(1)

Il-validità tal-kriterji ekoloġiċi attwali għall-għoti tal-ekotikketta tal-UE għaż-żebgħa u għall-verniċ ta' ġewwa u ta' barra, u tar-rekwiżiti ta' valutazzjoni u ta' verifika marbutin magħhom, stipulati fid-Deċiżjoni tal-Kummissjoni 2014/312/UE (2) tiskadi fit-28 ta' Mejju 2018.

(2)

Saret valutazzjoni li kkonfermat ir-rilevanza u l-adegwatezza tal-kriterji ekoloġiċi attwali, kif ukoll tar-rekwiżiti ta' valutazzjoni u ta' verifika relatati, li huma stabbiliti mid-Deċiżjoni 2014/312/UE. Għaldaqstant, huwa xieraq li jiġi estiż il-perjodu ta' validità ta' dawk il-kriterji u r-rekwiżiti ta' valutazzjoni u ta' verifika relatati.

(3)

Għalhekk, jentħieġ li d-Deċiżjoni 2014/312/UE tiġi emendata skont dan.

(4)

Il-miżuri previsti f'din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010,

(1)

L-ammont totali tat-tariffi superviżorji annwali li għandhom jinġabru skont l-Artikolu 9(2) tar-Regolament (UE) Nru 1163/2014 (BĊE/2014/41) għandhom ikopru, imma mhux jaqbżu, in-nefqa magħmula mill-Bank Ċentrali Ewropew (BĊE) fir-rigward tal-kompiti superviżorji tiegħu fil-perijodu tariffarju rilevanti. Din in-nefqa tikkonsisti primarjament fi spejjeż relatati direttament mal-kompiti superviżorji tal-BĊE, bħal pereżempju s-superviżjoni ta' entitajiet sinifikanti, is-superviżjoni ta' entitajiet inqas sinifikanti u t-twettiq ta' kompiti orizzontali u servizzi speċjalizzati. Tinkludi wkoll spejjeż relatati indirettament mal-kompiti superviżorji tal-BĊE, bħal pereżempju servizzi pprovduti mill-oqsma ta' appoġġ tan-negozju tal-BĊE, inklużi postijiet ta' negozju, ġestjoni tar-riżorsi umani, servizzi amministrattivi, servizzi tal-ibbaġitjar u l-kontroll, tal-kontabilità, legali, tal-komunikazzjoni u tat-traduzzjoni, awditu intern, u servizzi tal-istatistika u tat-teknoloġija tal-informazzjoni.

(2)

Sabiex jiġu kkalkulati t-tariffi superviżorji annwali pagabbli fir-rigward ta' entitajiet sinifikanti taħt superviżjoni u gruppi sinifikanti taħt superviżjoni, kif ukoll entitajiet inqas sinifikanti taħt superviżjoni u gruppi inqas sinifikanti taħt superviżjoni, l-ispejjeż totali għandhom jinqasmu fuq il-bażi tan-nefqa allokata lill-funzjonijiet rilevanti li jwettqu s-superviżjoni diretta tal-entitajiet sinifikanti taħt superviżjoni u ta' gruppi sinifikanti taħt superviżjoni kif ukoll is-superviżjoni indiretta ta' entitajiet inqas sinifikanti taħt superviżjoni u ta' gruppi inqas sinifikanti taħt superviżjoni.

(3)

L-ammont totali tat-tariffa superviżorja annwali għall-2018 għandu jiġi kkalkulat bħala s-somma ta': (a) l-ispejjeż annwali stmati ta' kompiti superviżorji għall-2018, ibbażati fuq il-baġit tal-BĊE approvat għall-2018, wara li jittieħed inkunsiderazzjoni kull żvilupp fl-ispejjeż annwali stmati li jsiru mill-BĊE li kienu magħrufa fiż-żmien meta din id-Deċiżjoni ġiet adottata; u (b) il-bilanċ pożittiv jew tal-iżbilanċ mill-2017.

(4)

Il-bilanċ pożittiv jew l-iżbilanċ għandu jiġi ddeterminat billi jitnaqqsu l-ispejjeż annwali attwali tal-kompiti superviżorji li saru fl-2017, kif rifless fil-Kontijiet Annwali tal-BĊE għall-2017 (3), mill-ispejjeż annwali stmati miġburin għall-2017, kif stabbilit fl-Anness I tad-Deċiżjoni (UE) 2017/760 tal-Bank Ċentrali Ewropew (BĊE/2017/11) (4).

(5)

Skont l-Artikolu 5(3) tar-Regolament (UE) Nru 1163/2014 (BĊE/2014/41), l-ammonti tariffarji relatati mal-perijodi tariffarji preċedenti li ma kinux għall-ġbir, ħlasijiet ta' imgħax irċevuti skont l-Artikolu 14 u ċerti ammonti oħrajn irċevuti jew rifużi skont l-Artikolu 7(3) ta' dak ir-Regolament, jekk hemm, għandhom jittieħdu inkunsidrazzjoni wkoll fl-ispejjeż annwali stmati tal-kompiti superviżorji għall-2018.

(1)

Għall-implimentazzjoni tal-Protokoll Nru 2 tal-Ftehim, il-prezzijiet ta' referenza domestiċi ġew stabbiliti mill-Partijiet Kontraenti.

(2)

Il-prezzijiet reali nbidlu fis-swieq domestiċi tal-Partijiet Kontraenti fir-rigward tal-materja prima li għaliha ġew applikati miżuri ta' kumpens għall-prezzijiet.

(3)

Għalhekk, jeħtieġ li l-prezzijiet ta' referenza u l-ammonti elenkati fit-Tabelli III u IV tal-Protokoll Nru 2 jiġu aġġornati kif xieraq.

(a)

L-Iskeda III hija sostitwita bit-test stabbilit fl-Anness I ta' din id-Deċiżjoni;

(b)

Fl-Iskeda IV, il-punt (b) huwa sostitwit bit-test stabbilit fl-Anness II ta' din id-Deċiżjoni.