NANI KI KAHANIYA

Title – Cinderella KI KAHANI.

NAANI
Achha toh bacchon..main aaj aapko sunaane waali
hoon.. ek Rajkumaari ki kahaani.. jo boht hi
khoobsoorat thi.. lekin uske papa ke guzar jaane
ke baad, apni sauteli maa aur sauteli behno ke
saath rehti thi.. bataao zaraa kya naam hai uska?

KIDS
Cinderella! Hai naa Naani?

NAANI
Shaabbaash mere bacchon! Cinderella ke parivaar ke
bare mein toh maine bataa hi diya hai.. Toh ab
aage ki kahaani sunaati hoon..

Bohut Samay Pahale ek desh mein ek sundar si ladki

rehti thi.Jiska naam tha cindrella. Cindrella ki
ek Sauteli Maa yani stepmother thi aur do sautelin
Step sisters ,..teeno bichari cindrella se sare
ghar ka kaam karwati thi. Jhaadoo pochha, bartan,
kapde, saaf safaai, aur naa jaane kya kya..

KIDS
Aur kya kaam karwaati thi Naani?
 NAANI
Arre, kitni baar toh uski sauteli behene use tang
karne ke liye usse chhote mote kaam karwaati thi..
Jaise ki koi cheezien giraakar, Cinderella ko
uthaane ko kehti thi.. Ghar gandaa karke use saaf
karne ko kehti thi, chhoti se chhoti cheezien jo
wohh khud kar sakti thi, Cinderella se karwaati
thi..

KIDS
Par yeh toh galat hai naa Naani?

KIDS
Aapne hi toh kaha tha ki humein apna kaam khud hi
karna chaiye.

NAANI
Bilkul theek mere bacchon.. Bechaari Cinderella,
apni sauteli maa aur sautelli beheno ki seva karti
rehti.

KIDS: PHIR KYA HUA NANI?

Aur phir ek din Maharaj ne mahal se ek nimantran

ki ghoshna ki.. Unhone kaha ki sheher ki har
ladki, boodhi jawaan, ameer gareeb, sabko unhone
apne mahal mein ek daawat pe nimantrit
kiya..kyunki ab yuvaraj ko in parivaro mein se
kisi ek princess ko chun kar usse shaadi jo karni
thi.

KIDS
Accha, wow! Fir kya hua Naani?

NAANI
Bas, fir kya tha.. Cinderella ki sauteli behene
zoron-shoron se apne pehnaawe par dhyaan dene
lagi, wohh daawat mein kya kapde pehengi, aaye din
bas usi ke baare mein baat cheet hone lagi.
Sauteli Maa ke saamne roz unka rona dhona shuru ho
gaya ki unke kapde puraane hain, naye kapde
chaiye. Sauteli Maa ne tayy kiya ki unke liye
baahar se mehenge kapde, joote, make up ka
saamaan, sab laaya jaayega.. Tab Cinderella ne
apne kapdon ki baat ki, kaha ki use bhi toh naye
kapde chaiye honge.. Yeh sunkar, Sauteli Maa aur
betiyaan zor zor se hassne lage, Cinderella par
jhaadu phenkte hue kaha ki wohh ghar ke kaam ke
liye hi theek hai, yeh daawat uske liye nahi.
Cinderella ne thodi aur himmat karke unhe manaane
ki koshish ki, yeh kaha ki Maharaj ne sheher ki
har ladki ko daawat pe bulaaya hai. Yeh daawat
uska haqq hai. Bas, fir kya tha, Sauteli Maa ko
 gussa aa gaya, aur usne Cinderella ko apne kamre
mein band kar diya, use khaana nahi diya aur kaha
ki jab tak uske sar se daawat ka bhoot utar nahi
jaata, tab tak wohh andar hi band rahegi..
Cinderella dukhi thi par usne apne aasun ponchhe
aur kaha ki wohh daawat par jaane ki zidd nahi
karegi, abse sirf ghar ka kaam karegi..

Samay ke saath nimantran ka din aa gaya. Aur maa

betiyaan apne naye kapre pehenne me vyast ho gayi.
Cinderella unhein door se dekh rahi thi, soch rahi
thi, ki kaash wohh bhi daawat pe jaa paati.. Tab
hi Sauteli Maa ne use ek aur kaam de diya, kaha ki

kamre ki haalat boht kharaab hai, aur wohh khub

achhi tarah jhadoo lagaaye. Darwazabhi acchi tarah
se band karne ko kaha kyunki pata nahi wohh daawat
se kis waqt lautein..

Aur maa betiyaan maharaj ke mahal ki taraf nikal

padi. Bechari cindrella kamre mein jhadu laga rahi
thi aur uske ankho mein ansu aa gaye ….wo rone
lagi…….itne mein ek sundar fairy Godmother uske
saamne aa khadi hui.. Cindrella use dekh kar
bhaybheet ho gayi.. Lekin uss fairy Godmotherne
use vishwaas dilaaya ki wohh uski dost hai aur
 wahan uski madad ke liye aayi hai. Cinderella ke
kuch aur sawaal poochhne par fairy Godmotherne use
bataaya ki wohh aksar dukhi logon ki madad karne
aa jaatin hain..uska maksad hai har jagah bas
khushiyan baantnaa.. Cinderella ne apne aasnsun
pochhe aur wohh hasne lagi.. Tab fairy Godmotherne
use kaha ki wohh Cinderella ko Maharaj ke mahal
mein pohochaa degi.. Par Cinderella ne kaha ki
uske paas naa hi naye kapde aur joote hain aur naa
hi mahal tak jaane ka waahan.. Bas God Fairy ne
usse hasste hue kaha ki inn sabki wohh chintaa naa
kare.. Aur bagiche mein ja kar voh ek badaa sa
kaddu (Pumpkin) le aaye. Aur nanhe se chuhe
dhoondhkar unhe bhi le aayi..

KIDS
Fir kya hua Naani?

Cindrella ki samajh mein to kuch bhi nahi aa raha

tha. Ab Fairy Godmother ne apni jadu ki chhari
ghumayi. Dekhte hi dekhte peele rang ka kaddu ek
sundar rath (Chariot) mai badal gaya, aur chuhe
ghode aur sarathi mein badal gaye. Cindrella
achambit ho gayi,…..abFairy Godmother ne jadu ki
chari dobaara ghumayi aur palak jhapakte hi
cindrella ke phate purane kapre bilkul shaandar
kapdon mein badal gaye aur uske pyare chote chote
nazuk se peron par shisheke sundar joote saj gaye.
Ab to cindrella bohut hi sundar lagne lagi.. Wohh
itni khush ho gayi ki uski aankhon se aansun aane
lage.. Tab hi Fairy Godmother ne use ek shart
bataai.. Usne kaha ki ye sari cheezien jadu ki
hai, aur raat ke theek barah baje gayab ho
jaenge.Isliye wohh raat barah bajne se pehle apne
ghar pohunch jaaye. Cinderella ne use boht
dhanyaavaad diye aur kahaa ki wohh zaroor baraa
baje se pehle aa jaayegi ghar..

Abhi cindrella baat hi kar hi rahi thi kiFairy

Godmother gaayab ho gayi.

Kids:

Phir kya hua Nani?

Phir cindrella apne rath mein baith kar maharaj ke

mahal pohunch gayi. Mahal mein jab logo ne
cindrella ko dekha to wo achambhit reh gaye, Sabse
jyada yuvraaj. Cindrella apne naye jore mein itni
pyari lag rahi thi ke yuvraaj turant uski ore gaya
aur usse poochha ki wohh konse sheher se aayi
hai.. Cinderella ne sharmaate hue kaha ki wohh
unhi ke sheher ki niwaasi hai..

Yuvraaj ko cindrella itni pyari lag rahi thi ke wo

poori shaam uske saath baton mein laga raha. Baki
ke mehmaan bhi cindrella ko dekh kar bohut anandit
the. Aur hasane wali baat to yeh thi ke cindrella
ki maa aur uske behno ne use pehchana hi nahi. Wo
to samajh rahe the ke cindrella ghar mein baithi
hongi. Yuvraaj ke saath batein karte karte
cindrella ko samay kab khtma ho gaya,.anuman hi na
raha, ke itne mein, baraa bajne hi waale the..
Cinderella ki nazar jhatt se ghadi pe padi aur
usse Fairy Godmother ki batein yaad aa rahi thi.
Usne Yuvraj se maafi maangi aur wahan se bhaagne
lagi.. Yuvraj ko samajh nahi aa raha tha ki
Cinderella aise kyun bartaav kar rai thi, unhone
use rokne ki koshish ki, uska naam bhi kayin baar
poochha, wohh Cindrella ke peeche bhaage bhi,
parantu cindrella jaa chuki thi. Bohut teji se
rath ko daudakarnikal padi. Aur jaise hi wo ghar
pohunchi, barah baj gaye. Aur cindrella ke sundar
kapde, uska vaahan, uske sevak aadi ek pal mein
gaayab ho gaye. Aur wo bichari pehle jaise thi
waise hi ghar mein jhadu dene lagi.

Kids:

So sad! Phir kya hua Nani?

Bechara yuvraaj hataash ho kar mahal ki seerhiya

chadh raha tha, ke achaanak, uski nazar ek sundar
shishe ki jooti par padi jo cindrella ki peronse
us samay utar gayi thi jis samay wo seedhiyo se
bhag kar utar rahi thi. Yuvraj ne lapak kar
cindrella ki jooti uthayi aur sochne lage ki ab
use cindrella awashya hi mil jayegi. Usne apne
sainiko ko sare gharo mein jooti ke saath mein
bheja taki cindrella ka pata chale. Ab saare
sheher mein hahakar mach gayi, har ladki yehi
chahat karne lagi ke jooti uske paanv mein sahi aa
jae, par voh jooti kissi bhi pair pes ahi nahin
baith rahi thi. Aur samay ke saath yuvraj ke
sainik cindrella ke ghar pohunch hi gaye. Sabse
pehle badi behen ne jooti pehen kar naatak kiya ki
wohh jooti bilkul uske naap ki hai.. Toh
Sipaahiyon ne use chalkar dikhaane ko kaha, aur
jaise hi wohh chalne lagi, toh jhatt se gir gayi..
Aur wohh jooti uske pairon se nikal gayi..Phir
dusri behen ne jooti ko pehena..lekin use bhi wohh
jooti kaatne lagi..

Cindrella bichari us samay ghar mein jhadu de rahi

thi, sainiko ne use dekha aur use bhi
jootipehenkar dikhaane ko kaha.. Lekin Sauteli Maa
aur Betiyaan hasne lagi aur unhone kaha ki wohh
ghar ki naaukraani hai..aur daawat ki raat wohh
ghar pe kaam kar rahi thi.. Par sipaahi ade rahe,
unhone kaha ki Yuvraj ka aadesh hai ki sheher ki
har ladki yeh jooti pehenkar dikhaayegi.. Unki
bhaari awaaz sunkar, saauteli Maa aur Betiyaan
darr gaye aur Cinderella ko jooti pehenkar
dikhaane ko kaha..

Ab cindrella ne jooti pehni toh wo use bilkul sahi

ayi, sab log achambhit reh gaye. Yuvraaj ko jab
pata chala to wo tatkaal cindrella ke ghar
pohuncha aur use apne mahal le aaya. Phir unki
dhoom dhaam se shadi ho gayi. Phir cindrella ki
maa aur behne ko apni galti ka ehsaas hua, unhone
Cinderella se maafi maangi..

Cindrella jo man ki bohut acchi thi usne sabko

kshama kar dia aur apne yuvraaj ke saath khushi se
rehne lagi. Kabhi kabhi jab use apni Fairy
Godmother ka vichaar aata to wo ahista se kehti

Pyaari Fairy Godmother aapka bohut bohut

dhanyavaad ab mai bohut sukhi hoon

Aur akaash mein tare yun muskurate jaise sab Faory

Godmother cindrella ko dekh kar anandit ho rahi
ho.To bachho kaisi lagi meri kahani….

KIDS
Achhhiiiii..

NAANI
To ab mai tumako agali baar ak aur kahani
sunaoongi,.

Kids
OKAYYY Nani, thank you,BYE .