Kari Henriksen er ein norsk politikar for Arbeidarpartiet som var stortingsrepresentant frå Vest-Agder 2009–2025. Frå 2021 var ho fjerde visepresident på Stortinget.
Kari Henriksen
Faktaboks
Kari Henriksen
- Fødd
- 10. august 1955, Vennesla, Agder
Bakgrunn
Kari Henriksen kjem frå Vennesla. Ho studerte spesialpedagogikk ved Agder Distriktshøgskole (no Universitetet i Agder) i 1982, tok sjukepleiarutdanning i Kristiansand i 1982–1985, studerte spesialsjukepleie i psykiatri ved Stavanger sykepleierhøgskole i 1987, administrasjon og leiing ved Høgskolen i Agder 1993–1994 og tok mastergrad i folkehelse i 2000–2005 ved Nordiska högskolan för folkhälsovetenskap i Göteborg.
Ho arbeidde som pleiemedhjelpar i 1976–1985 og sjukepleiar 1985–1988 på Eg sykehus, var avdelingssjukepleiar ved A-klinikken i Kristiansand 1987–1994 og styrar der 1994–2000. Frå 2000 til 2007 var ho fagutviklingsleiar ved avdeling for rus- og avhengighetsbehandling ved Sørlandet sykehus.
Politisk karriere
Henriksen var medlem av Kristiansand bystyre 2003–2011. Ho var leiar av Kristiansand Arbeidarparti og styret i Aps kvinnenettverk i 2004–2005, leiar av Vest-Agder Aps kvinnenettverk i 2004–2007 og medlem av styret i Vest-Agder Arbeidarparti sidan 2005. Ho var vararepresentant på Stortinget 2005–2009 og var statssekretær for statsråd Sylvia Brustad i 2007–2008 og for statsråd Bjarne Håkon Hanssen i 2008–2009 i helse- og omsorgsdepartementet.
Henriksen var stortingsrepresentant frå 2009 til 2025. Ho stilte ikkje til attval i 2025. Ho har særleg vore oppteken av sosial utjamning og inkludering, likestilling og velferdspolitikk.
Andre verv
Henriksen var medlem av styret i Vest-Agder idrettskrets i 1998–1993, medlem av fylkesstyret i Norsk Sykepleierforbund i 1987–1990, leiar samen staden i 1990–1993 og medlem av forbundsstyret i 1993–2000. Ho var rettleiar i stiftinga Seprep i 2003–2005, leiar av småbåthamnutvalet i Kristiansand i 2003–2007 og leiar av Nasjonalt kompetansenettverk for barn av foreldre med psykisk sjukdom eller som er rusmiddelavhengige, i 2007.
Utgjevingar
I 2000 gav ho saman med Jorun Jacobsen Buckley ut Æ du gal? – Om oppvekst på Eg sykehus.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.