Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32017D2307

Comhaontú idir an tAontas Eorpach agus an tSile maidir le trádáil i dtáirgí orgánacha

Dáta an athbhreithnithe dheireanaigh:
24/06/2020
Dáta a céadchruthaíodh:
30/07/2020
Cód na hachoimre:
  • 02.06.05.00 Dobharshaothrú (feirmeoireacht éisc)
  • 28.11.03.00 Meiriceá Laidineach agus Muir Chairib
  • 30.11.03.01 Feirmeoireacht beostoic
Tuairisceoir EUROVOC:
Cód eolaire:
Doiciméid achoimrithe:
Eintiteas/is atá freagrach:
Comhairle an Aontais Eorpaigh

Comhaontú idir an tAontas Eorpach agus an tSile maidir le trádáil i dtáirgí orgánacha

ACHOIMRE AR:

Cinneadh (AE) 2017/436 — maidir le síniú an Chomhaontaithe idir an tAontas Eorpach agus an tSile maidir le trádáil i dtáirgí orgánacha

Cinneadh (AE) 2017/2307 — lena dtugtar chun críche an Comhaontú idir an tAontas Eorpach agus an tSile maidir le trádáil i dtáirgí orgánacha

Comhaontú idir an tAontas Eorpach agus an tSile maidir le trádáil i dtáirgí orgánacha

CAD IS AIDHM LEIS AN GCOMHAONTÚ AGUS LEIS NA CINNTÍ?

  • Is é is aidhm leis an gcomhaontú trádáil i dtáirgí talmhaíochta agus i mbia–ábhair a tháirgtear go horgánach a spreagadh idir AE agus an tSile agus spreagadh a thabhairt d’earnáil táirgí orgánacha an Aontais Eorpaigh. Déantar breac–chuntas ann maidir le córas de chomhar, malartú faisnéise agus réiteach díospóidí sa trádáil orgánach. Is féidir bia orgánach a tháirgtear in AE arna chlúdach sa chomhaontú a chur ar an margadh sa tSile gan seiceálacha breise a dhéanamh orthu. Baineann sé sin le roinnt táirgí orgánacha de chuid na Sile in AE chomh maith.
  • Le Cinneadh (AE) 2017/436 sínítear an comhaontú agus le Cinneadh (AE) 2017/2307 faomhtar an comhaontú thar ceann an Aontais Eorpaigh.

PRÍOMHPHOINTÍ

Comhionannas

  • Maidir le táirgeadh orgánach agus a chórais rialaithe ghaolmhara, aithníonn an tAontas Eorpach agus an tSile comhionannas (an cumas na cuspóirí céanna a bhaint amach) dlíthe agus rialacháin a chéile, chomh maith le córais um chigireacht agus um dheimhniúchán.
  • Tá na táirgí lena mbaineann liostaithe in iarscríbhinní an chomhaontaithe. Clúdaítear sa chomhaontú táirgí AE amhail:
    • táirgí plandaí neamhphróiseáilte,
    • ainmnithe beo,
    • táirgí ainmhithe neamhphróiseáilte (lena n–áirítear mil),
    • táirgí dobharshaothraithe agus feamainn,
    • táirgí talmhaíochta próiseáilte lena n–úsáid mar bheatha nó mar bhia (lena n–áirítear fíon),
    • ábhar iomadaithe1 fásúil agus
    • síolta le haghaidh saothraithe.
  • Faomhann an Coimisiún Eorpach leasuithe ar bith a dhéantar do liostaí na dtáirgí atá clúdaithe sa chomhaontú thar ceann an Aontais Eorpaigh i ndiaidh dó dul i gcomhairle leis an tSile agus le tíortha AE.

Allmhairiú agus onnmhairiú

Glacann gach páirtí leis na táirgí atá liostaithe sna hiarscríbhinní ón bpáirtí eile faoi na coinníollacha seo a leanas:

  • ní mór d’allmhairí isteach san Aontas Eorpach cloí leis na dlíthe agus na rialacháin de chuid na Sile atá liostaithe in Iarscríbhinn IV agus ní mór deimhniú cigireachta bheith leo i gcomhréir le Rialachán (CE) Uimh. 1235/2008, gníomh cur chun feidhme maidir le socruithe le haghaidh allmhairí táirgí orgánacha ó “thríú” tíortha (tíortha nach tíortha den Aontas Eorpach iad);
  • ní mór d’allmhairí chuig an tSile cloí leis na dlíthe agus na rialacháin de chuid AE atá liostaithe in Iarscríbhinn III agus ní mór deimhniú bheith leo arna eisiúint ag údarás iomchuí de chuid na Sile nó de chuid AE i gcomhréir leis na rialacha arna leagan amach ag Stiúrthóireacht Náisiúnta na Seirbhíse Talmhaíochta agus Beostoic sa tSile.

Lipéadú

  • Ní mór do tháirgí ceanglais dhlíthiúla um lipéadú an pháirtí allmhairíochta a chomhlíonadh agus féadfar lógó orgánach AE nó lógó orgánach na Síle nó an dá cheann a chur orthu. Tá na lógónna orgánacha atá á n–úsáid faoi láthair ag AE agus an tSile dá dtáirgí faoi chosaint chomh maith.
  • Aontaíonn na páirtithe nach mbainfidh siad mí–úsáid as téarmaí lipéadaithe lena n–áirítear díorthaigh amhail “bith–” agus “éicea–”.

Faisnéis, tuairisciú agus bainistíocht

  • Malartaíonn na páirtithe tuarascáil bhliantúil maidir leis an dóigh a bhfuil an comhaontú á chur i bhfeidhm, lena n–áirítear:
    • faisnéis maidir le cineálacha agus méideanna na dtáirgí orgánacha a onnmhairíodh faoin gcomhaontú;
    • gníomhaíochtaí monatóireachta agus maoirseachta a rinne na húdaráis inniúla, na torthaí a baineadh amach agus na bearta ceartaitheacha a rinneadh.
  • Le fógra 3 mhí ar a laghad, déanfaidh oifigigh nó saineolaithe ón bpáirtí eile piarmheasúnuithe lena fhíorú go bhfuil na seiceálacha a cheanglaítear faoin gcomhaontú á gcur i bhfeidhm.
  • Tá freagrachtaí ag Comhchoiste ar Tháirgí Orgánacha, a cruthaíodh ó ionadaithe na bpáirtithe (i.e. an tSile agus the tAontas Eorpach), lena n–áirítear na freagrachtaí seo a leanas:
    • an comhaontú a bhainistiú;
    • scrúdú a dhéanamh ar iarratais chun liosta na dtáirgí atá clúdaithe sa chomhaontú a nuashonrú nó a leathnú;
    • comhar maidir le dlíthe, rialacháin, caighdeáin agus nósanna imeachta um measúnú comhréireachta a neartú chun cóineasú a mhéadú;
    • díospóidí a réiteach idir na páirtithe maidir le léirmhíniú nó cur i bhfeidhm an chomhaontaithe.

DÁTA TEACHT I BHFEIDHM

Tháinig an comhaontú i bhfeidhm ar an .

CÚLRA

Chun tuilleadh faisnéise a fháil, féach:

PRÍOMHTHÉARMAÍ

  1. Ábhar iomadaithe: codanna de phlandaí agus gach ábhar plandaí, lena n–áirítear fréamhstoic atá beartaithe le haghaidh síolrú, atáirgeadh agus táirgeadh glasraí. Áirítear ar shamplaí díobh sin bleibíní, riosóim, etc.

PRÍOMHDHOICIMÉID

Cinneadh (AE) 2017/436 ón gComhairle an maidir le síniú, thar ceann an Aontais Eorpaigh, an Chomhaontaithe idir an tAontas Eorpach agus Poblacht na Sile maidir le trádáil i dtáirgí orgánacha (IO L 67, , lch. 33)

Cinneadh (AE) 2017/2307 ón gComhairle an maidir le tabhairt i gcrích an Chomhaontaithe idir an tAontas Eorpach agus Poblacht na Sile maidir le trádáil i dtáirgí orgánacha (IO L 331, , lgh. 1-3)

Comhaontú idir an tAontas Eorpach agus Poblacht na Sile maidir le trádáil i dtáirgí orgánacha (IO L 331, , lgh. 4-18)

nuashonrú is deireanaí

Barr