ઓગસ્ટ | 2015 | Banshari Banine

Archive for ઓગસ્ટ, 2015

(૧૩૦)-કેમ એવું થાય છે (ગઝલ)

આ સમંદર ખળભળે છે, કેમ એવું થાય છે?

ચાંદની જળ પર તરે છે, કેમ એવું થાય છે?

બાગ આખામાં ફરીને, એક ભમરો ફૂલની,

એ જ ડાળે ગુનગુને છે, કેમ એવું થાય છે?

વ્હેમ એને હું પણાનો છે ઘમંડી દીપને,

આ પતંગો જાન દે છે, કેમ એવું થાય છે?

તાપ સૂરજનો ખમી, ધરતી પૂકારે મેઘને,

સ્નેહથી ભીંજવે છે, કેમ એવું થાય છે?

‘સાજ‘ ગોપી વાંસળીના સૂરથી ઘેલી બને,

કૃષ્ણ, રાધા નામ લે છે, કેમ એવું થાય છે?

-‘સાજ‘ મેવાડા

Posted in Gazal gujarati, tagged બાકી on ઓગસ્ટ 6, 2015| 3 Comments »

129…બાકી છે (ગઝલ)

તમે અંતિમ કહો છો એ સફરની વાત બાકી છે,

હવે થોડી બચેલી શ્વાસની સોગાત બાકી છે.

તમારા પ્રેમને ટેકે જીવન ભરપૂર જીવ્યો છું.

અચાનક આવશે એવી કઝાની ઘાત બાકી છે.

બધી આશા ઠરી જાશે, મસાણે આગના ભેળી,

હ્રદયને ઝાળ લાગી છે, ભલે આ જાત બાકી છે.

તમે પાલવ થકીના લૂંછશો આંસું છુપાવીને,

જનાજો છે અમારો આ, હજી બારાત બાકી છે.

નહીં આવે ફરીથી ‘સાજ‘ પીવા મયકદે અમથો,

ઉતાવળ ના કરો સાકી, સુહાની રાત બાકી છે.

-‘સાજ‘ મેવાડા

	venunad પર 246-Samjavtan-Gazal
	Jitendra Padh પર 246-Samjavtan-Gazal
	Vimala Gohil પર 245-TO Saru-Gazal-તો સારું-…
	venunad પર 240-Safar Aadaru Chhu-સફર આદરુ…
	Vimala Gohil પર 240-Safar Aadaru Chhu-સફર આદરુ…