Erasmus le haghaidh Fiontraithe Óga
Fiontraithe nua – conas cáiliú don scéim
Má tá tú díreach tar éis gnólacht a thosú nó má tá sé ar intinn agat gnó a thosú go luath, d’fhéadfá cáiliú do scéim malartaithe Erasmus le haghaidh Fiontraithe Óga bg cs da de el en es et fi fr hr hu it lt lv mt nl pl pt ro sk sl sv (EYE).
Tá an scéim maoinithe go páirteach ag an Aontas, agus cuireann sé ar do chumas roinnt ama a chaitheamh i dtír rannpháirteach eile ag obair le haghaidh fiontraí a bhfuil taithí aige agus ag foghlaim uaidh. Tabhair do d’aire gur scéim malartaithe í seo, seachas fostaíocht íoctha.
Le cáiliú chun páirt a ghlacadh sa scéim, ní mór duit a bheith in ann d’inspreagadh agus do rún daingean gnólacht a thosú a léiriú. Beidh ort smaoineamh láidir gnó a chur i láthair, mar aon le plean gnó réalaíoch. Ní mór duit freisin a bheith in ann cur le cistí an chláir de réir mar is gá chun costais do thréimhse i dtír eile a chumhdach.
Is féidir leat iarratas a dhéanamh fiú má thosaigh tú gnólacht cheana féin, fad is atá an ghnólacht á reáchtáil agat le níos lú ná 3 bliana tráth an iarratais.
Ní mór duit a bheith os cionn 18 mbliana d’aois agus cónaí a bheith ort i dtír rannpháirteach en .
Fad na scéime
Mairfidh an scéim idir aon mhí amháin agus 6 mhí. Moltar an malartú a chur i gcrích gan bhriseadh, ach is féidir do thréimhse fanachta a roinnt ina codanna éagsúla, ar choinníoll go gcríochnóidh tú í laistigh de 12 mhí tar éis duit tosú ar an gclár.
Na daoine ar féidir leat teagmháil a dhéanamh leo
I bhformhór na dtíortha tá pointí teagmhála áitiúla (Eagraíocht Idirmheánach – IO) bg cs da de el en es et fi fr hu it lt lv mt nl pl pt ro sk sl sv . Cabhróidh siad leat tríd an bpróiseas iarratais agus malartaithe agus íocfaidh siad do thacaíocht airgeadais leat. Mura bhfuil aon IO i do thír féin, is féidir leat teagmháil a dhéanamh le IO i dtír eile.
Tacaíocht airgeadais ón Aontas Eorpach
Gheobhaidh tú tacaíocht airgeadais chun cabhrú leat do chostais mhaireachtála laethúla agus do speansais taistil a chumhdach agus tú rannpháirteach sa chlár. Ní hionann an méid a gheobhaidh tú ó thír go tír.
Cúnamh airgeadais in aghaidh na tíre
| An tír ina bhfanfaidh an fiontraí nua | An méid a íocfar leat in aghaidh na míosa agus tú ag fanacht sa tír (in euro ó mhí an Mheithimh 2024) |
| An Albáin | 600 |
| An Airméin | 850 |
| An Ostair | 1000 |
| An Bheilg | 900 |
| An Bhoisnia agus an Heirseagaivéin | 650 |
| An Bhulgáir | 650 |
| Ceanada | 1050 |
| An Chróit | 800 |
| An Chipir | 850 |
| An tSeicia | 750 |
| An Danmhairg | 1200 |
| An Eastóin | 800 |
| An Fhionlainn | 1000 |
| An Fhrainc | 950 |
| An tSeoirsia | 750 |
| An Ghearmáin | 900 |
| An Ghréig |
850 |
| An Ungáir | 700 |
| An Íoslainn | 1000 |
| An Iodáil | 1000 |
| An Chosaiv* | 650 |
| An Laitvia | 700 |
| Lichtinstéin | 1200 |
| An Liotuáin | 650 |
| Lucsamburg | 900 |
| Málta | 750 |
| An Mholdóiv | 700 |
| Montainéagró | 650 |
| An Ísiltír | 950 |
| An Mhacadóin Thuaidh | 650 |
| An Iorua | 1200 |
| An Pholainn | 650 |
| An Phortaingéil | 850 |
| An Rómáin | 650 |
| An tSeirbia | 650 |
| Singeapór | 1150 |
| An tSlóvaic | 700 |
| An tSlóivéin | 800 |
| An Spáinn | 900 |
| An tSualainn | 1000 |
| An Tuirc | 800 |
| An Úcráin | 600 |
| An Ríocht Aontaithe | 1100 |
| Stáit Aontaithe Mheiriceá | 1200 |
| Fiontraithe ó/go dtí: Na Réigiúin is forimeallaí agus Tíortha agus Críocha Thar Lear den Aontas | 1200 |
| Fiontraithe faoi mhíchumas (gan beann ar thír an fhanachta) | 1200 |
*Ní dochar an t-ainmniú seo do sheasaimh ar stádas, agus tá sé ag teacht le UNSCR 1244/1999 agus le tuairim CBI maidir le dearbhú neamhspleáchais na Cosaive.
Conas iarratas a dhéanamh
- Is féidir leat clárú don scéim ar líne
- Beidh ort pointe teagmhála a roghnú i do thír chónaithe bg cs da de el en es et fi fr hu it lt lv mt nl pl pt ro sk sl sv
Na doiciméid a theastaíonn chun iarratas a dhéanamh:
- Do CV
- Do litir inspreagtha
- Do phlean gnó
Chun tuilleadh eolais a fháil, is féidir leat féachaint ar an Treoir chlárúcháin le haghaidh fionraithe nua en .
Bheith i d’óstach ar fhiontraí nua
Más fiontraí nó úinéir gnólachta bhig thú ar éirigh go maith leat agus a bhfuil taithí mhaith agat, d’fhéadfá cáiliú chun fiontraí nua a óstáil bg cs da de el en es et fi fr hu it lt lv mt nl pl pt ro sk sl sv . Is féidir leat tairbhe a bhaint as bheith rannpháirteach sa scéim seo ar go leor bealaí, cuir i gcás:
- Trí bheith ag obair le fiontraí nua spreagtha, is féidir tuairimí nuálacha, scileanna nua agus eolas nua a thabhairt isteach i do ghnólacht féin.
- D’fhéadfadh an deis a bheith agat foghlaim faoi mhargaí eachtracha, rud a d’fhágfadh go bhféadfá do dheiseanna gnó a leathnú agus páirt a ghlacadh i ngníomhaíochtaí trasteorann.
- D’fhéadfadh an deis a bheith agat do scileanna teanga a fheabhsú.
Conas iarratas a dhéanamh le bheith i d’óstach
An méid a theastaíonn chun páirt a ghlacadh sa chlár mar óstach
- Ní mór duit cónaí buan a bheith ort i mBallstát den Aontas nó in aon cheann de na tíortha rannpháirteacha eile.
- Ní mór duit do CV a chur ar fáil (ina sonrófar do thaithí fiontraíochta – 3 bliana ar a laghad – agus eolas faoin ngnólacht atá agat faoi láthair).
- Ní mór duit a bheith in ann d’inspreagadh a léiriú chun páirt a ghlacadh sa scéim
Is féidir leat tuilleadh eolais a fháil faoin ról a bheidh agat sa treoir d’fhiontraithe óstaigh en .