Ingurumen-irizpideak Nerbio-Ibaizabal eskualdeko etxeko zaborrak bildu eta garraiatzeko lizitazioan

Xehetasuna: etxeko zaborrak ingurumen-irizpideekin biltzeko eta garraiatzeko lizitazioa

Nerbioi-Ibaizabal Eskualdean etxeko zaborrak bildu eta garraiatzeko zerbitzuak maila handia eskatzen du ingurumen-zorroztasunean.

Plegu-oinarri bat abiapuntutzat izanik, Eskualdeko Jasangarritasun Bulegoak Ihoberi aholkularitza eskatu zion, txertatu beharreko ingurumen-klausulak zehazteko.

Horrela, plegua xehatzean, ingurumen-alderdi hauek jaso ziren, zehazki:

BALDINTZA EKONOMIKO-ADMINISTRATIBOETAN honako arlo hauetan txertatu dira ingurumen-irizpideak:

KONTRATUAREN XEDEA:

·         “Zerbitzuak burutzean, ingurumena eta laneko osasuna errespetatzen dituzten metodoak, jardunbideak, produktuak eta makinak erabili behar dira.”

KONTRATUA GAUZATZEKO INGURUMEN EDO LAN BALDINTZAK atalean:

·         Honako gai hauekin lotutako ingurumen-baldintzak ezarri dira:

• Ekipoak (hondakinak biltzeko kamioiak): igorpen txikiak ihes-tutuetan (EURO VI minimoak), soinu-igorpen txikiak, birsortu diren edo likatasun gutxi duten olio lubrifikatzaileak, soinu-igorpen txikiak eta gutxieneko energia-eraginkortasuna dituzten pneumatikoak eta dagozkion egiaztagiriak.
• Erregai-kontsumoaren berri emateko sistemak.
• Erabiltzaileen prestakuntza.
• Biltzeko eta garraiatzeko ekipoen mantentze-lanak, garbiketa eta legeztapena. Ibilgailuen mantentze-lanetan sortutako hondakinak garbitzeko eta kudeatzeko estazioak: olio lubrifikatzaileak eta pneumatikoak.
• Edukiontziak garbitzea.
• inprimatzeko papera

KONTRATUA EZ BETETZEAGATIK KONTRATISTARI EZARRIKO ZAIZKION ZIGORRAK atalean:

·         “11. klausulan ezartzen diren baldintza sozialak edo ingurumenekoak urratuz gero, Udaltalde 21 Nerbioi-Ibaizabal sozietateak kontratu-aurrekontuaren % 10eko zigorra ezar dezake.”

 ESLEIPEN PROZEDURA atalean:

·         48 puntu eman daitezke –guztira, 100 puntu lor daitezke–, irizpide subjektiboen arabera, eta, horietan, proposamen teknikoarekin lotutako ingurumen-alderdiak hartzen dira kontuan.

KAUDIMEN TEKNIKOAREN eskakizunak:

. Laneko osasunaren eta ingurumenaren arloetan prestakuntza duten langile teknikoak edukitzea eta ingurumen-kudeaketaren gaineko jardunbide egokiak sistematikoki aplikatzeko gaitasun teknikoa izatea.

PRESKRIPZIO TEKNIKOETAN, ingurumen-baldintzak zerbitzua ematean derrigor bete beharrekoak direla ezartzen da.

·         Zerbitzuaren zehaztapen teknikoetako ingurumen-baldintzak:

• Biltzeko maiztasuna eta egunak, zerbitzua optimizatzeko asmoz.
• Keen, gasen eta zaraten igorpena mugatzen dela bermatzeko beharrezkoak diren gailuak –ibilgailuetan eta ekipoetan–, administrazio-pleguan ezarri bezala.
• Bilketa-puntuen mantentze-lanak eta ura ekonomizatzeko sistemekin garbitzea, erabilitako makinei zein eskuzko jarduerei dagokienez.
• Kontratua egikaritzean ingurumen-aldagaiak kontrolatzea, monitorizatzea eta horiei jarraipena egitea ahalbidetzen duten informazio-sistemak: kilometrajea, erabilitako erregaia, edukiontzian bildutako hondakin kopurua...
• Txostenak egitea, ingurumenaren gaineko hileroko datuak emateko: uraren eta erregaien kontsumo errealen neurketa eta kontsumoak murrizteko proposamenak.

Denbora-erreferentzia: 2017. urtea.

Hurrengo urratsak eta erronkak:

Lizitazio honi dagokionez, Eskualdeko Jasangarritasun Bulegoak egikaritzapenaren jarraipena izango du ardatz.

Ikuspegi orokorrago batetik, erosketa eta kontratazio berdea hartuko dira oinarritzat:

• Alde batetik, Udaltalde 21 Nerbioi-Ibaizabal 2020rako Euskadiko erosketa eta kontratazio publiko berdearen programaren konpromisoei atxiki zaie, eta aurreikusi du horien plangintza garatzea eta eremu horren gaineko prestakuntza indartzea.
• Beste aldetik, epe ertain-luzera begira, Eskualdeko Jasangarritasun Bulegoak beste bi kontrataziotan txertatu ditu ingurumen-irizpideak: zabor handien bilketa eta hondakinen edukiontziak.