EUR-Lex - C:2012:325:FULL - EN

This document is an excerpt from the EUR-Lex website

EUROPA
EUR-Lex home
EUR-Lex - C:2012:325:FULL - EN

Help

Search tips

Need more search options? Use the Advanced search

Document C:2012:325:FULL

Help

Il-Ġurnal Uffiċjali tal-Unjoni Ewropea, C 325, 26 ta' Ottubru 2012

Display all documents published in this Official Journal

HTML

PDF

		ISSN 1977-0987 doi:10.3000/19770987.C_2012.325.mlt
Il-Ġurnal Uffiċjali tal-Unjoni Ewropea		C 325

Edizzjoni bil-Malti	Informazzjoni u Avviżi	Volum 55 26 ta' Ottubru 2012

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2012/C 325/01	Awtorizzazzjoni għal għajnuna mill-Istat skont l-Artikoli 107 u 108 tat-TFUE – Fir-rigward ta' dawn il-każijiet il-Kummissjoni ma tqajjimx oġġezzjonijiet ( 1 )	1

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kunsill
2012/C 325/02	Konklużjonijiet tal-Kunsill li jistiednu l-introduzzjoni tal-Identifikatur tal-Leġislazzjoni Ewropea (ELI)	3

2012/C 325/03	L-informazzjoni segwenti qed tinġieb għall-attenzjoni ta' ABDOLLAHI Hamed (magħruf ukoll bħala Mustafa Abdullahi), ARBABSIAR Manssor (magħruf ukoll bħala Mansour Arbabsiar), SHAKURI Ali Gholam u SOLEIMANI Qasem (magħruf ukoll bħala Ghasem Soleymani, magħruf ukoll bħala Qasmi Sulayman, magħruf ukoll bħala Qasem Soleymani, magħruf ukoll bħala Qasem Solaimani, magħruf ukoll bħala Qasem Salimani, magħruf ukoll bħala Qasem Solemani, magħruf ukoll bħala Qasem Sulaimani, magħruf ukoll bħala Qasem Sulemani), inklużi fil-lista pprovduta fl-Artikolu 2(3) tar-Regolament tal-Kunsill (KE) Nru 2580/2001 dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu elenkata fir-Regolament ta' Implimentazzjoni tal-Kunsill (UE) Nru 542/2012	12

	Il-Kummissjoni Ewropea
2012/C 325/04	Rata tal-kambju tal-euro	13

	Aġenzija Ewropea għad-Difiża
2012/C 325/05	Pubblikazzjoni tal-kontijiet finali għas-sena finanzjarja 2011	14

	V Avviżi
	PROĊEDURI AMMINISTRATTIVI
	Il-Kummissjoni Ewropea
2012/C 325/06	Sejħa għall-proposti – EACEA/40/12 – MEDIA 2007 – Promozzjoni/Aċċess għas-Swieq	15


2012/C 325/07	Nota lill-qarrej (Ara paġna 3 tal-qoxra)	s3


	(1) Test b’rilevanza għaż-ŻEE, għajr f’dak li għandu x’jaqsam mal-prodotti rilevanti mal-Anness I tat-Trattat

II Komunikazzjonijiet

KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

Il-Kummissjoni Ewropea

26.10.2012

Il-Ġurnal Uffiċjali tal-Unjoni Ewropea

C 325/1

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’rilevanza għaż-ŻEE, għajr f’dak li għandu x’jaqsam mal-prodotti rilevanti mal-Anness I tat-Trattat)

2012/C 325/01

Data tal-adozzjoni tad-Deċiżjoni

17.8.2012

In-numru ta' referenza tal-għajnuna

SA.34624 (12/N)

Stat Membru

L-Italja

Reġjun

Lombardia

—

Titolu (u/jew isem tal-benefiċjarju)

Progetto speciale agricoltura — Aiuti a favore delle aziende agricole che rientrano nelle aree protette regionali — l.r. 30 novembre 1983, n. 86

Il-bażi legali

—	Bozza di delibera «Progetto speciale agricoltura — aiuti a favore delle aziende agricole che rientrano nelle aree regionali protette — legge regionale 30 novembre 1983, n. 86 “Piano generale delle aree protette regionali”»

—	Legge regionale 30.11.1983, n. 86 «Piano generale delle aree regionali protette. Norme per l’istituzione e la gestione delle riserve, dei parchi e dei monumenti naturali nonché delle aree di particolare rilevanza naturale ed ambientale»

It-tip tal-miżura

Skema

—

L-għan

Protezzjoni tal-Ambjent, Appoġġ Tekniku (AGRI)

Il-forma tal-għajnuna

Għotja diretta

L-estimi

Baġit globali: EUR 4 (f'miljuni)

Baġit annwali: EUR 1 (f'miljuni)

L-intensità

100 %

It-tul ta' żmien

sal-31.12.2017

Setturi ekonomiċi

Agrikoltura, forestrija u sajd

Isem u indirizz tal-awtorità responsabbli mill-għajnuna

Regione Lombardia

Piazza Città di Lombardia 1

20124 Milano MI

ITALIA

Aktar informazzjoni

—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/competition/elojade/isef/index.cfm

IV Informazzjoni

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

Il-Kunsill

26.10.2012

Il-Ġurnal Uffiċjali tal-Unjoni Ewropea

C 325/3

Konklużjonijiet tal-Kunsill li jistiednu l-introduzzjoni tal-Identifikatur tal-Leġislazzjoni Ewropea (ELI)

2012/C 325/02

I. INTRODUZZJONI

1.	L-Artikolu 67(1) tat-Trattat dwar il-Funzjonament tal-Unjoni Ewropea jipprevedi t-twaqqif ta’ spazju ta’ libertà, sigurtà u ġustizzja b’rispett għad-drittijiet fundamentali u s-sistemi u t-tradizzjonijiet legali differenti tal-Istati Membri.

2.	Spazju Ewropew ta’ libertà, sigurtà u ġustizzja fejn tista’ sseħħ kooperazzjoni ġudizzjarja jeħtieġ mhux biss għarfien tal-liġi Ewropea, iżda b’mod partikolari għarfien reċiproku tas-sistemi legali tal-Istati Membri l-oħra, inkluża l-leġislazzjoni nazzjonali.

3.	Il-formazzjoni Leġislazzjoni elettronika tal-Grupp ta’ Ħidma dwar il-Leġislazzjoni Elettronika hija kompetenti f’materji ta’ żviluppi dwar sistemi ta’ informazzjoni u databases legali amministrati mill-Uffiċċju tal-Pubblikazzjonijiet tal-Unjoni Ewropea (1).

II. IDENTIFIKAZZJONI TAL-BŻONNIJIET

4.	Il-portali EUR-Lex u N-Lex għandhom jilħqu l-objettiv li jipprovdu aċċess għall-informazzjoni dwar l-UE u s-sistemi legali tal-Istati Membri u għandhom iservu bħala strument utli għaċ-ċittadini, il-professjonisti legali kif ukoll l-awtoritajiet tal-Istati Membri.

5.	L-għarfien dwar is-sustanza u l-applikazzjoni tal-liġi tal-Unjoni Ewropea ma jistax jinkiseb biss minn sorsi legali tal-UE, iżda wkoll minn għejun nazzjonali, b’mod partikolari mil-leġislazzjoni nazzjonali li timplimenta l-liġi tal-Unjoni Ewropea.

Il-proċess ta’ kooperazzjoni fi ħdan l-Unjoni Ewropea żied il-bżonn ta’ identifikazzjoni u skambju ta’ informazzjoni legali li toriġina mill-awtoritajiet reġjonali u nazzjonali fil-livell Ewropew. Dan il-bżonn hu ssodisfat parzjalment minn informazzjoni legali disponibbli b’mezzi diġitali u l-użu mifrux tal-Internet. Madanakollu, l-iskambju ta’ informazzjoni legali għandu limitazzjonijiet kbar minħabba d-differenzi li hemm fid-diversi sistemi legali nazzjonali, kif ukoll id-differenzi fis-sistemi tekniċi użati biex il-leġislazzjoni tinħażen u tintwera fis-siti web rispettivi tagħhom. Dan ifixkel l-interoperabbiltà bejn is-sistemi ta’ informazzjoni tal-istituzzjonijiet nazzjonali u Ewropej, minkejja ż-żieda fid-disponibbiltà ta’ dokumenti f’format elettroniku.

L-użu tal-ELI jista’ jgħin biex jingħelbu dawn il-problemi. L-użu ta’ identifikaturi uniċi u metadata strutturata fir-referenzjar tal-leġislazzjoni nazzjonali fil-Ġurnali Uffiċjali u l-Gazzetti Legali, jekk l-Istati Membri jiddeċiedu dan, ikun jippermetti riċerka u skambju ta’ informazzjoni effettivi, faċli biex twettaqhom u aktar veloċi, kif ukoll mekkaniżmi effiċjenti ta’ riċerka għal-leġislaturi, l-imħallfin, il-professjonisti legali u ċ-ċittadini.

III. IDENTIFIKAZZJONI TAS-SOLUZZJONIJIET

8.	F’konformità mal-prinċipju ta’ proporzjonalità u l-prinċipju ta’ deċentralizzazzjoni, kull Stat Membru għandu jkompli jħaddem il-Ġurnali Uffiċjali u l-Gazzetti Legali nazzjonali tiegħu bil-mod li jippreferi.

Madanakollu, sistema komuni għall-indentifikazzjoni tal-leġislazzjoni u l-metadata tagħha titqies li hija siewja biex tiffaċilita l-iżvilupp ulterjuri ta’ leġislazzjonijiet nazzjonali interkonnessi u biex taqdi lill-professjonisti legali u ċ-ċittadini meta jużaw dawn id-databases. Standard komuni bħal dan hu kompatibbli mal-prinċipji msemmija fil-paragrafu preċedenti.

10.

Għall-identifikazzjoni tal-leġislazzjoni, għandu jintuża identifikatur uniku li jkun jingħaraf, jinqara u jinftiehem kemm mill-bnedmin kif ukoll mill-kompjuters, u li jkun kompatibbli mal-istandards teknoloġiċi eżistenti. Barra minn hekk, l-ELI jipproponi ġabra ta’ elementi ta’ metadata biex jiddeskrivu l-leġislazzjoni f’konformità ma’ ontoloġija rakkomandata. L-Identifikatur tal-Leġislazzjoni Ewropea (ELI) għandu jiggarantixxi aċċess pubbliku kosteffettiv għal leġislazzjoni affidabbli u aġġornata. L-ELI jibbenefika mill-arkitettura emerġenti tal-web semantiku, li tippermetti li l-informazzjoni tiġi pproċessata direttament mill-kompjuters kif ukoll mill-bnedmin, u b’hekk jippermetti skambju aktar estensiv u veloċi ta’ data permezz ta’ skambju ta’ informazzjoni awtomatiku u effiċjenti.

11.

L-ELI għandu jagħti lill-Istati Membri u l-Unjoni Ewropea mezz flessibbli, awtodokumentat, konsistenti u uniku ta’ referenza għal-leġislazzjoni f’sistemi legali differenti. L-ELI URIs jidentifikaw b’mod uniku u stabbli kull att leġislattiv fl-Unjoni Ewropea kollha, waqt li fl-istess ħin jieħdu kont tal-ispeċifiċitajiet tas-sistemi legali nazzjonali.

12.

L-ELI jieħu kont mhux biss tal-kumplessità u l-ispeċifiċità tas-sistemi leġislattivi reġjonali, nazzjonali u Ewropej, iżda anki tal-bidliet fir-riżorsi legali (eż. konsolidazzjonijiet, atti mħassra, eċċ). Huwa mfassal biex jiffunzjona bla xkiel f’sovrappożizzjoni għas-sistemi eżistenti bl-użu ta’ data strutturata u jista’ jitħaddem mill-Istati Membri bir-ritmu tagħhom.

13.	L-Identifikatur Ewropew tal-Ġurisprudenza (ECLI) (2), applikabbli fuq bażi volontarja, diġà jipprovdi sistema Ewropea għall-identifikazzjoni tal-ġurisprudenza. L-ELI jidentifika testi leġislattivi li għandhom karatteristiċi differenti u aktar kumplessi, u ż-żewġ sistemi huma komplimentari.

IV. KONKLUŻJONI

14.	Il-Kunsill jilqa’ l-inizjattiva ta’ għadd ta’ Stati Membri biex jiżviluppaw, fuq bażi volontarja fil-livell nazzjonali, l-Identifikatur tal-Leġislazzjoni Ewropea (minn hawn ‘il quddiem l-ELI).

15.

Waqt li jinnota li kull element tal-ELI (jiġifieri l-identifikaturi uniċi, il-metadata u l-ontoloġija) kif hemm imsemmi fl-Anness hu soġġett għal introduzzjoni volontarja, gradwali u fakultattiva, il-Kunsill jistieden lill-Istati Membri li jiddeċiedu jintroduċu l-ELI, u fuq bażi volontarja, sabiex:

(a)	japplikaw l-ELI għal biċċiet ta’ leġislazzjoni nazzjonali li jistgħu jinstabu fil-Ġurnali Uffiċjali, il-Gazzetti Legali jew id-databases nazzjonali mħaddma mill-Istati Membri;

(b)

bil-mod li jqisu l-aktar fattibbli teknikament, jipprovdu biċċiet ta’ leġislazzjoni nazzjonali, li jiġu ppubblikati fil-Ġurnali Uffiċjali u l-Gazzetti Legali nazzjonali, jew li huma disponibbli fid-databases tagħhom, li jkollhom:

(a)	identifikatur uniku, ibbażat fuq mudell li juża wħud mill-komponenti jew il-komponenti kollha msemmijin fil-paragrafu 1 tal-Anness;

(b)	xi ftit mill-metadata u l-ontoloġija kif imsemmija fil-paragrafu 2 tal-Anness;

(c)	jaħtru koordinatur nazzjonali tal-ELI kif deskritt fil-paragrafu 3.1 tal-Anness;

(d)	jaqsmu u jxerrdu informazzjoni dwar l-ELI;

(e)	kull sena jiddiskutu fil-Grupp ta’ Ħidma tal-Kunsill il-progress li jkun sar bl-introduzzjoni tal-ELI u l-metadata għal-leġislazzjoni nazzjonali.

16.

Meta wieħed jinnota li kull element tal-ELI (jiġifieri l-identifikaturi uniċi, il-metadata u l-ontoloġija) kif imsemmi fl-Anness hu soġġett għal introduzzjoni volontarja, gradwali u fakultattiva, ikunu japplikaw ir-rakkomandazzjonijiet li ġejjin:

(a)	L-ELI għandu japplika għal-leġislazzjoni tal-Unjoni Ewropea li tista’ tinstab f’Il-Ġurnal Uffiċjali tal-Unjoni Ewropea u l-portal tal-EUR-Lex imħaddem mill-Uffiċċju tal-Pubblikazzjonijiet tal-Unjoni Ewropea;

(b)	Għaldaqstant, l-Uffiċċju tal-Pubblikazzjonijiet tal-Unjoni Ewropea għandu jintegra l-ELI, f’konformità mad-Deċiżjoni 2009/496/KE (3), bħala parti mill-portal tal-EUR-Lex, kif deskritt fil-paragrafu 4 tal-Anness;

(c)	L-Uffiċċju tal-Pubblikazzjonijiet tal-Unjoni Ewropea jista’ jospita u jieħu ħsieb, fil-portal tiegħu tal-EUR-Lex, ir-reġistru tad-deskrizzjonijiet formali tal-iskemi ta’ URI tal-Istati Membri, it-tabelli tal-awtoritajiet referenzjati flimkien mal-ontoloġija tal-ELI, kif ukoll informazzjoni siewja.

17.	Minbarra l-Istati Membri, il-pajjiżi kandidati u l-Istati ta’ Lugano (4) u oħrajn huma mħeġġa jużaw is-sistema tal-ELI.

(1) Ara 16113/10.

(2) Il-Kunsill stieden l-introduzzjoni tal-Identifikatur Ewropew tal-Ġurisprudenza u ġabra minima ta’ metadata uniformi għall-ġurisprudenza permezz ta’ konklużjonijiet (ĠU C 127, 29.4.2011, p. 1).

(3) ĠU L 168, 30.6.2009, p. 41.

(4) L-Islanda, in-Norveġja u l-Isvizzera.

ANNESS

L-ELEMENTI TAL-ELI

L-elementi li ġejjin tal-ELI jindirizzaw dawn ir-rekwiżiti fuq bażi teknika. Dawn il-komponenti jistgħu jiġu implimentati indipendentement minn xulxin, iżda kollha flimkien jagħtu l-benefiċċji sħaħ tal-ELI.

1. Identifikazzjoni tal-leġislazzjoni – modi biex b’mod uniku tiġi identifikata, tingħata isem u jsir aċċess għal leġislazzjoni nazzjonali u Ewropea

L-ELI juża ‘HTTP URIs’ biex jidentifika speċifikament l-informazzjoni legali kollha online ippubblikata uffiċjalment fl-Ewropa. Dawn il-URIs huma deskritti formalment minn mudelli ta’ URI li jinqraw minn magna (IETF RFC 6570), bl-użu ta’ komponenti li jinkludu semantika mill-perspettiva kemm legali kif ukoll tal-utent aħħari. Kull Stat Membru għandu jibni l-URIs awtodeskrittivi tiegħu bl-użu tal-komponenti deskritti waqt li jqis ukoll il-ħtiġijiet lingwistiċi speċifiċi tiegħu.

Il-komponenti kollha huma fakultattivi, jistgħu jingħażlu fuq il-bażi ta’ ħtiġijiet nazzjonali u m’għandhomx ordni predefinita. Biex jippermetti l-iskambju ta’ informazzjoni l-mudell magħżul ta’ URI irid jiġi ddokumentat bl-użu tal-mekkaniżmu tal-mudell tal-URI, bħal fl-eżempju ta’ hawn taħt:

ELI template components

	Name	Comments
	eli
Jurisdiction	Jurisdiction	Use of DCTERMS.ISO3166: 2 alpha country codes, e.g. ‘LU’ For international organisations, the registered domain name can be used: e.g. ‘EU’ or ‘WTO’
	Agent	Administrative hierarchical structure, e.g. federal States, constitutional court, parliament, eċċ.
	Subagent	Administrative hierarchical substructure, e.g. the responsible ministry
Reference	Year	YYYY Various interpretations allowed depending on countries’ requirements, e.g. date of signature or date of publication, eċċ.
	Month	MM
	Day	DD
	Type	Nature of the act (law, decree, draft bill, eċċ.) Various interpretations depending on countries’ requirements
	Subtype	Subcategory of an act depending on countries’ requirements (e.g. corrigendum)
	Domain	Can be used if acts are classified by themes, e.g. codes
	Natural identifier	Reference or number to distinguish an act of same nature signed or published on the same day
Subdivision	Level 1	Reference to a subdivision of an act, e.g. Article 15
	Level 2	Reference to a smaller subdivision than level 1, e.g. Article 15.2
	Level 3	Reference to a smaller subdivision than level 2
	Level n	Reference to a smaller subdivision
Point in time	Point in time	YYYYMMDD Version of the act as valid at a given date
Version	Version	To distinguish between original act or consolidated version
Language	Language	To differ different official expressions of the same act Use of DCTERMS.ISO3166: 3 alpha

2. Proprjetajiet li jiddeskrivu kull att leġislattiv

Waqt li URI strutturat jista’ diġà jidentifika atti bl-użu ta’ ġabra ta’ komponenti definiti, l-attribuzzjoni ta’ metadata addizzjonali stabbilita fil-qafas ta’ sintassi kondiviża tipprovdi l-bażi għall-promozzjoni tal-interkambju u żżid l-interoperabbiltà bejn is-sistemi tal-informazzjoni legali. Meta jidentifikaw il-metadata li tiddeskrivi l-karatteristiċi essenzjali ta’ riżorsa, l-Istati Membri jkunu jistgħu jerġgħu jużaw informazzjoni rilevanti pproċessata minn oħrajn għall-bżonnijiet tagħhom, mingħajr ma jkollhom jistabbilixxu sistemi ta’ informazzjoni addizzjonali.

Għalhekk, waqt li l-Istati Membri għandhom il-libertà li jużaw l-iskema tagħhom ta’ metadata, huma mħeġġa biex isegwu u jużaw l-istandards ta’ metadata tal-ELI b’tabelli tal-awtoritajiet kondiviżi iżda li jistgħu jiġu estiżi, li jippermettu l-ilħuq ta’ rekwiżiti speċifiċi. L-iskema ta’ metadata tal-ELI hija maħsuba biex tintuża flimkien ma’ skemi ta’ metadata personalizzati.

Biex l-iskambju tad-data jsir aktar effiċjenti, l-elementi tal-metadata tal-ELI jistgħu jiġu organizzati f’serje f’konformità mar-rakkomandazzjoni tad-W3C, “RDFa in XHTML: Syntax and Processing”.

(a) Metadata

European Legislation Identifier (ELI)

Field name	Description	Field identifier	Cardinality	Data type	Comments
Legal resource (language independent) Any type of legal resource published in an Official Journal at the work level
	The number or string used to uniquely identify the resource ELI URI schema	id_document	1…*	String	See URI proposal
	Reference to the URI schema used	uri_schema	1	String	URI of the URI template schema
Local identifier	Local identifier: the unique identifier used in a local reference system	id_local	0…*	String	Act’s reference in the EU’s, country’s or region’s own terminology, e.g. CELEX id, national id
Type of legislation	The type of a legal resource (e.g. directive, règlement grand ducal, law, règlement ministeriel, draft proposition, Parliamentary act, eċċ.)	type_document	0…1	Authority table resource types	For European law based on authority table: Resource types = class names in the OP’s common data model (CDM). For national and regional laws specified on the appropriate level. Types of legislation are specific for each jurisdiction
Territorial application	Geographical scope of applicability of the resource (e.g. EU, country/Member State, region, eċċ.)	relevant_for	0…*	Authority table	Individual administrative units, taxonomy of possible values to be defined (NUTS taxonomy, two or more levels)
Agent/authority	Organisation(s) responsible for the resource The European institution, other bodies or Member State or regional bodies, who initiated/adopted the legal resource (e.g. European Parliament, Lussemburgu Government, Rheinland-Pfalz Parliament, eċċ.)	agent_document	0…*	Authority table corporate body	Based on authority tables: Corporate bodies/countries, if necessary extended to cover regional agents. Record project
Subagent/subauthority	Person or suborganisation primarily responsible for the resource (e.g. name of ministry if applicable)	Service	0…*	String	Text indicating responsible ministries, DGs, eċċ.
Subject	The subject of this legal resource	is_about	0…*	Reference to Eurovoc (concept_eurovoc)	Eurovoc, national and regional extensions might be needed for areas not currently covered
Date of document	The official adoption or signature date of the document	date_document	0…1	Date	Format: YYYY-MM-DD
Date of publication	Date in which this legal resource was officially published/ratified	date_publication	0…1	Date	Format: YYYY-MM-DD Depending on the Member State, the date of publication or ratification (signature of the responsible organisation)
Date entering in force	Applicable date for the resource, if known and unique. Otherwise use controlled vocabulary such as ‘multiple’, ‘unspecified-future’, eċċ.	date_entry-in-force	0…*	Date or string	Format: YYYY-MM-DD or string ‘unspecified’
Date no longer in force	Applicable date starting from which the resource is not in force anymore	date_no-longer-in force	0…*	Date or string	Format: YYYY-MM-DD or string ‘unspecified’
Status	Status of the legal resource (in force, not in force, partially applicable, implicitly revoked, explicitly revoked, repealed, expired, suspended, eċċ.)	Status	0…*	String	Free text
Related to	Reference to draft bills, judgments, press release, eċċ.	related_to	0…*	URI identifier to other legal resource(s)
Changed by	Legal resource changed (amended or replaced) by another legal resource (typically a newer version, replacement can be completely or partially)	changed_by	0…*	URI identifier to other legal resource(s)
Basis for	Legal resource (enabling act) enables another one (secondary legislation)	basis_for	0…*	URI identifier to other legal resource(s)	Enabling act/empowering act
Based on	Legal resource is based on another legal resource (e.g. a Treaty article, a provision in the constitution, framework legislation, enabling act, eċċ.)	based_on	0…*	URI identifier to other legal resource(s)
Cites	References to other legal resources mentioned in the resource	Cites	0…*	URI identifier to other legal resource(s)
Consolidates	Reference to the consolidated version(s) of the resource	consolidates	0…1	URI identifier to other legal resource(s)
Transposes	References to other legal resources that allow Member States to adopt relevant legislation	transposes	0…*	URI identifier to other legal resource(s)
Transposed by	References to other legal resources that have been adopted to comply with a framework legislation	transposed_by	0…*	URI identifier to other legal resource(s)
Interpretation (expression)
	Association of the expression with its work	belongs_to	1	URI of work
	Language version of the expression	language_expression	1	String	Based on authority table: Languages. Record project
	Title of the expression	title_expression	1	String	The name given to the resource, usually by the creator or publisher
Short title	Established short title of the expression (if any)	short_title_expression	0…1	String
Alias	Alternative title of the expression (if any)	title_alternative	0…1	String
Publication reference	Reference to the Official Journal or other publication in which the legal resource is published, identified by a suitable mechanism	published_in	0…*	String
Description of the act	A suitable free text description of the legal resource in the expression’s language (e.g. using the abstract)	description	0…1	String
Format (manifestation) link or description to the physical object
Manifestation belongs to an expression	Association of the manifestation with its expression	manifests	0…1	URI of expression	If a link to a file is given, then the manifests element must be present
Link to file	Link to the concrete file (can be a local link)	link_manifestation	0…*	Any URI
Publisher	The entity (e.g. agency including unit/branch/section) responsible for making the resource available in its present form, such as a publishing house, a university department, or a corporate entity	publisher	0…*	String	In a given country often a constant
Bold and underlined: mandatory field. Bold: recommended.

(b) Ontoloġija

L-ontoloġija hija “speċifikazzjoni formali espliċita ta’ kunċettwalizzazzjoni kondiviża” u tirrappreżenta deskrizzjoni formali ta’ ġabra ta’ kunċetti u r-relazzjonijiet f’qasam partikolari. Bid-deskrizzjoni tal-proprjetajiet ta’ leġislazzjoni u r-relazzjonijiet tagħhom ma’ kunċetti differenti, jista’ jkun hemm komprensjoni reċiproka u jiġu evitati ambigwitajiet bejn it-termini. Billi hija speċifikazzjoni formali, tista’ tiġi pproċessata direttament b’magna.

L-ELI stess hu mibni fuq il-mudell stabbilit sew għal “Rekwiżiti funzjonali għal reġistri bibljografiċi”, (FRBR, http://archive.ifla.org/VII/s13/frbr/), allinjat ma’ inizjattivi attwali oħra ta’ standardizzazzjoni fil-qasam. L-FRBR jiddistingwi bejn il-kunċetti ta’ “xogħol” (kreazzjoni intellettwali jew artistika distinta), “espressjoni” (ir-realizzazzjoni intellettwali jew artistika ta’ xogħol) u “manifestazzjoni” (il-materjalizzazzjoni ta’ espressjoni).

L-ELI jiddeskrivi r-riżorsi legali bl-istess kunċettwalizzazzjoni:

3. Dwar l-implimentazzjoni nazzjonali

3.1. Il-koordinatur nazzjonali tal-ELI

1.	Kull Stat Membru li juża l-ELI għandu jaħtar koordinatur nazzjonali tal-ELI. Pajjiż wieħed ma jistax ikollu aktar minn koordinatur tal-ELI wieħed.

Il-koordinatur nazzjonali tal-ELI huwa responsabbli biex:

(a)	Jirrapporta dwar il-progress tal-implimentazzjoni tal-ELI.

(b)	Jiddefinixxi l-mudell(i) applikabbli tal-URI u jikkomunikahom lill-Uffiċċju tal-Pubblikazzjonijiet tal-Unjoni Ewropea.

(c)	Jiddokumenta l-metadata disponibbli u r-relazzjonijiet tagħha mal-iskema tal-metadata tal-ELI (jekk dan japplika).

(d)	Jaqsam u jxerred l-informazzjoni dwar l-ELI.

3.	Il-koordinatur nazzjonali tal-ELI għandu jipprovdi informazzjoni biex tiġi ppubblikata fis-sit web tal-ELI, kif iddefinit fil-paragrafu 4, informazzjoni li tiddeskrivi l-mod kif inhu kompost in-numru ordinali.

3.2. Implimentazzjoni

1.	L-implimentazzjoni tal-ELI hija responsabbiltà nazzjonali.

2.	L-ELI jista’ b’mod fakultattiv jintuża wkoll fil-manifestazzjoni fiżika tal-att leġislattiv stess, biex jiffaċilita r-referenza.

4. Is-sit web tal-ELI

1.	Għandu jiġi stabbilit sit web tal-ELI; dan is-sit web għandu jagħmel parti mill-portal tal-EUR-Lex.

Is-sit web għandu jkun fih:

(a)

informazzjoni dwar il-format u l-użu tal-ELI. Fir-rigward tal-format għandu jkun fih:

(i)	ir-regoli tal-format kif deskritti fil-paragrafu 1.

(ii)	(referenza għal) lista bl-abbrevjazzjonijiet tal-pajjiżi parteċipanti.

(iii)

tagħrif tekniku.

(b)	informazzjoni dwar id-disponibbiltà tal-metadata u l-ontoloġija, kif imsemmija fil-paragrafu 2.

(c)	informazzjoni dwar il-koordinaturi nazzjonali tal-ELI: ir-rwol u r-responsabbiltajiet tagħhom, kif ukoll informazzjoni dwar il-kuntatt għal kull pajjiż.

5. L-ELI fl-UE

1.	Il-koordinatur tal-ELI għall-UE huwa l-Uffiċċju tal-Pubblikazzjonijiet tal-Unjoni Ewropea.

2.	Fejn ikun meħtieġ fl-Anness “pajjiż” jew “Stat Membru” għandu jaqra “UE”.

26.10.2012

Il-Ġurnal Uffiċjali tal-Unjoni Ewropea

C 325/12

L-informazzjoni segwenti qed tinġieb għall-attenzjoni ta' ABDOLLAHI Hamed (magħruf ukoll bħala Mustafa Abdullahi), ARBABSIAR Manssor (magħruf ukoll bħala Mansour Arbabsiar), SHAKURI Ali Gholam u SOLEIMANI Qasem (magħruf ukoll bħala Ghasem Soleymani, magħruf ukoll bħala Qasmi Sulayman, magħruf ukoll bħala Qasem Soleymani, magħruf ukoll bħala Qasem Solaimani, magħruf ukoll bħala Qasem Salimani, magħruf ukoll bħala Qasem Solemani, magħruf ukoll bħala Qasem Sulaimani, magħruf ukoll bħala Qasem Sulemani), inklużi fil-lista pprovduta fl-Artikolu 2(3) tar-Regolament tal-Kunsill (KE) Nru 2580/2001 dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu elenkata fir-Regolament ta' Implimentazzjoni tal-Kunsill (UE) Nru 542/2012 (1)

2012/C 325/03

Ir-Regolament tal-Kunsill (KE) Nru 2580/2001 tas-27 ta' Diċembru 2001 jipprevedi l-iffriżar tal-fondi kollha, l-assi finanzjarji u r-riżorsi ekonomiċi l-oħrajn li jappartjenu lill-persuni, il-gruppi u l-entitajiet ikkonċernati u li l-ebda fondi, assi finanzjarji u riżorsi ekonomiċi oħrajn ma jistgħu jsiru disponibbli għalihom, kemm direttament jew indirettament.

Il-Kunsill ingħata tagħrif ġdid rilevanti għall-elenkar tal-persuni msemmija hawn fuq. Wara li kkunsidra din l-informazzjoni ġdida, il-Kunsill emenda d-dikjarazzjonijiet tar-raġunijiet kif meħtieġ.

Il-persuni u l-gruppi kkonċernati jistgħu jippreżentaw talba biex jiksbu d-dikjarazzjoni aġġornata tar-raġunijiet tal-Kunsill għaliex qed jinżammu fil-lista msemmija hawn fuq f'dan l-indirizz:

Kunsill tal-Unjoni Ewropea

(Attn: CP 931 designations)

Rue de la Loi/Wetstraat 175

1048 Bruxelles/Brussel

BELGIQUE/BELGIË

Tali talba għandha tiġi ppreżentata fi żmien 3 ġimgħat mid-data tal-pubblikazzjoni ta' dan l-avviż.

Il-persuni kkonċernati jistgħu fi kwalunkwe ħin jippreżentaw talba lill-Kunsill, flimkien ma' kwalunkwe dokumentazzjoni ta' appoġġ, li d-deċiżjoni biex jiġu inklużi u jinżammu fuq il-lista għandha tiġi kkunsidrata mill-ġdid, fl-indirizz ipprovdut hawn fuq. Tali talbiet ikunu kkunsidrati meta jiġu rċevuti. F'dan ir-rigward, qed tinġibed l-attenzjoni tal-persuni kkonċernati għar-reviżjoni regolari tal-lista mill-Kunsill f'konformità mal-Artikolu 1(6) tal-Pożizzjoni Komuni 2001/931/PESK. Biex it-talbiet jiġu kkunsidrati fir-reviżjoni li jmiss, huma għandhom jiġu ppreżentati fi żmien tliet ġimgħat mid-data tan-notifika ta' dan l-avviż.

Qed tinġibed l-attenzjoni tal-persuni kkonċernati għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif elenkati fl-Anness għar-Regolament sabiex tinkiseb awtorizzazzjoni biex jintużaw fondi ffriżati għal ħtiġijiet essenzjali jew ħlasijiet speċifiċi f'konformità mal-Artikolu 5(2) ta' dak ir-Regolament. Lista aġġornata tal-awtoritajiet kompetenti hija disponibbli fuq l-internet f'dan l-indirizz:

http://ec.europa.eu/comm/external_relations/cfsp/sanctions/measures.htm

(1) ĠU L 165, 26.6.2012, p. 12.

Il-Kummissjoni Ewropea

26.10.2012

Il-Ġurnal Uffiċjali tal-Unjoni Ewropea

C 325/13

Rata tal-kambju tal-euro (1)

Il-25 ta’ Ottubru 2012

2012/C 325/04

1 euro =

	Munita	Rata tal-kambju
USD	Dollaru Amerikan	1,2993
JPY	Yen Ġappuniż	104,15
DKK	Krona Daniża	7,4588
GBP	Lira Sterlina	0,80490
SEK	Krona Żvediża	8,6883
CHF	Frank Żvizzeru	1,2097
ISK	Krona Iżlandiża
NOK	Krona Norveġiża	7,4615
BGN	Lev Bulgaru	1,9558
CZK	Krona Ċeka	24,901
HUF	Forint Ungeriż	279,72
LTL	Litas Litwan	3,4528
LVL	Lats Latvjan	0,6961
PLN	Zloty Pollakk	4,1400
RON	Leu Rumen	4,5660
TRY	Lira Turka	2,3369
AUD	Dollaru Awstraljan	1,2510
CAD	Dollaru Kanadiż	1,2884
HKD	Dollaru ta' Hong Kong	10,0701
NZD	Dollaru tan-New Zealand	1,5775
SGD	Dollaru tas-Singapor	1,5845
KRW	Won tal-Korea t'Isfel	1 425,37
ZAR	Rand ta' l-Afrika t'Isfel	11,3116
CNY	Yuan ren-min-bi Ċiniż	8,1102
HRK	Kuna Kroata	7,5530
IDR	Rupiah Indoneżjan	12 482,86
MYR	Ringgit Malażjan	3,9545
PHP	Peso Filippin	53,588
RUB	Rouble Russu	40,5850
THB	Baht Tajlandiż	39,876
BRL	Real Brażiljan	2,6345
MXN	Peso Messikan	16,8077
INR	Rupi Indjan	69,6100

(1) Sors: rata tal-kambju ta' referenza ppubblikata mill-Bank Ċentrali Ewropew.

Aġenzija Ewropea għad-Difiża

26.10.2012

Il-Ġurnal Uffiċjali tal-Unjoni Ewropea

C 325/14

Pubblikazzjoni tal-kontijiet finali għas-sena finanzjarja 2011

2012/C 325/05

Il-verżjoni sħiħa tal-kontijiet finali tinsab fl-indirizz segwenti:

http://www.eda.europa.eu/

V Avviżi

PROĊEDURI AMMINISTRATTIVI

Il-Kummissjoni Ewropea

26.10.2012

Il-Ġurnal Uffiċjali tal-Unjoni Ewropea

C 325/15

SEJĦA GĦALL-PROPOSTI – EACEA/40/12

MEDIA 2007 – Promozzjoni/Aċċess għas-Swieq

2012/C 325/06

1. Objettivi u Deskrizzjoni

Dan l-avviż ta’ sejħa għall-proposti huwa bbażat fuq id-Deċiżjoni Nru 1718/2006/KE tal-Parlament Ewropew u tal-Kunsill tal-15 ta’ Novembru 2006 dwar l-implimentazzjoni ta’ programm ta’ appoġġ lis-settur awdjoviżiv Ewropew (MEDIA 2007).

L-objettivi tad-Deċiżjoni tal-Kunsill hawn fuq imsemmija jinkludu:

—

l-iffaċilitar u t-tħeġġiġ tal-promozzjoni u ċ-ċirkolazzjoni ta’ xogħol awdjoviżiv u ċinematografiku Ewropew waqt wirjiet kummerċjali, fieri u festivals awdjoviżivi fl-Ewropa u madwar id-dinja, sakemm avvenimenti bħal dawn jista’ jkollhom rwol importanti fil-promozzjoni ta’ xogħlijiet Ewropej u fin-netwerking ta’ professjonisti;

—	it-tħeġġiġ tal-ħolqien ta’ netwerks ta’ operaturi Ewropej, billi jiġu appoġġati attivitajiet konġunti fis-swieq Ewropej u dawk internazzjonali permezz ta’ korpi ta’ promozzjoni nazzjonali jew privati.

2. Applikanti Eleġibbli

Dan l-avviż huwa indirizzat lill-organizzazzjonijiet Ewropej; dawk reġistrati fi u kkontrollati minn ċittadini mill-Istati Membri tal-Unjoni Ewropea u mill-pajjiżi tal-Ftehim Ekonomiku Ewropew li qegħdin jipparteċipaw fil-Programm MEDIA 2007 (l-Islanda, il-Liechtenstein, in-Norveġja), l-Isvizzera u l-Kroazja.

Il-Bosnja-Ħerzegovina (taħt il-kundizzjoni tal-finalizzazzjoni tal-proċess ta’ negozjati u l-formalizzazzjoni tal-parteċipazzjoni ta’ dan il-pajjiż għall-programm MEDIA).

3. Azzjonijiet Eliġibbli

L-objettiv ta’ din is-sejħa għall-proposti huwa li jappoġġja azzjonijiet u attivitajiet li jseħħu fi u barra mill-pajjiżi membri tal-Programm MEDIA.

L-objettivi huma li jiġu appoġġati azzjonijiet li għandhom l-għanijiet li ġejjin:

—	li jtejbu ċ-ċirkolazzjoni ta’ xogħlijiet awdjoviżivi Ewropej billi jiżguraw li s-settur awdjoviżiv Ewropew ikollu aċċess għas-swieq awdjoviżivi Ewropej u internazzjonali professjonali;

—	li jinkoraġġixxu attivitajiet komuni bejn organizzazzjonijiet nazzjonali li jippromwovu films u programmi awdjoviżivi;

—	li jinkoraġġixxu l-bini ta’ sħubija ekonomika bejn pajjiżi u professjonisti ġewwa u barra l-programm MEDIA u li jiffaċilitaw għarfien reċiproku u fehim aħjar.

Il-proġetti għandhom idumu għaddejjin għal perjodu massimu ta’ 12-il xahar.

L-attivitajiet għandhom jibdew mhux qabel l-1 ta’ Ġunju 2013 u jintemmu mhux wara l-31 ta’ Diċembru 2014.

4. Kriterji għall-Għoti

Applikanti/proġetti eliġibbli sejrin jiġu evalwati fuq il-bażi ta’ punteġġ ta’ 100 punt skont il-kriterji li ġejjin:

Dimensjoni Ewropea tal-azzjoni	30 punt
Impatt fuq il-promozzjoni u ċ-ċirkolazzjoni tax-xogħlijiet awdjoviżivi Ewropej	30 punt
Il-kwalità u l-kost-effikaċja tal-pjan ta’ azzjoni sottomess	25 punt
Aspetti innovattivi tal-azzjoni	5 punti
Promozzjoni ta’ xogħlijiet awdjoviżivi li ġejjin minn pajjiżi Ewropej li għandhom kapaċità żgħira ta’ produzzjoni awdjoviżiva	10 punti

5. Baġit

Il-baġit totali stmat allokat għall-kofinanzjament ta’ proġetti jammonta għal EUR 3 000 000.

L-għajnuna massima finanzjarja ma tistax tkun aktar minn 50 % tal-ispejjeż totali tal-azzjoni.

L-Aġenzija tirriżerva d-dritt li ma tallokax il-fondi kollha disponibbli.

6. Data ta’ Skadenza Għas-Sottomissjonijiet

Id-dati ta’ skadenza biex jintbagħtu l-applikazzjonijiet huma:

—	14 ta’ Diċembru 2012 għall-attivitajiet li se jibdew bejn l-1 ta’ Ġunju 2013 sal-31 ta’ Diċembru 2013.

—	3 ta’ Ġunju 2013 għall-attivitajiet annwali li ser iseħħu fl-2014 u l-attivitajiet li jibdew bejn l-1 ta’ Jannar 2014 u l-31 ta’ Mejju 2014.

L-applikazzjonijiet għandhom jintbagħtu fl-indirizz li ġej:

Education, Audiovisual and Culture Executive Agency (EACEA)

Unit Programme MEDIA — P8

Call for Proposals EACEA/40/12 Promotion/Access to Markets

BOUR 3/30

Avenue du Bourget/Bourgetlaan 1

1049 Bruxelles/Brussel

BELGIQUE/BELGIË

Sejrin jiġu aċċettati biss applikazzjonijiet li jiġu sottomessi fuq il-formola t-tajba, mimlija kif suppost, iddatati u ffirmati mill-persuna bis-setgħa ġuridika li torbot lill-organizzazzjoni li qiegħda tapplika.

Applikazzjonijiet mibgħuta b’fax jew b’email ma jiġux aċċettati.

7. Tagħrif Sħiħ

Il-linji gwida għas-sejħa għall-proposti, kif ukoll il-formoli tal-applikazzjoni, huma disponibbli fl-indirizz li ġej:

http://ec.europa.eu/culture/media/programme/promo/markt/forms/index_en.htm

L-applikazzjonijiet għandhom jiġu sottomessi permezz tal-formola pprovduta u għandu jkun fihom l-appendiċi u l-informazzjoni kollha mitluba.

26.10.2012

Il-Ġurnal Uffiċjali tal-Unjoni Ewropea

C 325/s3

AVVIŻ

Fis-26 ta' Ottubru 2012, f'Il-Ġurnal Uffiċjali tal-Unjoni Ewropea C 325 A, se jiġi ppubblikat il-“Katalgu komuni ta' varjetajiet ta' speċi ta' pjanti agrikoli — is-seba’ supplement tat-30 edizzjoni kompluta”.

L-abbonati tal-Ġurnal Uffiċjali jistgħu jiksbu l-istess numru ta’ kopji u verżjonijiet lingwistiċi ta’ dan il-Ġurnal Uffiċjali bħal dawk li jiksbu bl-abbonament mingħajr ħlas. L-abbonati huma mitluba jirritornaw il-formola mehmuża hawnhekk, mimlija u bin-numru sħiħ tal-abbonament tagħhom (il-kodiċi jidher fuq ix-xellug ta’ kull tikketta u jibda: O/…). Dan il-Ġurnal Uffiċjali se jibqa’ disponibbli mingħajr ħlas għal sena mid-data ta’ meta jiġi ppubblikat.

Nonabbonati jistgħu jordnaw dan il-Ġurnal Uffiċjali bi ħlas f’wieħed mill-uffiċini tal-bejgħ tagħna (ara http://publications.europa.eu/others/agents/index_mt.htm).

Dan il-Ġurnal Uffiċjali — bħall-Ġurnali Uffiċjali kollha (L, C, CA, CE) — jista’ jiġi kkonsultat mingħajr ħlas online fuq http://eur-lex.europa.eu

Top

Choose the experimental features you want to try