Opinjoni tal-Kumitat Ekonomiku u Soċjali Ewropew dwar “Il-Proposta għal Direttiva tal-Parlament Ewropew u tal-Kunsill li temenda d-Direttiva 2003/54/KE dwar l-applikazzjoni ta' ċerti dispożizzjonijiet fl-Estonja”

COM(2007) 411 finali — 2007/0141 (COD)

(2008/C 44/12)

Nhar is-17 ta' Settembru 2007, il-Kunsill iddeċieda, b'konformità ma' l-Artikoli 47(2), 55 u 95 tat-Trattat li jistabbilixxi l-Komunità Ewropea, li jikkonsulta lill-Kumitat Ekonomiku u Soċjali Ewropew, dwar Il-Proposta għal Direttiva tal-Parlament Ewropew u tal-Kunsill li temenda d-Direttiva 2003/54/KE dwar l-applikazzjoni ta' ċerti dispożizzjonijiet fl-Estonja.

Billi l-Kumitat jikkunsidra li l-kontenut tal-proposta huwa kompletament sodisfaċenti u jħoss li m'hemm bżonn ta' l-ebda kummenti min-naħa tiegħu, iddeċieda, matul l-439 sessjoni plenarja tiegħu ta' l-24 u l-25 ta' Ottubru 2007 (seduta ta' l-24 ta' Ottubru), b'150 vot favur, 2 voti kontra u 8 astensjonijiet, li jagħti opinjoni favorevoli għat-test propost.