan is-self. Għaldaqstant, din l-inċertezza ddgħajjef il-karattru realistiku tat-tliet xenarji.

(75)

Fin-nuqqas ta' xi miżura kompensatorja proposta minn Franza, il-Kummissjoni fakkret li l-preżenza ta' miżuri kompensatorji tikkostitwixxi wieħed mill-kriterji ta' kompatibbiltà tal-għajnuna għar-ristrutturar. Għalhekk, hija stiednet lill-awtoritajiet Franċiżi biex jipproponulha miżuri kompensatorji suxxettibbli li jikkunsidraw l-argumenti kollha tagħhom.

(76)

Il-Kummissjoni esprimiet dubji dwar id-dejta kkunsidrata mill-awtoritajiet Franċiżi sabiex jiġi kkalkolat l-ammont ta' kontribuzzjoni proprja ta' Kem One, u għalhekk, dwar l-osservazzjoni tar-regola li tgħid li l-kontribuzzjoni proprja ta' intrapriża kbira għall-ispejjeż tar-ristrutturar għandha tkun 50 % tal-ammont totali.

(77)

Permezz ta' ittra tat-3 ta' Novembru 2014, Franza ssottomettiet l-osservazzjonijiet tagħha dwar id-deċiżjoni tal-ftuħ.

(78)

Franza enfasizzat li l-valur kontabbli beni kkunsidrati bħala kollateral, kien jikkorrispondi għall-valur tas-suq. Fil-fatt, il-valur nett kontabbli huwa ekwivalenti għall-valur gross kontabbli wara li jitnaqqas id-deprezzament. Il-valur gross jikkorrispondi għall-valur tal-akkwist tal-beni jew għall-valur tat-trasferiment tagħhom. Għalhekk, it-trasferiment parzjali tal-assi ta' Arkema lil Kem One li sar fit-2 ta' Lulju 2012, dan it-trasferiment ġie vvalutat minn esperti indipendenti li jammonta għal EUR [110-120] miljun. Barraminhekk, Franza tfakkar li ġew konklużi żewġ tranżazzjonijiet li saru riċentiment fis-settur tal-PVC u li jimmiraw lejn intrapriżi ta' daqs iżgħar minn Kem One, f'valur ħafna ogħla mill-valur kontabbli tal-assi ta' Kem One. Barraminhekk, jekk l-attivitajiet ta' Kem One ġew ivvalutati permezz tal-użu tal-metodu tal-flussi futuri tal-finanzi aġġornati, fl-2014, l-ammont tagħhom tela' għal EUR [80-90] miljun, fl-2015 għal EUR [110-130] miljun u fl-2016 se jitilgħu għal EUR [330-340] miljun. Fl-aħħarnett, Franza tfakkar li dan huwa kollateral tal-ogħla prijorità, li jiżgura lill-Istat li jkun diżinteressat qabel id-debituri l-oħra kollha.

(79)

Għalhekk, Franza kkonkludiet li għandu jiġi kkunsidrat li l-Istat jiddisponi minn garanzija solida u għolja ħafna meta mqabbla mal-ammont tas-self mill-ESDF.

(80)

L-ewwelnett, Franza tqis li l-metodoloġija tal-kalkolu tar-rati tal-imgħax bbażati fuq kampjun ta' intrapriżi li għalihom ġew innegozjati kuntratti ta' CDS (Swap ta' Inadempjenza tal-Kreditu) għal erba' snin u li għandhom klassifikazzjoni CCC, kif deskritt fil-punt 92 tad-deċiżjoni tal-ftuħ u li tirriżulta f'rata ta' 20,95 %, mhux probabbli li twassal għal approssimazzjoni tar-realtà fir-rati tas-suq. Fil-fatt, dawn mhumiex operazzjonijiet ta' self komparabbli għal dak ta' Kem One vis-à-vis l-ESDF, minħabba li ma teżisti ebda identifikazzjoni tal-garanziji jew tal-livell ta' kollateral marbuta mal-operazzjonijiet ikkunsidrati bħala referenza għad-determinazzjoni tar-rata ta' 20,95 %.

(81)

Barraminhekk, b'kunsiderazzjoni għas-sitwazzjoni finanzjarja ta' Kem One u tal-livell tal-kollateral, l-applikazzjoni tal-komunikazzjoni dwar ir-rati ta' referenza tal-2008 tirriżulta f'imgħax ta' 4,53 % (rata ta' referenza ta' Franza ta' 0,53 % + 400 punt bażi), u mhux ta' 6,53 % kif tafferma l-Kummissjoni fid-deċiżjoni tal-ftuħ tagħha.

(82)

Fi kwalunkwe każ, ir-rata kkalkulata abbażi tal-komunikazzjoni dwar ir-rati ta' referenza tal-2008 mhix ħlief indikatur. F'dan il-każ, ir-riskju dgħajjef ta' insolvibbiltà ta' Kem One, b'mod partikolari b'kunsiderazzjoni tal-implimentazzjoni effettiva tal-pjan ta' rimedju li jippermetti r-ritorn għall-vijabbiltà tal-intrapriża mill-2017 u ġestjoni finanzjarja solida, kif ukoll il-livell għoli ta' kollateral jiġġustifikaw ir-rata ta' 3,5 % konformi mas-suq.

(83)

Fl-aħħarnett, il-kuntratt ta' finanzjament ma' [Operatur privat 2] jipprevedi rata ta' finanzjament Euribor 3 xhur + […] % b'minimu ta […] %. Għalkemm dawn mhumiex rati bankarji, il-kondizzjonijiet tal-għoti tal-finanzjament huma kif jikkonferma l-karattru konformi mal-kondizzjonijiet tas-suq tas-self mill-ESDF.

(84)

Kif indikat fin-notifikazzjoni, Franza tqis li l-ammont tal-għajnuna, jekk tabilħaqq hemm għajnuna, għandu jkun ekwivalenti għad-differenza bejn ir-rata kkalkolata abbażi tal-komunikazzjoni dwar ir-rati ta' referenza tal-2008 u r-rata prattika, jiġifieri 4,53 % u 3,5 % rispettivament, u mhux għas-self kollu.

(85)

Franza tenfasizza li permezz ta' dak li ġara, il-Kummissjoni applikat dan l-approċċ diversi drabi.

(86)

Kif diġà ġie indikat, Franza rrikonoxxiet li s-sussidju kollu kien jikkostitwixxi għajnuna mill-Istat.

(87)

Rigward l-avvanzi rimborsabbli, Franza tqis li huma ma jistgħux jiġu kkunsidrati kollha bħala għajnuniet mill-Istat. Fil-fatt, ir-rimborż tal-avvanzi huwa ċert minħabba li jsir awtomatiku sentejn wara li jintemmu x-xogħlijiet ta' mmodernizzar mibdija. Għalhekk, l-avvanzi għandhom jiġu trattati bħala self u, konsegwentement, l-ammont ta' għajnuna bħala ugwali għall-ekwivalenza tas-sussidju, jiġifieri EUR 14,4 miljuni.

(88)

L-ewwelnett, Franza tindika li, għall-kuntrarju ta' dak li ntqal fin-notifikazzjoni, l-ammont ta' dejn fiskali u tas-sigurtà soċjali jitla' għal EUR […] u mhux għal EUR 42 miljun. Dawn il-EUR […] huma maqsumin kif ġej: EUR […] ta' dejn akkumulat qabel il-ftuħ tal-proċedura ta' rimedju ġudizzjarju u […] ta' dejn akkumulat wara l-ftuħ tal-proċedura msemmija. L-awtoritajiet kompetenti jipprevedu li se tingħata rimessa ta' […] % ta' dejn rimessibbli akkumulat qabel il-ftuħ tal-proċedura (14), jiġifieri l-ammont ta' EUR […] fuq obbligazzjonijiet pubbliċi totali ta' EUR […] (jiġifieri […] % tal-obbligazzjonijiet pubbliċi totali).

(89)

It-tieni nett, Franza tfakkar li l-biċċa l-kbira tad-dejn vis-à-vis id-debituri privati kienet abbandunata jiġifieri kemm sa 100 %, kif ukoll sa 70 %.

(90)

Barraminhekk, ir-rinunċja ta' Franza ta' parti mid-dejn fiskali u tas-sigurtà soċjali dovut lilha mingħand Kem One, hija ta' natura li tippermetti eżekuzzjoni tajba tal-pjan ta' rkupru u rimedju tal-intrapriża. Fil-fatt, fil-każ tad-disparizzjoni ta' Kem One, Franza tista' titlef EUR […] miljuni supplimentari (15) jekk hija ma tagħtix rimessa li l-ammont totali tagħha ma jaqbiżx l-EUR […] miljuni.

(91)

Fl-isfond ta' dawn l-elementi, Franza għaldaqstant iġġib ruħha bħala kreditur intelliġenti.

(92)

Fi kwalunkwe każ, jekk il-miżura għandha tiġi kkunsidrata bħala għajnuna mill-Istat, l-ammont ta' għajnuna ikun ekwivalenti għad-differenza bejn il-livell tar-rinunċja finali approvata minn Franza u l-livell ta' rinunċja minima aċċettata mid-debituri privati kollha.

(93)

Fid-deċiżjoni tal-ftuħ, il-Kummissjoni stiednet lil Franza biex tikkumenta dwar l-affirmazzjoni li skontha hija mhix se tinkludi fl-ispejjeż tar-ristrutturar ħlief l-ispejjeż marbuta mal-immodernizzar tat-tagħmir produttiv filwaqt li r-ristrutturar ta' Kem One għandu neċessarjament jiġġenera spejjeż supplimentari marbuta ma' kull miżura ta' ristrutturar (tnaqqis tal-ispejjeż strutturali u r-riorjentazzjoni tal-politika kummerċjali). Fl-osservazzjonijiet tagħha, Franza tenfasizza li t-tnaqqis tal-ispejjeż strutturali rriżulta biss fi tlettax-il tkeċċija, li wassal għal piż finanzjarju assoċjat ta' EUR […] miljuni. Dan l-ammont ma kienx identifikat b'mod separat fil-pjan kummerċjali u fil-pjan finanzjarju anness għall-pjan ta' notifika, iżda xorta waħda kien imnaqqas mill-finanzi tal-bidu. Barraminhekk, l-isforzi interni l-oħra assoċjati mat-tnaqqis tal-ispejjeż ċentrali ma wasslux għall-piżijiet finanzjarji speċifiċi. Rigward ir-riorjentazzjoni tal-politika kummerċjali, hija ma wasslitx għall-ebda piż finanzjarju assoċjat direttament.

(94)

Barraminhekk, diversi elementi pożittivi huma ta' natura li jikkonfermaw il-karattru realistiku tax-xenarji tar-ritorn għall-vijabbiltà ppreżentat mill-intrapriża. Għalhekk, fix-xenarju inizjali, il-finanzi se jkunu żdiedu b'EUR [30-40] miljun sal-aħħar tas-sena 2017, minħabba tnaqqis tal-investimenti neċessarji u ta' bidu mill-ġdid tal-attività aktar qabel milli previst, filwaqt li l-qligħ mill-isfruttar mistenni ġie rivedut għal EUR [35-45] miljuni fis-sena minflok EUR [25-35] miljuni. Barraminhekk, l-implikazzjoni ta' diversi kumpaniji privati bħall-[Operatur privat 1], [Operatur privat 3], [Operatur privat 4] u [Operatur privat 5], li aċċettaw li jabbandunaw id-dejn kollu dovut lilhom minn Kem One, filwaqt li [Operatur privat 2], li aċċetta li jżid il-kapaċità tal-fatturament ta' Kem One, turi t-tkabbir ta' dawn tal-aħħar fir-ritorn għall-vijabbiltà għal żmien twil tal-intrapriża.

(95)

Is-self bankarju ta' EUR 60-70 miljun għadu ipotetiku u kien għadu ma ġiex solleċitat fil-ġurnata tas-sottomissjoni tar-risposta ta' Franza. F'dawn il-kondizzjonijiet, Franza tqis li l-fatt li mhemmx garanzija fuq is-self bankarju, mhux tat-tip li jdgħajjef it-tliet xenarji ta' ritorn għall-vijabbiltà tal-intrapriża, mhux aktar mill-ammont tal-kontribuzzjoni proprja tal-intrapriża.

(96)

Fl-osservazzjonijiet tagħha, Franza ma kkontestatx id-deċiżjoni li s-self bankarju ta' EUR 60-70 miljun ma jiġix inkluż fil-fondi proprji ta' Kem One minħabba li dan hu element ipotetiku, minħabba nuqqas ta' impenn sod min-naħa tal-istituzzjoni finanzjarja.

(97)

Għall-kuntrarju, l-abbandun tad-dejn konsentit mill-[l-Operatur privat 3], [l-Operatur privat 1], [l-Operatur privat 4] u [l-Operatur Privat 5] għandhom jiġu kkunsidrati bħala flussi finanzjarji reali għall-benefiċċju ta' Kem One u għalhekk għandha tiġi inkluża bħala kontribuzzjoni proprja. Fil-fatt, dawn l-intrapriżi ilhom imsieħba kummerċjali ta' Kem One għal ħafna snin, u għalhekk l-imgħax tagħhom jiddependi fuq is-suċċess ta' Kem One. Għalhekk, l-abbandun ta' dejn ta' EUR 180,5 miljuni jikkorrispondi għal deċiżjonijiet industrijali nnotifikati, direttament interessati għas-suċċess tal-pjan ta' rkupru mibdija minn Kem One u s-suċċessuri tagħha. L-abbanduni l-oħra tad-dejn jissodisfaw l-istess loġika, bis-somom involuti jkunu iżgħar.

(98)

Il-kontribuzzjonijiet privati għalhekk laħqu total ta' EUR 282,5 miljuni, imqassmin kif ġej:

It-Tabella 3

Sorsi tal-kontribuzzjonijiet privati previsti fil-pjan ta' ristrutturar skont Franza

(99)

Fl-opinjoni ta' Ineos, it-talba ta' Franza tissottovaluta ħafna l- ammont ta' għajnuna mill-Istat u ma tipprevedix kontribuzzjoni suffiċjenti ta' Kem One u l-azzjonisti tagħha.

(100)

L-ammont tal-għajnuna mill-Istat. L-ewwelnett, fir-rigward tas-self mill-ESDF, l-Ineos tirrifjuta l-analiżi ta' Franza li d-differenza biss bejn ir-rata effettiva tas-self (3,5 %) u r-rata tas-suq allegatament ta' 4,53 % (jiġifieri 1,03 punt perċentwali) tista' titqies bħala għajnuna. Jekk l-affirmazzjonijiet ta' Franza huma preċiżi, Kem One għandha tkun f'pożizzjoni li tikseb self minn debitur privat bl-istess kondizzjonijiet, dak li l-intrapriża ma kinetx kapaċi tagħmel f'ebda każ. Barraminhekk, il-valur tal-kollateral huwa sottovalutat ħafna. Il-valur kontabbli tal-assi ma jistax jiġi assimilat għall-valur tas-suq fil-każ ta' diffikultajiet ekonomiċi u finanzjarji gravi, speċjalment minħabba li tali kollateral ma jkollhom ebda valur ħlief inkluż fiċ-ċiklu tan-negozju li jkun wera l-fraġilità tiegħu. Bħala konklużjoni, skont Ineos, is-self kollu mill-ESDF għandu jitqies bħala għajnuna.

(101)

Rigward is-sussidju dirett u l-avvanzi rimborsabbli, Ineos tqis li t-totalità tikkostitwixxi għajnuna mill-Istat. Inkwantu għall-avvanzi rimborsabbli tal-kondizzjoni taż-żamma tal-attività fuq is-sit ta' Lavéra mhi ser tintalab mill-ebda kreditur privat. Barraminhekk, ir-rati huma baxxi wisq meta mqabbla ma' dawk imħaddma fl-istess kondizzjonijiet minn kreditur privat.

(102)

Rigward it-tnaqqis tad-dejn, Ineos tenfasizza li jekk il-kredituri kummerċjali għandhom interess kummerċjali leġittimu fl-istabbiliment mill-ġdid ta' Kem One, l-Istat Franċiż jinsab f'pożizzjoni pura ta' kreditur finanzjarju. Għalhekk, it-tnaqqis ta' dejn konsentit mill-Istat Franċiż ma jistax jiġi assimilat ma' tnaqqis konsentit mill-kredituri privati.

(103)

Ineos tenfasizza li Kem One tibbenenefika mill-kuntratti ta' forniment vanatġġuż ta' elettriku u etilen. Ineos ma għandha ebda dubju li d-deċiżjonijiet tal-EDF dwar dan is-suġġett huma inammissibbli għall-Istat Franċiż. Ineos titlob lill-Kummissjoni biex tistaqsi dwar ir-raġunijiet li għalihom ingħatat l-għotja ta' dan it-tnaqqis. Dawn it-tariffi preferenzjali għandhom l-għan li jtejbu l-pożizzjoni kompetittiva ta' Kem One.

(104)

Kontribuzzjoni proprja ta' Kem One. Ineos tqis li l-ammont tal-kontribuzzjoni proprja minn Kem One għall-ispejjeż tar-ristrutturar huwa sopravvalutat minn Franza. Fil-fatt, Franza inkludiet f'dan l-ammont tliet selfiet maħruġa minn sorsi privati: self ta' bejn EUR 60 u 80 miljun u żewġ selfiet oħra li jammontaw rispettivament għal bejn EUR 35 u 45 miljun u ta' bejn EUR 40 u 50 miljun. Skont Ineos, ma teżisti ebda prova li entità privata tapprova tali riskju, u n-natura ipotetika u ftit probabbli ta' tali selfiet timplika li ma għandhomx jiġu meqjusa għall-evalwazzjoni tal-ammont tal-kontribuzzjoni proprja ta' Kem One.

(105)

L-ewwelnett, Ineo tenfasizza li OpenGate, waħda mill-kumpaniji prinċipali ta' Kem One, hija finanzjarjament b'saħħitha, b'tali mod li hija tista' tipparteċipa għall-ispejjeż tar-ristrutturar. Ineos tqis li Franza għandha turi li d-diffikultajiet ta' Kem One huma wisq serji sabiex jiġu trattati mill-azzjonisti ta' Kem One (b'mod partikolari OpenGate). It-tieni nett, jekk l-għajnuna mill-Istat hija meqjusa ammissibli fil-każ ta' Kem One, l-azzjonisti, u OpenGate b'mod partikolari, għandhom ikabbru sew l-ammont tal-kontribuzzjoni tagħhom.

(106)

Ineos tqis li Franza mhix qed tipproponi pjan ta' ristrutturar realistiku suxxettibbli għall-impenn mill-ġdid ta' Kem One għall-vijabbiltà ekonomika tagħha f'perjodu ta' żmien raġonevoli.

(107)

L-ewwelnett, dan il-pjan ta' ristrutturar jiddependi fuq investimenti qawwija u injezzjonijiet tal-likwidità iżda ma jipprevedix razzjonalizzazzjoni tal-attivitajiet ta' Kem One. It-tieni nett, il-pjan ta' ristrutturar jissupponi li Kem One tista' tkabbar b'mod sinifikanti il-parti tas-suq tagħha u l-bejgħ tagħha fis-suq ta' prodotti li diġà huma soġġetti għal problemi gravi ta' kapaċità eċċessiva u għal kompetizzjoni intensiva, u li jsofru minn previżjonijiet dgħajfa tad-domanda.

(108)

Fl-opinjoni ta' Ineos, dan il-pjan ta' ristrutturar ma jipprevedix razzjonalizzazzjoni tal-attivitajiet defiċitarji ta' Kem One. Kem One tbati minn problema strutturali ta' kapaċità eċċessiva. Fl-2012, ir-rati ta' produzzjoni tagħha meta mqabbla mal-kapaċità totali tagħha fl-S-PVC ma kinux ħlief 60-70 %, ħafna aktar baxxi mir-rati tal-użu medji tal-produtturi tal-S-PVC fis-suq tal-Majjistral tal-Ewropa.

(109)

Fl-ipoteżi prevista mill-pjan tar-ristrutturar, Kem One għandha tkabbar konsiderevolment il-produzzjoni u l-bejgħ tagħha fis-suq tal-Majjistral tal-Ewropa. Minbarra l-fatt li Kem One tradizzjonalment ikkonċentrat il-bejgħ tagħha tal-S-PVC fin-Nofsinhar tal-Ewropa, din il-perspettiva tidher wisq plawsibbli għal Ineos. Is-suq tal-PVC fil-Majjistral tal-Ewropa huwa diġà mmarkat minn offerta ħafna ogħla u l-previżjonijiet tas-suq tal-PVC fil-Majjistral tal-Ewropa qed iħabbru li fil-ħames snin li ġejjin ser ikun hemm tkabbir dgħajjef tad-domanda. Barraminhekk, l-akkwist ta' Vestolit u Vinnolit minn żewġ produtturi tal-PVC Amerikani għandu jkun ta' benefiċċju għal dawn l-atturi li ser igawdu minn struttura ta' spejjeż aktar effiċjenti, li tagħhmilhom kompetituri iktar effikaċi. Fl-aħħarnett, Kem One tbati minn reputazzjoni ħażina fost il-klijenti tas-suq tal-Majjistral tal-Ewropa.

(110)

Il-Pjan ta' ristrutturar jipprevedi r-riorjentazzjoni tal-politika kummerċjali lejn prodotti aktar profittabbli, jiġifieri l-E-PVC, il-PVC-C u l-kloru likwidu. Hija prevista wkoll żieda fil-bejgħ tas-soda kawstika fis-suq tal-Majjistral tal-Ewropa. Skont Ineos, din l-istrateġija ftit li xejn għandha ċans tkun suċċess.

(111)

L-ewwelnett, il-pjan jipprevedi tkabbir tal-produzzjoni u tal-bejgħ tal-E-PVC bl-għan li jiġi użat l-eċċess tal-kapaċità ta' Kem One, u minħabba li dan il-prodott huwa relattivament aktar profitabbli. Barraminhekk, is-suq tal-E-PVC fiż-ŻEE huwa kompetittiv ħafna u diġà qed ibati minn kapaċità eċċessiva. Mhix mistennija żieda sinifikanti fid-domanda fuq perjodu ta' żmien medju jew twil. Ineos tenfasizza wkoll li l-produtturi l-oħra tal-E-PVC aktar kredibbli u f'pożizzjoni aħjar fiż-ŻEE ħabbru investimenti riċenti u futuri fil-kapaċità ta' produzzjoni tagħhom.

(112)

Rigward il-proġett biex tiżdied il-produzzjoni tal-PVC-C sabiex jittieħed vantaġġ mill-profittabbiltà akbar tagħha, Ineos tinsisti fuq il-fatt li dan huwa prodott niche li d-domanda għalih fl-Ewropa hija dgħajfa ħafna. Is-suq Franċiż tal-kloru likwidu huwa karatterizzat minn daqs imċekken u intensità kompetittiva qawwija.

(113)

Fl-aħħarnett, dwar il-proġġett tat-tkabbir tal-bejgħ tas-soda kawstika fis-suq tal-Majjistral tal-Ewropa, Ineos tfakkar li s-soda kawstika hija sottoprodott inevitabbli għall-produzzjoni tal-kloru. Il-livell ta' produzzjoni tas-soda kawstika (u għalhekk il-volum tal-bejgħ) huwa xprunat mid-domanda għad-derivattivi tal-kloru (bħall-PVC). Kem One tista' tispera li tkabbar il-volum tal-bejgħ tas-soda kawstika ħlief jekk hija tippreżenta pjan plawsibbli għat-tkabbir tal-bejgħ tagħha tad-derivattivi tal-kloru downstream.

(114)

Skont Ineos, Franza ma pproponietx miżuri kompensatorji xierqa. Ineos tinsisti fuq il-fatt li l-linjigwida tal-2004 jirrikjedu b'mod ċar ir-rikors għal miżuri kompensatorji.

(115)

Ineos tfakkar li nofs tal-kapaċità tal-produzzjoni biss tal-S-PVC fis-suq tal-Majjistral tal-Ewropa qed tintuża għall-bejgħ mill-ġdid fl-istess suq. Din il-problema gravi tal-kapaċità eċċessiva ma tidhirx li ser tisparixxi fuq perjodu ta' żmien medju, b'konsiderazzjoni għall-perspettivi tal-industrija tal-kostruzzjoni. Il-kapaċità eċċessiva u d-domanda dgħajfa kellhom bħala konsegwenza tnaqqis tal-marġni tal-produtturi Ewropej tal-PVC. F'dan il-kuntest, l-għajnuna prevista ser tagħti lil Kem One vantaġġ sinifikanti.

(116)

B'mod partikolari, hi tippermettilha li tikkonverti t-teknoloġija tagħha għall-merkurju, li taggrava r-riskju għall-kompetituri tagħha li jkollhom jagħlqu ċertu partijiet tal-kapaċitajiet tagħhom. Barraminhekk, jekk Kem One attwalment jirnexxielha żżid il-bejgħ tagħha fis-suq tal-Majjistral tal-Ewropa, hija ser tgħin biex jiżdied aktar il-pressjoni kompetittiva.

(117)

Ineos tqis li huwa imperattiv li titnaqqas b'mod permanenti l-kapaċità tal-produzzjoni tal-PVC ta' Kem One, b'kunsiderazzjoni li l-problema strutturali tal-kapaċità eċċessiva tas-suq ser tbati għal żmien twil.

(118)

Fl-aħħarnett, Ineos tinnota li, fil-kuntest tas-swieq pertinenti li qed ibati minn problema strutturali ta' kapaċità eċċessiva, il-linjigwida tal-2004 jippreskrivu li l-Kummissjoni fil-prinċipju ma tagħtix għajnuna mmirata għall-ispejjeż tar-ristrutturar soċjali u ambjentali. Fl-opinjoni ta' Ineos, l-għajnuna għar-ristrutturar għandha għalhekk tkun immirata għall-ispejjeż ambjentali u soċjali marbuta mal-għeluq tas-sit ta' Lavéra, aktar milli jimmiraw ir-rikonverżjoni tagħha.

(119)

Ineos tqis li Kem One tibbenefika minn pożizzjoni tajba ħafna fis-suq tal-S-PVC fil-Majjistral tal-Ewropa, li jikkostitwixxi motiv supplimentari li għalih miżuri għandhom jiġu applikati b'mod effettiv. Fl-2012, Kem One kienet it-tielet attur tas-suq tal-Majjistral tal-Ewropa għall-S-PVC, b'bejn 10 u 20 % tal-kapaċitajiet totali.

(120)

Barraminhekk, Franza ma tistax tafferma, min-naħa, li Kem One tbati minn pożizzjoni dgħajfa fis-suq tal-S-PVC, u min-naħa oħra, li kull tnaqqis tal-kapaċitajiet tal-produzzjoni tagħha iwassal sabiex tiddgħajjef l-istruttura kompetittiva fl-istess suq.

(121)

Fil-fatt, Ineos tenfasizza li b'dawn il-miżuri kompensatorji, ma tkunx qed tisparixxi għalkollox l-intrapriża, iżda tnaqqas il-kapaċità tagħha. Barraminhekk, Ineos tqis li tnaqqis tal-kapaċità u saħansitra d-disparizzjoni totali u sempliċi ta' Kem One fis-suq — trendi lill-klijenti ta' din tal-aħħar inkapaċi li jistabbilixxu strateġija multipla ta' provvediment. Fil-fatt, Ineos tfakkar li jeżistu jew ser jeżistu, għal perjodu ta' żmien qasir, ħames fornituri ewlenin oħra, flimkien ma kompetituri żgħar oħra. Ineos terġa' tenfasizza li Kem One mhix meqjusa affidabbli f'dan is-suq. Fl-aħħarnett, Ineos tinsisti fuq il-fatt li s-suq inkwistjoni huwa kompetittiv.

(122)

Skont Ineos, miżuri kompensatorji huma meħtieġa wkoll fi swieq oħra, kollha kkaratterizzati mill-problemi tal-kapaċità eċċessiva u l-pożizzjoni solida ta' Kem One. Dan huwa primarjament is-suq tal-E-PVC, li fuqu fl-2012, Kem One kellha kapaċità totali ta' bejn 10 u 20 %. Fis-suq tal-klorometani, l-għajnuniet inkwistjoni għandhom bħala konsegwenza produzzjoni dowstream abbażi ta' spejjeż aktar vantaġġużi minn dak tal-kompetituri ta' Kem One. Fl-aħħarnett, fir-rigward tas-suq tas-soda kawstika, Ineos tfakkar li dan huwa sottoprodott inevitabbli għall-produzzjoni tal-kloru.

(123)

Ineos tqis li l-miżuri kompensatorji huma possibbli u huma se jikkontribwixxu sabiex tinħoloq katina ta' produzzjoni vijabbli.

(124)

F'dan ir-rigward, l-Ineos tqis li Kem One għandha tadotta pjan ta' ristrutturar li jwassalha sabiex:

(125)

Fl-opinjoni ta' Ineos, tali tnaqqis tal-kapaċità ta' Kem One tippermetti l-mitigazzjoni tal-effetti tad-distorsjoni tal-għajnuna fis-suq, li jiġu razzjonalizzati l-attivitajiet ta' Kem One fuq bażi aktar kompetittiv, u li jiġu kkonkretizzati l-attivitajiet strutturalment defiċitarji (speċjalment fuq is-sit ta' Lavéra). Din is-soluzzjoni ser tippermetti li tiġi solvuta l-problema tal-kapaċità żejda ta' Kem One jew li jitħassar il-bżonn għall-Istat Franċiż li jikkontribwixxi permezz ta' investiment qawwi għall-konverżjoni tas-sit ta' Lavéra.

(126)

L-intrapriża anonima 1 l-ewwelnett tinsisti fuq il-fatt li s-settur tal-PVC jinsab fi kriżi u li l-atturi ewlenin tagħha jinsabu taħt pressjoni ekonomika u finanzjarja qawwija. L-operaturi Ewropej għandhom japprovaw investimenti qawwija minħabba l-qafas regolamentari fil-kuntest ikkaratterizzat mill-2007 minn tnaqqis tal-marġni, it-tnaqqis tad-domanda Ewropea tal-PVC, tal-prezzijiet li qed jaqgħu, l-ispejjeż għoljin tal-enerġija, il-problemi ta' kapaċità eċċessiva u fl-aħħarnett is-sitwazzjoni ekonomika ħażina tas-settur tal-kostruzzjoni.

(127)

F'dan il-kuntest, huwa importanti li jinżammu l-kondizzjonijiet ta' kompetizzjoni ekwitabbli. Għajnuna lil Kem One hija meqjusa bħala sors potenzjali ta' distorsjonijiet gravi tas-suq.

(128)

Franza tafferma li, mingħajr miżura ta' għajnuna lill-intrapriża Kem One, is-suq ikun ikkaratterizzat minn sitwazzjoni oligopolija limitata. L-intrapriża anonima 1 ma taqbilx ma din il-perspettiva. Hija tfakkar li l-Kummissjoni, fid-deċiżjoni tagħha Ineos/Solvay/JV, ma kkonkludietx li s-suq kien ikkaratterizzat minn tali sitwazzjoni. Il-Kummissjoni għalhekk għamlet referenza għal ħdax-il intrapriża li jipproduċu jew jimportaw l-S-PVC.

(129)

Barraminhekk, l-intrapriża anonima 1 tinnota li l-għoti ta' għajnuna lit-tielet attur tas-settur ma tagħmel xejn ħlief ittawwal l-aġġustamenti u t-titjib neċessarji tas-suq u taggrava d-diffikultajiet finanzjarji ta' operaturi oħra. Skont l-intrapriża anonima 1, huwa possibbli li jiġi argumentat li ebda għajnuna ma tista' tingħata, skont il-punt 8 tal-linjigwida tal-2004, sal-punt li s-suq ibati minn kapaċità eċċessiva strutturali.

(130)

L-intrapriża anonima 1 tesprimi wkoll dubji dwar il-perspettivi tar-ritorn għall-profittabbiltà ta' Kem One. Hija tinnota li l-Kummissjoni kienet diġà kkonstatat, fl-okkażżjoni tad-deċiżjoni tagħha Ineos/Solvay/JV, in-nuqqas ta' kapaċità ta' Kem One li terġa' tikseb il-vijabbiltà ekonomika tagħha, anke wara li ġiet akkwistata minn Klesch.

(131)

Il-miżuri tal-pjan tar-ristruttura bħal dawk imħabbra fid-deċiżjoni tal-ftuħ għandhom nuqqas ta' preċiżjoni, b'mod partikolari rigward l-istrateġija kummerċjali ta' Kem One, tal-konverżjoni tal-impjanti tal-elettroliżi u tal-kredibbiltà ta' kuntratti futuri tal-intrapriża. Barraminhekk, jidher probabbli li l-perjodu ta' ristruttar jaqbeż ħames snin — iż-żmien meqjus bħala aċċettabbli mill-Kummissjoni fid-deċiżjonijiet preċedenti.

(132)

Barraminhekk, id-data li fiha l-investimenti rikjesti għall-immodernizzar tat-tagħmir tal-elettrożi kellhom jitwettqu hija inċerta (2016 jew 2017). Ir-regolamentazzjoni Ewropea tirrikjedi li l-operaturi Ewropej jwettqu l-konverżjoni tat-teknoliġija għall-merkurju qabel l-aħħar tal-2017. Jekk Franza tippermetti li Kem One tittardja l-investimenti neċessarji, dan ikun trattament preferenzjali li jista' jikkostitwixxi vantaġġ finanzjarju u għalhekk għajnuna mill-Istat.

(133)

Fl-aħħarnett, l-istabbiliment tal-miżuri tar-ristrutturar jiddependi fuq fatturi esterni u indipendenti ta' kontroll tal-intrapriża. Dan hu b'mod partikolari l-każ tas-self bankarju ta' EUR 60 sa 70 miljun fl-2016.

(134)

Rigward l-ammont tal-għajnuna, l-intrapriża anonima 1 tinsisti fuq il-fatt li huwa ħafna ogħla mill-ammont allokat minn Franza. Ċertu miżuri jistgħu jkunu kkunsidrati fit-totalità tagħhom bħala għajnuniet mill-Istat, bħas-sussidju dirett ta' EUR 15-il miljun jew l-avvanzi rimborsabbli ta' EUR 80 miljun għall-immodernizzar tat-tagħmir ta' produzzjoni. Fil-fatt, investitur privat ma kienx fi kwalunkwe każ, jibbaża d-deċiżjoni ta' investiment tiegħu skont il-kondizzjonijiet li jikkonċernaw iż-żamma tal-attività u tal-persunal tas-sit f'Lavéra. Barraminhekk, in-natura purament ipotetika tas-self bankarju privat mhux biżżejjed biex juri r-rieda tal-investitur privat li jagħti self bl-istess kondizzjonijiet

(135)

Fir-rigward tas-self mill-ESDF ta' EUR 30 miljun, fin-nuqqas ta' lista preċiża ta' assi u tagħmir li jikkostitwixxu kollateral, kif ukoll evalwazzjoni tal-valur tas-suq tagħhom, huwa impossibbli biex jiġi konkluż li l-livell tal-kollateral huwa “għoli”. Dan il-livell, skont l-intrapriża anonima 1, jistal-aktar jiġi kkunsidrat bħala normali, li fil-każ, skont il-komunikazzjoni dwar ir-rati ta' referenza tal-2008, ir-rata bażi ta' 0,53 % għandha tiżdied għal tal-inqas 6,00 %. Dan jgħolli konsiderevolmet l-ammont meqjus bħala għajnuna fis-self mill-ESDF.

(136)

L-intrapriża anonima 1 fl-aħħar tiddikjara l-annullament tad-dejn fiskali u tas-sigurtà soċjali għall-ammont ta' EUR […]. Skont l-intrapriża anonima 1, dawn l-annullamenti ta' dejn mill-awtoritajiet tal-istat ma jistgħux jiġu assimilati ma' annullamenti konsentiti mill-kredituri privati sakemm ma jaqbżux il-livell medju f'dan il-qasam. Dan l-ammont medju ta' 70 %, EUR […] li jaqbeż dan il-livell għandu jiġi kkunsidrat bħala għajnuna mill-Istat.

(137)

Barraminhekk, l-intrapriża anonima 1 tinsisti fuq il-karattru potenzjali tal-għajnuna tal-pagament differit mill-garanzija SEVESO. Jidher li trasferiment intragrupp għal ammont ta' EUR 10-19 miljun kien sar għall-profit ta' Kem One mill-grupp Klesch għall-finijiet tal-garanzija SEVESO. Franza tafferma li l-ammont liberat u trasferit tal-garanzija SEVESO għandu gradwalment jiġi allokat għar-ristrutturar tal-garanzija finanzjarja SEVESO minn Kem One. Il-garanziji finanzjarji għandhom karattru intuitu personae, b'mod li fil-każ ta' bidla tal-operatur tas-sit, il-Kodiċi Franċiż dwar l-ambjent jirrikjedi mill-operatur ġdid li jagħmel dikjarazzjoni lill-awtorità kompetenti fi żmien xahar. Il-Kummissjoni għandha tfittex li tikseb konferma minn Franza li dan l-ammont trasferit effettivament jintuża għar-rikostruzzjoni tal-garanzija SEVESO u li l-pagament differit tal-garanzija ma jikkostitwixxix trattament finanzjarju preferenzjali mogħti lil Kem One mill-awtorità, li potenzjalment timplika għajnuna mill-Istat.

(138)

Barraminhekk, skont l-intrapriża anonima 1, l-eżistenza ta' tnaqqis possibbli mogħti mill-EDF lil Kem One fil-kuntratti ġodda tal-elettriku tagħha huwa fatt magħruf fis-suq. Kieku dan il-punt ġie ippruvat, ma kien ikun hemm għalhekk ebda dubju fuq il-fatt li dan it-trattament preferenzjali huwa ammissibbli għall-Istat Franċiż, dan tal-aħħar jirregola l-amministrazzjoni tal-EDF u għandu aktar minn żewġ terzi tal-kapital tiegħu.

(139)

L-intrapriża anonima 1 tesprimi wkoll dubji dwar il-limitazzjoni tal-għajnuna strettament għall-minimu, b'mod partikolari għall-proġett ta' investiment SAM. L-EUR 95 miljun mogħtija fil-forma ta' sussidju dirett u avvanzi rimborsabbli għandhom l-għan li jiffinanzjaw investiment li l-intrapriża hija totalment impenjata li twettaq skont il-leġiżlazzjoni fis-seħħ. L-għajnuna għal dan il-proġett ta' konversjoni tista' eventwalment ma jkollhiex bżonn aktar effetti ta' inċentiv għal Kem One b'kunsiderazzjoni li l-intrapriża ma taġixxix ħlief b'konformità mal-obbligi legali tagħha. Jeżistu għalhekk dubji serji dwar il-fatt kemm il-proġett SAM huwa verament investiment essenzjali għar-ristrutturar tal-vijabbiltà ta' Kem One.

(140)

Ir-riżorsi propji ta' Kem One fil-biċċa l-kbira tagħhom huma kostitwiti mill-annullamenti ta' dejn minn kredituri privati. Abbażi ta' dan, il-kontribuzzjoni proprja ta' Kem One mhux se tilħaq nofs l-ammont ta' għajnuna kkalkulat minn Franza, l-ammont li, kif diġà ġie spjegat, għandu jkun ferm inqas mill-ammont effettiv ta' għajnuniet li għandhom jiġu kkunsidrati.

(141)

Barraminhekk, l-annullamenti tad-dejn privat ma jistgħux jiġu kkunsidrati bħala kontribuzzjoni proprja, b'mod li huma ma jakkwistawx riżorsi supplimentari għal Kem One sabiex jiġu koperti l-ispejjeż għar-ristrutturar tagħha.

(142)

In-naħa l-oħra li tikkostitwixxi l-kontribuzzjoni proprja ta' Kem One hija rappreżentata mis-self bankarju tal-ammont ta' EUR 60-70 miljun. L-intrapriża anonima 1 diġà enfasizzat n-natura ipotetika ta' dan is-self.

(143)

Fl-aħħarnett, l-intrapriża anonima 1 tinsisti fuq il-bżonn ta' miżuri kompensatorji sabiex jiġu newtralizzati l-konsegwenzi tal-għajnuna. Hija ma taqbilx mal-pożizzjoni ta' Franza li tgħid li l-miżuri kompensatorji jqiegħdu f'periklu l-vijabbiltà ta' Kem One u l-effetti tal-għajnuna fuq l-istruttura kompetittiva jiġu limitati, anke ta' benefiċċju għall-kompetizzjoni fis-suq.

(144)

L-intrapriża anonima 1 tinsisti min-naħa tagħha fuq il-punt 40 tal-linjigwida tal-2004, li jippreċiżaw li l-miżuri kompensatorji huma partikolarment neċessarji fis-swieq li fihom l-intrapriża benefiċjarja se jkollha pożizzjoni sinifikanti wara r-ristrutturar. L-intrapriża anonima 1 tqis il-parti tas-suq ta' Kem One fis-suq tal-S-PVC fil-Majjistral tal-Ewropa għal 20 %.

(145)

L-intrapriża anonima 1 ma taqbilx mal-pożizzjoni ta' Franza li tgħid li l-miżuri inkwistjoni huma neċessarji wkoll sabiex tinżamm struttura kompetittiva fis-suq. Fil-fatt, wara l-implimentazzjoni tal-miżuri korrettivi previsti fid-deċiżjoni Ineos/Solvay/JV, is-suq ser jassisti għall-emerġenza ta' atturi ġodda, irrispettivament mis-sitwazzjoni ta' Kem One. Barraminhekk, ma intweriex li l-fatt li jinżammu l-kapaċitajiet tal-produzzjoni ta' Kem One, jikkostitwixxi kondizzjoni indispensabbli għar-ristabbiliment ekonomiku tagħha. Il-miżuri inkwstjoni jirriskjaw li tiġi aggravata l-problema tal-kapaċità eċċessiva fis-suq.

(146)

Fir-rigward tal-miżuri kompensatorji possibbli, l-intrapriża anonima 1 qed tressaq diversi proposti:

(147)

Arkema tosserva, inkwantu għall-punt 13 tad-deċiżjoni tal-ftuħ, li kienet saret sussidjarizzazzjoni doppja tal-attivitajiet tal-vinil ta' Arkema fl-okkażjoni taċ-ċediment lill-grupp Klesch. Fl-okkażjoni ta' dan it-trasferiment, kien sar l-ewwel aġġustament tal-istruttura tal-ispejjeż taż-żewġ entitajiet ċeduti. Arkema tindika li bejn l-2005 u l-2010 hija kienet nediet pjan ta' ristrutturar tal-attività tagħha tal-“vinil”. Arkema tirrimarka li avvenimenti eċċezzjonali, bħar-ritorn għall-kondizzjonijiet ekonomiċi fit-tieni nofs tal-2012 jew it-twaqqif tal-provvediment tal-etilen minħabba inċident fis-sit ta' Lavéra, jispjegaw id-diffikultajiet finanzjarji affaċċjati minn Kem One fl-2013.

(148)

Fir-rigward tal-punt 14 tad-deċiżjoni tal-ftuħ, Arkema tippreċiża li l-kuntratti ta' servizzi u ta' prestazzjonijiet bejn Arkema u Kem One ġew stabbiliti wara li saret talba minn Kem One sabiex hi tkun tista' tkompli b'mod normali l-attivitajiet tagħha ladarba ssir is-sussidjarizzazzjoni.

(149)

Fil-punt 126 tad-deċiżjoni tal-ftuħ, il-Kummissjoni tindika li l-abbandun tad-dejn mill-imsieħba privati ma għandux jiġi kkunsidrat fil-kontribuzzjonijiet privati. F'dan ir-rigward, Arkema tippreċiża li, b'mod parallel għall-abbandun tad-dejn tagħha, hija għamlet kontribuzzjoni ta' EUR 40,5 miljun, li jikkostitwixxu fluss finanzjarju reali u esprimiet il-fiduċja tagħha fil-vijabbiltà tal-pjan ta' ristrutturar ta' Kem One. Skont Arkema, ma hemm ebda raġuni, sabiex l-abbandun tad-dejn jiġi kkunsidrat b'mod differenti. L-abbandun tad-dejn ta' EUR 95,6 miljuni li approvat Arkema, kellu l-għan li jikkontribwixxi sabiex Kem One tingħata struttura ta' bilanċ li tippermettilha biex meta jasal il-waqt, tagħmel is-selfiet neċessarji b'kondizzjonijiet aċċettabbli.

(150)

Arkema tfakkar li hija parti li qed tieħu parti mir-riskju relatat mat-tkomplija tal-attività ta' Kem One. Pereżempju, Arkema għażlet li żżomm il-flussi tal-fornitura tal-prodotti u sottoprodotti ma' Kem One filwaqt li dawn tal-aħħar setgħu ngħataw lill-fornituri oħra.

(151)

Vestolit tqis li l-miżuri mogħtija lil Kem One mill-Istat Franċiż ser jaffettwaw b'mod negattiv is-sitwazzjoni kompetittiva tas-suq tal-PVC fl-Ewropa. Vestolit tiġbed l-attenzjoni tal-Kummissjoni dwar il-fatt li s-suq għandu kapaċità eċċessiva, u li diversi studji indipendenti jipprevedu li ser tistaġna d-domanda.

(152)

Dawn il-miżuri b'mod partikolari jqiegħdu f'diffikultà lill-intrapriżi li mmodernizzaw l-assi tagħhom huma stess (bl-għajnuna ta' riżorsi propji). Fil-fatt, l-għajnuna mill-Istat ser tippermetti lil Kem One biex iżżomm l-assi ekonomikament mhux vijabbli jew skaduti.

(153)

Fl-aħħarnett, Vestolit tenfasizza li Kem One ma setgħetx tingħata self bl-istess kondizzjonijiet tas-suq.

(154)

Konsegwentement, Vestolit tistieden lill-Kummissjoni biex tikkunsidra l-impożizzjoni ta' miżuri kompensatorji.

(155)

Il-European Council of Vinyl Manufacturers (ECVM) jirrappreżenta l-imgħax tal-produtturi Ewropej tar-reżin tal-PVC. Il-ħames membri tiegħu jirrappreżentaw viċin is-70 % tal-PVC prodott fl-Unjoni u fin-Norveġja. L-ECVM huwa membru fundatur tal-programm VinylPlus, li jikkonsisti f'impenn volontarju għall-iżvilupp sostenibbli imniedi fl-2011 għal perjodu ta' għaxar snin.

(156)

Fl-2012, Kem One iddeċidiet unanimament li toħroġ mill-ECVM filwaqt li fl-istess okkażjoni waqfet tikkontribwixxi għall-programm Vinylplus. L-ECVM tqis li Kem One tibbenefika minn sforzi u kontribuzzjonijiet finanzjarji ta' produtturi oħra tal-PVC għall-programm VinylPlus, mingħajr ma taqsam il-piż finanzjarju. Din is-sitwazzjoni hija l-oriġini ta' vantaġġ kompetittiv inġust għal intrapriża li tibbenefika wkoll minn għajnuna mill-Istat. Konsegwentement, l-ECVM jitlob li tiġi stabbilita miżura kompensatorja li tikkonsisti fl-obbligazzjoni lil Kem One sabiex tikkontribwixxi għal Vinylplus.

(157)

Il-Kummissjoni l-ewwelnett tinnota li l-osservazzjonijiet tal-intrapriża anonima 2 intbagħtu wara d-data tal-iskadenza tal-wasla tal-osservazzjonijiet minn partijiet terzi.

(158)

L-ewwelnett, l-intrapriża anonima 2 taffirma li l-miżuri inkwistjoni jagħtu vantaġġ kompetittiv sinifikanti lil Kem One. Hija tqis li l-konverżjoni tat-teknoloġija għall-merkurju fl-istat attwali fis-suq mhix profittabbli għall-kompetituri tagħha. Konsegwentement, l-intrapriżi biss li jibbenefikaw minn għajnuniet mill-Istat jistgħu jagħmlu tali investiment. Dan huwa dovut minħabba li d-differenza bejn l-ispiża tal-produzzjoni ta' diklorur tal-etilen (EDC) permezz ta' klorinar u prezz tal-akkwist tiegħu mhix biżżejjed biex tiġġustifika investiment qawwi għall-produzzjoni tal-kloru għall-klorinazzjoni. Barraminhekk, l-EDC manifatturat direttament jiġi irħas, b'tali mod li Kem One tibbenefika minn vantaġġ konsiderevoli meta mqabbla mal-kompetituri tagħha, bis-saħħa tal-għajnuna mill-Istat.

(159)

It-tieni nett l-intrapriża anonima 2 tenfasizza li s-suq huwa kkaratterizzat minn eċċess qawwi ta' offerta, li hija tqis li hija miljun (1) tunnellata fis-sena. F'dan il-kuntest, minħabba prestazzjoni aktar diffiċli minħabba previżjonijiet ta' domanda staġnata, saħansitra li qed tonqos, ir-ritorn għall-investiment huwa inċert ħafna.

(160)

L-intrapriża anonima 2 tesprimi n-nuqqas ta' qbil tagħha ma' Franza dwar ix-xenarju kontrafattwali f'każ ta' nuqqas ta' għajnuna. Hija tippreċiża li, il-politika kummerċjali ta' Kem One, minħabba li hija prinċipalment orjentata lejn in-Nofsinhar tal-Ewropa, ma jeżistix ir-riskju li l-għejbien ta' din l-intrapriża taffettwa b'mod sinifikanti l-kapaċità disponibbli għad-detriment tal-konsumaturi tal-S-PVC fit-Tramuntana tal-Ewropa. L-intrapriża anonima 2 tqis li, fil-każ li Kem One ma twettaqx il- konverżjoni tat-teknoloġija tagħha għall-merkurju, hija dejjem tista' tipprovdi lill-klijenti tagħha mis-sit industrijali tagħha diġà kkonvertiti.

(161)

Barraminhekk, minħabba li s-suq kien ikkaratterizzat minn provvista eċċessiva, il-kompetituri ta' Kem One ma jkollhom l-ebda problema biex ifornu lill-klijenti fil-każ li din tal-aħħar tnaqqas il-preżenza kummerċjali tagħha.

(162)

L-intrapriża anonima 2 tissuġġerixxi t-tnaqqis tal-kapaċità jew tal-preżenza kummerċjali ta' Kem One, jiġu imposti fuqha bħala miżuri kompensatorji.

(163)

Fl-aħħarnett, fir-rigward tal-vijabbiltà tal-pjan ta' ristrutturar, l-intrapriża anonima 2 tqis li l-kuntest ta' provvista eċċessiva diġà jenfasizza, flimkien ma domanda staġnata, jagħmilha impossibli li jkun hemm żieda progressiva fil-prezzijiet tal-PVC, kif previst fil-punt 52 tad-deċiżjoni tal-ftuħ.

(164)

Permezz tal-ittra tal-25 ta' Frar 2015, Franza wieġbet għall-osservazzjonijiet tal-partijiet terzi interessati.

(165)

Franza fformulat diversi kummenti preliminari ġenerali fir-rigward tal-osservazzjonijiet ta' Ineos u tal-intrapriża anonima 1.

(166)

Fil-qosor, Franza tqis li l-osservazzjonijiet ta' Ineos u tal-intrapriża anonima 1 huma ppreġudikati, mimlija żbalji fattwali u mmotivati minn konsiderazzjonijiet opportunisti.

(167)

Il-miżuri kompensatorji mitluba minn Ineos u l-intrapriża anonima 1 jistgħu jikkompromettu r-ritorn għall-vijabbiltà ta' Kem One u jipprovokaw il-ħruġ tagħha mis-suq, sitwazzjoni mingħajr dubju profittabbli għal Ineos u l-intrapriża anonima 1 sal-punt fejn hi ssaħħaħ il-pożizzjonijiet tagħhom fis-suq, għad-detriment tal-intensità kompetittiva fis-swieq differenti tal-PVC.

(168)

Fl-aħħarnett, Franza tenfasizza li bejn l-2003 u l-2007, diversi każijiet ta' konverżjoni ta' impjanti tal-elettroliżi tat-teknoloġija tal-merkurju għal teknoloġija membranika, ibbenefikaw minn għajnuniet mill-Istat approvati mill-Kummissjoni. Għalhekk, Ineos u Solvay ibbenefikaw minn tali għajnuniet rispettivament, b'ammont ta' EUR 57,2 miljuni għall-immodernizzar tas-siti ta' Runcorn u b' EUR 36 miljun għal dawn tas-siti ta' Rosignano u Bussi. Safejn taf Franza, tali għajnuniet ingħataw mingħajr ebda miżura kompensatorja.

(169)

Franza titratta wara l-klassifikazzjoni tal-miżuri u l-kompatibbiltà tal-miżuri mas-suq intern.

(170)

Self mill-ESDF. Franza l-ewwelnett tenfasizza li hija diġà wriet li l-Istat jiddisponi minn garanzija solida, b'mod li r-rata effettiva ta' 3,5 % tikkorrispondi għar-rata tas-suq. Jekk qatt l-eżistenza ta' għajnuna kienet ippruvata, għandha tiġi kkalkolata biss bħala d-differenza bejn ir-rata effettiva u rata ta' referenza.

(171)

Fir-rigward tal-valur tal-kollateral, interrogat mill-partijiet terzi interessati, Franza reġgħet affermat li l-valur nett kontabbli huwa ekwivalenti għall-valur fis-suq tiegħu. Fil-fatt Franza sabiex tikkonferma, ipprovdiet rapport ta' esperti indipendenti, li saru b'mod partikolari fil-mument tat-trasferiment parzjali tal-assi ta' Arkema lil Kem One f'Lulju 2012. Barraminhekk, il-valur ta' dawn it-trasferimenti ġie vvalidat minn kummissarju tat-trasferimenti. Anke fl-ipoteżi fejn il-valur ta' dawn l-assi kien jonqos minħabba l-fatt tad-diffikultajiet finanzjarji ta' Kem One, Franza tenfasizza li dawn l-assi ġew stmati li huma EUR [130-140] miljuni, filwaqt li l-valur tas-self mill-ESDF mhux ħlief EUR 30 miljun: għalhekk, il-valur tal-kollateral dejjem ser ikopri sew il-valur tas-self.

(172)

Rigward il-kondizzjonijiet tal-imgħax fuq is-self, Franza tippreċiża li r-rati tal-imgħax xierqa għandhom jiġu kkalkolati abbażi tar-riskju tal-insolvibbiltà tal-intrapriża benefiċjarja u tal-kwalità tal-kollateral offrut. B'applikazzjoni tal-komunikazzjoni dwar ir-rati ta' referenza tal-2008, ir-rata ta' referenza tista' tiġi kkalkolata abbażi ta' rata ta' bażi ta' 0,53 % flimkien ma' 400 punt bażi, jiġifieri 4,53 %, u mhux 6,53 % kif imsemmi mill-intrapriża anonima 1. Madankollu, ir-rata ta' referenza hija biss indikatur u li r-riskju żgħir ta' insolvibbiltà ta' Kem One kif ukoll il-grad għoli ħafna ta' kollaterali jiġġustifikaw ir-rata ta' 3,5 %.

(173)

Fl-aħħarnett, kif indikat mill-Kummissjoni fid-deċiżjoni tal-ftuħ, il-pjan ta' ristrutturar ta' Kem One huwa wkoll soġġett għal finanzjament minn [Operatur privat 2] ta' EUR [55-65] miljuni.

(174)

Avvanzi rimborsabbli Franza tfakkar li hija qatt ma sostniet li dawn l-avvanzi ma jinkludux element ta' għajnuna mill-Istat. Madankollu hija tqis li dawn l-avvanzi għandhom jiġu kkunsidrati bħala self rimborsabbli minn Kem One. F'dawn il-kondizzjonijiet, hija d-differenza fir-rati li tista' tikkostitwixxi l-element ta' għajnuna u mhux l-ammont kollu tal-avvanzi. Konsegwentement, għall-kuntrarju ta' dak li qed isostnu Ineos u l-intrapriża anonima 1, mhux l-ammont kollu tal-avvanzi rimborsabbli huwa suxxettibbli li jikkostitwixxi l-element ta' għajnuna iżda s-sussidju ekwivalenti, stmat li jilħaq total ta' EUR 29,4 miljuni (inklużi l-EUR 15-il miljun ta' sussidju).

(175)

Fir-rigward tal-finanzjament tal-proġett SAM, Franza tindika li l-proġett SAM jikkostitwixxi parti importanti mill-pjan ta' ristrutturar u li f'dan ir-rigward, il-miżuri ta' finanzjament huma integrati fil-pjan ta' ristrutturar approvat mit-Tribunal Kummerċjali ta' Lyon. Huma għandhom jiġu analizzati fid-dawl tal-linjigwida tal-2004, bl-istess mod bħall-miżuri l-oħra miżmuma fil-kuntest tal-pjan ta' ristrutturar.

(176)

Abbandun ta' dejn fiskali u tas-sigurtà soċjali Franza tfakkar li hija tqis li d-deċiżjoni tas-CCSF li tirrinunċja għal tali dejn rimessibbli sa limitu ta' […] % mhux suxxettibbli li jinkludi elementi ta' għajnuna mill-Istat, sakemm ir-rata ta' rinunċja tikkorrispondi għar-rata medja ta' rinunċja tal-kredituri privati sabiex ikun possibbli r-ristrutturar tal-impriża (ċerti kredituri, fil-kuntest tal-pjan ta' ristrutturar permezz ta' kontinwazzjoni adottat mit-Tribunal Kummerċjali ta' Lyon, fil-fatt aċċettaw li jabbandunaw il-krediti kollha tagħhom, b'tali mod li r-rata ta' rinunċja medja tal-kredituri tiġi stabbilita għal […] %).

(177)

Tariffi tal-elettriku tal-EDF. Franza tenfasizza li l-argument tal-partijiet terzi inkwantu għall-eżistenza ta' “discounts” (skontijet) huwa bbażat fuq ċitazzjoni żbaljata fid-deċiżjoni tal-ftuħ — li ma tagħmel ebda riferiment għal tali skontijiet — u fuq għajdut tas-suq irrapportat mill-intrapriża anonima 1: “It is indeed well known in the market that Kem One has been granted price reductions by EDF for its new electricity contracts.” (“Fil-fatt huwa magħruf sew fis-suq li Kem One ingħatat roħs fil-prezzijiet mill-FEŻ għall-kuntratti ġodda tal-elettriku tagħha”).

(178)

Franza tinsisti fuq il-fatt li Kem One ma ngħatat ebda roħs mill-FEŻ.

(179)

Ritorn għall-vijabbiltà għal żmien twil Franza tenfasizza li l-miżuri ta' ristrutturar industrijali jirreaġixxu b'mod adegwat għall-fatturi differenti li joriġinaw mid-diffikultajiet finanzjarji ta' Kem One u li għalhekk jippermettu li terġa' tiġi stabbilita l-vijabbiltà tal-intrapriża għal żmien twil.

(180)

Fl-ewwelnett, għall-kuntrarju tal-argument ta' Ineos li għandu l-għan li juri li l-problema strutturali tal-kapaċità eċċessiva ta' Kem One ma tistax issib soluzzjoni f'ambjent kompetittiv immarkat ukoll minn kapaċità eċċessiva u l-previżjonijiet tad-domanda dgħajfa, Franza tfakkar li l-kapaċità eċċessiva nominali fis-suq tal-S-PVC fl-Ewropa tal-Punent għandha tiġi relattivizzata. Il-kapaċità prattika għandha fil-fatt titnaqqas b'10 % b'kunsiderazzjoni għall-irregolarità inevitabbli tal-produzzjoni (staġjonalità tal-bejgħ, waqfien qawwi tal-produzzjoni). Franza tqis li l-kapaċità eċċessiva attwali fis-suq globali mhix ħlief 14 %.

(181)

Il-kunċett ta' kapaċità eċċessiva kif definit minn Ineos ma jikkorrispondix għall-kapaċitajiet liberi iżda għas-somma tal-kapaċitajiet liberi (filwaqt li tiġi injorata n-neċessità ta' riserva ta' 8 %) u tal-kwantitajiet mibjugħa barra mill-Ewropa.

(182)

Din id-definizzjoni tassumi kemm li l-faċilitajiet konsistentement joperaw 100 % bil-kapaċità teknika tagħhom, kif ukoll li s-suq Ewropew huwa l-uniku żbokk profitabbli (li huwa miċħud mit-tkabbir tal-esportazzjonijiet) kif ukoll tinjora r-realtà ġeografika (ikkaratterizzata minn siti Ewropej mxerrda b'mod wiesa' ħafna).

(183)

Kem One tqis il-kapaċità disponibbli fis-suq tal-PVC tal-Majjistal tal-Ewropa hija ta' […] kt u l-produzzjoni massima ta' […] kt (– [5-15] % għal effetti staġjonali, intervisti). Għalhekk, fis-suq tal-S-PVC, ir-rati ta' esplojtazzjoni jitilgħu għal [85-95] % tal-massimu reali u għal [80-90] % tal-kapaċità operattiva. Għall-pejst tal-PVC (jew E-PVC), iċ-ċiffri korrispondenti huma kważi identiċi, jiġifieri [85-95] % tal-massimu reali u [80-90] % tal-kapaċità operattiva.

(184)

Iċ-ċifri reali juru wkoll li s-sitwazzjoni tas-suq tal-S-PVC u dik ta' Kem One huma aħjar mid-deskrizzjoni li saret minn Ineos fl-osservazzjonijiet tagħha.

(185)

It-tieni nett, Franza tqis li l-affirmazzjonijiet ta' Ineos u tal-intrapriża anonima 1 li jgħidu li s-siti ta' produzzjoni ta' Kem One kienu se jesperjenzaw rata ta' kapaċità eċċessiva ta' 40 % ma għandhom ebda bażi. Fil-fatt, Ineos ma tippreċiżax il-metodu ta' kalkolu tagħha. Anke jekk il-volumi tal-produzzjoni tal-assi ta' Kem One kienu affettwati minn tnaqqis matul il-perjodu 2011-2013 minħabba avvenimenti ta' natura teknika, il-medja tar-rati tal-użu tal-assi tal-S-PVC hija, skont Franza, ta' [70-80] % fuq ħames snin.

(186)

Għalhekk, għall-kuntrarju ta' dak li qed isostnu Ineos u l-intrapriża anonima 1, id-diffikultajiet ta' Kem One mhumiex marbuta ma' livelli ta' produzzjoni wisq dgħajfa. Fir-realtà, it-talba għal-likwidazzjoni ta' Kem One fl-aħħar ta' Marzu 2013 hija msejsa prinċipalment fuq l-akkumulazzjoni ta' diffikultajiet strutturali (aċċess għal spejjeż ogħla tal-materja prima, għodda tal-produzzjoni tal-kloru u tas-soda ta' Lavéra mhux kompetittivi biżżejjed) u ċikliċi (sentenza regolamentari pprogrammata għal żmien twil u problema teknika fuq il-provvista tal-etilen).

(187)

Sabiex jirrispondi b'mod effettiv għal dawn l-iżvantaġġi differenti, il-pjan ta' ristrutturar jipprevedi:

(188)

Fil-każ tas-suċċess tax-xenarju nominali, il-pjan ta' ristrutturar ser jippermetti lil Kem One biex terġa' ssib livell ta' marġni gross ta' [25-35] % tal-fatturat fl-2017, kif ukoll livell ta' EBITDA ta' [5-15] % mill-2018, li jikkonforma mal-livell ta' profittabbiltà medju tas-settur tal-kimika tal-komoditajiet. Barraminhekk, il-preżunzjonijiet tal-pjan ta' ristrutturar u tal-pjan tan-negozju huma bbażati fuq l-istabbiltà relattiva tal-fatturat (u mhux neċessarjament xenarju ta' żieda sinifikanti ta' bejgħ S-PVC) u l-preżunzjonijiet ta' produzzjoni qrib il-livelli storiċi tal-intrapriża.

(189)

Fi kwalunkwe każ, id-dejta Fides (statistika mill-industrija tal-S-PVC) tippermetti li jiġi kkonstat li s-sehem tas-suq ta' Kem One fl-Ewropa tal-Punent fis-suq tal-S-PVC kien ta' [10-20] % fl-2014, li jikkorrispondi għal livell simili bħal fl-2011 u l-2012 u ogħla meta mqabbel mas-sena 2013 ([10-20] %). Barraminhekk, Kem One bbenefikat għal sitt xhur minn żieda fil-bejgħ u l-marġini tal-esportazzjoni lejn is-suq Tork, fejn Kem One ħasbet li reġgħet kisbet is-sehem tas-suq tal-produtturi tat-Tramuntana tal-Amerka minħabba t-tnaqqis sinifikanti fl-euro kontra d-dollaru kif ukoll il-waqgħa fil-prezzijiet taż-żejt.

(190)

L-awtoritajiet Franċiżi jinnutaw ukoll li l-affirmazzjonijiet ta' Ineos, li jgħidu li Kem One kellha reputazzjoni ħażina fost il-konsumaturi tas-suq tal-S-PVC tal-Majjistral tal-Ewropa, jikkontradixxu l-pożizzjonijiet sostnuti wkoll sabiex tiġi ġġustifikata l-adozzjoni ta' miżuri kompensatorji, b'mod partikolari: “Kem One is a significant player in the S-PVC market” (“Kem One hija attur importanti fis-suq tal-S-PVS”).

(191)

Franza tqis ukoll li l-parti tal-pjan ta' ristrutturar relatata mal- orjentazzjoni mill-ġdid tal-politika kummerċjali ta' Kem One lejn swieq oħra bħal l-S-PVC, hija bbażata fuq preżunzjonijiet prudenti u realistiċi u tirrappreżenta biss komponent minuri meta mqabbla mal-parti industrijali tal-pjan.

(192)

Skont Franza, l-intrapriża hija konxja għalkollox mill-fatt li l-qligħ mill-marġni l-aktar importanti ma sarux mill-politika kummerċjali iżda mir-rinegozjar tal-kuntratti tal-aċċess għall-materja prima u għall-pjattaformi, jew saħansitra mill-immodernizzar tal-infrastrutturi.

(193)

Il-prevenzjoni ta' kull distorsjoni żejda tal-kompetizzjoni. Franza tagħmel parti mill-osservazzjonijiet tagħha dwar il-punti li ġejjin:

(194)

Jekk l-eżistenza ta' kapaċità strutturali eċċessiva ma tiġix miċħuda, dik implikata minn Ineos, għandha, mill-perspettiva ta' Franza, tiġi kwalifikata ħafna f'diversi aspetti. L-ewwelnett, il-kapaċitajiet mhux użati tal-produtturi ġeneralment ivarjaw bejn 8 u 10 % sabiex jiġi kkunsidrat it-tqassim irregolari bejn il-provvista u d-domanda. Barraminhekk, is-sitwazzjoni tas-suq, kif tinnota l-Kummissjoni fid-deċiżjoni Ineos/Solvay/JV, tvarja konsiderevolment skont iż-żoni ġeografiċi. Fis-suq tal-S-PVC, l-ispiża tat-trasport u tal-loġistika għandha influwenza konsiderevoli fuq id-delimitazzjoni reġjonali tas-suq ġeografiku. Reġjonalment, il-prezzijiet iktar milli l-marġni huma differenti.

(195)

Franza tqis li l-pożizzjonijiet ta' Kem One fis-swieq prinċipali li hija preżenti fihom huma ferm aktar inferjuri għal dawk ta' Ineos u Solvay. Hija tfakkar li f'dan ir-rigward, il-Kummissjoni nnotat fid-deċiżjoni tagħha Ineos/Solvay/JV li “Ineos is the largest supplier of commodity S-PVC in NWE with merchant market shares in 2012 of [30-40] %” (“Ineos hija l-akbar fornitur tal-komodità tal-S-PVC fil-Majjistral tal-Ewropa, b'partijiet tas-suq ta' [30-40] % fl-2012”) u “Solvay is the second largest player in the NWE market for commodity S-PVC” (“Solvay hija t-tieni l-akbar attur fis-suq tal-komodità tal-S-PVC fil-Majjistral tal-Ewropa”). Rigward Kem One, il-Kummissjoni nnotat li “Kem One is currently the number five player by sales volume and number three by capacity in NWE ([5-10]* % and [10-20]* % market shares, respectively)” (“Kem One bħalissa hija l-ħames attur f'termini ta' volum tal-bejgħ u t-tielet f'termini ta' kapaċità fir-reġjun tal-Majjistral tal-Ewropa ([5-10]* % u [10-20]* % tal-partijiet tas-suq, rispettivament”)). Barraminhekk, Ineos u Solvay jirrappreżentaw l-uniċi żewġ intrapriżi li jeżerċitaw attività daqshekk ikkonkretizzata fis-suq tal-Majjistral tal-Ewropa, b'differenza għal Kem One.

(196)

Ineos u l-intrapriża anonima 1, jinterrogaw il-kredibbiltà tax-xenarju kontrafattwali propost mill-awtoritajiet Franċiżi, li jgħid li t-tnaqqis tal-kapaċità tal-produzzjoni ta' Kem One fis-suq tal-PVC iwassal għal tnaqqis tal-pressjoni kompetittiva fuq l-atturi l-oħra tas-suq. Madankollu, Franza tinsisti fuq il-fatt li s-suq tal-S-PVC jippreżenta tajjeb il-karatteristiċi tas-suq oligopolistiku, kif innotat il-Kummissjoni fid-deċiżjoni Ineos/Solvay/JV. Franza tenfasizza li, għall-kuntrarju ta' dak avvanzat mill-partijiet terzi interessati, Ineos, Solvay u Kem One, illum huma l-uniċi atturi li għandhom il-kapaċitajiet tal-produzzjoni disponibbli fiż-żona tal-Majjistral tal-Ewropa. Konsegwentement, Franza tqis li minbarra li thedded ir-ritorn effettiv għall-vijabbiltà ta' Kem One, l-impożizzjoni ta' miżuri kompensatorji ser jaffettwaw l-istruttura kompetittiva tas-suq bi ħsara għall-klijenti.

(197)

Franza tqis li l-miżuri kompensatorji proposti mill-partijiet interessati huma sproporzjonati. L-ewwelnett, jidhrilha li huma inkompatibbli mal-pjan ta' ristrutturar inkwistjoni. Iż-żamma tal-attività u r-ritorn għall-vijabbiltà għal żmien twil ta' Kem One jgħaddu, skont hi, miż-żamma ta' katina ta' produzzjoni integrata vertikalment li tippreżenta, kif inhu l-każ illum, bilanċ ekonomiku bejn il-kapaċitajiet taż-żewġ siti upstream għall-kloru u s-CVM min-naħa, u dawk tal-ħames siti ta' produzzjoni tal-PVC downstream, min-naħa l-oħra. Għalhekk, l-għeluq tas-sit jew tnaqqis tal-kapaċitajiet ta' Kem One jipperikolaw il-bilanċ industrijali tal-attività tagħha. Għall-kuntrarju, l-awtoritajiet Franċiżi jikkonfermaw li l-impenn finalment propost li ma tiżdiedx il-kapaċità nominali tal-produzzjoni tal-kloru u tas-soda ta' Fos-sur-Mer u Lavéra għal […], jikkostitwixxi miżura kompensatorja adattata. Dan l-impenn jippreżenta l-vantaġġ li tiġi ppreservata l-intensità kompetittiva tas-suq tal-PVC u tal-perspettivi tar-ritorn għall-vijabbiltà ta' Kem One min-naħa, u min-naħa l-oħra li jiġi preservat l-impjieg u għalhekk iż-żamma kienet awtorizzata mill-pjan tar-ristrutturar. Fl-aħħarnett, Franza rrimarkat li d-deċiżjoni ta' Kem One li tirtira mill-ECVM kienet perfettament iġġustifikata minn raġunijiet relatati mal-governanza u l-ispejjeż tal-funzjonament tagħha, li jtellfu lil Kem One milli ssegwi politika ambjentali proattiva.

(198)

Għajnuna limitata għal minimu permezz tal-kontribuzzjoni proprja. Franza tfakkar li hija evalwat l-ammont tal-kontribuzzjonijiet privati għal EUR 356,3 miljuni, jiġifieri 68,6 % tal-kontribuzzjonijiet totali.

(199)

Franza wieġbet għall-oġġezzjonijiet tal-partijiet interessati dwar is-self bankarju ta' EUR [55-65], dwar l-abbandun tad-dejn mill-imsieħba privati kif ukoll dwar il-karattru indispensabbli tal-proġett SAM.

(200)

Franza tenfasizza li l-osservazzjonijiet tal-partijiet terzi dwar is-self bankarju huma inoperattivi, b'kunsiderazzjoni għall-fatt li hija ma inkludietx l-ammont ta' dan is-self fil-kontribuzzjoni proprja tal-intrapriża. Dan is-self ma jikkostitwixxix element meqjus bħala indispensabbli li jippermetti l-finanzjament ta' investimenti proprja għall-proġett SAM. Anke fin-nuqqas ta' konsiderazzjoni ta' self bankarju, il-kontribuzzjoni proprja ta' Kem One tirrappreżenta aktar minn 50 % tal-kontribuzzjonijiet totali implimentati għar-ristrutturar tal-intrapriża.

(201)

Franza tixtieq tfakkar li l-Kummissjoni, fil-prattika deċiżjonali tagħha, diġà nġiebet biex tikkunsidra l-abbandun tad-dejn fil-kalkolu tal-kontribuzzjoni tal-benefiċjarju. Barraminhekk, din il-konsiderazzjoni tal-abbandun ta' dejn hija prevista fil-linjigwida ġodda dwar l-għajnuniet mill-Istat għas-salvataġġ u r-ristrutturar ta' impriżi mhux finanzjarji f'diffikultà (16) (aktar 'il quddiem “il-linjigwida ġodda”), li daħlu fis-seħħ fl-1 ta' Awwissu 2014. Franza tqis li, permezz tat-titjib tas-sitwazzjoni tal-fondi proprji — li jippermettu li jiġu liberati l-likwiditajiet li Kem One tista' wara tiddedika għar-ristrutturar tagħha — din il-miżura għandha l-istess effett ta' fluss finanzjarju pożittiv. Bħal Arkema, Franza tinnota barraminhekk, li l-abbandun tad-dejn huwa indikatur tal-fiduċja tal-imsieħba privati fis-segwitu tal-attività tal-intrapriża. Fi kwalunkwe każ, anke fl-ipoteżi fejn l-abbandun tad-dejn privat ser jiġi eskluż mill-kalkolu tal-kontribuzzjoni proprja, din tal-aħħar tibqa' ogħla minn 50 % tal-ispejjeż tar-ristrutturar.

(202)

Vestolit tqis li l-miżuri tal-għajnuna inkwistjoni ser jippermettu lil Kem One biex iżżomm assi mhux vijabbli, filwaqt li l-kompetituri tagħha kienu kostretti li jimmodernizzaw l-assi tagħhom permezz tal-kontribuzzjoni proprja tagħhom. Barraminhekk, Franza tippreċiża li diversi kompetituri ta' Kem One diġà bbenefikaw minn għajnuniet mill-Istat awtorizzati mill-Kummissjoni għall-implimentazzjoni ta' miżuri ta' rikonverżjoni teknoloġika simili għal dik l-intrapriża minn Kem One. Din is-sitwazzjoni hija ġġustifikata b'konsiderazzjoni għar-ritorn dgħajjef fuq l-investimenti ta' proġetti ta' konverżjoni inkwistjoni. Quddiem l-oġġezzjonijiet tal-intrapriża anonima 1, li tippreċiża li Kem One ser tkun fi kwalunkwe każ kostretta li tinvesti fix-xogħol immirat mill-proġett SAM bis-saħħa tad-Direttiva 2010/75/UE tal-Parlament Ewropew u tal-Kunsill (17), Franza rrispondiet li l-investiment diġà huwa impenjat u li t-twettiq huwa mistenni qabel it-tmiem tal-2016, jiġifieri sena qabel id-data imposta mid-Direttiva msemmija. Barraminhekk, il-proġett SAM ma jikkonċernax biss l-impjant jew l-impjanti tal-elettroliżi bil-merkurju. Huwa jikkonċerna wkoll l-immodernizzar tal-impjant tal-elettroliżi dijaframmatiku f'Lavéra, li jiġġustifika l-importanza tiegħu fil-fajl tar-ristrutturar u jippermetti lill-intrapriża biex iżżomm il-bilanċ tal-kapaċitajiet tal-produzzjoni tagħha bejn l-upstream (kloru) u d-downstream (vinil), filwaqt li jitnaqqsu konsiderevolment l-ispejjeż.

(203)

Franza nnotifikat it-tliet miżuri li ġejjin: (i) is-self mill-ESDF (ta' EUR 30 miljun), (ii) sussidju (EUR 15-il miljun) u ta' avvanzi rimborsabbli (ta' EUR 80 miljun) u (iii) l-abbandun eventwali ta' dejn fiskali u tas-sigurtà soċjali (għal EUR 42 miljun, eventwalment jitnaqqas għal EUR […]).

(204)

Il-Kummissjoni għandha tanalizza jekk il-miżuri nnotifikati humiex suxxettibbli li jikkostitwixxu għajnuna mill-Istat skont it-tifsira tal-Artikolu 107(1) tat-TFUE.

(205)

Skont l-Artikolu 107(1) tat-TFUE jistabbilixxi li “kull għajnuna, ta' kwalunkwe forma, mogħtija minn Stat Membru jew permezz ta' riżorsi tal-Istat, li twassal għal distorsjoni jew theddida ta' distorsjoni għall-kompetizzjoni billi tiffavorixxi ċerti impriżi jew ċerti produtturi għandha, safejn tolqot il-kummerċ bejn l-Istati Membri, tkun inkompatibbli mas-suq intern”.

(206)

Abbażi ta' din id-dispożizzjoni, il-kwalifikazzjoni ta' miżura pubblika bħala għajnuna mill-Istat tissopponi li l-kondizzjonijiet kumulattivi li ġejjin jiġu sodisfati, jiġifieri: (i) li l-miżura inkwistjoni tagħti vantaġġ ekonomiku lill-benefiċjarju tagħha, (ii) dan il-vantaġġ joriġina mill-Istat, (iii) li dan il-vantaġġ ikun selettiv u (iv) li l-miżura inkwistjoni tgħawweġ jew thedded li tgħawweġ il-kompetizzjoni u hija suxxettibbli li tagħmel skambji bejn l-Istati Membri.

(207)

Is-self mill-ESDF ingħata permezz ta' ordni mill-Ministeru tal-Ekonomija u l-Finanzi u l-implimentazzjoni tagħha kienet fdata lid-Direttur Ġenerali tat-Teżor. Il-liġi tal-finanzi għall-2014 tat lill ESDF baġit ta' EUR 300 miljun. Importanti li jiġi ppreċiżat li l-ESDF minħabba li għandu personalità ġuridika differenti minn dik tal-Istat, ma jistax jiġi assimilat għal fond amministrat b'obbligu ta' ekwilibriju finanzjarju bejn ir-rimborżi f'kapital u l-użu tagħhom f'interventi ġodda. Is-self mill-ESDF jitwettaq permezz ta' intermedjarju ta' kont speċjali tat-Teżor u jinkludi l-ispejjeż ta' dan il-kont. L-imgħax fuq is-self jitħallas fuqhom lill-baġit ġenerali tal-Istat. Il-punt kardinali tat-tħaddim tal-ESDF huwa dejjem ibbażat fuq iċ-ċirkolari tas-26 ta' Novembru 2004 msemmija fil-punt 28. L-għoti ta' self mill-ESDF dejjem huwa soġġett għal analiżi każ b'każ. L-għoti mhux soġġett għal attribuzzjoni awtomatika ibbażata fuq kriterji stabbiliti qabel.

(208)

Huwa previst li s-sussidju u l-avvanzi rimborsabbli jkunu approvati taħt skema ta' għajnuna għar-riindustrijalizzazzjoni, fil-kuntest ta' konvenzjoni konkluża ma' Bpifrance f'isem l-Istat.

(209)

L-abbandun ta' dejn fiskali u tas-sigurtà soċjali jiġi deċiż fil-kuntest tas-CCSF. Dan il-kumitat huwa presedut mid-Direttur tad-Dipartiment tal-Finanzi Pubbliċi.

(210)

Is-self mill-ESDF, is-sussidju, l-avvanzi rimborsabbli u l-abbandun ta' dejn fiskali u tas-sigurtà soċjali għalhekk jingħataw permezz ta' riżorsi tal-Istat u mogħtija b'deċiżjonijiet meħudin mill-Istat.

(211)

Il-miżuri analizzati huma previsti b'mod ad hoc, esklussivament għal Kem One għall-bżonnijiet tar-ristrutturar.

(212)

Kull meta s-sitwazzjoni finanzjarja tal-impriża titjieb bħala riżultat ta' intervent mill-Istat, ikun hemm il-preżenza ta' vantaġġ ekonomiku. Madankollu, l-intervent ta' awtorità pubblika ma jagħtix vantaġġ lill-benefiċjarju u, għaldaqstant, ma jikkostitwix għajnuna jekk din tkun magħmula taħt kondizzjonijiet normali tas-suq, jiġifieri jekk awtorità pubblika ġabet ruħha bħal ma kien jagħmel operatur f'ekonomija tas-suq f'sitwazzjoni simili.

(213)

Il-valur tal-kollateral Wara l-proċedura tal-ftuħ, Franza kkomunikat lill-Kummissjoni lista ta' assi soġġetti bħala kollateral superjuri ta' Franza.

(214)

Franza ppreżentat rapport ta' evalwazzjoni ta' dawn il-beni, stabbilit minn esperti indipendenti. Dan ir-rapport jitlob tliet tipi ta' osservazzjonijiet. L-ewwelnett, il-Kummissjoni tirrimarka li r-rapport jikkonċerna l-evalwazzjoni ta' beni immobbli ta' Kem One u mhux il-materjali u t-tagħmir allokat. Barraminhekk, xieraq li ninnotaw li l-esperti evalwaw il-valur tal-beni għal EUR [110-120] miljuni, jiġifieri EUR [20-30] miljun inqas mill-valur nett kontabbli kif ippreżentat minn Franza, li jikkonferma d-dubji tal-Kummissjoni li jgħidu li l-valur nett kontabbli ma jirriflettix il-valur reali tal-beni. Fl-aħħarnett, dan ir-rapport huwa ddatat Lulju 2012, jiġifieri qabel il-ftuħ tal-proċedura ta' rimedju ġudizzjarju, li huwa ddatat Marzu 2013. Il-valur tal-assi li għandhom jiġu kkunsidrati mhux il-valur kontabbli iżda l-valur li bih il-beni jiġu skambjati jekk il-kreditur, f'dan il-każ l-istat, jiġi biex jeżerċita d-dritt tiegħu ta' rahan. Meta intrapriża tkun f'diffikultà u hija kostretta li tbigħ l-assi tagħha, il-pożizzjoni ta' dgħufija u urġenza li ssib ruħha fiha twassalha biex b'mod ġenerali tinnegozja l-beni tagħha bi prezz inqas mill-prezz tas-suq.

(215)

Fir-risposta tagħha, Franza tagħmel barraminhekk, referenza għall-ammonti tat-tranżazzjonijiet li saru fl-2014 fis-settur tal-PVC. Dan it-tip ta' paragun ċertament mhuwiex nieqes minn valur assolut. Madankollu, la Vestolit u lanqas Vinnolit ma kienu intrapriżi f'diffikultà meta reġgħu nxtraw, għall-kuntrarju ta' Kem One. Barraminhekk, dawn it-tranżazzjonijiet jikkonċernaw l-intrapriża kollha u mhux biss it-tagħmir jew il-materjali. Għalhekk, dan il-paragun mhux validu f'dan il-każ.

(216)

Fl-aħħarnett, il-Kummissjoni talbet lil Franza biex tipprovdi stima tal-valur tal-beni ggarantiti ibbażati fuq id-dħul nett operattiv li l-isfruttar tagħhom jista' jiggarantixxi. Franza pprovdiet evalwazzjoni tal-valur tal-intrapriża kollha u mhux biss tal-beni ggarantiti. Barraminhekk, sabiex jiġi determinat il-valur futur tal-intrapriża għas-snin 2014, 2015 u 2016, hija tikkunsidra l-investimenti fir-rikonverżjoni tal-impjanti tal-elettroliżi f'Lavéra, dawk li ser jikkontribwixxi għalihom is-self mill-ESDF. Fil-qosor, sabiex jiġi ddeterminat l-ammont tal-kollateral tas-self mill-ESDF, Franza tikkunsidra l-valur ta' beni mmodernizzati bis-saħħa tal-istess self mill-ESDF. Din l-evalwazzjoni għalhekk ma tistax tiġi aċċettata.

(217)

Fl-aħħar, fir-risposta tagħha għad-deċiżjoni tal-ftuħ, Franza ma tippreżenta l-ebda element li jista' jiskarta d-dubji tal-Kummissjoni dwar il-karattru li qed jeqdiem u li għandu sottoprestazzjoni, jiġifieri skadut, ta' ċerti għodod tal-produzzjoni li Franza toffri bħala garanzija.

(218)

Fir-rigward ta' dawn l-elementi, xieraq li jiġi adattat approċċ konservattiv u għalhekk il-kollaterali jiġu kkunsidrati bħal “dgħajfa” skont il-komunikazzjoni dwar ir-rati ta' referenza tal-2008 sabiex jiġi determinat il-livell tal-imgħax fuq is-self tal-ESDF konformi għall-kondizzjonijiet tas-suq.

(219)

Livell tal-imgħax. Il-Kummissjoni tikkonċedi li l-livell ta' interssi kkalkulat skont il-metodoloġija bbażata fuq id-dejta Bloomberg u Capital IQ (li twassal għal rata ta 20,95 %) mhux probabbli li twassal għal approssimazzjoni tar-realtà tar-rati tas-suq, minħabba l-kollaterali u l-garanziji. Barraminhekk, ebda stabbiliment bankarju ma ta self lil Kem One bl-istess kondizzjonijiet ħlief l-Istat.

(220)

Konsegwentement, u kif imħabbar fil-punt 92 tad-deċiżjoni tal-ftuħ, minħabba nuqqas ta' dejta adegwata tas-suq reali disponibbli, huwa xieraq għall-Kummissjoni li tiddetermina r-rata applikabbli skont il-komunikazzjoni dwar rati ta' referenza tal-2008, li tgħid: “Dawn ir-rati [ta' referenza u ta' aġġornament] iservu ta' indikaturi tar-rata tas-suq u jippermettu li jiġi kkalkolat l-ekwivalenti ta' sussidju ta' għajnuna mill-Istat”.

(221)

Kif diġà intwera, il-kollaterali kostitwiti bħala garanzija għas-self tal-ESDF ma jistgħux jiġu kkunsidrati bħala qawwija u ma jistgħux jiġġustifikaw l-applikazzjoni ta' 400 punt bażi kif qiegħda ssostni Franza.

(222)

Barraminhekk, Franza ma pprovdiet ebda evidenza ġdida li tiġġustifika li l-implimentazzjoni effettiva tal-pjan ta' rkupru u l-impenn ta' Kem One li tapplika ġestjoni finanzjarja soda, ma jikkostitwixxux obbligi u l-kontropartijiet tas-soltu għall-miżura tar-ristrutturar, iżda għall-kuntrarju huma jiġġustifikaw rata tal-imgħax inqas mir-rata tas-suq.

(223)

Fl-aħħar, il-paragun mal-kuntratt tal-fatturar ta' [Operatur privat 2] huwa irrilevanti peress li d-debitur ma jkunx Kem One, iżda d-debituri tiegħu.

(224)

B'kunsiderazzjoni għad-diffikultajiet finanzjarji tagħha, Kem One għandha tiġi kkunsidrata bħala intrapriża kklassifikata CCC skont is-sens tal-komunikazzjoni dwar ir-rata ta' referenza tal-2008. Bl-istess mod, il-kollaterali jistgħu jiġu kklassifikati bħala “dgħajfin” skont is-sens tal-komunikazzjoni msemmija. Fin-nuqqas ta' provi li jimplikaw rati tal-imgħax li jinsabu fil-komunikazzjoni tal-2008 dwar ir-rati ta' referenza, il-Kummissjoni tikkunsidra li r-rata tal-imgħax tal-kondizzjonijiet tas-suq tista' tiġi kkalkolata fuq il-bażi ta' din tal-aħħar u tammonta għal 10,53 % (0,53 % għar-rata ta' referenza ta' Franza fil-mument tal-għoti tas-self + 1 000 punt bażi).

(225)

Ammont tal-għajnuna. Fir-rigward tal-prattika tagħha tal-passat, il-Kummissjoni tqis li l-ammont tal-għajnuna huwa ekwivalenti għad-differenza bejn ir-rata tal-imgħax kkalkolata abbażi tal-komunikazzjoni dwar ir-rati ta' referenza tal-2008 (10,53 %) u r-rata tal-imgħax prattikata minn Franza (3,5 %). Għal kull skadenza ta' trasferiment (kull sena), wieħed jikkalkula d-differenza bejn min-naħa, il-prodott tar-rata tal-imgħax effettiva (3,5 %) mill-kapital li fadal jitħallas u, min-naħa l-oħra il-prodott tar-rata tal-imgħax miżmuma mill-Kummissjoni (10,53 %) mill-kapital li fadal jitħallas. L-ammonti miksuba (sebgħa b'kollox, għas-seba' snin tar-rimborż tas-self) jiġu aġġornati u miżjuda biex jilħqu ċ-ċifra ta' EUR […].

(226)

Is-sussidju. Il-Kummissjoni hija tal-opinjoni li sussidju jikkostitwixxi vantaġġ ekonomiku li l-benefiċjarju ma jakkwistax bil-kondizzjonijiet tas-suq. Fil-fatt, sussidju huwa strument finanzjarju li l-kapital tiegħu mhux rimborsabbli u li ma jiġġenerax imgħax li għandu jitħallas mill-benefiċjarju. Għalhekk ġie eskluż li kreditur privat, li għandu kost ta' finanzjament u li għandu jirrimunera l-kapital tiegħu, jaċċetta li jiffinanzja intrapriża permezz ta' sussidji. L-ammont tal-għajnuna hija konsegwentement ekwivalenti għas-sussidju totali mogħti, jiġifieri EUR 15-il miljun.

(227)

L-Avvanzi rimborsabbli. Il-Kummissjoni tinnota l-preżenza ta' ċertu kondizzjonijiet marbuta mal-għoti tagħhom li kreditur privat ma kienx verament jesiġi. Dan jirrigwarda b'mod partikolari l-kondizzjoni dwar iż-żamma tal-attività u l-impjiegi fis-sit ta' Lavéra matul il-ħames snin wara t-twettiq tal-proġett, ħlief jekk dan ikun iġġustifikat mid-durabbiltà ta' Kem One, u bi ftehim minn qabel mal-Istat. Madankollu, l-obbligu ta' rimbors jikkonferma li dwan l-avvanzi rimborsabbli jistgħu jiġu assimilati għal self għall-bżonnijiet ta' din id-deċiżjoni.

(228)

Fir-rigward tal-ammont ta' għajnuna, minħabba nuqqas ta' dejta adegwata tas-suq reali disponibbli, (pereżempju self bankarju effettivament mogħti lil Kem One bl-istess kondizzjonijiet tal-avvanzi rimborsabbli), xieraq għall-Kummissjoni li tiddetermina r-rata applikabbli skont il-komunikazzjoni dwar rati ta' referenza tal-2008. B'kunsiderazzjoni għad-diffikultajiet finanzjarji tagħha, Kem One għandha tiġi kkunsidrata bħala intrapriża kklassifikata CCC skont is-sens tal-imsemmija komunikazzjoni. Barraminhekk, l-avvanzi mhuma garantiti mill-ebda kollateral. Konsegwentement, ir-rata tal-interssi tal-kondizzjonijiet tas-suq ikkalkolata fuq il-bażi tal-komunikazzjoni dwar ir-rata ta' referenza tal-2008 hija ta' 10,53 % (0,53 % għar-rata ta' referenza ta' Franza fil-mument tal-għoti tas-self + 1 000 punt bażi).

(229)

Dwar l-ewwel (1) segment (EUR 65 miljun), l-ammont tal-għajnuna, huwa ekwivalenti għad-differenza bejn ir-rata tal-imgħax kkalkolata abbażi tal-komunikazzjoni dwar ir-rati ta' referenza tal-2008 (10,53 %) u r-rata tal-imgħax prattikata fi Franza (3,5 %), jiġifieri EUR 21,77 miljuni. Dawn l-avvanzi rimborsabbli huma fil-fatt assimilati għal self meta jiġi kkalkolat l-ammont aġġornat tal-għajnuna, b'tali mod li l-metodu tal-kalkolu jkun simili għal dak adottat għas-self mill-ESDF. Għal kull skadenza ta' trasferiment (kull sena), wieħed jikkalkula d-differenza bejn min-naħa, il-prodott tar-rata tal-imgħax effettiva (3,5 %) mill-kapital li fadal jitħallas u, min-naħa l-oħra, il-prodott tar-rata tal-imgħax miżmuma mill-Kummissjoni (10,53 %) mill-kapital li fadal jitħallas. L-ammonti miksuba (sebgħa b'kollox, għas-seba' snin tar-rimborż tas-“self”) jiġu aġġornati u miżjuda biex jilħqu ċ-ċifra ta' EUR 21,77 miljuni. Bl-istess mod, dwar it-tieni (2) segment (EUR 15-il miljun), l-ammont tal-għajnuna huwa ekwivalenti għad-differenza bejn ir-rata tal-imgħax kkalkolata abbażi tal-komunikazzjoni dwar ir-rati ta' referenza tal-2008 (10,53 %) u r-rata tal-imgħax prattikata fi Franza (10 %), jiġifieri EUR 1,64 miljuni.

(230)

Għalhekk, l-ammont totali tal-vantaġġ ekonomiku ta' din il-miżura jammonta għal EUR […].

(231)

Xieraq l-ewwelnett li ninnotaw li fir-risposta tagħha għad-deċiżjoni tal-ftuħ, Franza kkjarifikat li l-ammont tad-dejn tas-sigurtà soċjali u fiskali ma ammontax għal EUR 42 miljun kif kien indikat fin-notifikazzjoni, iżda għal EUR […]. Fil-fatt, l-ammont ta' EUR 42 miljun kien jikkorrispondi għal ammont stmat b'mod kbir ħafna mill-amministrazzjonijiet fiskali u soċjali u kien diġà ġie ddikjarat b'mod provviżorju fil-qafas tal-proċedura tar-rimedju ġudizzjarju miftuħa mit-Tribunal Kummerċjali ta' Lyon, qabel kull inventarju ddettaljat ta' dejn effettiv.

(232)

Rigward id-dejn vis-à-vis kredituri privati, il-maġġoranza tagħhom abbandunaw minimu ta' 70 %.

(233)

F'dan ir-rigward, l-abbandun tad-dejn approvat mill-[Operatur Privat 3] u l-[Operatur privat 1] għandu jiġi analizzat b'mod separat. Fil-fatt, dawn iż-żewġ kredituri t-tnejn li huma, huma msieħba kummerċjali marbuta mill-qrib ma' Kem One. […] u ċertu produzzjonijiet ta' Lavéra (CVM, residwi tal-kloru, kloroform) huma essenzjali għall-[Operatur privat 1] minħabba l-integrazzjoni vertikali tal-katina ta' fabbrikazzjoni tal-gass fluworurat, li timplika s-siti ta' Lavéra, Saint-Aubain u Pierre-Bénite, li kollha jinsabu fin-Nofsinhar ta' Franza. Dawn il-produzzjonijiet huma diffiċli ħafna sabiex jiġu sostitwiti minn sorsi ta' prodotti li jinsabu aktar 'il bogħod. Rigward [l-Operatur privat 3], dawn l-installazzjonijiet huma konnessi ma' dawk ta' Kem One permezz ta' kanalizzazzjonijiet. Barraminhekk, ma hemm l-ebda opportunità alternattiva għall-produzzjoni tal-etilen minn kraker tal-istim [Operatur privat 3] f'Lavéra li tista' tiġi soġġetta għal valwazzjoni ekwivalenti.

(234)

Barraminhekk, l-imsieħba industrijali jafu lill-klijent tagħhom u huma indispensabbli għall-funzjonament tal-intrapriża u l-kontinwazzjoni tagħha. Għalhekk huma għandhom interess li jibqgħu fl-intrapriża u li japprovaw l-abbandun tad-dejn, għall-kuntrarju tal-kreditur purament finanzjarju li l-għan ewlieni tiegħu huwa li jirkupra d-dejn. Għalhekk, b'konsiderazzjoni għall-partikolarità tas-sitwazzjoni taż-żewġ kredituri, mhuwiex amminissibbli li jiġi stmat li l-livell medju tal-abbandun tad-dejn huwa ta' […] %.

(235)

Madankollu, il-kredituri l-oħra kollha li aċċettaw li jiġi abbandunat id-dejn, għamlu dan sa massimu ta' 70 % (jiġifieri 368 kreditur, għal ammont totali ta' EUR 33,4 miljuni). Dawn il-kredituri ma jgawdu ebda privileġġ u lanqas garanzija u għalhekk ma għandhomx sitwazzjoni komparabbli ma' dik tal-kredituri fiskali u tas-sigurtà soċjali. Konsegwentement, meta aċċettat li tabbanduna […] % tad-dejn rimessibbli, Franza marret lil hinn minn dak li aċċettaw il-kredituri privati.

(236)

Madankollu, Franza tispjega li l-approvazzjoni tal-abbandun tad-dejn ta' EUR […] tippermetti li jiġi evitat telf eventwali ta' EUR […]. Madankollu, id-differenza ta' EUR […] hija dgħajfa meta mqabbla mal-ammonti mitlufa b'mod irrimedjali (EUR […]), b'mod partikolari fir-rigward tal-karattru inċert tat-telf ta' EUR […]. Għalhekk, din is-soluzzjoni ma tidhirx li hija dik li kien jadotta kreditur privat f'ekonomija tas-suq.

(237)

Fir-rigward ta' dawn l-elementi, l-ammont tal-għajnuna huwa ekwivalenti għad-differenza bejn il-livell tal-abbandun tad-dejn applikat minn Franza ([…] % jew EUR […]) u l-livell ta' abbandun ta' dejn tal-investituri privati (70 % jew EUR […]), jiġifieri EUR […].

(238)

Il-miżuri ta' appoġġ pubbliku jiffavorixxu lil Kem One billi jipprovdulha riżorsi finanzjarji addizzjonali u jevitawlha li twaqqaf l-attivitajiet tagħha. Huma jippermettulha li żżomm il-pożizzjoni kompetittiva aktar b'saħħitha milli kieku l-għajnuna ma ġietx ipprovduta. Għalhekk, huma jheddu li jgħawġu l-kompetizzjoni bejn l-operaturi ta' dan is-settur tal-PVC u tas-suq tal-produzzjoni tal-kloru u s-soda.

(239)

Barraminhekk, dawn is-setturi differenti huma kkaratterizzati minn skambji kummerċjali importanti bejn l-Istati Membri fit-territorju Ewropew. Is-suq tal-PVC huwa relattivament ikkonċentrat: ħames operaturi, li waħda minnhom hija Kem One, li jirrappreżentaw 90 % tas-suq, Kem One tinsab it-tielet fl-iskala Ewropea tal-produtturi tal-S-PVC. Il-Kummissjoni diġà kellha l-okkażjoni li tikkunsidra li d-dimensjoni ġeografika ta' dan is-suq tal-inqas tkopri l-Majjistral tal-Ewroopa, li timplika kondizzjonijiet ta' kompetizzjoni relattivament omoġenji f'din il-parti (18). Konsegwentement, il-vantaġġ mogħti mill-miżuri analizzati lil intrapriża attiva f'suq miftuħ għall-kompetizzjoni u relattivament ikkonċentrat huwa ta' natura li jipprova jgħawweġ il-kompetizzjoni u jwettaq skambji kummerċjali bejn l-Istati Membri.

(240)

Fir-rigward tal-elementi li ġew esposti, il-Kummissjoni kkonkludiet li l-miżuri kollha eżaminati jikkostitwixxu għajnuniet mill-Istat skont is-sens tal-Artikolu 107(1) tat-TFUE, b'ammont totali ekwivalenti għal EUR 49,27 miljuni.

(241)

Il-projbizzjoni tal-għajnuna mill-Istat prevista fl-Artikolu 107(1) tat-TFUE la hija assoluta u lanqas bla kondizzjoni. B'mod partikolari, il-paragrafi 2 u 3 tal-Artikolu 107 tat-TFUE huma bażijiet ġuridiċi li jippermettu li ċerta għajnuna titqies kompatibbli mas-suq intern. Fil-kawża inkwistjoni, il-Kummissjoni tqis li l-għajnuniet innotifikati previsti għall-benefiċċju uniku ta' Kem One għandhom l-għan li intrapriża li tinsab f'diffikultà terġa' lura għall-vijabbiltà għal żmien twil.

(242)

Minkejja d-dħul fis-seħħ ta' linjigwida ġodda fl-1 ta' Awwissu 2014, l-għajnuniet inkwistjoni sejrin jiġu analizzati fl-isfond tal-linjigwida tal-2004. Fil-fatt, il-punt 136 tal-linjigwida ġodda jipprevedi li l-miżuri li ġew innotifikati u li ġew irreġistrati mill-Kummissjoni qabel l-1 ta' Awwissu 2014, sejrin jiġu analizzati fid-dawl tal-kriterji fis-seħħ fil-mument ta' din in-notifika. B'kunsiderazzjoni li l-miżuri inkwistjoni ġew innotifikati fit-30 ta' Lulju 2014 u rreġistrati qabel l-1 ta' Awwissu 2014, huma sejrin jiġu analizzati fid-dawl tal-linjigwida tal-2004.

(243)

Konsegwentement, xieraq li jiġi analizzat jekk il-miżuri eżaminati jistgħux jiġu kkunsidrati bħala kompatibbli mas-suq intern abbażi tal-Artikolu 107(3) tat-TFUE, b'applikazzjoni tal-kriterji indikati fil-linjigwida tal-2004.

(244)

Ġiet iffurmata kumpanija ġdida, K1, bl-għan li takkwista u żżomm it-titoli ta' Kem One skont il-pjan ta' kontinwazzjoni u rkupru approvat mit-Tribunal Kummerċjali ta' Lyon. K1 għalhekk tiżgura l-kontinwità ekonomika ma' Kem One.

(245)

Il-Kummissjoni ma tikkontestax il-kondizzjonijiet ta' eliġibbiltà ta' Kem One b'applikazzjoni tal-linjigwida tal-2004 implikati mill-awtoritajiet Franċiżi. Mir-rimedju ġudizzjarju tas-27 ta' Marzu 2013, Kem One issodisfat il-kriterji tal-punt 10(c) tal-linjigwida tal-2004.

(246)

Il-punt 17 tal-linjigwida tal-2004 jipprevedu li “għall-kuntrarju, ristrutturar, huwa bbażat fuq pjan realist, koerenti u fuq skala sħiħa, li għandu l-għan li jerġa' jistabbilixxi l-vijabbiltà tal-intrapriża għal żmien twil. Ir-ristrutturar ġeneralment jinkludi element jew diversi elementi li ġejjin: ir-riorganizzazzjoni u r-razzjonalizzazzjoni tal-attivitajiet tal-intrapriża fuq bażi aktar effikaċi, li ġeneralment iwassluha biex tiddiżimpenja ruħha mill-attivitajiet defiċitarji, li jirristrutturaw l-attivitajiet eżistenti li l-kompetittività tagħhom tista' tiġi ristawrata u xi drabi, sabiex tiddiversifika filwaqt li ddur għal attivitajiet ġodda u profittabbli. Normalment, ir-ristrutturar industrijali għandu jkun akkumpanjat minn ristrutturar finanzjarju (l-injezzjonijiet ta' kapital, it-tnaqqis tad-dejn). Ristrutturar skont it-tifsira ta' dawn il-linjigwida ma jistax madankollu jiġi limitat għal għajnuna finanzjarja maħsuba biex tagħmel tajjeb għat-telf ta' qabel, mingħajr intervent fuq il-kawżi ta' dan it-telf”.

(247)

Barraminhekk, il-punti 34 u s-segwenti tal-linjigwida tal-2004 jippreċiżaw il-karatteristiċi li għandhom jippreżentaw pjan ta' ristrutturar sabiex tiġi żgurata l-kompatibbiltà tal-għajnuna mogħtija mar-regolamenti dwar l-għajnuna mill-Istat.

(248)

Matul l-inkjesta profonda tagħha, il-Kummissjoni kellha l-opportunità teżamina l-argumenti li ppreżentat Franza fir-risposta tagħha għad-deċiżjoni tal-ftuħ, b'mod partikolari l-kwistjoni dwar l-ispejjeż relatati mar-ristrutturar tal-persunal. Franza kkjarifikat li minn [90-110] post tax-xogħol li kellhom jitwaqqfu, huma biss [35-45]-il tkeċċija tal-persunal tal-intrapriża li kellhom iseħħu. Arkema kkonfermat li kienet ser terġa' timpjega bejn [25-35] impjegat mingħajr snin ta' kumpens u bejn [1-15]-il impjegat biss kellhom jiġu kkumpensati minn Kem One, għal ammont totali ta' EUR […] miljuni. Din is-somma kienet inkluża fil-projezzjonijiet tat-tnaqqis mid-dikjarazzjoni tad-dħul fil-bidu tal-perjodu tar-ristrutturar. Il-postijiet l-oħra mkeċċija kienu minn karigi li diġà kienu vakanti.

(249)

Barraminhekk, Franza u Kem One ikkonfermaw li r-ristrutturar ma kien ser iwassal għall-ebda spiża addizzjonali.

(250)

B'reazzjoni għad-dubji espressi fid-deċiżjoni tal-ftuħ, Franza spjegat li l-punt tat-tluq tal-perjodu ta' ristrutturar kien il-5 ta' Frar 2014, jiġifieri l-ġurnata meta Kem One issoktat l-attivitajiet permezz ta' azzjonarju ġdid (trasferiment tal-ishma ta' Kem One Holding, li qabel kienet il-kumpanija prinċipali ta' Kem One, lil K1, kumpanija holding detentur tal-ishma ta' Kem One). It-terminu tal-perjodu tar-ristrutturar huwa sal-31 ta' Diċembru 2016, id-data li fiha għandu jkun lest il-proġett SAM. F'din id-data, għandhom jiġu implimentati l-azzjonijiet kollha tal-pjan ta' ristrutturar.

(251)

Il-perjodu tal-pjan ta' ristrutturar għalhekk huwa inqas minn tliet snin, li jikkonforma mal-esiġenza tal-punt 35 tal-linjigwida tal-2004, li jipprevedi li l-perjodu tal-pjan ta' ristrutturar għandu jkun “l-iqsar possibbli”. Għalhekk, il-pjan ta' ristrutturar ser ikun ukoll li jerġa' jistabbilixxi l-profittabbiltà ta' Kem One fi żmien raġonevoli.

(252)

Fid-deċiżjoni tal-ftuħ, il-Kummissjoni qiegħda tistaqsi dwar il-kredibbiltà ta' ċerti elementi tax-xenarji tar-ritorn għall-vijabbiltà għal żmien twil ippreżentati mill-awtoritajiet Franċiżi. Hija b'mod partikolari osservat li x-xenarju nominali, jiġifieri r-ristabbiliment tal-finanzi, iħalli biss surplus ta' flus baxx fl-aħħar tal-għeluq fl-2020. Ir-riżultati tal-finanzi kienu ħafna aktar baxxi fix-xenarju pessimist, li fih it-teżor stabbilixxa ammont negattiv ta' EUR [100-150] miljun fl-2020.

(253)

Il-partijiet terzi b'mod ġenerali esprimew l-istess dubji tal-Kummissjoni fid-deċiżjoni tal-ftuħ.

(254)

Il-Kummissjoni tikkonstata li, fir-risposta tagħha għad-deċiżjoni tal-ftuħ, l-awtoritajiet Franċiżi għamlu l-preċiżjonijiet u l-aġġornamenti neċessarji f'dak li jirrigwarda l-ipoteżijiet inizjali tal-pjan kummerċjali.

(255)

L-ewwelnett, Franza kkonfermat li l-bżonn u l-akkwist ta' self bankarju ta' EUR 60-70 miljun kienu ipotetiċi u li self bħal dan ma kien ser jintervjeni xejn fl-attivitajiet qabel l-2016. B'kunsiderazzjoni għall-inċertezzi madwar dan l-akkwist ta' self kif ukoll il-mument ta' dan l-akkwist u l-kondizzjonijiet ta' dan is-self, il-Kummissjoni tqis li ftit huwa rilevanti li jiġu kkunsidrati l-EUR 60-70 miljun akkwistati minn dan is-self ipotetiku fl-analiżi tar-ritorn għall-vijabbiltà. Konsegwentement, wara talba mill-Kummissjoni, l-awtoritajiet Franċiżi ppreżentaw projezzjonijiet kontabbli bbażati fuq l-ipoteżijiet pessimisti, medjani u ottimisti li ma jinkludux is-self bankarju.

(256)

Il-Kummissjoni barraminhekk tinnota li l-proġett ta' investiment marbut mar-ristrutturar qed jiżvolġi aħjar mill-previżjonijiet inizjali. Għalhekk, l-ammont tal-investiment previst ta' EUR [150-250] miljun, ġie rivedut għal EUR [15-25] miljun. It-twettiq tiegħu wkoll jinsab avvanzat u qiegħed jiġi previst għall-aħħar tliet xhur tal-2016, jiġifieri bejn erba' u ħames xhur qabel id-data prevista. Din l-antiċipazzjoni tippermetti ekonomija stmata għal EUR [10-20] miljun. Konsegwentement, fix-xenarju medju, il-finanzi tjiebu b'EUR [30-40] miljun. Fix-xenarju pessimist, il-livell ta' finanzi huwa affettwat bl-istess proporzjonijiet u issa jammonta għal ammont negattiv ta' EUR [70-80] miljun.

(257)

Barraminhekk, il-Kummissjoni tikkonstata li Kem One irreġistrat progessjoni globali tal-volumi prodotti u mibjugħa ta' […] % fl-2014 meta mqabbel mal-2013, progressjoni li tqarreb il-livelli tal-produzzjoni storika tal-2007/2008 u tal-livell immirat previst mill-pjan ta' ristrutturar għas-snin finanzjarji 2017/2018. Din iż-żieda tal-volumi ta' produzzjoni tal-PVC u tas-soda tirriżulta mill-istabbiliment progressiv tal-pjan ta' ristrutturar u tan-nuqqas ta' inċidenti tekniċi fuq is-siti tal-produzzjoni.

(258)

Barraminhekk, minħabba t-tnaqqis kontinwu matul l-2014 tal-prezz tal-fjuwil għal kull barmil, u għalhekk tal-prezz tal-etilen, flimkien mal-prezz tas-soda, Kem One irreġistrat tnaqqis fil-fatturat ogħla mill-previżjonijiet. Madankollu, il-Kummissjoni tinnota li dan it-tnaqqis fil-fatturat ma jwassalx għal degradazzjoni tal-marġni tal-intrapriża b'tali mod li l-prezz tal-materja prima neċessarja għall-manifattura tal-PVC jonqos bi proporzjonijiet ekwivalenti, jew anki ogħla.

(259)

Il-Kummissjoni kkonkludiet li l-preċiżjonijiet li saru mill-awtoritajiet Franċiżi wara d-deċiżjoni tal-ftuħ jippermettu li tiġi kkonfermata l-kredibbiltà tar-ritorn għall-vijabbiltà għal żmien twil ta' Kem One. Il-miżuri ta' ristrutturar previsti għandhom l-għan li, b'konformità mal-esiġenzi tal-linjigwida tal-2004, tiġi kompluta t-tranżazzjoni neċessarja ta' Kem One lejn struttura industrijali aktar integrata vertikalment, u għalhekk aktar effikaċi f'termini ta' profittabbiltà, bis-saħħa tal-proġett SAM u l-ottimizzazzjoni tal-ispejjeż tal-produzzjoni relatati mal-provvediment ta' materja prima.

(260)

Il-punt 38 tal-linjigwida tal-2004 jipprevedi li “għandhom jiġu kkunsidrati miżuri kompensatorji sabiex jiġi żgurat li l-effetti negattivi fuq il-kondizzjonijiet kummerċjali jiġu minimizzati sabiex ma jaqbżux l-effetti pożittivi. Fin-nuqqas ta' dan, l-għajnuna għandha tiġi kkunsidrata bħala 'kuntrarja għall-interessi komuni' u għalhekk inkompatibbli mas-suq komuni”. Il-punt 39 tal-linjigwida tal-2004 jippreċiża li: “għandhom jiġu kkunsidrati l-bejgħ ta' assi, it-tnaqqis fil-kapaċità jew il-limitazzjoni tal-preżenza fuq is-suq jew it-tnaqqis tal-limiti ta' aċċess għas-swieq konċernati”.

(261)

L-għan tal-miżuri kompensatorji huwa għalhekk li jkun possibbli li jiġi limitat l-effetti tal-miżuri ta' għajnuna fis-suq li fih jinsab il-benefiċjarju, mingħajr ma titpoġġa f'riskju l-istruttura tal-kompetizzjoni fis-swieq, u fl-aħħar mill-aħħar lanqas il-vijabbiltà tal-benefiċjarju.

(262)

Il-punt 40 tal-linjigwida tal-2004 jippreċiża li l-miżuri kumpensatorji “għandhom iseħħu b'mod partikolari fis-suq jew fis-swieq fejn wara r-ristrutturar il-kumpanija ser ikollha pożizzjoni sinifikanti fis-suq”. Kif spjegat fit-taqsima 2.1 ta' din id-deċiżjoni, Kem One hija prinċipalment attiva fis-suq tal-PVC, u partikolarment tal-S-PVC ta' bażi u l-E-PVC, u hija għandha pożizzjonijiet relattivament importanti fi Franza u l-Italja.

(263)

Madankollu, il-punt 39 tal-linjigwida tal-2004, joqgħod attent li jippreċiża li “sabiex jiġi apprezzat jekk il-miżuri kompensatorji humiex adegwati, il-Kummissjoni tikkunsidra li l-istruttura tas-suq u l-kondizzjonijiet tal-kompetizzjoni b'mod li tiżgura li ebda miżura inkwistjoni ma twassal għal deterjorazzjoni tal-istruttura tas-suq, pereżempju permezz ta' effett indirett tal-ħolqien ta' sitwazzjoni ta' monopolju jew oligopolju limitat. Jekk Stat Membru jinsab f'pożizzjoni li jipprova li ser tinqala' tali sitwazzjoni, il-kontrapartijiet għandhom jiġu interpretati b'mod li jevitaw dan”.

(264)

Rigward l-istruttura tas-suq, is-suq tal-PVC b'mod ġenerali huwa kkaratterizzat minn bżonn għall-atturi li jiġu integrati vertikalment sabiex tiġi kkontrollata l-katina tal-valur kollha u li jippruvaw ikunu kompetittivi. Għalhekk, il-Kummissjoni ppreżentat il-bżonn għal operatur li jiddisponi minn struttura ta' produzzjoni anonima u integrata fil-kuntest tad-deċiżjoni Ineos/Solvay/JV.

(265)

B'mod partikolari, il-Kummissjoni waslet biex tapprezza fid-deċiżjoni Ineos/Solvay/JV, l-eżistenza ta' diversi mudelli ta' intrapriżi f'livell ta' integrazzjoni differenti fis-settur tal-PVC. F'dan ir-rigward, il-Kummissjoni tinnota li l-mudelli ma joffrux integrazzjoni vertikali mill-PVC sal-kloru huma l-eċċezzjoni fl-Ewropa u li “the current competitive landscape indicates that full vertical integration is the general trend in the industry” (“il-pajsaġġ kompetittiv attwali jindika li l-integrazzjoni vertikali totali hija t-tendenza ġenerali tas-settur”).

(266)

Inkwantu għar-rikreazzjoni ta' “integrazzjoni simili” billi jgħaqqdu bejniethom partijiet interessati permezz ta' kuntratti privileġġati ta' provvista, ħafna eżempji mill-passat, xi wħud jimplikaw ukoll il-kumpanija Kem One, jikkonfermaw ir-riskji assoċjati ma' tali struttura, ibbażata fuq il-provvista esterna ta' materja prima ewlenija.

(267)

L-importanza ta' integrazzjoni vertikali għall-operaturi attivi fis-suq tal-PVC kien ikkonfermat mill-impenji proposti mill-partijiet notifikanti u aċċettati mill-Kummissjoni fil-kawża Ineos/Solvay/JV. Fil-fatt, dawn huma impenjati li jċedu assi vertikalment integrati sabiex jiggarantixxu l-vijabbiltà tagħha fis-suq u li jirregolaw il-problemi ta' kompetizzjoni identifikati mill-Kummissjoni dwar is-suq tal-S-PVC.

(268)

Barraminhekk, minn dak li ntqal, xi produtturi indipendenti tal-PVC mhux vertikalment integrati pruvaw jimponu ruħhom fis-suq tal-PVC, mingħajr suċċess.

(269)

Fl-aħħarnett, sakemm teżisti separazzjoni ġeografika bejn l-impjanti tal-katina vertikali, l-ispejjeż tat-trasport tal-VCM huma partikolarment onerużi minħabba n-natura tal-prodott (gass likwifikat tossiku ħafna), irrispettivament mill-mod ta' trasport ikkunsidrat (ferrovija, triq jew trasport marittimu). Dawn l-ispejjeż ta' trasport għoljin (madwar 10 % tal-valur tal-prodott) jaggravaw konsiderevolment is-sitwazzjoni fil-każ ta' marġni dgħajfa, kif tinnota l-Kummissjoni fil-punt 1452 tad-deċiżjoni Ineos/Solvay/JV: “As regards imports from other areas, VCM transport costs seem to constitute a major hurdle. IHS, a global information company that provides, among other things, monthly and annual indexes, reports and news related to the vinyl industry, talks about ‘prohibitive freight rates’. This is not surprising, as VCM is a chemical product that is hazardous and difficult to transport, as acknowledged by the Notifying Parties” (“F'dak li jirrigwarda oqsma oħra, l-ispejjeż tas-sistema ta' trasport VCM jidhru li jikkostitwixxu ostaklu ewlieni. IHS, kumpanija tal-informatika globali li tipprovdi, fost l-oħrajn, l-indiċi, r-rapporti u l-aħbarijiet mensili u annwali relatati mal-industrija tal-vinil, titkellem dwar ‘ir-rati projbittivi tal-ġarr’. Dan mhux sorprendenti, peress li l-VCM hija kimika perikoluża u diffiċli biex tinġarr, u dan ġie rikonoxxut mill-partijiet notifikanti”).

(270)

Barraminhekk, interessanti li jiġi nnotat li l-miżura kompensatorja prinċipali proposta minn Ineos tikkonċerna ċ-ċediment, tal-attivitajiet kollha tal-katina tal-produzzjoni ta' Lavéra, inklużi s-siti downstream. Dan juri li l-atturi tas-suq kollha, inklużi l-kompetituri ta' Kem One, jirrikonoxxu li l-vijabbiltà dwar is-suq tiddependi fuq l-integrazzjoni vertikali.

(271)

Konsegwentement, miżura kompensatorja li tikkonsisti fiċ-ċediment ta' wieħed mis-siti tal-produzzjoni tal-PVC ta' Kem One (bħas-sit ta' Balan jew ta' Berre) ma tidhirx li hi soluzzjoni vijabbli. Fil-fatt, minħabba nuqqas ta' aċċess intern għal dħul upstream (il-kloru, l-etilen), ix-xerrej jidher obbligat li jikkonkludi ftehimiet ta' provvista ma ' Kem One, li jpoġġi lilu f'sitwazzjoni insostenibbli mill-perspettiva tal-indipendenza kummerċjali tagħha u l-kapaċità tagħha li teżerċita pressjoni kompetittiva reali. Barraminhekk, li Kem One jibqgħalha sit wieħed biss mis-siti downstream tagħha se jiddistabbilizza l-katina ta' produzzjoni tal-intrapriża filwaqt li jċaħħad lil dawn is-siti ta' produzzjoni tal-kloru u l-etilen upstream minn opportunitajiet interni.

(272)

Fil-kuntest tal-kawża Ineos/Solvay/JV, il-Kummissjoni enfasizzat l-inċertezza inkwantu għall-kwistjoni tal-għarfien jekk Kem One pruvatx tikkostitwixxi komepetitur aggressiv vis-à-vis l-intrapriża komuni ta' Ineos u Solvay, b'kunsiderazzjoni għad-diffikultajiet ta' Kem One fin-nuqqas ta' ċertezza inkwantu għas-suċċess tal-implimentazzjoni tal-pjan ta' ristrutturar analizzat. Madankollu, il-Kummissjoni nnutat li tnaqqis tal-kapaċità tal-produzzjoni ta' Kem One ser issarraf f'żieda tal-parti tas-suq tal-intrapriża komuni ta' Ineos u Solvay, filwaqt li barraminhekk, l-implimentazzjoni tal-pjan ta' ristrutturar seta' kellu effett sabiex jonqsu l-inċitazzjonijiet ta' Kem One biex iżżid il-produzzjoni tagħha b'mod sinifikanti b'reazzjoni għaż-żieda fil-prezz tal-intrapriża komuni. Barraminhekk, fl-evalwazzjoni tagħha tas-sitwazzjoni kompetittiva tas-suq wara l-konċentrazzjoni, il-Kummissjoni adottat approċċ konservattiv filwaqt li kkunsidrat li Kem One iżżomm b'mod sħiħ is-saħħa kompetittiva tagħha (19).

(273)

F'dawn il-kondizzjonijiet, it-trasformazzjoni tal-istruttura ta' Kem One li tnaqqas il-bejgħ tagħha mis-suq tal-PVC jew li tnaqqas sostanzjalment il-perimetru tal-attività tagħha, ixxekkel il-bilanċ tas-suq tal-PVC kif irriżulta mit-twaqqif tal-intrapriża konġunta bejn Ineos u Solvay u l-implimentazzjoni tal-impenji li ħadu l-partijiet matul l-istruzzjoni tat-tranżazzjoni (20).

(274)

Fil-fatt, minkejja l-implimentazzjoni tal-impenji li ttieħdu fid-deċiżjoni Ineos/Solvay/JV, li għandhom bħala effett l-eliminazzjoni ta' koinċidenzi orizzontali bejn Ineos u Solvay fis-suq tal-S-PVC tal-Majjistral tal-Ewropa, l-intrapriża konġunta ta' Ineos u Solvay għadha 'l bogħod mill-attur l-iktar importanti tas-suq b' sehem tas-suq ta' [30-40] % fl-2012. Konsegwentement, l-impożizzjoni taċ-ċediment tal-assi ta' Kem One ser idgħajjef b'mod sinifikanti lil din tal-aħħar u tnaqqas il-pressjoni kompetittiva li hija fil-pożizzjoni li teżerċita fuq l-intrapriża konġunta ta' Ineos u Solvay.

(275)

Fil-fatt, miżura kompensatorja li tikkonsisti fit-tnaqqis tal-attivitajiet S-PVC ta' Kem One f'żewġ entitajiet integrati vertikalment mill-bejgħ ta' sit ta' produzzjoni ta' S-PVC (Balan jew Berre) flimkien ma' sit ta' produzzjoni tal-akkwirenti (is-sit tal-produzzjoni ta' Fos-sur-Mer), ikollha l-mertu li tikkonserva l-karattru vertikalment integrat tal-produzzjoni tal-S-PVC. Madankollu, tali soluzzjoni taqta' b'madwar […] % tal-attivitajiet ta' Kem One fil-qasam tal-S-PVC u ddgħajjef il-kapaċità kompetittiva tagħha mal-intrapriża Ineos u Solvay. Għalhekk, permezz tal-ambitu tagħha, tali soluzzjoni twassal sabiex tiġi mxekkla l-istruttura tas-suq S-PVC li jirriżulta mill-ħolqien tal-intrapriża konġunta ta' Solvay u Ineos u trendi insuffiċjenti l-impenji implimentati għar-rimedju tal-problemi tal-kompetizzjoni imqajma minn din il-konċentrazzjoni u li jiggarntixxu kompetizzjoni effettiva fis-suq tal-S-PVC.

(276)

Inċidentalment, miżura kompensatorja ta' dan it-tip ixxekkel ir-ritorn għall-vijabbiltà ta' Kem One. Fl-aħħarnett, tali miżura tista' tidher bħala sproporzjonata fir-rigward tal-ammont tal-għajnuniet perċepiti mill-kumpanija (madwar 10 darbiet inqas importanti) bħala spejjeż tar-ristrutturar (madwar EUR 100 miljun inqas).

(277)

Il-partijiet interessati insistew fuq is-sitwazzjoni tal-kapaċità eċċessiva fis-suq Ewropew tal-PVC. Konsegwentement huma invokaw il-punt 42 tal-linjigwida tal-2004 li jippreċiża: “Meta l-benefiċjarju jkun attiv f'suq affettwat minn kapaċità eċċessiva strutturali għal żmien twil skont is-sens tal-qafas multisettorjali tal-għajnuniet li għandhom għan reġjonali favur proġetti kbar ta' investiment, huwa possibbli li t-tnaqqis tal-kapaċità tal-kumpanija jew tal-preżenza tagħha fis-suq għandha tilħaq 100 %”.

(278)

Fid-deċiżjoni Ineos/Solvay/JV, il-Kummissjoni effivament ikkonstatat sitwazzjoni ta' kapaċità eċċessiva fis-suq Ewropew tal-PVC. Madankollu, il-Kummissjoni tinsisti fuq żewġ punti:

(279)

Mill-2012, il-Kummissjoni kkonstatat li diversi fatturi jindikaw b'mod ċar li s-sitwazzjoni ta' kapaċità eċċessiva fis-suq Ewropew tal-PVC evolviet.

(280)

Kalkolu tal-kapaċità eċċessiva. Il-Kummissjoni l-ewwelnett tinsisti fuq il-fatt li, jekk verament eżistit kapaċità żejda fil-passat, il-kobor tagħha jidher li kien stmat iżżejjed minn partijiet terzi interessati. Fil-fatt, il-kapaċità tal-produzzjoni effettiva ta' operatur preżenti fis-suq tiddependi fl-aħħar mill-aħħar mill-istaġġjonalità tal-bejgħ (il-bejgħ tal-S-PVC fl-Ewropa huwa baxx f'Awwissu u f'Diċembru). Barraminhekk, it-twaqqif tal-produzzjonijiet ipprogrammat għall-manutenzjoni, il-produzzjoni aktar bil-mod tal-kloru matul il-perjodi xitwin u l-ispiża għolja tal-elettriku, iwasslu biex il-kapaċitajiet tal-produzzjoni huma rarament utilizzati 100 %. Barraminhekk, l-attività industrijali tal-produzzjoni tal-PVC hija kkaratterizzata mill-okkorrenza ta' episodji ta' inċidenti ta' fabbrikazzjoni u ta' żbalji ta' provvista tal-materja prima. Fl-aħħarnett, il-kapaċitajiet liberi ma jistgħux jiġu miżjuda, b'kunsiderazzjoni għall-fatturi ta' bogħod ġeografiku u ta' spejjeż tat-trasport mhux negliġibbli fl-istess Ewropa.

(281)

Fir-realtà, il-produzzjoni effettiva tal-PVC rarament taqbeż, fuq bażi annwali, 90 % tal-kapaċitajiet murija mill-produtturi kollha.

(282)

Skont id-dejta FIDES (statistika interna għall-professjoni), fl-2014, il-kapaċità nominali tal-produzzjoni tal-PVC għall-Ewropa tal-Punent u Ċentrali kienet ta' [6 000-7 000] kt, u l-produzzjoni effettiva kienet ta' [5 000-6 000] kt, li jammontaw għal rata ta' utilizzazzjoni tal-kapaċitajiet nominali ta' [80-90] %. Għalhekk, fl-2014, il-kapaċità eċċessiva reali kienet limitata f'dan is-suq. Il-Kummissjoni barraminhekk tinnota li r-rata ta' utilizzazzjoni tal-kapaċitajiet ta' produzzjoni tal-S-PVC hija ekwivalenti għal 84,3 % fl-Istati Uniti (skont id-dejta tal-IHS, wieħed mill-analisti prinċipali speċjalizzati fis-suq flimkien mal-ICIS (Independent Chemical Information Services)).

(283)

Il-kapaċità eċċessiva tas-suq tal-S-PVC. Mis-sajf tal-2014, diversi fatturi affettwaw id-domanda fis-suq Ewropew. L-ewwelnett, it-tnaqqis fil-valur tal-ewro, flimkien mat-tnaqqis qawwi tal-prezz tal-pitrolju, ikkontribwixxew ħafna għat-tkabbir tal-bejgħ għall-esportazzjoni (fit-Turkija, l-Indja u l-Afrika ta' Fuq). Dawn is-swieq tal-esportazzjoni fil-fatt huma faċilment aċċessibbli għall-produtturi Ewropej: għalhekk għal Kem One, l-ispiża tat-trasport tal-S-PVC tal-fabbrika tagħha f' Berre lejn it-Turkija hija ta' […] EUR/t, kontra […] EUR/t lejn il-Ġermanja u t-Tramuntana tal-Ewropa. Konsegwentement, l-esportazzjonijiet totali ta' Kem One fl-ewwel trimestru tal-2015 jogħla għal […] kt, progressivament meta mqabbel mal-istess perjodu sena qabel ([…]kt). Rapport tal-IHS ta' Marzu 2015 jenfasizza dan l-iżvilupp tas-sitwazzjoni tal-produtturi Ewropej tal-PVC. Ir-rapport jindika li fl-2009, l-esportazzjonijiet tal-produtturi tal-S-PVC li jinsabu fl-Ewropa tal-Punent jirrappreżentaw 19 % tal-produzzjoni, kontra 30 % fl-aħħar tal-2014. Dan l-iżvilupp joriġina mit-tensjoni li qiegħda tiżdied fuq id-disponibbiltajiet — sitwazzjoni strettament kuntrarja għall-kapaċità eċċessiva fis-suq — mingħajr ma tagħmel pressjoni kompetittiva fuq l-intrapriża konġunta ta' Ineos u Solvay. Din it-tensjoni wasslet għal żieda fil-prezzijiet tal-bejgħ fil-bidu tal-2015. Barraminhekk, id-domanda aktar baxxa fis-suq Ewropew tkabbar is-setgħa tan-negozjar tal-produtturi tal-PVC. Artikolu tal-ICIS tal-10 ta' April 2015 jgħid dan li ġej, filwaqt li jsostni l-analiżi tiegħu fuq il-komunikazzjonijiet ta' klijenti fis-suq: “One buyer said that with European market seeing low imports, production difficulties and an increase in demand, April will be a month in which producers potentially can break long standing records for margin improvements” (“Xerrej iddikjara li, minħabba li s-suq Ewropew qed jesperjenza sitwazzjoni ta' importazzjonijiet dgħajfa, id-diffikultajiet tal-produzzjoni u ż-żieda fid-domanda, April ser ikun ix-xahar li fih il-produtturi potenzjalment ser jiksru rekord li ilu ħafna tat-titjib tal-marġni”). Din is-sitwazzjoni ser twassal lill-produtturi biex jissottomettu lill-klijenti kbar għal kwoti u biex jgħollu l-prezz tal-bejgħ. F'dawn il-kondizzjonijiet, distakkar (stripping) ta' Kem One u/jew tnaqqis sostenibbli tal-bejgħ tagħha, ma jwassal għal xejn ħlief għat-tisħiħ tal-pożizzjoni kompetittiva tal-intrapriża konġunta ta' Ineos u Solvay għad-detriment tal-kompetizzjoni fis-swieq mhux Ewropej.

(284)

Il-Kummissjoni kkonkludiet li l-partijiet interessati, fl-analiżi tagħhom tal-istat tal-kapaċità eċċessiva tagħhom, ma kkunsidrawx biżżejjed l-iżvilupp tas-suq tal-PVC wara d-deċiżjoni Ineos/Solvay/JV, filwaqt li fl-istess ħin dan l-iżvilupp jista' jagħti lok għal sitwazzjoni li fiha l-esportazzjonijiet immirati strateġikament lejn pajjiżi terzi u r-riorjentazzjonijiet tal-produzzjoni jistgħu, f'każ ta' kompetizzjoni dgħajfa, jissarfu fi prezzijiet għoljin preġudikabbli għall-klijenti li jinsabu fil-Punent tal-Ewropa.

(285)

B'mod preliminari, xieraq li ninnotaw li l-punt 39 tal-linjigwida tal-2004 ma jipproponux lista eżawrjenti ta' miżuri kompensatorji possibbli, iżda jelenka xi wħud mis-soluzzjonijiet aċċettabbli a priori, mingħajr ma jirrestrinġu l-kapaċità tal-Kummissjoni biex iżżomm miżuri kompensatorji li mhumiex inklużi f'din il-lista.

(286)

Wara investigazzjoni tagħha, il-Kummissjoni waslet għall- konklużjoni li l-miżuri li ġejjin huma miżuri kompensatorji adegwati:

(287)

Dawn it-tliet miżuri kompensatorji huma ta' natura ta' kontrabilanċ għall-effetti li jiżvantaġġaw il-miżuri tal-għajnuna fuq il-kondizzjonijiet tal-iskambji kummerċjali filwaqt li jipprevjenu lil Kem One biex tuża l-għajnuna li tkun irċeviet għall-espansjoni tal-preżenza tagħha kemm fis-suq tal-PVC kif ukoll fi swieq oħra fejn hija attiva.

(288)

Iffissar tal-limitu massimu għal perjodu ta' […] mid-data ta' adozzjoni ta' din id-deċiżjoni tal-kapaċità nominali tal-produzzjoni tal-kloru ([600-700] kt/sena) u s-soda ([600-700] kt/sena minbarra l-awtokonsum) fis-siti ta' produzzjoni Fos-sur-Mer u Lavéra. Din il-miżura diġà tammonta għal “tnaqqis” tal-produzzjoni effettiva tal-kloru ta' […] kt imqabbla mal-kapaċitajiet ta' produzzjoni effettiva ta' Kem One kif previst wara t-twettiq tal-proġett SAM. Ir-rati attwali tal-utilizzazzjonital-kapaċitajiet tal-kloru u tas-soda huma ta' [80-90] % ([85-95] % li jikkorrispondu għar-rata ta' utilizzazzjoni prattika normali, imnaqqsa b'madwar [5-15] % minħabba inċident eċċezzjonali li seħħ f'Fos-sur-Mer f'Ġunju 2014). L-utilizzazzjoni tal-kapaċità tal-produzzjoni ta' [90-100] % fl-2015 u l-2016 tikkorrispondi għal […] kt/sena. Din ir-rata ta' utilizzazzjoni għandha tiżdied għal [85-95] % ladarba r-rikonverżjoni tal-impjnati tal-elettroliżi tal-kloru/soda f'Lavéra minħabba l-affidabbiltà inerenti ogħla, biex jilħqu l-produzzjoni attwali tal-kloru prevista fil-pjan kummerċjali, jiġifieri […] kt/sena. Madankollu, għandna ninnotaw li l-impjant il-ġdid tal-elettroliżi membranika ser ikun kapaċi jipproduċi [5-15] % aktar mill-produzzjoni “nominali” ta' […] kt/sena, filwaqt li tiżdied l-intensità tal-elettriku ta' […] sa […] kA/m2. Din l-għażla teknika ġiet magħżula minn Kem One, u l-akkwist ta' materjal adegwat ġie nnegozjat mal-fornitur, sabiex tiffaċilita żieda fil-livell ta' produzzjoni ulterjuri, f'konformità mat-tkabbir mistenni tas-suq tal-kloru għas-snin 2017 u ta' wara.

(289)

Fil-fatt, jekk wieħed jikkunsidra l-opportunitajiet kollha tal-kloru għal Kem One, permezz tal-manifattura downstream tiegħu (S-PVC, pejst tal-PVC, PVC sopraklorinat u klorometani), Kem One għandha biżżejjed kapaċitajiet ta' assorbiment ta' produzzjoni ta' […] kt/sena tal-kloru. Barraminhekk, il-previżjonijiet ta' tkabbir ta' Kem One għad-domanda tal-kloru u s-soda fl-Ewropa tal-Punent huma […] % u […] % fis-sena rispettivament (23). L-iffissar ta' limitu massimu tal-kapaċitajiet tal-produzzjoni għalhekk jipprevjenu lil Kem One milli tiżviluppa l-produzzjoni tagħha tal-kloru sa [600-700] kt/sena fi produzzjoni effettiva, li kienet tippermettilha li tilħaq punt ta' saturazzjoni tal-opportunitajiet potenzjali kollha, jiġifieri li timmassimizza r-rata ta' utilizzazzjoni tal-assi tagħha downstream tal-kloru. Definittivament, l-iffissar ta' limitu massimu tal-kapaċità nominali ta' [600-700] kt/sena ta' kloru, jiġifieri produzzjoni effettiva mistennija ta' […] kt/sena ta' kloru, iċaħħad lil Kem One mill-possibbiltà ta' akkumpanjament tat-tkabbir tas-suq tas-soda, li jissarraf f'telf ta' opportunitajiet ta' madwar […] % fuq it-tkabbir tal-bejgħ f'[…]. Il-parti tas-suq ta' Kem One għas-soda fil-Punent tal-Ewropa stmata li hi [5-15] %, għalhekk taqbeż il-[5-15] %.

(290)

Barraminhekk, din il-miżura tpoġġi lil Kem One quddiem l-impossibbiltà li żżid l-opportunitajiet proprji tagħha u l-partijiet tas-suq fl-Ewropa u/jew l-esportazzjoni għad-derivattivi tal-kloru li huma l-S-PVC, l-E-PVC (jew il-pejst tal-PVC), il-PVC-C (jew il-PVC sopraklorifikat), il-klorometani u, b'mod aktar limita, il-kloru likwidu. It-telf tal-opportunità huwa ta' […] kt ta' kloru fuq […]. Pereżempju, […] kt ta' kloru jippermettu pereżempju li jiġu prodotti […] kt ta' S-PVC, minħabba li s-sehem tas-suq ta' Kem One jista' jgħaddi minn [10-20] % għal [10-20] %, jekk wieħed jirreferi għal-livell ta' bejgħ tal-PVC ta' Kem One ([…] kt/sena) u d-daqs tas-suq tal-S-PVC aċċessibbli għall-produtturi Ewropej ([…] Mt).

(291)

Iffissar tal-limitu massimu għal perjodu ta' […] mid-data tal-adozzjoni ta' din id-deċiżjoni għall-parti tas-suq tal-S-PVC ta' Kem One u s-sussidjarji preżenti u futuri tagħha fiż-żona tal-Majjistral tal-Ewropa (il-Ġermanja, il-Belġju, id-Danimarka, Franza, l-Irlanda, il-Lussemburgu, in-Norveġja, in-Netherlands, ir-Renju Unit u l-Iżvezja meħuda flimkien) ma jaqbiżx [10-20 %] fil-volum. (24) Rigward l-S-PVC (inkluż l-M-PVC jew “PVC massa” ta' Saint-Fons, li huwa assimilat miegħu fis-suq), Kem One għandha kapaċità nominali ta' produzzjoni ta' […] kt/sena, li tirrapreżenta qrib il-[…] % tal-kapaċitajiet ta' produzzjoni totali fil-Punent tal-Ewropa ([…] Mt/sena).

(292)

[…]

(293)

It-taħlita ta' dawn l-azzjonijiet industrijali u kummerċjali għandha twassal għal żieda sinifikanti tal-volumi kummerċjali f'din iż-żona ġeografika (madwar […] Kt),) b'mod li twassal lil din il-parti tas-suq tal-S-PVC tal-intrapriża f'din iż-żona għal [10-20] %.

(294)

Għalhekk, il-Kummissjoni tqis li l-iffissar tal-limitu massimu tal-parti tas-suq ta' Kem One għal [10-20] % (fil-volum) tas-suq tal-S-PVC […] mid-data tal-adozzjoni ta' din id-deċiżjoni fiż-żona tal-Majjistral tal-Ewropa, ser jippermetti li jiġi garantit li l-miżuri tal-għajnuna ma jkunux utilizzati minn Kem One fil-kuntest tal-attività kummerċjali tagħha f'din iż-żona. Dan l-iffissar tal-limitu massimu jaċċenna wkoll l-effetti tal-għajnuna u jevita kull riskju ta' tgħawwiġ eċċessiv tal-kompetizzjoni. Barraminhekk, l-inklużjoni f'dan il-perimetru ġeografiku ta' Franza fejn Kem One għandha l-impjant industrijali u kummerċjali ewlieni tagħha fil-qasam tal-PVC, tirrispondi għall-esiġenzi tal-ġurisprudenza fil-qasam tal-miżuri kompensatorji (25). Din is-soluzzjoni toffri wkoll il-vantaġġ li tinżamm il-pressjoni kompetittiva fuq l-intrapriża konġunta ta' Ineos u Solvay, li hija l-attur prinċipali fis-suq tal-S-PVC fil-Majjistral tal-Ewropa (26) u dan mingħajr ma tiġi ffriżata s-sitwazzjoni kompetittiva għal perjodu ta' żmien proporzjonalment twil.

(295)

Fl-isfond ta' dak li ntqal, il-Kummissjoni tqis li dan l-iffissar tal-limiti massimi temporanji fil-fatt huma miżuri aktar xierqa miċ-ċediment tal-assi sabiex jiġi evitat it-tgaħwwiġ eċċessiv tal-kompetizzjoni permezz tal-għajnuniet inkwistjoni filwaqt li tinżamm pressjoni kompetittiva fuq is-suq tal-S-PVC fil-Majjistral tal-Ewropa.

(296)

Projbizzjoni tal-akkwist. Din il-projbizzjoni ser tikkonċerna mhux biss lil Kem One, iżda wkoll lil kull persuna fiżika u ġuridika li attwalment teżerċita jew li ser teżerċita fil-[…] kontroll fuq Kem One skont it-tifsira tal-Artikolu 3(2) tar-Regolament KE dwar il-konċentrazzjonijiet, li jgħid li “il-kontroll għandu jkun permezz ta' drittijiet, kuntratti, jew permezz ta' kull mezz ieħor li, separatament jew flimkien, fil-kuntest tal-fatti u tal-liġijiet involuti, jikkonferixxu l-possibbiltà li tkun eżerċitata influwenza deċiżiva fuq l-impriża, b'mod partikolari permezz ta': (a) dritt ta' proprjetà fuq jew dritt ta' użu mill-assi kollha jew minn parti mill-assi ta' impriża; (b) drittijiet jew kuntratti li jikkonferixxu influwenza deċiżiva fuq il-kompożizzjoni, l-votazzjoni jew id-deċiżjonijiet tal-organi ta' impriża” . Għalhekk, la Kem One u lanqas l-entitajiet li jikkontrollawha mhumiex f'pożizzjoni li jduru għal għajnuniet mogħtija min Franza u li jużawhom sabiex ikabbru s-setgħa tagħhom tas-suq għad-detriment tal-operaturi li ma rċivewx sussidji pubbliċi.

(297)

Il-projbizzjoni ma tkoprix l-akkwisti (i) li huma neċessarji għar-ritorn għall-vijabbiltà ta' Kem One u (ii) li ma jikkostitwixxux evażjoni tal-obbligu li jillimita l-effetti ta' għajnuna għall-minimu strettament meħtieġ biex jitwettqu l-għanijiet ta' Kem One tal-pjan ta' ristrutturar. Akkwist ma jistax iseħħ jekk il-Kummissjoni ma tkunx iddeċidiet li l-kondizzjonijiet fil-punti (i) u (ii) jkunu ġew issodisfati. L-intenzjoni tat-twettiq ta' akkwist u l-elementi li jippermettu lill-Kummissjoni li tiddeċiedi jekk dawn il-kondizzjonijiet ġewx issodisfati għandhom jiġu kkomunikati lill-Kummissjoni fi żmien raġonevoli.

(298)

Il-punt 49 tal-linjigwida tal-2004 jipprevdi: “Il-Kummissjoni trid tkun f'pożizzjoni li tiżgura l-implimentazzjoni tajba tal-pjan ta' ristrutturar, permezz ta' rapporti regolari u dettaljati, li jiġu komunikati lilha mill-Istat Membru kkonċernat”.

(299)

Fil-kawża inkwistjoni, b'kunsiderazzjoni għall-ammont tal-għajnuna, tan-natura tal-miżuri kompensatorji neċessarji sabiex tiġi żgurata l-kompatibbiltà tal-għajnuniet mar-regoli tal-għajnuna mill-istat, tal-għan li jiġi żgurat ritorn għall-vijabbiltà ta' Kem One u tas-sitwazzjoni kompetittiva fis-suq inkwistjoni, il-Kummissjoni tqis li huwa neċessarju li Franza tibgħatilha rapporti kull sitt xhur li jippreżentaw l-elementi li ġejjin:

(300)

Dawn ir-rapporti għandhom jiġu pprovduti matul […] mid-data tal-adozzjoni ta' din id-deċiżjoni. L-ewwel rapport għandu jasal għand il-Kummissjoni sitt xhur wara d-data tal-adozzjoni ta' din id-deċiżjoni.

(301)

Bħala konklużjoni, f'dak li jirrigwarda l-prevenzjoni ta' kull distorsjoni eċċessiva tal-kompetizzjoni minħabba miżuri ta' għajnuna, b'kunsiderazzjoni tal-preżenza tal-intrapriża konġunta Ineos/Solvay, li hija attur qawwi fis-suq tal-S-PVC, għall-fatt li miżuri kompensatorji aktar drastiċi jieħdu l-forma ta' ċediment ta' assi kif previst fil-punt 39 tal-linjigwida tal-2004, ser jirriskjaw li jipperikolaw il-vijabbiltà ta' Kem One u ser idgħajfu s-saħħa kompetittiva tagħha, li ser ikun ta' dannu għall-istruttura u l-prestazzjoni kompetittiva tas-suq u billi l-miżuri ta' kumpens analizzati f'din it-taqsima 6.2.4 ta' din id-deċiżjoni huma kapaċi jtaffu biżżejjed l-effetti u sabiex jipprovdu rimedju xieraq fiċ-ċirkustanzi ta' dan il-każ, għad-distorsjoni tal-kompetizzjoni introdotta mill-għajnuna u ser ikunu evalwati flimkien mas-sitwazzjoni kompetittiva tas-suq fir-rapporti regolari, il-miżuri kompensatorji huma meqjusa adegwati mill-Kummissjoni.

(302)

Il-punt 43 tal-linjigwida tal-2004 jgħid: “l-ammont u l-intensità tal-għajnuna għandhom ikunu limitati għall-ispejjeż minimi meħtieġa bilfors għall-istrutturar mill-ġdid bi proporzjoni skont il-mezzi finanzjarji disponibbli tal-intrapriża, tal-azzjonisti tagħha jew tal-grupp ta' intrapriżi li hija tappartjeni”. Il-punt 44 tal-linjigwida tal-2004 jippreċiża li “l-Kummissjoni ser tikkunsidra normalment li l-kontribuzzjonijiet li ġejjin għar-ristrutturar ser ikunu xierqa: […] 50 % għall-intrapriżi l-kbar”.

(303)

L-ewwelnett, l-informazzjoni miġbura wara l-ftuħ tal-proċedura ma ppermettewx li tiġi ġġustifikata l-inklużjoni tas-self ta' EUR 60-70 miljun fil-kontribuzzjoni proprja ta' Kem One. Fil-fatt, Franza kkonfermat il-karattru ipotetiku u inċert tas-self filwaqt li enfasizzat li hi ma kienet ser tintervjeni xejn fl-attivitajiet qabel l-2016. Għalhekk, dan is-self ma jissodisfax il-kondizzjoni tal-effettività reali tal-kontribuzzjoni proprja tal-benefiċjarju, ippreċiżata fil-linjigwida tal-2004. Konsegwentement, il-Kummissjoni tqis li mhux iġġustifikat li jiġi kkunsidrat dan il-kalkolu.

(304)

L-inkjesta tal-Kummissjoni wriet li r-riżorsi li għandhom jiġu kkunsidrati għall-kalkolu tal-kontribuzzjoni proprja ta' Kem One għall-ispejjeż tal-istrutturar huma dawn li ġejjin:

It-Tabella 4

Sorsi tal-kontribuzzjonijiet privati previsti fil-pjan ta' ristrutturar skont il-Kummissjoni

(305)

Matul l-inkjesta tfaċċaw diversi elementi ġodda. L-ewwelnett, rigward il-awtofinanzjament ta' Kem One, sal-lum ġew injettati EUR 18-il miljun biss minn Kem One fil-proġett tal-immodernizzar. In-natura ipotetika tal-ħlas tal-bilanċ jipprevjeni li dawn l-ammonti jiġu kkwalifikati bħala kontribuzzjoni proprja. Barraminhekk, il-fatturat ta' [l-Operatur privat 2] jiżdied fl-aħħar mill-aħħar għal EUR [55-65] miljun (minn EUR [40-50] miljun previsti inizjalment) wara negozjati bejn Kem One u l-[Operatur privat 2].

(306)

L-ispejjeż tar-ristrutturar huma stmati li jilħqu EUR 222 miljun. Il-kontribuzzjoni proprja ta' Kem One għal dan ir-ristrutturar għalhekk jirrappreżenta 60 % tal-ispejjeż tar-ristrutturar.

(307)

Konsegwentement, jista' jiġi konkluż li l-għajnuna hija limitata għal minimu, mingħajr il-bżonn li tingħata deċiżjoni fuq in-natura tal-abandun ta' dejn mogħtija mill-kredituri privati.

(308)

Bis-saħħa tal-punti 72 u s-segwenti tal-linjigwida tal-2004, għajnuna għar-ristrutturar tista' tingħata lil intrapriża darba fuq perjodu ta' għaxar snin.

(309)

Franza ppreċiżat fl-avviż tagħha li la Kem One u lanqas il-grupp li tappartjeni għalih għadhom ma bbenefikaw mill-għajnuna ta' salvataġġ jew ristrutturrar fil-passat.

(310)

Konsegwentement, il-prinċipju ta' “darba u tal-aħħar” jiġi rispettat.

(311)

Il-Kummissjoni tqis li l-miżuri tal-għajnuna inkwistjoni jistgħu jiġu ddikjarati kompatibbli mas-suq intern b'applikazzjoni tal-Artikolu 107(3)(c) tat-TFUE, sakemm il-miżuri kompensatorji elenkati fit-taqsima 6.2.4.3 ta' din id-deċiżjoni jkunu rispettati u li r-rapporti previsti fit-taqsima 6.2.4.4 ta' din id-deċiżjoni jiġu ppreżentati lill-Kummissjoni mingħajr dewmien,