Svein Harberg

Svein Harberg kjem frå Bergen og er utdanna driftsøkonom frå NKS i 1982. Han var senterleiar ved Odden butikksenter i Grimstad 1988–1993 og salssjef ved Selektiv Invest i 1993–1999. Harberg var sjølvstendig næringsdrivande og dagleg leiar i mellom anna Ønskekjøp, SH Agentur, SH Reiser, Harberg AS og Trainee Sør frå 1983 til 2009.

Harberg var medlem av Grimstad kommunestyre 1999–2007 og ordførar 2003–2007. Han var leiar i Aust-Agder Høgre 1993–2009. Han var medlem av Aust-Agder fylkesting 2003–2007, av fylkesutvalet i Aust-Agder i 2007–2009 og medlem av sentralstyret i Høgre 1993–2009.

Frå 2009 var Harberg stortingsrepresentant frå Aust-Agder. Han var leiar av familie- og kulturkomiteen i 2013–2017 og nestleiar i kontroll- og konstitusjonskomiteen 2017–2021 og andre nestleiar 2021–2025. Han var parlamentarisk nestleiar i Høgre 2018–2021. Frå 2021 til 2025 var han og første visepresident på Stortinget. Han tok ikkje attval i 2025. Han har arbeidd særleg for å synleggjere Aust-Agder, for betre samferdsel og for gode oppvekstvilkår for barn og unge.

Han var medlem av styret og redaktør i Radio Grimstad 1990–1996, medlem av styret til fotballklubben Jerv 1991–2000, medlem av Agderrådet 2003–2007, varamedlem i styret for Agder renovasjon 2003–2007, leiar av styret for Stiftelsen Grimstad Bys Museer 2005–2009 og nestleiar i Fjæreheia Amfi frå 2024.

• Høgre
• Stortinget
• Stortingsrepresentantane 2021–2025
• Stortingets presidentskap

• Stortinget: Svein Harberg
• Høgre: Svein Harberg