Historia ya UN na usaidizi wa kulinda amani Jamhuri ya Kidemokrasia ya Congo

Walinda amani wa MONUSCO wakiwa kwenye doria mashariki mwa DR Congo

Walinda amani Umoja wa Mataifa wanaohudumu kwenye Ujumbe wa Umoja huo wa kulinda amani nchini DRC, wanaendelea kuisaidia nchi hiyo inapokabiliana na ukosefu wa usalama, vita, na janga la kibinadamu.

Walinda amani wa MONUSCO wakiwa lindoni kusaidia jeshi la serikali ya DRC, FARDC kukabiliana na waasi wa M23 jimboni Kivu Kaskazini, mashariki mwa nchi hiyo.

MONUSCO ilianzishwa mwaka 2010, ikichukua majukumu ya misheni za awali za Umoja wa Mataifa zilizoanza majukumu yake kwenye taifa hilo la Maziwa Makuu miaka ya 1960.

Walinda amani wa Umoja wa Mataifa kutoka India, wanaohudumu kwenye kikosi cha MONUSCO cha kuchukua hatua haraka, RDP wakiwa doriani kwenye kituo chao huko Sake, jimboni Kivu Kaskazini.

Majukumu yake ni pamoja na ulinzi wa raia, kuwezesha wahudumu wa kibinadamu kutekeleza kazi zao, na kusaidia serikali ya Jamhuri ya Kidemokrasia ya Congo katika juhudi zake za kuimarisha utulivu na kuimarisha amani.

Kambi ya wakimbizi wa ndani ya Karanyuchinya, iliyoko Goma, jimboni Kivu Kaskazini, mashariki mwa DRC

Walinda amani wa Umoja wa Mataifa wanaunga mkono juhudi za kibinadamu kwa kuimarisha usalama na kuhakikisha ulinzi wa raia, hasa katika kambi za watu waliokimbia makazi yao.

Afisa wa Polisi wa UN (UNPOL) akizungumza na wananchi wa Goma, jimboni Kivu Kaskazini, mashariki mwa DRC.

Usalama wa wananchi, hasa wanawake na watoto ni kipaumbele cha MONUSCO

Walinda amani wa Umoja wa Mataifa kutoka India, wanaohudumu kwenye kikosi cha MONUSCO cha kuchukua hatua haraka, RDP huandaa mafunzo ya mara kwa mara kwa askari wa jeshi la serikali ya DRC, FARDC.

Wanajeshi wa jeshi la serikali ya DRC, wakiwa kwenye mafunzo sambamba na walinda amani wa Umoja wa Mataifa, ili waweze kukabiliana vema na changamoto za u salama mashariki wa nchi hiyo.

Kusaidia mchakato wa amani, unamaanisha pia kushirikisha wanamgambo waliojihami na kuwashawishi kusalimisha silaha zao.

MONUSCO

MONUSCO imesaidia pia kukarabati miundombinu ya barabara ili kuwezesha wananchi kutembea kwa uhuru na kusongesha biashara, moja ya eneo muhimu la maendeleo.

MONUSCO