Id-dibattitu beda - aqsam fehmietek dwar il-baġit tal-UE
Irridu nisimgħu fehmietek biex tgħinna niddefinixxu l-baġit futur tal-Unjoni. Għandek ideat dwar kif il-baġit Ewropew jista’ jagħmel differenza diretta u pożittiva f’ħajtek?
Fl-2025, il-Kummissjoni se tippreżenta proposta għal baġit Ewropew ġdid fit-tul li jibda fl-2028, u li mbagħad jiġi deċiż mill-Parlament Ewropew u mill-Istati Membri.
Bħalissa għaddej ir-reklutaġġ għall-Panel taċ-Ċittadini li jmiss dwar baġit Ewropew ġdid
Il-Kummissjoni Ewropea tat bidu għal kampanja biex tagħżel, b’mod aleatorju, ċittadini mis-27 Stat Membru kollha tal-UE. L-għan ta’ din il-kampanja huwa li l-Kummissjoni tistieden lil dawn iċ-ċittadini, li ġew ikkuntattjati mis-sħab tagħna f’dan il-proċess, biex jirreġistraw l-interess tagħhom ħalli jissieħbu f’Panel taċ-Ċittadini Ewropej dwar baġit Ewropew ġdid adattat għall-ambizzjoni tagħna.
Ir-reklutaġġ qed nagħmluh billi nħabbtu bieb bieb u l-proċess qed tieħu ħsiebu l-Fondazzjoni Sortition, is-sieħba uffiċjali tal-Kummissjoni Ewropea. Imbagħad, minn fost iċ-ċittadini kollha li se jirreġistraw se jintgħażlu 150 b’mod aleatorju biex jirrappreżentaw id-diversità demografika tal-UE, u lil dawn se nistednuhom jiġu Brussell. Hemmhekk, se jaħdmu flimkien biex ifasslu rakkomandazzjonijiet konkreti dwar baġit Ewropew ġdid adattat għall-ambizzjoni tagħna.
Int tista’ tkun fost dawk il-150 ċittadin Ewropew!
Baġit Ewropew ġdidIrridu nisimgħu fehmietek biex tgħinna niddefinixxu l-baġit futur tal-Unjoni. Għandek ideat dwar kif il-baġit Ewropew jista’ jagħmel differenza diretta u pożittiva f’ħajtek?
Aqsam fehmietek dwar il-baġit futur tal-UE u ikkollabora ma’ ċittadini oħrajn.
Nindirizzaw il-Mibegħda fis-SoċjetàX’nistgħu nagħmlu dwar il-mibegħda u kif nistgħu nsaħħu r-rispett reċiproku fis-soċjetajiet tagħna? Għandek rakkomandazzjoni li tista’ tappoġġja l-ħidma futura tal-Kummissjoni Ewropea fil-ġlieda kontra d-diskors ta’ mibegħda u r-reati ta’ mibegħda?
Dan huwa l-ispazju fejn tista’ taqsam il-fehmiet tiegħek u tinvolvi ruħek ma’ ċittadini oħra.
Il-konklużjoni tad-Dibattitu dwar l-Effiċjenza Enerġetika
Wara xhur ta’ kontributi u deliberazzjonijiet intuwittivi, il-Pjattaforma għall-Involviment taċ-Ċittadini għalqet l-ewwel dibattitu tagħha. Ċittadini minn madwar l-Ewropa kollha ilhom minn Frar jaqsmu l-fehmiet tagħhom dwar kif nistgħu ntejbu l-effiċjenza enerġetika, innaqqsul-ispejjeż, u nevitaw il-ħela tal-enerġija.
L-ideat li ressqu ċ-ċittadini permezz tal-Pjattaforma servew bħala l-bażi għad-diskussjonijiet tal-Panel taċ-Ċittadini Ewropej dwar l-Effiċjenza Enerġetika. Barra minn hekk, dalwaqt se jiġi ppreżentat rapport speċifiku dwar ir-riżultati sħaħ tad-dibattitu li sar online. Il-Kummissjoni Ewropea se tagħmel użu minn dawn ir-riżultati, li se jkunu utli biex jiggwidaw inizjattivi futuri tal-Kummissjoni.
Il-Panel taċ-Ċittadini Ewropej dwar l-Indirizzar tal-Mibegħda fis-Soċjetà ppreżenta r-rakkomandazzjonijiet tiegħu lill-Kummissjoni Ewropea
150 ċittadin magħżulin b’mod aleatorju biex jirrappreżentaw lis-27 Stat Membru kollha tal-UE għamlu tliet weekends jiltaqgħu biex jiddiskutu l-kawżi u dak li jixpruna l-mibegħda fl-UE u oqsma differenti ta’ azzjoni, biex jindirizzawhom.
Flimkien, iċ-ċittadini ressqu serje ta’ rakkomandazzjonijiet konkreti li se jkollhom sehem fit-tiswir tal-liġijiet futuri tal-UE u jikkontribwixxu għall-inizjattivi li ġejjin tal-Kummissjoni.
X’inhi l-Pjattaforma għall-Involviment taċ-Ċittadini?
Dan huwa l-ispazju apposta għalik biex tinvolvi ruħek u tiddibatti dwar il-politiki tal-UE li jaffettwawna lkoll.
Ir-rispons tiegħek huwa parti vitali mill-proċess tat-tfassil tal-inizjattivi politiċi tagħna. Il-vuċi ta’ kulħadd tgħodd u aħna ħerqanin li nisimgħu x’għandek xi tgħid int.
Bis-saħħa tat-traduzzjoni f’ħin reali, tista’ tipparteċipa bi kwalunkwe waħda mill-24 lingwa uffiċjali tal-UE, u tinvolvi ruħek ma’ ċittadini oħrajn bħalek. Ejjew nibnu l-Ewropa flimkien!
Fażijiet tal-involviment taċ-ċittadini
- ParteċipazzjoniKontribuzzjonijiet online
Iċ-ċittadini joħolqu, jikkummentaw, u jivvutaw dwar il-kontribuzzjonijiet fuq il-Pjattaforma tal-Involviment taċ-Ċittadini
- DeliberazzjonijietPanels taċ-Ċittadini tal-UE
Il-kontribuzzjonijiet jgħaddu għand il-Panels taċ-Ċittadini Ewropej u jikkontribwixxu għall-proċess tat-tfassil tal-politika Ewropea
- Ħidma ulterjuriNieħdu azzjoni fuq il-bażi tar-rakkomandazzjonijiet taċ-ċittadini
Il-kontribuzzjonijiet isir xogħol fuqhom b’diskussjonijiet ibbażati fuq rapporti regolari
- Kummenti b’reazzjoniKomunikazzjoni trasparenti dwar l-eżitu
Iċ-ċittadini jiġu infurmati dwar il-miżuri politiċi
Tista’ tipparteċipa billi tippowstja l-kontribuzzjoni jew billi tikkummenta jew tapprova kontribuzzjonijiet ta’ oħrajn. Tista’ tikkontribwixxi bi kwalunkwe waħda mill-24 lingwa uffiċjali tal-UE. Trid tidħol fis-sistema billi tuża l-EU Login. Irreferi għall-paġna tal-EU login biex toħloq kont.
Meta tkun dħalt fis-sistema, tista’ żżid il-kontribuzzjoni tiegħek stess billi tikklikkja fuq il-buttuna “Kontribuzzjoni ġdida +”. Imbagħad, indika t-titlu u l-kontenut tal-kontribuzzjoni tiegħek, li jrid ikun fiha bejn 150 u 1,500 karattru.
Tista’ wkoll tikkummenta dwar kontribuzzjoni jew “tapprovaha”. “Approvazzjoni” tista’ titqies bħal meta tagħmel “like” fuq kontenut li jittella’ fuq forom oħra tal-midja soċjali.
Il-kontribuzzjonijiet tiegħek jiġu ppubblikati mill-ewwel u għalhekk trid tirrispetta r-Regoli ta’ Parteċipazzjoni.
Aħna impenjati bis-sħiħ biex nipproteġu d-data personali tiegħek. Sir af kif nagħmlu dan
Dawn il-mistoqsijiet ikopru firxa ta’ suġġetti relatati mal-funzjonalità, l-ispeċifikazzjonijiet tekniċi, il-kontenut u s-suġġetti, u mistoqsijiet mixxellanji dwar il-Pjattaforma għall-Involviment taċ-Ċittadini.
Il-Panels taċ-Ċittadini Ewropej
Objettiv ewlieni tal-Kummissjoni Ewropea huwa l-parteċipazzjoni aktar b’saħħitha taċ-ċittadini fil-proċessi u l-politiki demokratiċi tagħha. F’dan ir-rigward, il-Kummissjoni stabbiliet il-Panels taċ-Ċittadini Ewropej bħala karatteristika regolari tal-ħajja demokratika fl-UE.
Kull Panel taċ-Ċittadini jiġbor flimkien 150 ċittadin magħżul b’mod aleatorju mis-27 Stat Membru tal-UE, li jirriflettu d-diversità tal-Ewropa u l-ġenerazzjonijiet żgħażagħ. Il-panels jagħmlu rakkomandazzjonijiet dwar inizjattivi politiċi ewlenin li jaffettwawna lkoll.
Żomm ruħek aġġornat mal-aħħar żviluppi dwar il-panels attwali u futuri.
