Kirol Busean Elkarrekin AIE proiektuak mugikortasun-premiak birplanteatu eta haien eskariaren araberako kudeaketa optimizatzen du

Horrek guztiak Gipuzkoako Foru Aldundiak sustatutako azterketa batean du jatorria, non kirolak lurraldean sorrarazitako mugikortasuna aztertzen baitzen. Azterketa horren emaitzak agerian uzten du kirol desberdinetako oinarrian lanean diharduten klubek hainbat premia partekatzen dituztela.

Kirol Busean Elkarrekin ekimenak irtenbide partekatu baten bidez erantzun dio premia horri: ibilbide bateratuak eta zehatzak sorraraztea asteburu bakoitzerako.

Era berean, Kirol Busean Elkarrekin ekimenak, EEEren laguntzaz, ibilbideak sorrarazteko duen gaitasuna areagotu nahi du etorkizunean, zerbitzua klub, talde eta lurralde gehiagotara hedatu ahal izateko.

Eskariaren azterketa bateratua:

• 6 entitateen mugikortasun-premiak batuz gero, 6.000 pertsona inguru mugitzen dira erregulartasunez –2 astean behin–, kirol-lehiaketetan parte hartu ahal izateko. Honela banatuta: 120 talde, 1.800 kirolari baino gehiago eta entrenatzaile, ordezkari eta laguntzaileak (gurasoak nagusiki).
• Joan-etorriak 30 asteburutan egiten dira, irailetik ekainera.
• Joan-etorri horiek Gipuzkoa barnean egiten dira nagusiki, eta zenbait kasutan Bizkaira, Nafarroara, Arabara...; joan-etorri bakoitzean egiten den distantzia, batez beste, 70 km-koa da (joatea eta etortzea).
• Joan-etorrien ezaugarriak astebururo aldatzen dira, helmugaren, ordutegiaren eta abarren arabera.

Proposamena: Eskariaren araberako mugikortasunaren kudeaketa kolaboratiboa eta optimizatua

Asteburu bakoitzeko mugikortasunaren kudeaketa autobusentzako optimizatutako ibilbideak ad-hoc diseinatuz egiten da, honako irizpide hauek aplikatu eta gero:

• Autobusak ahal den guztietan partekatzen dira.
• Pleitatutako ibilgailuek zerbitzua eman behar die, ondoz ondo, ahalik eta talde kopuru handienari.
• Ekonomiaren, ingurumenaren eta gizartearen ikuspuntutik efizienteenak diren ibilbideak bilatzen dira, zerbitzuak erabiltzailearekiko estandar egoki batzuk betetzen dituela bermatuz.