An Eoraip dhomhanda

Forbhreathnú

Tá athrú as cuimse tagtha ar an domhan le blianta beaga anuas. Fogha na Rúise faoin Úcráin, an cogadh in Gaza agus teacht chun cinn sraithe nua gníomhaithe údarásaíocha atá ag obair chun deighilt a chur agus atá ag iarraidh ord idirnáisiúnta malartach a chruthú, staidiúir níos ionsaithí agus iomaíocht eacnamaíoch éagórach ón tSín, níl sa mhéid sin ach roinnt bheag de na samplaí a léiríonn nach mór don Aontas a bheith níos teanntásaí agus a leasanna á saothrú aige.

Oibreoidh an Coimisiún Eorpach chun a chinntiú go mbeidh beartas eachtrach agus slándála an Aontais oiriúnach chun dul i ngleic leis na dúshláin a bhaineann leis an saol mar atá faoi láthair. Déanfaimid ord idirnáisiúnta riailbhunaithe a chosaint agus a chur chun cinn agus déanfaimid iarracht ról na n-institiúidí domhanda a neartú. Ar an gcaoi sin, seasfar le luachanna na hEorpa, agus seasfaidh an Eoraip an fód go láidir i ndomhan atá níos conspóidí agus níos éagobhsaí ná riamh.

An méid a cheapann muintir na hEorpa

69%

is é sin an líon de shaoránaigh an Aontais atá i bhfabhar comhbheartais eachtraigh

67%

is é sin an líon daoine a aontaíonn gur láthair chobhsaíochta é an tAontas i ndomhan suaite

69%

is é sin an líon daoine a aontaíonn go bhfuil uirlisí leordhóthanacha ag an Aontas chun a leasanna eacnamaíocha a chosaint sa gheilleagar domhanda

Cuspóirí

An tAontas Eorpach a mhéadú
chun ár dtionchar ar an leibhéal domhanda a mhéadú
Díriú ar ár gcomharsanacht níos leithne
chun an tsíocháin, comhpháirtíochtaí agus cobhsaíocht eacnamaíoch a chur chun cinn
Beartas eachtrach eacnamaíoch nua a shaothrú
chun borradh a chur faoin rathúnas, faoin gcumhacht trádála agus faoi chomhpháirtíochtaí comhthairbheacha
An córas idirnáisiúnta a athchóiriú
chun é a chur in oiriúint do shaol an lae inniu

An chaoi a mbainfimid ár gcuspóirí amach

An méadúmar riachtanas geopholaitiúil

Chun a chinntiú go mbeidh méadú an Aontais i gcomhréir leis an ngealltanas a thugamar inár gConarthaí, déanfaimid an méid seo a leanas:

a chinntiú go ndéanfar measúnú ar gach tír atá ag iarraidh teacht isteach san Aontas ar a dul chun cinn féin i dtreo na gcritéar aontachais uile a chomhlíonadh, na critéir maidir leis an smacht reachta agus luachanna bunúsacha ina measc, a leanfaidh de bheith ina mbunchlocha de bheartas an Aontais um méadú
dlús a chur leis an tacaíocht chun tíortha is iarrthóirí a ullmhú, go háirithe trí úsáid a bhaint as an infheistíocht agus as na hathchóirithe sa Phlean Fáis do na Balcáin Thiar agus sa tSaoráid don Úcráin

EU-Western Balkans meeting in Montenegro, October 2024

Cur chuigeníos straitéisí i leith ár gcomharsanachta

I gcomhthreo leis an méadú a bhaint amach, tógfaimid cur chuige níos straitéisí maidir lenár ngníomhaíochtaí i gcomharsanacht níos leithne an Aontais tríd an méid seo a leanas a dhéanamh:

ár gcaidreamh leis an Meánmhuir a neartú le Comhaontú nua don Mheánmhuir. Díreofar leis sin ar infheistíocht agus comhpháirtíochtaí, ar chobhsaíocht eacnamaíoch, ar chruthú post, ar fhuinneamh agus ar shlándáil sa réigiún.
oibriú le haghaidh sos cogaidh láithreach in Gaza, gach giall a scaoileadh saor, agus méadú ar an sreabhadh cúnaimh dhaonnúil go Gaza
Straitéis an Aontais-an Meánoirthear a chur i gcrích lena bhféachfar le réiteach cóir a fháil ar an gcoinbhleacht leanúnach in Gaza agus lena réiteofar an bealach do réiteach dhá stát chun an tslándáil a chinntiú do mhuintir Iosrael agus do Phalaistínigh araon

Young girls from the Kufr Yoba Primary School — Daltaí ó Bhunscoil Kufr Yoba do Chailíní in Irbid

Beartas eachtracheacnamaíoch nua

Ar mhaithe le rathúnas na hEorpa, cuirfimid ar bun beartas eachtrach eacnamaíoch nua lena ndíreofar ar shlándáil eacnamaíoch, ar thrádáil agus ar infheistíocht i gcomhpháirtíochtaí. Chuige sin, déanfaimid an méid seo a leanas:

borradh a chur faoinár n-iomaíochas sa bhaile agus infheistíocht a dhéanamh i dtaighde ar theicneolaíochtaí straitéiseacha
ár ngeilleagar a chosaint ar sceitheadh teicneolaíochta agus ar ábhair imní slándála
an t-athbhreithniú ar scagadh infheistíochtaí díreacha coigríche a thabhairt chun críche, cur chuige comhordaithe a fhorbairt maidir le rialuithe easpórtála, agus aghaidh a thabhairt ar rioscaí ó infheistíochtaí amach
ár naisc shaorthrádála agus chóirthrádála le hionaid fáis agus le comhpháirtithe ar fud an domhain a dhoimhniú
comhpháirtíochtaí nua trádála glaine agus infheistíochta a fhorbairt agus an caidreamh atá againn le mianraí criticiúla agus amhábhair chriticiúla a dhoimhniú
feabhas a chur ar thrádáil riailbhunaithe, trí Eagraíocht Dhomhanda Trádála a athchóiriú agus a neartú ina measc
ár gcomhaontuithe trádála a fhorfheidhmiú agus ár n-ionstraimí cosanta trádála uile a úsáid nuair is gá
Global Gateway, ár dtionscnamh chun infheistíocht a dhéanamh i dtionscadail bhonneagair ar fud an domhain, a thabhairt go dtí an chéad leibhéal eile trí chur chuige Team Europe
Clár Oibre Straitéiseach nua idir an tAontas agus an India a mholadh agus ár gcomhar le ASEAN a neartú
oibriú leis an tSeapáin, leis an gCóiré, leis an Nua-Shéalainn agus leis an Astráil
infheistíochtaí i mbonneagar, i nginiúint fuinnimh in-athnuaite agus i slabhraí luacha amhábhar san Afraic a spreagadh
an comhar idir an tAontas agus Meiriceá Laidineach agus Muir Chairib a dhoimhniú trí infheistíocht Global Gateway

An t-iltaobhachas a athmhúnlúdo dhomhan an lae inniu

Beidh príomhról ag an Eoraip maidir leis an gcóras idirnáisiúnta a athchóiriú tríd an méid seo a leanas a dhéanamh:

páirt ghníomhach a ghlacadh i gcruinnithe mullaigh idirnáisiúnta, amhail Cruinniú Mullaigh na Náisiún Aontaithe don Todhchaí, lena n-iarrtar, i measc nithe eile, ar ionadaíocht chothrom do na réigiúin uile agus ar dhul i ngleic leis an bhforbairt agus leis an bhfiachas
freagairt níos fearr a thabhairt ar ábhair imní ár gcomhpháirtithe a mbíonn tionchar ag reachtaíocht na hEorpa orthu
teacht ar chur chuige níos córasaí maidir le measúnú a dhéanamh ar thionchar ár ndlíthe ar thíortha nach tíortha den Aontas iad agus tacaíocht níos spriocdhírithe a chur ar fáil chun cabhrú leo dul i dtaithí ar na dlíthe sin agus tairbhe a bhaint astu

G20 meeting in Rio de Janeiro, November 2024

An dul chun cinn go dtí seo

Déan monatóireacht ar dhul chun cinn tionscnamh nua, dlíthe atá beartaithe agus athruithe reachtacha faoin tosaíocht seo, lean iad, agus coinneáil cothrom le dáta leo.

4 Iúil 2024
D’fhorchuir an Coimisiún dleachtanna frithchúitimh sealadacha ar fheithiclí ceallra-leictreacha Síneacha
3 Iúil 2024
Chuaigh Ceanada isteach sa chlár Fís Eorpach
25 Meitheamh 2024
Chuir an tAontas tús le caibidlíocht aontachais leis an Úcráin agus leis an Moldóiv
24 Meitheamh 2024
Ghlac an tAontas an 14ú pacáiste de smachtbhannaí in aghaidh na Rúise
11 Meitheamh 2024
Shínigh an tAontas Eorpach comhaontuithe ráthaíochta agus deontais nua dar luach €1.4 billiún chun tacú le téarnamh agus le hatógáil na hÚcráine
28 Bealtaine 2024
Shínigh an tAontas Eorpach agus an Astráil comhpháirtíocht maidir le mianraí inbhuanaithe criticiúla agus straitéiseacha
27 Bealtaine 2024
Gheall an tAontas €2.12 billiún chun tacú le todhchaí na Siria agus an réigiúin, le linn Chomhdháil na Bruiséile
1 Bealtaine 2024
Tháinig an comhaontú trádála idir an tAontas Eorpach agus an Nua-Shéalainn i bhfeidhm
1 Bealtaine 2024
Rinne an tAontas 20 bliain ó mhéadú 2004 a cheiliúradh

I lár an aonaigh

Comhpháirtíocht cheannródaíoch nua comhaontaithe ag an Aontas agus tíortha Mercosur

Thug an tAontas agus tíortha Mercosur (an Bhrasaíl, an Airgintín, Paragua agus Uragua) caibidlíocht chun críche i mí na Nollag 2024 maidir le comhaontú comhpháirtíochta a rachaidh chun tairbhe don dá thaobh. Leis an gcomhaontú cinniúnach, déanfar slabhraí soláthair an Aontais a dhaingniú agus a éagsúlú, cruthófar deiseanna nua agus laghdófar an rómhaorlathas do ghnólachtaí, sin agus cuideofar le deireadh a chur leis an dífhoraoisiú. Tar éis na seiceálacha deiridh, tarchuirfidh an Coimisiún togra chuig an gComhairle agus chuig an bParlaimint chun an comhaontú a shíniú agus a thabhairt i gcrích.

Tuilleadh eolais