દોસ્ત! મારો નહિ ખોટાં લટકાં,
મૂકી દેશે માથે કોઈ મટકાં.
સારું નથી દર દર ભાટકવું,
કીડીના દેશમાં લાગે ચટકાં.
બાપની જાગીર બધે ન ચાલે,
ખોટી જગ્યાએ મારે કોઈ ફટકા.
કોઈને કણું જાણીને ન જોવા,
આંખમાં નકામા રહે ખટકાં.
‘સાગર’ સંસારે આવી ભરાણા,
બલાથી બચવાના ક્યાં છે છટકાં?
– ‘સાગર’ રામોલિયા
ઉકરડાએ આપ્યો પાવડર ઉછીનો,
મોઢે તેને લગાવી, ગધેડીની જાન આવી.
કૂતરાઓએ ડીસ્કો કર્યો, ભુંડે ગાયાં ગીત,
ઘોડે પૂંછ પટાવી, ગધેડીની જાન આવી.
‘સાગર’ તો મનની વાત મનમાં બાફતો,
બલાએ વાત ચગાવી, ગધેડીની જાન આવી.
– ‘સાગર’ રામોલિયા
હોય તૂટેલ તાર, જોઈએ ન એ,
જો મગજ હોય ચાર, જોઈએ ન એ.
એમની બકબકે મળી રે’ કલ્પના,
શાંત છે જે અપાર, જોઈએ ન એ.
શોધતા થાય પગ ભલેને થાંભલા,
આવતી હો’ ધરાર, જોઈએ ન એ.
કલ્પનામાં રહી ભૂલે સંસારને,
હોય સાહિત્યકાર, જોઈએ ન એ.
સૂકલકડી શરીર છે ‘સાગર’તણું,
તોયે ઝીલે ન ભાર, જોઈએ ન એ.
– ‘સાગર’ રામોલિયા
જિંદગી આ વેડફાય ટકોરે ટકોરે,
વાંદરવેડાં કરાય ટકોરે ટકોરે.
કબરમાં દાટો કે શબને બાળી નાખો,
મરતાં બધા ભુલાય ટકોરે ટકોરે.
બીજાનું જોઈ લાગતી અંતરમાં આગ,
જાતને બાળી નખાય ટકોરે ટકોરે.
‘સાગર’ રુંવે રુંવે ચેતી રહેવું પડે,
બલા વળગતી જાય ટકોરે ટકોરે.
– ‘સાગર’ રામોલિયા
You are currently browsing the 'સાગર' રામોલિયા blog archives for એપ્રિલ, 2011.
 | લક્ષ્મણ તરપદા પર Mara Thoth Vidyarthio |
 | Prafulbhai Gordhanbh… પર Mara Thoth Vidyarthio |
 | Balas bharat m પર AME TO KARIGAR (BALGEETO) |
 | sagarramolia પર પૂછો બાળકને! |
 | Arvind Adalja પર પૂછો બાળકને! |
 | ગોદડિયો ચોરો… પર શુભેચ્છા |
 | પ્રા. દિનેશ પાઠક પર ડાકલાં વાગ્યાં (ગઝલ) |
 | ડૉ. કિશોરભાઈ એમ.પટેલ પર લઘુકાવ્ય |
| ડૉ. કિશોરભાઈ એમ.પટેલ પર ખુરશીનો ઘડિયો |
| ડૉ. કિશોરભાઈ એમ.પટેલ પર ફૂલોની દુનિયા (મુકતકો) Pa… |
 | yuvrajjadeja પર આવ્યો છું (હઝલ) |
| yuvrajjadeja પર વૃક્ષોને ન કાપો (ગીત) |
 | બગીચાનો માળી પર તો મજા આવે! |
 | jjkishor પર તો મજા આવે! |
| jjkishor પર ઉપાડો તો મને! (ગઝલ) |
'સાગર' રામોલિયા 