32003R1841

Ir-Regolament tal-Kummissjoni (KE) Nru 1841/2003

tas-17 ta’ Ottubru 2003

li temenda r-Regolament (KE) Nru 1227/2000 li jistabbilixxi r-regoli dettaljati għall-applikazzjoni tar-Regolament tal-Kunsill (KE) Nru 1493/1999 fuq l-organizzazzjoni komuni tas-suq fl-inbid, dwar il-potenzjal tal-produzzjoni

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat ir-Regolament tal-Kunsill (KE) Nru 1493/1999 tas-17 ta’ Mejju 1999 dwar l-organizazzjoni komuni tas-suq fl-inbid [1], kif emendat l-aħħar bir-Regolament (KE) Nru 806/2003 [2], u l-aktar l-Artikolu 7(2) u l-Artikolu 15 u 23 miġjuba fih,

Billi:

(1) Ir-Regolament tal-Kummissjoni (KE) Nru 1227/2000 [3], kif emendat l-aħħar bir-Regolament (KE) Nru 1203/2003 [4], kien iffissa d-data ta’ l-għeluq għall-perjodu msemmi fl-Artikolu 2(3)(b) tar-Regolament (KE) Nru 1493/1999, li matulu l-produttur seta’ jikseb id-dritt tal-kultivazzjoni mill-ġdid ta’ l-art wara li ż-żona kkonċernata tkun ġiet ikkultivata. Minħabba li d-data għall-applikazzjoni tal-proċedura msemmija fl-Artikolu 2(3) tar-Regolament (KE) Nru 1493/1999 ġiet postposta, id-data ta’ l-għeluq imsemmija fuq għandha tiġi estiża kif xieraq.

(2) Biex l-allokazzjonijiet imsemmija fl-Artikolu 14(1) u (2) tar-Regolament (KE) Nru 1493/1999 ikunu jistgħu jiġu stabbiliti b’mod effettiv, id-data li fiha l-Istati Membri għandhom jagħmlu n-notifiki annwali tagħhom lill-Kummissjoni għandha tiġi emendata, waqt li d-data li għandha tintuża biex tkun stabbilita n-nefqa li saret fil-fatt kif ukoll in-nefqa li tkun ġiet validata għandha tkun iffissata.

(3) Il-format fiss tat-tagħrif li l-Istati Membri għandhom jgħaddu lill-Kummissjoni għandu jiġi adattat skond il-klassifikazzjoni tal-varjetajiet tad-dwieli.

(4) Ir-Regolament (KE) Nru 1227/2000 għandu, għalhekk, jiġi emendat kif xieraq.

(5) Il-miżuri msemmija f’dan ir-Regolament huma fi qbil ma’ l-opinjomi tal-Kumitat tat-Tmexxija għall-Inbid,

ADOTTAT DAN IR-REGOLAMENT:

Artikolu 1

Ir-Regolament (KE) Nru 1227/2000 huwa permezz tal-preżenti emendat kif ġej:

1. Fl-Artikolu 2(5), il-frażi "il-15 ta’ Lulju 2002" għandha tinbidel bil-frażi "it-30 ta’ Ġunju 2004".

2. Fl-Artikolu 16(1), l-ewwel sentenza u l-punti (a) u (b) għandhom jinbidlu b’dan li ġej:

"Sa mhux aktar tard mill-10 ta’ Lulju ta’ kull sena, l-Istati Membri għandhom jgħaddu lill-Kummissjoni, f’rabta mar-ristrutturar u s-sistema tal-konverżjoni:

(a) dikjarazzjoni tan-nefqa li tkun saret fil-fatt sat-30 ta’ Ġunju tas-sena finanzjarja kurrenti u ż-żona totali kkonċenata;

(b) dikjarazzjoni tan-nefqa vvalidata sat-30 ta’ Ġunju tas-sena finanzjarja kurrenti u ż-żona totali kknoċernata;"

3. Fl-Anness, it-tabella 9 "Il-Klassifikazzjoni tal-varjetajiet ta’ dwieli ta’ l-għeneb għall-inbid" għandha tinbidel bit-tabella li qed tidher fl-Anness isfel.

Artikolu 2

Dan ir-Regolament għandu jigi fis-seħħ fit-tielet ġurnata wara li jiġi pubblikat fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-17 ta’ Ottubru 2003.

Ghall-Kummissjoni

Franz Fischler

Membru tal-Kummissjoni

[1] ĠU L 179, ta’ l-14.07.99, p. 1.

[2] ĠU L 122, tas-16.05.03, p. 1.

[3] ĠU L 143, tas-16.06.00, p. 1.

[4] ĠU L 168, tal-5.07.03, p. 9.

--------------------------------------------------

L-ANNESS

+++++ TIFF +++++

"1. Il-komunikazzjoni annwali, f’data fis-sena li tkun deċiża mill-Istat Membru, bid-dettalji dwar kull tibdil f’relazzjoni mas-sena ta’ qabel (l-Artikolu 20(4) u (9) ta’ dan ir-Regolament).

2. L-Istati Membri għandhom jaġġustaw it-tabella biex iġibuha f’konformità mas-sistemi tagħhom tal-klassifikazzjoni tal-varjetajiet."

--------------------------------------------------