(1)

F'konformità mad-Deċiżjoni tal-Kunsill (UE) 2018/398 (2), il-Ftehim bejn l-Unjoni Ewropea u l-Iżlanda dwar regoli supplementari fir-rigward tal-istrument għall-appoġġ finanzjarju għall-fruntieri esterni u l-viża, bħala parti mill-Fond għas-Sigurtà Interna għall-perjodu 2014 sa 2020 (“il-Ftehim”) ġie ffirmat fit-2 ta' Marzu 2018, soġġett għall-konklużjoni tiegħu f'data aktar tard.

(2)

F'konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni ta' din id-Deċiżjoni u mhijiex marbuta biha jew soġġetta għall-applikazzjoni tagħha. Minħabba li din id-Deċiżjoni tibni fuq l-acquis ta' Schengen, id-Danimarka għandha, f'konformità mal-Artikolu 4 ta' dak il-Protokoll, tiddeċiedi fi żmien sitt xhur minn meta l-Kunsill ikun iddeċieda dwar din id-Deċiżjoni, jekk hijiex ser timplimentaha fil-liġi nazzjonali tagħha.

(3)

Din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen li fihom ir-Renju Unit ma jiħux sehem, f'konformità mad-Deċiżjoni tal-Kunsill 2000/365/KE (3); għaldaqstant ir-Renju Unit mhuwiex qed jieħu sehem fl-adozzjoni ta' din id-Deċiżjoni u mhuwiex marbut biha jew soġġett għall-applikazzjoni tagħha.

(4)

Din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen li fihom l-Irlanda ma tiħux sehem, f'konformità mad-Deċiżjoni tal-Kunsill 2002/192/KE (4); għaldaqstant l-Irlanda mhijiex qiegħda tieħu sehem fl-adozzjoni ta' din id-Deċiżjoni u mhijiex marbuta biha jew soġġetta għall-applikazzjoni tagħha.

(5)

Sabiex applikazzjoni tal-miżuri previsti fil-Ftehim tkun tista' ssir fil-pront u biex ma jkunx hemm dewmien fl-approvazzjoni u l-implimentazzjoni tal-programm nazzjonali, jenħtieġ li d-Deċiżjoni tidħol fis-seħħ fil-jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

(6)

Jenħtieġ li l-Ftehim jiġi approvat,

(1)

L-Anness III tar-Regolament tal-Kummissjoni (KE) Nru 1235/2008 (2) jistabbilixxi l-lista ta' pajjiżi terzi li s-sistemi tal-produzzjoni u l-miżuri tal-kontroll tagħhom għall-produzzjoni organika ta' prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007.

(2)

F'konformità mal-Ftehim bejn l-Unjoni Ewropea u r-Repubblika taċ-Ċilì dwar il-kummerċ ta' prodotti organiċi, approvat mid-Deċiżjoni tal-Kunsill (UE) 2017/2307 (3), l-Unjoni u ċ-Ċilì jaċċettaw l-importazzjoni fit-territorju tagħhom tal-prodotti elenkati fl-Anness ta' dak il-Ftehim, u t-tqegħid fis-suq tagħhom bħala prodotti organiċi, diment li dawk il-prodotti jkunu jikkonformaw mal-liġijiet u r-regolamenti ta' xulxin. L-Anness I ta' dak il-Ftehim ikopri prodotti organiċi miċ-Ċilì li l-Unjoni tirrikonoxxi ekwivalenza għalihom. Għal raġunijiet ta' ċarezza, iċ-Ċilì jenħtieġ li jiġi inkluż fil-lista li tinsab fl-Anness III tar-Regolament (KE) Nru 1235/2008.

(3)

Skont informazzjoni pprovduta mill-Costa Rica, l-awtorità kompetenti tagħha żiedet korp ġdid ta' kontroll, jiġifieri lil “Primus Auditing Operations de Costa Rica S.A” mal-lista ta' korpi ta' kontroll rikonoxxuti mill-Costa Rica.

(4)

Skont informazzjoni pprovduta mill-Iżvizzera, l-ismijiet tal-korpi tal-kontroll, l- “Institut für Marktökologie (IMO)” u “ProCert Safety AG” inbidlu għal “IMOswiss AG” u “ProCert AG” rispettivament.

(5)

Skont informazzjoni pprovduta mit-Tuneżija, l-isem tal-awtorità kompetenti nbidel. Barra minn hekk, it-Tuneżija infurmat lill-Kummissjoni li l-awtorità kompetenti tagħha żiedet korp wieħed ta' kontroll, jiġifieri lil “CERES GmbH”, mal-lista ta' korpi ta' kontroll rikonoxxuti mit-Tuneżija u li l-isem tal-korp ta' kontroll “Ecocert SA en Tunisie” inbidel għal “Ecocert SA”. Ir-rikonoxximent tal-korp ta' kontroll “Suolo e Salute” ġie rtirat. Fl-aħħar nett, il-korpi ta' kontroll “Kiwa BCS Öko-Garantie GmbH” u “Institut national de la normalisation et de la propriété industrielle (INNORPI)” ġew assenjati numri tal-kodiċi ġodda.

(6)

Skont informazzjoni mogħtija mill-Korea t'Isfel, ingħataw indirizzi tal-Internet ġodda għal “OCK” u “Neo environmentally-friendly”. Ir-rikonoxximent tal-korp ta' kontroll “Ecocert” ġie rtirat. Fl-aħħar nett, l-awtorità kompetenti tal-Korea t'Isfel irrikonoxxiet erba' korpi ta' kontroll oħra li jenħtieġ li jiżdiedu mal-lista tal-Anness III tar-Regolament (KE) Nru 1235/2008: “Ecolivestock Association”, “Association for Agricultural Products Quality Evaluation”, “University Industry Liaison office of CNU” u “Eco Agriculture Institute Inc.”

(7)

L-Anness IV tar-Regolament (KE) Nru 1235/2008 jistabbilixxi l-lista tal-awtoritajiet tal-kontroll u tal-korpi tal-kontroll li huma kompetenti biex jagħmlu kontrolli u joħorġu ċertifikati f'pajjiżi terzi għall-fini ta' ekwivalenza.

(8)

Il-Kummissjoni rċeviet u eżaminat talba mingħand “Agreco R.F. Göderz GmbH” sabiex l-ispeċifikazzjonijiet tagħha jiġu emendati. Abbażi tal-informazzjoni li waslitilha, il-Kummissjoni kkonkludiet li hu ġġustifikat li tiġi rrikonoxxuta “Agreco R.F. Göderz GmbH” fil-kategorija tal-prodotti B fir-rigward tal-pajjiżi terzi kollha li ġiet rikonoxxututa għall-kategoriji ta' prodotti oħra kollha u li jiġi estiż l-ambitu ġeografiku tar-rikonoxximent tagħha għall-kategorija tal-prodotti D għal Cape Verde, l-Iran, il-Kambodja, Fiġi, l-Eks-Repubblika Jugoslava tal-Maċedonja, il-Gżejjer Solomon, El Salvador, Tonga u Samoa, u għall-kategorija tal-prodotti A fir-rigward tal-Messiku u tal-Urugwaj.

(9)

Il-Kummissjoni rċeviet u eżaminat talba mingħand “Bioagricert S.r.l.” biex jiġu emendati l-ispeċifikazzjonijiet tagħha. Abbażi tal-informazzjoni li waslitilha, il-Kummissjoni kkonkludiet li hu ġġustifikat li “Bioagricert S.r.l” tiġi rikonoxxuta għall-kategoriji tal-prodotti D għall-Indoneżja.

(10)

Il-Kummissjoni rċeviet u eżaminat talba mingħand “Biocert International Pvt Ltd” biex tiġi inkluża fil-lista tal-Anness IV tar-Regolament (KE) Nru 1235/2008. Abbażi tal-informazzjoni li waslitilha, il-Kummissjoni kkonkludiet li hu ġġustifikat li “Biocert International Pvt Ltd” tiġi rikonoxxuta għall-kategoriji tal-prodotti D u E għall-Indja u għall-kategoriji tal-prodotti A u D għas-Sri Lanka.

(11)

Il-Kummissjoni rċeviet u eżaminat talba mingħand “Ecocert SA” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A u D għal New Caledonia, u għall-kategorija tal-prodotti B għall-Armenja u għall-kategorija tal-prodotti E għat-Togo.

(12)

“Ecoglobe” infurmat lill-Kummissjoni li nbidel l-indirizz u l-indirizz tal-Internet tagħha.

(13)

Il-Kummissjoni rċeviet u eżaminat talba mingħand “Ekoagros” biex jiġu emendati l-ispeċifikazzjonijiet tagħha. Abbażi tal-informazzjoni li waslitilha, il-Kummissjoni kkonkludiet li hu ġġustifikat li tiġi rikonoxxuta għall-kategoriji tal-prodotti B u D għar-Russja.

(14)

“NASAA Certified Organic Pty Ltd” infurmat lill-Kummissjoni li nbidel l-indirizz tal-Internet tagħha.

(15)

Il-Kummissjoni rċeviet u eżaminat talba minn “OneCert International PVT Ltd” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A u D għall-Benin, l-Indoneżja, in-Niġerja, il-Filippini u t-Togo.

(16)

“Organic Certifiers” infurmat lill-Kummissjoni li waqqfet l-attivitajiet ta' ċertifikazzjoni tagħha fil-pajjiżi terzi kollha li għalihom kienet rikonoxxuta. Għalhekk jenħtieġ li ma tibqax elenkata fl-Anness IV tar-Regolament (KE) Nru 1235/2008.

(17)

“ORSER” infurmat lill-Kummissjoni li nbidel l-indirizz tagħha.

(18)

Il-Kummissjoni rċeviet u eżaminat talba minn “Q-check”, biex tiġi inkluża fil-lista tal-Anness IV tar-Regolament (KE) Nru 1235/2008. Abbażi tal-informazzjoni li waslitilha, il-Kummissjoni kkonkludiet li hu ġġustifikat li “Q-check” tiġi rikonoxxuta għall-kategoriji tal-prodotti A u D fir-rigward tal-Albanija, l-Eġittu, il-Ġordan, il-Kosovo, il-Libanu, il-Perù, l-Arabja Sawdija, is-Serbja, it-Turkija u l-Emirati Għarab Magħquda.

(19)

“Quality Partner” infurmat lill-Kummissjoni li waqqfet l-attivitajiet ta' ċertifikazzjoni tagħha fl-Indoneżja, l-uniku pajjiż terz li għalih kienet rikonoxxuta. Għalhekk jenħtieġ li ma tibqax elenkata fl-Anness IV tar-Regolament (KE) Nru 1235/2008.

(20)

“Soil Association Certification Limited” infurmat lill-Kummissjoni li se twaqqaf l-attivitajiet ta' ċertifikazzjoni tagħha fl-Eġittu u l-Iran. Għalhekk jenħtieġ li ma tibqax elenkata fl-Anness IV tar-Regolament (KE) Nru 1235/2008.

(21)

Il-Kummissjoni rċeviet u eżaminat talba mingħand “Valsts SIA ‘Sertifikācijas un testēšanas centrs’” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A għall-Belarussja, u għall-kategorija tal-prodotti A u B għall-Użbekistan.

(22)

Bħala konsegwenza tal-inklużjoni taċ-Ċilì fl-Anness III tar-Regolament (KE) Nru 1235/2008, il-korpi ta' kontroll rilevanti rikonoxxuti s'issa għall-importazzjoni ta' prodotti mill-kategoriji A, D jew F miċ-Ċilì, jenħtieġ li jkomplu jiġu rikonoxxuti fir-rigward taċ-Ċilì għal dawk il-kategoriji ta' prodotti, ħlief għall-prodotti li jaqgħu fil-kamp ta' applikazzjoni tal-ftehim kummerċjali.

(23)

Għalhekk, l-Annessi III u IV tar-Regolament (KE) Nru 1235/2008 jenħtieġ li jiġu emendati skont dan.

(24)

Il-miżuri previsti f'dan ir-Regolament huma skont l-opinjoni tal-Kumitat għall-produzzjoni organika,

(1)

L-Anness III hu emendat skont l-Anness I ta' dan ir-Regolament;

(2)

L-Anness IV hu emendat skont l-Anness II ta' dan ir-Regolament.

(1)

Id-Deċiżjoni ta' Implimentazzjoni tal-Kummissjoni 2014/709/UE (4) tistabbilixxi miżuri ta' kontroll tas-saħħa tal-annimali marbutin mad-deni Afrikan tal-ħnieżer f'ċertu Stati Membri, fejn kien hemm każijiet ikkonfermati ta' dik il-marda fi ħnieżer domestiċi jew selvaġġi (l-Istati Membri kkonċernati). Fil-Partijiet I sa IV tiegħu, l-Anness ta' dik id-Deċiżjoni ta' Implimentazzjoni jiddemarka u jelenka ċerti żoni tal-Istati Membri kkonċernati, skont il-livell tar-riskju abbażi tas-sitwazzjoni epidemjoloġika fir-rigward ta' dik il-marda. L-Anness tad-Deċiżjoni ta' Implimentazzjoni 2014/709/UE ġie emendat diversi drabi biex jitqiesu l-bidliet fis-sitwazzjoni epidemjoloġika fl-Unjoni fir-rigward tad-deni Afrikan tal-ħnieżer li jridu jiġu riflessi f'dak l-Anness.

(2)

Ir-riskju tat-tixrid tad-deni Afrikan tal-ħnieżer fl-organiżmi selvaġġi huwa marbut mat-tixrid naturali bil-mod ta' dik il-marda fost il-popolazzjonijiet tal-ħanżir selvaġġ, kif ukoll ir-riskji marbuta mal-attività umana, kif deher fl-evoluzzjoni epidemjoloġika riċenti ta' dik il-marda fl-Unjoni, u kif iddokumentat mill-Awtorità Ewropea dwar is-Sigurtà fl-Ikel (EFSA) fl-Opinjoni Xjentifika tal-Bord dwar is-Saħħa u l-Welfare tal-Annimali, ippubblikata fl-14 ta' Lulju 2015; fir-Rapport Xjentifiku tal-EFSA fuq l-analiżijiet epidemjoloġiċi dwar id-deni Afrikan tal-ħnieżer fil-pajjiżi Baltiċi u fil-Polonja, ippubblikat fit-23 ta' Marzu 2017; u fir-Rapport Xjentifiku tal-EFSA fuq l-analiżijiet epidemjoloġiċi dwar id-deni Afrikan tal-ħnieżer fil-pajjiżi Baltiċi u fil-Polonja, ippubblikat fis-7 ta' Novembru 2017 (5).

(3)

F'Ġunju 2018, ġew osservati mija u disgħa u tletin tifqigħa ta' deni Afrikan tal-ħnieżer fil-ħnieżer domestiċi fil-kontea ta' Tulcea fir-Rumanija. Dawn it-tifqigħat ta' deni Afrikan tal-ħnieżer fil-ħnieżer domestiċi jikkostitwixxu żieda fil-livell tar-riskju li jenħtieġ tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, jenħtieġ li din iż-żona tar-Rumanija affettwata mid-deni Afrikan tal-ħnieżer tiġi elenkata fil-Partijiet I u III ta' dak l-Anness.

(4)

F'Ġunju 2018, ġew osservati xi każijiet ta' deni Afrikan tal-ħnieżer fiċ-ċingjali fil-Kontea ta' Satu Mare fir-Rumanija, li diġà hija milquta minn tifqigħa tad-deni Afrikan tal-ħnieżer fi ħnieżer domestiċi. Dawn it-tifqigħat ta' deni Afrikan tal-ħnieżer fiċ-ċingjali jikkostitwixxu żieda fil-livell tar-riskju li jenħtieġ tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, jenħtieġ li din iż-żona tar-Rumanija affettwata mid-deni Afrikan tal-ħnieżer tiġi elenkata fil-Partijiet I, II u III ta' dak l-Anness.

(5)

F'Ġunju 2018, bosta tifqigħat tad-deni Afrikan tal-ħnieżer fil-ħnieżer domestiċi ġew osservati fir-reġjuni Radviliskis, Lazdijai, Raseiniai, Jubarkas, Kediainiai, Mažeikiai u Joniškis fil-Litwanja. Dawn it-tifqigħat ta' deni Afrikan tal-ħnieżer fil-ħnieżer domestiċi flimkien mal-każijiet fiċ-ċingjali fl-istess żoni tal-Litwanja jikkostitwixxu żieda fil-livell ta' riskju li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, jenħtieġ li dawn iż-żoni tal-Litwanja affettwati mid-deni Afrikan tal-ħnieżer jiġu elenkati fil-Parti III ta' dak l-Anness.

(6)

F'Ġunju tal-2018, ġew osservati tliet tifqigħat ta' deni Afrikan tal-ħnieżer fil-ħnieżer domestiċi fir-reġjuni ta' Wlodawsik, Bialski u Braniewski fil-Polonja. Dawn it-tifqigħat ta' deni Afrikan tal-ħnieżer fil-ħnieżer domestiċi flimkien mal-każijiet fiċ-ċingjali fl-istess żoni tal-Polonja jikkostitwixxu żieda fil-livell ta' riskju li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, jenħtieġ li dawn iż-żoni tal-Polonja affettwati mid-deni Afrikan tal-ħnieżer jiġu elenkati fil-Parti III ta' dak l-Anness.

(7)

F'Ġunju 2018, ġiet osservata tifqigħa ta' deni Afrikan tal-ħnieżer fil-ħnieżer domestiċi fir-reġjun ta' Jelgava fil-Latvja. Din it-tifqigħa ta' deni Afrikan tal-ħnieżer fil-ħnieżer domestiċi, flimkien mal-każijiet fiċ-ċingjali fl-istess żona tal-Latvja, tikkostitwixxi żieda fil-livell ta' riskju li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, jenħtieġ din iż-żona tal-Latvja affettwata mid-deni Afrikan tal-ħnieżer tiġi elenkata fil-Parti III ta' dak l-Anness.

(8)

Sabiex jitqiesu l-iżviluppi riċenti tal-evoluzzjoni epidemjoloġika tad-deni Afrikan tal-ħnieżer fl-Unjoni, u biex ir-riskji marbuta mat-tixrid ta' dik il-marda jiġu miġġielda b'mod proattiv, jenħtieġ li fil-każ tar-Rumanija, il-Latvja, il-Litwanja u l-Polonja jiġu demarkati ż-żoni l-ġodda ta' daqs suffiċjenti li huma l-aktar fir-riskju u jiġu elenkati skont kif meħtieġ fl-Anness tad-Deċiżjoni ta' Implimentazzjoni 2014/709/UE. Għalhekk jenħtieġ li dak l-Anness jiġi emendat skont dan.

(9)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Skont l-Artikolu 2 tat-Trattat dwar l-Unjoni Ewropea, l-Unjoni hija bbażata fuq il-valur tar-rispett għad-dinjità tal-bniedem, il-libertà, id-demokrazija, l-ugwaljanza, l-istat tad-dritt u r-rispett għad-drittijiet tal-bniedem, inklużi d-drittijiet ta' persuni li jagħmlu parti minn minoranzi. Dawn il-valuri huma komuni għall-Istati Membri f'soċjetà fejn jipprevalu l-pluraliżmu, in-nondiskriminazzjoni, it-tolleranza, il-ġustizzja, is-solidarjetà u l-ugwaljanza bejn in-nisa u l-irġiel.

(2)

L-Artikolu 8 tat-Trattat dwar il-Funzjonament tal-Unjoni Ewropea jipprovdi li f'kull attività tagħha, l-Unjoni għandha tfittex li telimina l-inugwaljanzi, u li tippromwovi l-ugwaljanza, bejn l-irġiel u n-nisa.

(3)

L-Artikolu 21 tal-Karta tad-Drittijiet Fundamentali tal-Unjoni Ewropea jipprojbixxi kull diskriminazzjoni fuq kwalunkwe bażi, bħas-sess, ir-razza, l-oriġini etnika, ir-reliġjon jew it-twemmin, diżabilità, l-età jew orjentazzjoni sesswali. L-Artikolu 23 tal-Karta jistabbilixxi d-dritt għal ugwaljanza bejn in-nisa u l-irġiel u n-nisa fl-oqsma kollha, inkluż l-impjieg, ix-xogħol u l-paga. L-Artikolu 26 tagħha jirrikonoxxi u jirrispetta d-drittijiet tal-persuni diżabbli li jibbenefikaw minn miżuri intiżi sabiex jiżguraw l-indipendenza, l-integrazzjoni soċjali u professjonali tagħhom, u l-parteċipazzjoni tagħhom fil-ħajja tal-komunità. Barra minn hekk, l-ugwaljanza ta' kull persuna f'għajnejn il-liġi hija minquxa fl-Artikolu 20 tal-Karta tad-Drittijiet Fundamentali tal-Unjoni Ewropea.

(4)

Skont l-Artikolu 19 tat-Trattat dwar il-Funzjonament tal-Unjoni Ewropea, mingħajr preġudizzju għad-dispożizzjonijiet l-oħra tat-Trattati u fil-limiti tal-poteri mogħtija minnu lill-Unjoni, il-Kunsill, li jaġixxi unanimament skond il-proċedura leġislattiva speċjali u bl- approvazzjoni tal-Parlament Ewropew, jista' jieħu l-azzjoni xierqa sabiex jiġġieled id-diskriminazzjoni li tkun ibbażata fuq is-sess, ir-razza jew l-oriġini etnika, ir-reliġjon jew twemmin, id-diżabilità, l-età jew it-tendenzi sesswali. Skont l-Artikolu 157(3) tat-Trattat dwar il-Funzjonament tal-Unjoni, il-Parlament Ewropew u l-Kunsill, għandhom jadottaw miżuri li jassiguraw l-applikazzjoni tal-prinċipju ta' opportunitajiet indaqs u trattament ugwali ta' l-irġiel u n-nisa f'materji ta' impjiegi u xogħol, inklużi l-prinċipji ta' paga ugwali għal xogħol ugwali jew xogħol ta' valur ugwali.

(5)

Abbażi ta' dawn id-dispożizzjonijiet ġew adottati diversi Direttivi dwar il-projbizzjoni tad-diskriminazzjoni fl-oqsma rilevanti.

(6)

Id-Direttiva tal-Kunsill 2000/43/KE (1) tipprojbixxi d-diskriminazzjoni diretta u indiretta abbażi tal-oriġini razzjali jew etnika, inkluż il-fastidju. Hija tapplika għal kulħadd, kemm fis-settur pubbliku kif ukoll f'dak privat, inkluż il-korpi pubbliċi, b'rabta ma' (a) kundizzjonijiet għall-aċċess għall-impjieg, għal xogħol ta' min jaħdem għal rasu u għal xogħol, inkluż il-kriterji tal-għażla u l-kundizzjonijiet tar-reklutaġġ, ikun xi jkun il-qasam ta' attività u fil-livelli kollha tal-ġerarkija professjonali, inkluża l-promozzjoni; (b) l-aċċess għat-tipi kollha u għal-livelli kollha ta' gwida vokazzjonali, taħriġ vokazzjonali, taħriġ vokazzjonali avvanzat u taħriġ mill-ġdid, inkluża l-esperjenza tax-xogħol prattiku; (c) il-kundizzjonijiet tal-impjieg u tax-xogħol, inklużi s-sensji u l-paga; (d) is-sħubija u l-involviment f'organizzazzjoni tal-ħaddiema jew ta' min iħaddem, jew ta' kwalunkwe organizzazzjoni li l-membri tagħha jwettqu professjoni partikolari, inklużi l-benefiċċji pprovduti minn dawn l-organizzazzjonijiet. (e) il-protezzjoni soċjali, inklużi s-sigurtà soċjali u l-kura tas-saħħa; (f) il-vantaġġi soċjali; (g) l-edukazzjoni; u (h) l-aċċess għall-oġġetti u s-servizzi u l-provvista tagħhom li huma disponibbli għall-pubbliku, inkluż l-akkomodazzjoni.

(7)

Id-Direttiva tal-Kunsill 2000/78/KE (2) tipprojbixxi d-diskriminazzjoni diretta jew indiretta, inkluż il-fastidju, abbażi ta' reliġjon jew twemmin, diżabilità, età jew orjentazzjoni sesswali f'dak li għandu x'jaqsam mal-impjieg, ix xogħol u t-taħriġ vokazzjonali. Hija tapplika għal kulħadd, kemm fis-settur pubbliku kif ukoll f'dak privat, inkluż il-korpi pubbliċi, b'rabta mal-punti (a) — (d) imsemmija fil-premessa preċedenti.

(8)

Id-Direttiva tal-Kunsill 2004/113/KE (3) tipprojbixxi d-diskriminazzjoni diretta u indiretta abbażi ta' sess, inkluż il-fastidju u l-fastidju sesswali, fl-aċċess u fil-provvista ta' oġġetti u servizzi.

(9)

Id-Direttiva 2006/54/KE tal-Parlament Ewropew u tal-Kunsill (4) dwar l-ugwaljanza bejn is-sessi tipprovdi għal projbizzjoni kontra diskriminazzjoni diretta u indiretta abbażi ta' sess, inkluż il-fastidju u l-fastidju sesswali, fi kwistjonijiet ta' aċċess għall-impjiegi, inkluża l-promozzjoni, u għal taħriġ vokazzjonali, kundizzjonijiet tax-xogħol, inkluża l-paga, u skemi okkupazzjonali ta' sigurtà soċjali.

(10)

Id-Direttiva 2010/41/UE tal-Parlament Ewropew u tal-Kunsill (5) tipprojbixxi d-diskriminazzjoni diretta u indiretta, inkluż il-fastidju u l-fastidju sesswali, bejn l-irġiel u n-nisa li jeżerċitaw attività li fiha jaħdmu għal rashom. Il-kamp ta' applikazzjoni tad-Direttiva jkopri kull tip ta' diskriminazzjoni, iżda l-protezzjoni soċjali u l-benefiċċji tal-maternità huma msemmija b'mod speċjali.

(11)

Id-Direttivi kollha msemmija hawn fuq (minn hawn 'il quddiem “id-Direttivi dwar l-ugwaljanza”) ġew trasposti mill-Istati Membri. Id-Direttivi dwar l-ugwaljanza, minbarra d-Direttiva 2000/78/KE, jipprovdu li l-Istati Membri għandhom jaħtru korp jew korpi għall-promozzjoni, inkluż l-analiżi, il-monitoraġġ u l-appoġġ tat-trattament ugwali tal-persuni kollha mingħajr diskriminazzjoni abbażi tar-raġunijiet koperti mid-Direttivi rispettivi (minn hawn 'il quddiem il-“korpi tal-ugwaljanza”). Għaldaqstant, l-Istati Membri kollha stabbilixxew korpi tal-ugwaljanza.

(12)

Din ir-Rakkomandazzjoni tapplika għall-korpi tal-ugwaljanza mwaqqfa taħt id-Direttivi tal-ugwaljanza msemmija.

(13)

Meta d-Direttivi kollha dwar l-ugwaljanza jipprovdu għat-twaqqif ta' tali korpi tal-ugwaljanza, jeżiġu li l-Istati Membri jiżguraw li l-kompetenzi tagħhom jinkludu l-għoti ta' assistenza indipendenti lill-vittmi, it-twettiq ta' stħarriġ indipendenti dwar id-diskriminazzjoni, il-pubblikazzjoni ta' rapporti indipendenti u t-tħejjija ta' rakkomandazzjonijiet dwar kwalunkwe kwistjoni relatata ma' tali diskriminazzjoni.

(14)

Barra minn hekk, fit-2 ta' Lulju 2008 il-Kummissjoni adottat proposta għal Direttiva tal-Kunsill dwar l-implimentazzjoni tal-prinċipju ta' trattament ugwali bejn il-persuni irrispettivament mir-reliġjon jew twemmin, diżabilità, età jew orjentazzjoni sesswali (6). Il-kamp ta' applikazzjoni tal-proposta jkopri (a) il-protezzjoni soċjali, inkluż is-sigurtà soċjali u l-kura tas-saħħa; (b) il-vantaġġi soċjali; (c) l-edukazzjoni; u (d) l-aċċess għall-oġġetti u s-servizzi u l-provvista tagħhom li huma disponibbli għall-pubbliku, inkluż l-akkomodazzjoni. Skont id-Direttivi proposti l-Istati Membri huma obbligati li jinnominaw korp jew korpi għat-trattament ugwali wkoll f'dawk l-oqsma, li jistgħu jkunu l-istess korpi bħal dawk diġà mwaqqfa permezz tad-Direttivi tal-ugwaljanza. Għalkemm il-proposta ma ġietx adottata sal-lum, l-Istati Membri għandhom ikunu mħeġġa jaħtru korpi tal-ugwaljanza f'dawk l-oqsma, għaliex l-esperjenza turi li l-ħatra ta' dawn il-korpi ssaħħaħ il-protezzjoni mid-diskriminazzjoni.

(15)

Id-Direttivi 2006/54/KE u 2010/42/UE jeżiġu wkoll li l-Istati Membri jiżguraw li l-kompiti tal-korpi tal-ugwaljanza jinkludu l-iskambju tal-informazzjoni disponibbli mal-korpi Ewropej korrispondenti.

(16)

F'għadd ta' Stati Membri, il-mandat tal-korpi tal-ugwaljanza jkopri wkoll reati ta' mibegħda u d-diskors ta' mibegħda. Dan huwa rilevanti, b'mod partikolari, fir-rigward tal-implimentazzjoni effettiva tad-Deċiżjoni Qafas tal-Kunsill 2008/913/ĠAI (7) dwar il-ġlieda kontra ċerti forom u espressjonijiet ta' razziżmu u ksenofobija permezz tal-liġi kriminali, li tistabbilixxi standards minimi għall-kriminalizzazzjoni, il-prosekuzzjoni u miżuri restrittivi fuq reati u diskors ta' mibgħeda razzista.

(17)

Minbarra l-obbligi tagħhom taħt id-Direttivi biex iwaqqfu korpi tal-ugwaljanza, ħafna mill-Istati Membri estendew il-mandat tal-korpi tal-ugwaljanza tagħhom biex jinkludi kamp ta' applikazzjoni aktar ġenerali ta' diskriminazzjoni abbażi ta' sess, oriġini razzjali jew etnika, reliġjon jew twemmin, diżabilità, età jew orjentazzjoni sesswali fl-oqsma tal-impjiegi u tax-xogħol, l-aċċess għal u l-provvista ta' oġġetti u servizzi, l-edukazzjoni, il-protezzjoni soċjali u l-vantaġġi soċjali, biex b'hekk ikopri l-kamp ta' applikazzjoni tad-Direttiva 2000/78/KE, kif ukoll oqsma oħra.

(18)

It-test tad-Direttivi dwar l-ugwaljanza jħalli marġni wiesgħa ta' diskrezzjoni lill-Istati Membri f'dak li għandu x'jaqsam mal-istruttura u mal-funzjonament tal-korpi tal-ugwaljanza. Dan iwassal għal differenzi sinifikanti bejn il-korpi tal-ugwaljanza stabbiliti fl-Istati Membri, f'termini tal-mandat, tal-kompetenzi, tal-istrutturi, tar-riżorsi u tal-funzjonament operattiv tal-korpi tal-ugwaljanza. Imbagħad xi kultant dan jista' jwassal għal aċċess mhux sodisfaċenti għal protezzjoni għaċ-ċittadini, protezzjoni li mhix ugwali minn Stat Membru għal ieħor (8).

(19)

Xi Stati Membri waqqfu aktar minn korp tal-ugwaljanza wieħed li jeħtieġ il-kreazzjoni ta' strutturi ċari għall-koordinazzjoni u l-kooperazzjoni tagħhom.

(20)

F'xi Stati Membri, il-korpi ta' ugwaljanza eżistenti raw il-mandat tagħhom estiż għall-aktar oqsma differenti mingħajr żieda adegwata fir-riżorsi. Numru ta' korpi tal-ugwaljanza anke ħabbtu wiċċhom ma' tnaqqis sinifikanti fil-baġits tagħhom, li jista' jirriżulta fi tnaqqis tal-kapaċità tagħhom li jwettqu l-kompiti tagħhom (9).

(21)

Fl-istudji ġew indikati każijiet ta' korpi tal-ugwaljanza li mhumiex indipendenti u effettivi, pereżempju minħabba pressjoni esterna jew nuqqas ta' persunal (10).

(22)

Fil-prattika, l-indipendenza tista' tkun affettwata b'mod partikolari meta l-korp tal-ugwaljanza jitwaqqaf bħala parti minn ministeru b'istruzzjonijiet diretti mill-Gvern.

(23)

Il-korpi tal-ugwaljanza ma għandhomx jikkonċentraw b'mod sproporzjonat fuq ċerti kompiti bi ħsara għal oħrajn (11).

(24)

Sabiex jgħinu lil gruppi jew individwi li jsofru diskriminazzjoni biex jagħmlu użu mid-drittijiet tagħhom, il-korpi tal-ugwaljanza għandhom iqajmu wkoll il-kuxjenza pubblika dwar l-eżistenza tagħhom, tar-regoli kontra d-diskriminazzjoni u l-mezzi biex ifittxu rimedju. Għal dan il-għan, kulħadd għandu jkollu aċċess għall-korpi tal-ugwaljanza, kemm personalment u online. Is-sottomissjoni tal-ilmenti wkoll għandha tiġi ffaċilitata permezz tal-kunfidenzjalità u proċeduri sempliċi mingħajr ħlas.

(25)

Sabiex ikun ċert li l-korpi tal-ugwaljanza jaħdmu sew u b'mod ekwivalenti madwar l-Unjoni kollha, jidher xieraq li ssir rakkomandazzjoni lill-Istati Membri biex jistabbilixxu standards għall-korpi tal-ugwaljanza.

(26)

Il-ħtieġa għal standards minimi għall-korpi tal-ugwaljanza kompliet tiġi enfasizzata fir-Rapport konġunt tal-2014 dwar l-applikazzjoni tad-Direttivi 2000/43/KE u 2000/78/KE (12), fir-Rapport tal-2015 dwar l-applikazzjoni tad-Direttiva 2004/113/KE (13) kif ukoll fir-rapport ta' evalwazzjoni tar-Rakkomandazzjoni dwar it-Trasparenza fil-Pagi tal-2014 u fil-Pjan ta' Azzjoni 2017-2019 tal-UE . L-indirizzar tad-differenza bejn il-pagi tal-irġiel u n-nisa (14). Barra minn hekk, fir-riżoluzzjoni tiegħu tal-2015 il-Parlament Ewropew talab għall-introduzzjoni ta' standards għall-korpi tal-ugwaljanza (15).

(27)

In-Nazzjonijiet Uniti (16), in-Netwerk Ewropew għall-Korpi tal-Ugwaljanza (17) u l-Kunsill tal-Ewropa (18) diġà adottaw standards għall-korpi tal-ugwaljanza u għall-istituzzjonijiet għad-drittijiet tal-bniedem.

(28)

Ir-Rakkomandazzjoni attwali hija indirizzata lill-Istati Membri. Hija għandha l-għan li tikkontribwixxi biex jingħalaq id-distakk fl-istandards bejn il-korpi tal-ugwaljanza fl-Ewropa.

(29)

Ir-Rakkomandazzjoni tistabbilixxi standards dwar il-mandat, l-indipendenza, l-effikaċja, l-aċċessibbiltà u l-koordinazzjoni tal-korpi tal-ugwaljanza u rigward l-aċċess għalihom, sabiex jiġi żgurat li jkunu jistgħu jwettqu l-funzjonijiet tagħhom b'mod effettiv.

(30)

Din ir-Rakkomandazzjoni tibni fuq l-impenn tal-Kummissjoni biex tħeġġeġ u tgħin lill-Istati Membri biex itejbu l-kapaċità tagħhom biex jinfurzaw il-leġiżlazzjoni tal-Unjoni u jipprovdu rimedji sabiex jiġi żgurat li individwi u gruppi diskriminati li huma protetti mid-dritt tal-Unjoni jistgħu jgawdu b'mod sħiħ id-drittijiet tagħhom, f'konformità mal-Komunikazzjoni “Id-Dritt tal-Unjoni: Riżultati aħjar permezz ta' applikazzjoni aħjar” (19). Korpi tal-ugwaljanza indipendenti għandhom rwol essenzjali fl-implimentazzjoni tal-leġiżlazzjoni tal-Unjoni b'mod effettiv u li jinfurzawha b'mod komprensiv u konsistenti. Il-korpi tal-ugwaljanza huma wkoll istituzzjonijiet neċessarji u siewja għall-iżvilupp sostenibbli ta' soċjetajiet demokratiċi ugwali u inklużivi.

(31)

Fl-oqsma li jaqgħu taħt il-kompetenza tal-Unjoni, l-istandards għall-korpi tal-ugwaljanza jridu jissodisfaw ukoll ir-rekwiżiti ta' aċċessibbiltà stabbiliti fil-Konvenzjoni tan-Nazzjonijiet Uniti dwar id-Drittijiet ta' Persuni b'Diżabilità. Din il-Konvenzjoni ġiet approvata f'isem il-Komunità Ewropea permezz tad-Deċiżjoni tal-Kunsill 2010/48/KE (20) tas-26 ta' Novembru 2009 u għalhekk hija parti integrali tal-ordni legali tal-UE bi prevalenza fuq il-liġi sekondarja tal-UE.

(32)

Id-Direttivi 2000/43/KE, 2000/78/KE, 2004/113/KE u 2006/54/KE fihom obbligu għall-Istati Membri li jikkomunikaw l-informazzjoni kollha disponibbli dwar l-applikazzjoni tagħhom sabiex il-Kummissjoni tkun tista' tfassal rapport li jipprovdi valutazzjoni tal-miżuri meħuda minnhom skont id-Direttivi rilevanti. Il-komunikazzjoni għandha ssir f'ċerti intervalli stabbiliti minn qabel, (21) sabiex tippermetti lill-Kummissjoni tadotta u tippubblika rapport. L-inklużjoni f'dik il-komunikazzjoni ta' informazzjoni dwar il-konformità tal-Istati Membri mar-Rakkomandazzjoni preżenti tippermetti valutazzjoni tal-impatt tagħha.

(33)

Fuq livell tal-Unjoni, ir-Rakkomandazzjoni preżenti hija mingħajr preġudizzju għall-prinċipji tad-dritt proċedurali nazzjonali u t-tradizzjonijiet legali tal-Istati Membri. Ir-Rakkomandazzjoni ma tinvolvix estensjoni tas-setgħat tal-Unjoni kif definit mit-Trattati u mil-leġislazzjoni sekondarja tal-Unjoni.