શિક્ષણ સરોવર ડૉ. કિશોરભાઇ પટેલની કલમે

!…કરો સંકલ્પ અધિક માસે…!

સૌ એક બનો

સૌ નેક બનો

કરો સંકલ્પ અધિક માસે

ભ્રષ્ટાચાર આ દેશમાંથી નાસે

દીઈશું પ્રાણ પણ હસતા મુખે

જન્મ લીધો આ ધરતીમાતાના કુખે

આ દેશના ખાતર

મુકો વ્યસન પર કાતર

વાદ-સંવાદથી થાય વિવાદ

હવે શોધી કાઢો કોઈ અપવાદ

કરીશું ભેગી આંગણીઓ પાંચ

તો દેશને ન આવે કદી આંચ

રાતી પાઈ આપીશું નહિ લાંચના નામે

સૌ કોઈ જાગીશું તો દેશને ન આવે આંચ

સર્વે માનવીના લોહીનો રંગ એક છે.

આ સૃષ્ટિનો સર્જક પણ એક જ છે.

કિશોર લખે છે, અધિક માસે

આ દેશમાં ક્રાંતિ થાય એજ આશે

+++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ 

શ્રીમતી આઈ. એન. ટેકરાવાળા ઉ. મા. શાળા,

રાંદેરરોડ, સુરત

!… ભારતનો હાથ કોઈ થામો રે…!

વસ્તીના રાક્ષસને કોઈ ડામો રે

ભારતનો હાથ કોઈ થામો રે

મોઘવારીએ લીધા લોકોને ભરડામાં

વળી ગયા વાંકા પ્રજાના બરડાઓ

જુઓ પ્રજાના ચહેરાઓ

તમારા કાન થશે બહેરા રે

ખોટા ચૂટણી ઢંઢરાઓ ન આપો રે

પાપના પોટલાઓ ન બાંધો રે

બાળકો રાચે છે સપનામાં રે

પુરી કરો એકાદ કલ્પના રે

સરકારને છે કોઈ દરકાર રે

વહીવટમાં છે બેદરકાર રે

ગરીબી – બેકારીના થયા ઢગલાઓ

ક્યારે જાગશે આ ઠગલાઓ

કિશોર કહે લો હવે પગલાઓ

ન પડાવો પ્રજામાં ભાગલાઓ

+++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ 

શ્રીમતી આઈ. એન. ટેકરાવાળા ઉ. મા. શાળા,

રાંદેરરોડ, સુરત

!…રાખડીના બંધનમાં આજ બંધાય જા…!

ભાઈ સ્વીકાર મારી રાખડી

એને ન સમજ ફુલની એક પાંખડી

સમજ બહેનની હેતની પાંપણો

ધાગાને ન સમજ એક તાંતણો

રાખડીના બંધનમાં આજ બંધાય જા

હૈયાના હેતસાગરમાં આજ સમાય જા

બહેની માંગે ભાઈની આજ રક્ષા

એક દિ’ ભાઈ કરશે મારી સુરક્ષા

તે કરી છે મારી આકરી ચાકરી

પહેરી લે મારા હૈયાની સાંકરી

ભાઈ લઈ લે મીઠી મધુરી સુખડી

મલકાવી દે ભાઈ એકવાર મુખડુ

+++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ 

શ્રીમતી આઈ. એન. ટેકરાવાળા ઉ. મા. શાળા,

રાંદેરરોડ, સુરત