It-Trattat ta’ Pariġi 

It-Trattat li jistabbilixxi l-Komunità Ewropea tal-Faħam u l-Azzar (KEFA) ġie ffirmat f’Pariġi mill-Belġju, Franza, ir-Repubblika Federali tal-Ġermanja, l-Italja, il-Lussemburgu u n-Netherlands. Huwa daħal fis-seħħ għal perjodu ta’ 50 sena.

It-Trattat stabbilixxa l-Assemblea Parlamentari Ewropea, li l-membri tagħha ntgħażlu mill-parlamenti nazzjonali tagħhom. L-Assemblea kellha d-dritt li xxolji l-Awtorità Għolja (dik li llum il-ġurnata hija l-Kummissjoni).

• Iffirmat: f’Pariġi (fi Franza) fit-18 ta’ April 1951
• Dħul fis-seħħ: fis-23 ta’ Lulju 1952
• Skada: fit-23 ta’ Lulju 2002