ખોબલા ભરી વધાવ્યા રે...કાવ્ય

=============================================

આદરણીય વડિલ શ્રી દાવડા સાહેબના જન્મ દિને

જન્મ દિનની ખોબલા ભરી શુભેચ્છા.

====================================================

સુંડલા ભરીને ફુલડાં લાવ્યા ને ખોબલા ભરીને વધાવ્યા રે

વસંત કેરા વધામણાં આપે કુળ દીપક બનીને સજાવ્યાં રે

દિન વસંત પંચમીને માર્ચની દશમીએ ઉમંગે પધાર્યા  રે

નામ વહાલપ કેરુ ધરીને પુરષોતમજી પ્રેમે રમાડયા  રે

મોહમયી નગરીએ જન્મ ધરી જન્મ સ્થળ દિપાવ્યાં રે

એન્જિનીયરની પદવી લાર્સન ટુબ્રોમા વર્ષો ગાળ્યાં રે

આધ્યાત્મિક્તા દેશથી ભોતિક્તા ભુમિ પગલાં પાડયાં રે

મળવા જેવા માણસ ને કાવ્યો બ્લોગ જગતે ગજાવ્યાં રે

જન્મ દિન કેરાં વધામણાંનાં ‘ સ્વપ્ન ‘ ગાયે છે ગાણાં રે

================================

સ્વપ્ન જેસરવાકર

ઘુસી ગયા રુપિયાની થોકડીમાં…કટાક્ષ કાવ્ય

=======================================================================

વાહ રે વાહ ધન્ય હો ઓ બાપુ ગાંધી

જબરી ચલાવી બ્રિટિશરો સામે આંધી

સંદેશ દેવા જીવન વિયાવ્યું પોતડીમાં

ને ઘુસી ગયા રુપિયાઓની થોકડીમાં

દીધો તમે તો સત્ય અહિંસાનો સંદેશ

કાળા નાંણા રુપે રુપિયા ગયા પરદેશ

આપ તો મિટાવતા ધર્મ નાતના વાડા

અનામતે લોકોને લડાવે ચુંટાયેલા પાડા

હિંદ છોડો હાકલે ભગાવ્યા છે બ્રિટિશ

એ મેલતા ગયા છે વા’લા ડાયાબિટિશ

મીઠાં મધ જેવાં વચનો જનતાને આપે

પગાર ભથ્થાં લેવા કરવેરાથી જ કાપે

ઓફિસે બાપુ આપની તસવીર રાખે

રોડ રસ્તામાં લાંચનું ગંગાજળ ચાખે

જે રુપિયા પર આપનો છપાયો ફોટો

એ માટે ખુન ચોરી ધાડનો ના તોટો

===========================

સ્વપ્ન જેસરવાકર