Dan id-dokument hu mislut mis-sit web tal-EUR-Lex
Traspożizzjoni nazzjonali
F’din it-taqsima tista’ ssib miżuri adottati mill-Istati Membri tal-UE biex jittrasponu l-atti tal-UE – prinċipalment direttivi – fil-liġi nazzjonali. Tista’ tfittex it-titli, u, jekk disponibbli, it-testi tal-miżuri, flimkien ma’ informazzjoni dwar id-dati tan-notifika, l-identifikaturi nazzjonali tal-atti u links għall-att tal-UE traspost.
Din it-taqsima tiġi aġġornata kull ġimgħa.
Kif tfittex f’din it-taqsima?
In-naħa tax-xellug ta’ din il-paġna tagħti aċċess għal għodod ta’ tiftix.
- Fittex fit-traspożizzjoni nazzjonali u tintbagħat mill-ġdid għall-formola ta’ tiftixa avvanzata li toffri ħafna għażliet. It-tiftix se jsir biss fl-ambitu tat-taqsima tat-“traspożizzjoni nazzjonali”.
- It-tiftixa Ippubblikati reċentement tagħti aċċess għad-dokumenti kollha ppubblikati f’din it-taqsima fl-aħħar 14-il jum.
Biex tikseb ħarsa ġenerali tal-miżuri ta’ traspożizzjoni nazzjonali kollha adottati għal direttiva speċifika mill-Istati Membri tal-UE, mur fil-paġna tad-direttiva u mbagħad ikklikkja “traspożizzjoni nazzjonali” fil-menu tax-xellug.
Hi disponibbli għodda għat-traduzzjoni awtomatika għat-traduzzjoni tat-titlu u, jekk disponibbli, it-test tal-miżuri nazzjonali fi kwalunkwe lingwa uffiċjali tal-UE.
Id-Direttivi huma atti legali tal-UE li jistabbilixxu objettivi vinkolanti li għandhom jintlaħqu mill-Istati Membri tal-UE li għalihom huma indirizzati (l-Artikolu 288 tat-Trattat dwar il-Funzjonament tal-Unjoni Ewropea).
L-Istati Membri jistgħu jagħżlu l-forma u l-metodi għat-traspożizzjoni tad-direttivi fil-liġi nazzjonali. Madankollu, huma marbuta bit-termini tad-direttiva dwar ir-riżultat li għandu jinkiseb u l-iskadenza sa meta għandha sseħħ it-traspożizzjoni. L-awtoritajiet nazzjonali għandhom jinnotifikaw lill-Kummissjoni Ewropea bil-miżuri li jkunu adottaw. Il-Kummissjoni Ewropea tivverifika l-kompletezza u l-korrettezza tat-traspożizzjoni tad-dritt tal-UE fil-liġi nazzjonali.
Il-EUR-Lex jippubblika informazzjoni dwar miżuri nazzjonali ta’ traspożizzjoni (titlu, data tal-pubblikazzjoni, direttiva/i trasposta/i, eċċ.). L-awtoritajiet nazzjonali jistgħu jesprimu wkoll ir-rieda tagħhom li jagħmlu t-test tal-miżuri nazzjonali disponibbli fil-EUR-Lex. L-Istati Membri huma responsabbli biss għall-informazzjoni kollha li jipprovdu dwar it-traspożizzjoni tad-dritt tal-UE fil-liġi nazzjonali preżenti f’din it-taqsima.