22.12.2017   

MT

Il-Ġurnal Uffiċjali tal-Unjoni Ewropea

C 441/1

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8680. Il-EUR-Lex hu l-aċċess fuq l-internet għal-liġi Ewropea.

22.12.2017   

MT

Il-Ġurnal Uffiċjali tal-Unjoni Ewropea

C 441/1

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8717. Il-EUR-Lex hu l-aċċess fuq l-internet għal-liġi Ewropea.

22.12.2017   

MT

Il-Ġurnal Uffiċjali tal-Unjoni Ewropea

C 441/2

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8705. Il-EUR-Lex hu l-aċċess fuq l-internet għal-liġi Ewropea.

22.12.2017   

MT

Il-Ġurnal Uffiċjali tal-Unjoni Ewropea

C 441/3

1.

IFAKKAR fl-Artikolu 168 tat-Trattat dwar il-Funzjonament tal-Unjoni Ewropea (TFUE), li jipprevedi li għandu jiġi żgurat livell għoli ta' protezzjoni tas-saħħa tal-bniedem fid-definizzjoni u l-implimentazzjoni tal-politiki u l-attivitajiet kollha tal-Unjoni, u li jiddikjara wkoll li l-azzjoni tal-Unjoni għandha tikkomplementa l-politiki nazzjonali, filwaqt li tirrispetta r-responsabbiltajiet tal-Istati Membri għad-definizzjoni tal-politika tagħhom dwar is-saħħa u għall-organizzazzjoni u l-għoti ta' servizzi tas-saħħa u ta' kura medika.

2.

IFAKKAR fil-prinċipji tas-suq intern kif previsti fit-Trattat dwar l-Unjoni Ewropea u fit-TFUE.

3.

IFAKKAR fl-inizjattivi varji adottati mill-Kunsill dwar il-ħsara relatata mal-alkoħol ikkawżata mill-użu dannuż tal-alkoħol u, b'mod partikolari, l-aħħar konklużjonijiet tal-Kunsill dwar strateġija tal-UE dwar it-tnaqqis tal-ħsara relatata mal-alkoħol, adottati fis-7 ta' Diċembru 2015 (1)  (2).

4.

IFAKKAR fir-riżoluzzjoni adottata mill-Parlament Ewropew fid-29 ta' April 2015 dwar “Strateġija dwar l-Alkoħol” (3) li tistieden lill-Kummissjoni biex taħdem fuq Strateġija ġdida dwar l-Alkoħol (2016-2022), fejn il-Parlament Ewropew “jenfasizza l-ħtieġa li tal-inqas il-kontenut ta' kaloriji tax-xorb alkoħoliku jiġi ddikjarat b'mod ċar fuq it-tikketti mill-aktar fis possibbli”, u “jistieden lill-Kummissjoni tevalwa u, jekk ikun meħtieġ, tirriforma r-rwol u l-funzjonament tal-Forum Ewropew dwar l-Alkoħol u s-Saħħa (4)” u tiżdied l-interazzjoni mal-Kumitat dwar il-Politika u l-Azzjoni Nazzjonali dwar l-Alkoħol (CNAPA) (5) fil-livell tal-UE.

5.

IFAKKAR fil-komunikazzjoni mill-Kummissjoni dwar “Strateġija tal-UE li tappoġġa lill-Istati Membri għat-tnaqqis ta' ħsara relatata mal-alkoħol” (2007-2012) (6), b'mod partikolari fejn aspetti transkonfinali, pereżempju ta' rekwiżiti ta' tikkettar jew reklamar, jibbenifikaw mill-valur miżjud ta' azzjoni fil-livell tal-UE, u JILQA' l-impenji mill-Kummissjoni biex tkompli bl-isforzi u tappoġġa din l-azzjoni, b'mod partikolari fil-qafas tas-CNAPA u tal-Forum Ewropew dwar l-Alkoħol u s-Saħħa.

6.

IFAKKAR fir-rapport ippreżentat mill-Kummissjoni lill-Parlament Ewropew u lill-Kunsill fit-13 ta' Marzu 2017 dwar it-tikkettar obbligatorju tal-lista tal-ingredjenti u d-dikjarazzjoni dwar in-nutrizzjoni tax-xorb alkoħoliku (7).

7.

IFAKKAR fl-opinjoni maħruġa mill-Kumitat tar-Reġjuni fid-9 ta' Frar 2017 dwar “Il-ħtieġa għal strateġija tal-UE dwar kwistjonijiet relatati mal-alkoħol u kif ħa naslu għaliha” (8), li tappella għal strateġija ġdida tal-UE dwar l-alkoħol, li tapprova l-appell mill-Kunsill u mill-Parlament Ewropew għal tmexxija politika b'saħħitha dwar din il-kwistjoni, u li tenfasizza oqsma partikolari għal azzjoni, bħat-tnaqqis tal-esponiment tat-tfal u ż-żgħażagħ għall-kummerċjalizzazzjoni u r-reklamar tal-alkoħol, it-titjib tat-tikkettar tal-alkoħol fil-livell tal-UE u t-titjib tas-sigurtà fit-toroq.

8.

IFAKKAR fil-Karta Ewropea dwar l-Ambjent u s-Saħħa (9), li tirrikonoxxi, fost il-prinċipji għall-politika pubblika, li saħħet l-individwi u l-komunitajiet għandha tieħu preċedenza ċara fuq kunsiderazzjonijiet ta' ekonomija u kummerċ.

9.

IFAKKAR fl-Istrateġija Globali biex jitnaqqas l-użu dannuż tal-alkoħol (10) approvata mill-Assemblea Dinjija tas-Saħħa tal-Organizzazzjoni Dinjija tas-Saħħa (WHO) fil-21 ta' Mejju 2010, kif ukoll il-pjan ta' azzjoni Ewropew tad-WHO biex jitnaqqas l-użu dannuż tal-alkoħol 2012-2020 (11), approvat mit-53 Stat Membru kollha fir-Reġjun Ewropew tad-WHO fil-15 ta' Settembru 2011. Iż-żewġ dokumenti jenfasizzaw il-ħtieġa li jiġi adottat approċċ komprensiv u biex jiġu involuti b'mod adegwat setturi bħalma huma l-iżvilupp, it-trasport, il-ġustizzja, l-assistenza soċjali, il-politika fiskali, il-kummerċ, l-agrikoltura, il-politika tal-konsumatur, l-edukazzjoni u l-impjiegi, kif ukoll is-soċjetà ċivili u l-operaturi ekonomiċi (12).

10.

IFAKKAR fil-Pjan ta' azzjoni globali għall-prevenzjoni u l-kontroll tal-mard li ma jitteħidx (NCDs) 2013-2020 (13) approvat mill-Assemblea Dinjija tas-Saħħa f'Mejju 2013, li jistabbilixxi l-għan li jinkiseb tnaqqis relattiv fl-użu dannuż tal-alkoħol ta' mill-inqas 10 % sal-2025.

11.

IFAKKAR fl-Għanijiet ta' Żvilupp Sostenibbli adottati mill-Assemblea Ġenerali tan-Nazzjonijiet Uniti f'Settembru 2015, li jinkludi l-għan li tissaħħaħ il-prevenzjoni u t-trattament tal-abbuż ta' sustanzi, inkluż l-użu dannuż tal-alkoħol (14).

12.

JILQA' l-progress miksub mill-Istati Membri bl-implimentazzjoni tal-miżuri previsti fl-istrateġiji u l-pjanijiet ta' azzjoni nazzjonali tagħhom li jkopru firxa wiesgħa u li għandhom l-għan li jnaqqsu l-użu dannuż tal-alkoħol.

13.

JINNOTA BI TĦASSIB li l-Ewropa għadha ir-reġjun bl-għola livell ta' konsum ta' alkoħol fid-dinja. Il-livell medju ta' konsum huwa kważi d-doppju tal-medja dinjija (15). Il-ħsara kkawżata mill-alkoħol għalhekk hija l-ogħla fid-dinja, kemm jekk fil-forma ta' bosta kondizzjonijiet tas-saħħa fejn l-alkoħol huwa magħruf li jikkontribwixxu għalihom (16) jew bħala spejjeż fost oħrajn ikkawżati lis-soċjetà mill-kriminalità, il-vjolenza, l-abilità mnaqqsa għax-xogħol, jew il-ħsara lit-tfal u l-familji (17).

14.

JINNOTA li t-tnaqqis tal-użu dannuż tal-alkoħol jikkontribwixxi kemm għat-tkabbir sostenibbli tal-ekonomija Ewropea kif ukoll għall-benessri tal-popolazzjoni. It-tnaqqis tal-użu dannuż tal-alkoħol iġib miegħu benefiċċji ekonomiċi u finanzjarji għall-Istati Membri kollha u għaċ-ċittadini tagħhom, pereżempju billi jikkontribwixxi għas-sostenibbiltà tas-sistemi ta' sigurtà soċjali f'konformità mal-għanijiet tal-Istrateġija Ewropa 2020 (18).

15.

JENFASIZZA li l-użu dannuż tal-alkoħol jikkontribwixxi wkoll b'mod sinifikanti għall-inugwaljanzi fis-saħħa bejn l-Istati Membri kif ukoll fi ħdanhom (19).

16.

JENFASIZZA li t-tnaqqis tal-ħsara relatata mal-alkoħol jirrikjedi azzjonijiet fuq firxa ta' oqsma ta' politika u li jinvolvi ħafna setturi tas-soċjetà fil-livell lokali, reġjonali, nazzjonali, Ewropew u internazzjonali, sabiex jinkisbu benefiċċji umani u soċjali kif ukoll dawk ekonomiċi u finanzjarji għall-Istati Membri kollha u għaċ-ċittadini tagħhom.

17.

JINNOTA li skont l-opinjoni xjentifika tal-Grupp Xjentifiku tal-Forum Ewropew dwar l-Alkoħol u s-Saħħa (20) u studji aktar reċenti (21), il-kummerċjalizzazzjoni ta' xorb alkoħoliku għandha impatt fuq l-imġiba tal-konsumaturi, b'mod partikolari dik tat-tfal u ż-żgħażagħ, li huma aktar esposti għar-reklamar permezz ta' mezzi ta' komunikazzjoni ġodda online u li jkollhom probabbiltà akbar li jħallu impressjoni pożittiva tal-marki li jisponsorjaw attivitajiet sportivi.

18.

JINNOTA li fir-rapport tagħha dwar it-tikkettar obbligatorju tal-lista tal-ingredjenti u d-dikjarazzjoni dwar in-nutrizzjoni tax-xorb alkoħoliku (22), il-Kummissjoni tikkonkludi li m'hemm l-ebda raġuni għaliex tali informazzjoni għandha tkun assenti fir-rigward tax-xorb alkoħoliku, u tistieden lill-industrija biex tippreżenta, fi żmien sena, proposta għal awtoregolamentazzjoni għas-settur kollu tax-xorb alkoħoliku.

19.

JINNOTA li, filwaqt li r-Regolament (UE) Nru 1169/2011 jeżenta x-xorb alkoħoliku mill-għoti obbligatorju tal-informazzjoni dwar l-ingredjenti u l-valuri nutrizzjonali, bosta Stati Membri żammew jew adottaw miżuri nazzjonali li jimponu rekwiżiti ta' tikkettar jew twissijiet tas-saħħa u xi manifatturi tal-alkoħol jipprovdu b'mod volontarju din l-informazzjoni lill-konsumaturi.

20.

JINNOTA BI TĦASSIB li, għalkemm il-prezz tal-alkoħol huwa wieħed mill-fatturi l-aktar importanti li jirregolaw il-konsum totali tal-alkoħol u wieħed mill-aktar għodod b'saħħithom li l-pajjiżi jistgħu jużaw għall-prevenzjoni tal-użu dannuż tal-alkoħol (23), l-objettivi tas-saħħa ta' diversi Stati Membri jistgħu jiġu kompromessi mill-kwantitajiet eċċessivament kbar ta' alkoħol trasportat, allegatament għal użu personali, minn pajjiż għall-ieħor.

21.

JINNOTA BI TĦASSIB li d-disponibbiltà fiżika u l-faċilità ta' aċċess għall-alkoħol għandu impatt fuq il-konsum tal-alkoħol u li, f'dan il-kuntest, l-iżvilupp ta' bejgħ online jippreżenta sfidi ġodda għall-Istati Membri biex jindirizzaw din il-kwistjoni, b'mod partikolari fir-rigward tad-disponibbiltà ta' xorb alkoħoliku lill-minuri.

22.

JINNOTA BI TĦASSIB li l-effettività tar-regolamenti u l-pjanijiet tal-Istati Membri li għandhom l-għan li jintroduċu miżuri għall-ħarsien tas-saħħa pubblika u għall-prevenzjoni tal-użu dannuż tal-alkoħol tista' tiddgħajjef permezz tal-esponiment għar-reklamar transkonfinali, inkluż ir-reklamar online, u l-kummerċ transkonfinali, inkluż il-bejgħ online. Għalhekk, il-kooperazzjoni multilaterali, li tinvolvi oqsma differenti ta' politika, timmassimizza l-benefiċċji ta' miżuri nazzjonali relatati ma' kwistjonijiet ta' saħħa marbuta mal-alkoħol.

23.

JINNOTA li data komparabbli dwar il-konsum tal-alkoħol u l-ħsara mill-alkoħol miġbura abbażi ta' metodoloġija komuni hija ta' valur kbir għall-iżvilupp ta' miżuri ta' politika dwar l-alkoħol fi ħdan l-UE, kif ukoll għall-valutazzjoni tal-impatt tagħhom, u, f'dan il-kuntest, JILQA' l-ħidma li diġà twettqet fil-qafas tal-Azzjoni Konġunta dwar it-Tnaqqis tal-Ħsara Relatata mal-Alkoħol (JARARHA) (24).

24.

Ikomplu jsaħħu l-implimentazzjoni tal-Pjan ta' azzjoni globali għall-prevenzjoni u l-kontroll tal-mard li ma jitteħidx 2013-2020, bil-ħsieb li tinkiseb il-mira ta' tnaqqis relattiv ta' 10 % fl-użu dannuż tal-alkoħol sal-2025.

25.

Ikomplu jintegraw l-objettiv tat-tnaqqis tal-ħsara relatata mal-alkoħol fil-politiki nazzjonali rilevanti kollha, bħal politiki li x'aktarx jkollhom impatt fuq il-prezzijiet tax-xorb alkoħoliku kif ukoll politiki li għandhom l-għan li jirregolaw il-kummerċjalizzazzjoni u l-arranġamenti għall-bejgħ tal-alkoħol, kif irrakkomandat fil-konklużjonijiet tal-Kunsill dwar is-Saħħa fil-Politiki Kollha (25).

26.

Jeżaminaw il-possibbiltà li jadottaw miżuri mmirati biex jitnaqqas l-użu dannuż tal-alkoħol fil-livell nazzjonali u fil-qafas ta' kooperazzjoni bilaterali u multilaterali, filwaqt li jirrispettaw il-funzjonament bla xkiel tas-suq intern, bħal miżuri mmirati biex jħarsu lit-tfal u liż-żgħażagħ mill-esponiment għar-reklamar transkonfinali fis-suq uniku, biż-żieda fl-effiċjenza tal-informazzjoni pprovduta permezz tat-tikkettjar tax-xorb alkoħoliku u bil-prevenzjoni ta' attivitajiet illegali marbuta ma' trasport transkonfinali ta' alkoħol.

27.

Jissorveljaw mill-qrib il-konformità mal-miżuri nazzjonali u dawk tal-UE li għandhom l-għan li jipprevjenu l-użu dannuż tal-alkoħol, bħall-età minima għax-xiri tal-alkoħol u l-kondizzjonijiet applikabbli għat-trasport transkonfinali ta' xorb alkoħoliku.

28.

Jesploraw modi possibbli, inkluż permezz ta' arranġamenti bilaterali u multilaterali, biex iżommu kwistjonijiet transkonfinali milli jispiċċaw ikollhom impatt negattiv fuq l-effettività tal-miżuri nazzjonali mmirati għall-indirizzar tal-użu dannuż tal-alkoħol.

29.

Ikomplu l-ġbir u l-kondiviżjoni ta' informazzjoni fil-livell tal-UE dwar miżuri nazzjonali adottati fil-kuntest tal-politika dwar l-alkoħol, kif ukoll dwar l-infurzar ta' miżuri nazzjonali relatati mal-alkoħol.

30.

Ikomplu jiżviluppaw il-kollaborazzjoni u l-kondiviżjoni tal-aħjar prattiki bl-għan li jitnaqqas l-użu dannuż tal-alkoħol fi ħdan l-UE kull fejn ikun possibbli, b'mod partikolari permezz ta' sorveljanza aħjar tal-attivitajiet suxxettibbli li jdgħajfu l-effettività ta' politiki nazzjonali dwar l-alkoħol fi Stati Membri oħra, pereżempju t-trasmissjoni transkonfinali ta' messaġġi promozzjonali u x-xiri transkonfinali ta' xorb alkoħoliku.

31.

Jappoġġaw l-iżvilupp ta' studji u riċerka xjentifika bl-għan li jiġu identifikati l-aktar miżuri u inizjattivi effiċjenti li jindirizzaw l-użu dannuż tal-alkoħol u jaqsmu r-riżultati tagħhom, sabiex, fost l-oħrajn, jiġi ottimizzat l-impatt tal-informazzjoni pprovduta dwar ix-xorb alkoħoliku, pereżempju permezz tat-tikkettar.

32.

Jibnu fuq il-ħidma mwettqa mill-WHO, jiżviluppaw, fil-kuntest ta' azzjoni konġunta tal-UE dwar l-użu dannuż tal-alkoħol u f'kollaborazzjoni mal-aġenziji kompetenti tal-UE u korpi oħra (26), metodoloġija komuni għall-ġbir u l-analiżi ta' data rilevanti għall-monitoraġġ u l-evalwazzjoni tal-impatt ta' miżuri transsettorjali nazzjonali u dawk tal-UE għat-tnaqqis tal-użu dannuż tal-alkoħol, inkluż statistika dwar ix-xiri transkonfinali u data biex jiġi evalwat il-volum, il-kontenut u l-impatt tal-kummerċjalizzazzjoni tal-alkoħol fil-media l-ġdida, b'mod partikolari l-impatt tagħha fuq it-tfal u ż-żgħażagħ.

33.

Tadotta strateġija dedikata għat-tnaqqis tal-ħsara relatata mal-alkoħol, kif imsemmi fil-paragrafu 21 tal-konklużjonijiet tal-Kunsill dwar Strateġija tal-UE dwar it-tnaqqis tal-ħsara relatata mal-alkoħol (27), li għandha tieħu kont tal-aspetti xjentifiċi, teknoloġiċi, ekonomiċi u soċjali tal-użu dannuż tal-alkoħol u l-iżviluppi f'oqsma differenti ta' politika li għandhom impatt fuq il-ħsara relatata mal-alkoħol li seħħet mis-sena 2012 'il hawn.

34.

Tkompli tintegra l-objettivi tat-tnaqqis tal-ħsara relatata mal-alkoħol fil-politiki rilevanti kollha tal-UE, f'konformità mar-rakkomandazzjonijiet fil-konklużjonijiet tal-Kunsill dwar is-Saħħa fil-Politiki Kollha.

35.

Filwaqt li tirrispetta bis-sħiħ il-prinċipji ta' sussidjarjetà u proporzjonalità, kif ukoll it-tradizzjonijiet soċjali u kulturali kemm lokali kif ukoll reġjonali, tkompli tappoġġa l-politiki ta' prevenzjoni tal-Istati Membri għat-tnaqqis tal-konsum tal-alkoħol, għall-prevenzjoni tal-abbuż mill-alkoħol u biex tiġi indirizzata l-ħsara li jikkawża.

36.

Tesplora l-possibbiltajiet kollha biex tkompli tiffinanzja l-inizjattivi tal-partijiet ikkonċernati kollha fil-qafas tat-tielet programm ta' azzjoni fil-qasam tas-saħħa pubblika (28), jiġifieri fil-qafas tas-CNAPA. Tniedi u timplimenta Azzjoni Konġunta ġdida dwar l-użu dannuż tal-alkoħol, filwaqt li tibni fuq il-ħidma li nbdiet mis-suċċess tal-JARARHA li ntemmet fl-2016, skont il-programm tas-saħħa.

37.

Tkompli l-monitoraġġ tal-iżvilupp tal-media ġodda u tevalwa l-adegwatezza tal-miżuri attwali bl-għan li jitnaqqas l-esponiment, speċjalment tat-tfal u ż-żgħażagħ, għar-reklamar tal-alkoħol trasmess permezz tal-media diġitali, inkluż il-media soċjali.

38.

Tieħu kont, fil-valutazzjoni tal-proposti għall-awtoregolamentazzjoni dwar il-forniment ta' informazzjoni dwar l-ingredjenti u l-valuri nutrizzjonali tax-xorb alkoħoliku li għandhom jiġu mressqa mill-industrija sa Marzu 2018 (29), il-ħtieġa tal-konsumaturi għall-informazzjoni u l-kapaċità li jagħmlu għażliet infurmati, il-benefiċċji potenzjali tal-miżuri proposti għall-prevenzjoni tal-użu dannuż tal-alkoħol u l-imġiba li twassal għal dipendenza, u l-ħtieġa li jiġi żgurat l-funzjonament bla xkiel tas-suq uniku u l-impatt pożittiv jew negattiv tal-miżuri proposti fuq is-setturi kollha.

Jekk l-approċċ awtoregolatorju ma jitqiesx sodisfaċenti, tniedi mingħajr dewmien valutazzjoni tal-impatt bil-ħsieb li tippreżenta lill-Parlament Ewropew u lill-Kunsill sal-aħħar tal-2019 il-miżuri xierqa mmirati biex jiżguraw l-għoti tal-informazzjoni rilevanti dwar l-ingredjenti u l-valuri nutrizzjonali għas-settur kollu tax-xorb alkoħoliku.

Tiżgura t-trasparenza tal-valutazzjoni u tal-miżuri sussegwenti, billi jsiru disponibbli għall-pubbliku f'forma faċilment aċċessibbli u b'mod dettaljat ir-raġunijiet tagħhom kif ukoll l-informazzjoni rilevanti kollha.

39.

Filwaqt li tkompli tirrapporta kull sentejn lill-Kunsill dwar l-eżitu tal-ħidma tagħha u l-progress li jkun sar fil-qasam tat-tnaqqis tal-ħsara relatata mal-alkoħol (30), iżżomm għad-dispożizzjoni tal-pubbliku reġistru uniku online tal-inizjattivi u l-attivitajiet kollha li tkun għamlet il-Kummissjoni dwar id-diversi politiki li jista' jkollhom impatt fuq l-indirizzar tal-użu dannuż tal-alkoħol.

22.12.2017   

MT

Il-Ġurnal Uffiċjali tal-Unjoni Ewropea

C 441/8

1.

L-Artikolu 67(1) tat-Trattat dwar il-Funzjonament tal-Unjoni Ewropea jipprevedi l-ħolqien ta’ spazju ta’ libertà, sigurtà u ġustizzja b’rispett għad-drittijiet fundamentali u s-sistemi u t-tradizzjonijiet legali differenti tal-Istati Membri.

2.

Spazju Ewropew ta’ libertà, sigurtà u ġustizzja li fih tista’ sseħħ il-kooperazzjoni ġudizzjarja ma jirrikjedix biss għarfien tal-liġi Ewropea, iżda wkoll għarfien reċiproku tas-sistemi legali tal-Istati Membri l-oħra, inkluż il-leġislazzjoni nazzjonali.

3.

L-Identifikatur Ewropew tal-Leġislazzjoni (ELI) għandu l-għan li jiffaċilita l-aċċess għal u l-kondiviżjoni u l-interkonnessjoni ta’ informazzjoni legali ppubblikata permezz ta’ sistemi ta’ informazzjoni legali fuq livell nazzjonali, Ewropew u globali.

4.

L-ELI jintuża biex tinħoloq sistema ta’ aċċess għal-leġislazzjoni li jkun aktar miftuħ, dirett u trasparenti għaċ-ċittadini, in-negozji u l-amministrazzjoni fil-livell tal-UE u lil hinn.

5.

L-użu tal-identifikatur u tal-metadata strutturata tal-ELI biex issir referenza għal-leġislazzjoni u biex din tiġi kklassifikata jiggarantixxi aċċess aktar faċli għall-informazzjoni legali u jiffaċilita l-iskambju u l-użu mill-ġdid tagħha. Bħala eżempju, l-ELI jintuża biex jissimplifika l-proċess li bih il-miżuri nazzjonali ta’ traspożizzjoni jiġu nnotifikati lill-Kummissjoni u ppubblikati mill-Uffiċċju tal-Pubblikazzjonijiet fuq is-sit web tal-EUR-Lex.

6.

B’mod partikolari, is-sistema tal-ELI:

7.

Il-Kunsill adotta l-konklużjonijiet li ġejjin.

8.

Il-portali tal-Ġurnali Uffiċjali u l-Gazzetti Legali nazzjonali u Ewropej jipprovdu aċċess għal informazzjoni dwar il-leġislazzjoni u pubblikazzjonijiet uffiċjali oħra.

9.

L-għarfien dwar is-sustanza u l-applikazzjoni tal-liġi tal-Unjoni Ewropea jista’ jinkiseb minn sorsi legali tal-UE u minn sorsi nazzjonali, b’mod partikolari mil-leġislazzjoni nazzjonali li timplimenta l-liġi tal-Unjoni Ewropea.

10.

Fid-dawl tal-kooperazzjoni fi ħdan l-Unjoni Ewropea kibret il-ħtieġa li l-informazzjoni legali li toriġina mill-awtoritajiet reġjonali u nazzjonali tiġi identifikata u skambjata fil-livell Ewropew. Din il-ħtieġa tiġi ssodisfata parzjalment permezz tat-tqegħid tal-informazzjoni legali għad-dispożizzjoni b’mod diġitali u l-użu mifrux tal-Internet. Madanakollu, l-iskambju ta’ informazzjoni legali f’format elettroniku hu mxekkel mid-differenzi li jeżistu bejn is-sistemi legali nazzjonali differenti, kif ukoll id-differenzi fis-sistemi tekniċi li jintużaw biex il-leġislazzjoni tinħażen u tintwera fis-siti web nazzjonali. Dan ixekkel l-interoperabbiltà bejn is-sistemi ta’ informazzjoni tal-istituzzjonijiet nazzjonali u Ewropej, minkejja d-disponibbiltà ta’ aktar dokumenti f’format elettroniku.

11.

L-użu tal-Identifikatur Ewropew tal-Leġislazzjoni (ELI), abbażi tal-prinċipju tal-adozzjoni volontarja u gradwali, jgħin biex dawn il-problemi jingħelbu. Permezz tal-għażla li jintużaw identifikaturi uniċi, li tiġi assenjata metadata strutturata għal-leġislazzjoni nazzjonali fil-Ġurnali Uffiċjali u l-Gazzetti Legali u li l-metadata tiġi ppubblikata f’format li jista’ jerġa’ jintuża, l-Istati Membri jistgħu jippermettu tiftix u kondiviżjoni ta’ informazzjoni li jkunu effettivi, aktar rapidi u faċli għall-utent, kif ukoll mekkaniżmi ta’ tiftix effiċjenti għal-leġislaturi, l-imħallfin, l-operaturi fil-qasam tal-ġustizzja u ċ-ċittadini.

12.

Jenħtieġ li kull Stat Membru jkompli jopera l-Ġurnali Uffiċjali u l-Gazzetti Legali nazzjonali tiegħu kif jidhirlu li jkun xieraq.

13.

Madanakollu, sistema komuni għall-identifikazzjoni tal-leġislazzjoni u l-istrutturar tal-metadata assoċjata titqies bħala mezz utli biex jiġi ffaċilitat l-iżvilupp ulterjuri tal-leġislazzjoni nazzjonali interkonnessa u biex tkun ta’ servizz għall-operaturi fil-qasam tal-ġustizzja u ċ-ċittadini meta jużaw dawn is-sistemi ta’ informazzjoni legali.

14.

L-ELI għandu jiggarantixxi aċċess pubbliku kosteffettiv għal leġislazzjoni affidabbli u aġġornata u hu soġġett għal introduzzjoni volontarja u gradwali. Għal dan il-għan:

15.

L-ELI jagħti lill-Istati Membri u lill-Unjoni Ewropea mezz flessibbli, konsistenti, uniku u li kapaċi jawtodokumenta ruħu biex issir referenza għal-leġislazzjoni f’sistemi legali differenti. L-URIs tal-ELI huma mezz stabbli ta’ identifikazzjoni unika ta’ kwalunkwe att leġislattiv fl-Unjoni Ewropea kollha, b’kont meħud tal-ispeċifiċitajiet tas-sistemi legali nazzjonali (1).

16.

L-ELI ma jieħux biss kont tal-kumplessità u l-ispeċifiċità tas-sistemi leġislattivi reġjonali, nazzjonali u Ewropej, iżda wkoll tal-bidliet fir-riżorsi legali (eż. il-konsolidazzjonijiet, l-atti li tħassru, eċċ). Huwa tfassal biex jiffunzjona bla xkiel fuq il-bażi ta’ sistemi eżistenti bl-użu ta’ data strutturata u jista’ jkompli jiġi żviluppat minn kwalunkwe pubblikatur tal-leġislazzjoni nazzjonali fil-livell Ewropew u lil hinn, bir-ritmu tiegħu.

17.

Minbarra l-Istati Membri, il-pajjiżi kandidati, l-Istati ta’ Lugano (2) u oħrajn huma mħeġġa jużaw is-sistema tal-ELI.

18.

B’segwitu għall-Konklużjonijiet tal-Kunsill tas-26 ta’ Ottubru 2012, ġew implimentati r-rakkomandazzjonijiet li ġejjin:

19.

Il-Kunsill jilqa’ l-inizjattiva ta’ għadd ta’ Stati Membri biex jimplimentaw l-ELI fuq bażi volontarja fil-livell nazzjonali.

20.

It-“Task Force tal-Identifikatur Ewropew tal-Leġislazzjoni” fil-qosor it-“TF tal-ELI”, hu l-entità li nħolqot mill-Grupp ta’ Ħidma dwar il-Leġislazzjoni Elettronika tal-Kunsill tal-Unjoni Ewropea biex tiddefinixxi l-ispeċifikazzjonijiet relatati mal-ELI u biex tiżgura li fil-futur dawn jevolvu u jinżammu f’qafas strutturat:

21.

Jenħtieġ li l-grupp ta’ esperti tal-Grupp ta’ Ħidma dwar il-Leġislazzjoni Elettronika (Leġislazzjoni elettronika) dwar l-ELI javvanza din l-inizjattiva billi

22.

Il-Kunsill jinnota li kull pilastru tal-ELI (jiġifieri l-identifikaturi uniċi, l-ontoloġija u l-metadata) hu soġġett għal introduzzjoni volontarja, gradwali u fakultattiva.

23.

Dawn il-pilastri tal-ELI jistgħu jiġu implimentati indipendentement minn xulxin, iżda lkoll flimkien jagħtu l-benefiċċji sħaħ tal-ELI. Il-Kunsill jistieden lill-Istati Membri li jiddeċiedu li jintroduċu l-ELI fuq bażi volontarja:

22.12.2017   

MT

Il-Ġurnal Uffiċjali tal-Unjoni Ewropea

C 441/13

Council of the European Union

General Secretariat

DG C 1C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Email: [email protected]

22.12.2017   

MT

Il-Ġurnal Uffiċjali tal-Unjoni Ewropea

C 441/14

22.12.2017   

MT

Il-Ġurnal Uffiċjali tal-Unjoni Ewropea

C 441/15

22.12.2017   

MT

Il-Ġurnal Uffiċjali tal-Unjoni Ewropea

C 441/16

22.12.2017   

MT

Il-Ġurnal Uffiċjali tal-Unjoni Ewropea

C 441/17

22.12.2017   

MT

Il-Ġurnal Uffiċjali tal-Unjoni Ewropea

C 441/18

22.12.2017   

MT

Il-Ġurnal Uffiċjali tal-Unjoni Ewropea

C 441/19

22.12.2017   

MT

Il-Ġurnal Uffiċjali tal-Unjoni Ewropea

C 441/20

22.12.2017   

MT

Il-Ġurnal Uffiċjali tal-Unjoni Ewropea

C 441/21

1.

Fil-11 ta’ Diċembru 2017, il-Kummissjoni rċeviet notifika ta’ proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

L-impriżi CEFC Europe u Rockaway Capital jakkwistaw fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet il-kontroll konġunt ta’ EBT.

Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   l-impriża CEFC Europe: din l-impriża hija parti mill-grupp CEFC, li huwa kumpanija privata b’enfasi fuq lis-servizzi tal-enerġija u s-servizzi finanzjarji. Fl-UE, il-grupp CEFC jopera fis-swieq tal-mettallurġija, prodotti tal-makkinarji, l-industrija tal-birra, lukandi, il-kiri tal-proprjetà (uffiċċji u ħwienet u l-ġestjoni ta’ klabb sportiv (tal-futbol), u qed tespandi għas-servizzi finanzjarji u bankarji.

—   l-impriża Rockaway Capital: din l-impriża tinvesti f’kumpaniji eżistenti, u fi start-ups fil-qasam tas-servizzi tal-Internet, inkluż il-kummerċ elettroniku.

—   l-impriża EBT: EBT hija kumpanija azzjonarja li indirettament tikkontrolla kumpaniji oħra li joperaw fis-settur tal-forniment ta’ servizzi turistiċi, b’mod partikolari l-bejgħ tal-vaganzi organizzati minn terzi persuni, il-bejgħ online ta’ biljetti tal-ajru u fl-intermedjazzjoni l-assikurazzjoni tal-ivvjaġġar (iżda li tingħata biss bħala servizz anċillari fil-qasam tal-bejgħ tal-vjaġġi kollox kompriż u li mhumiex offruti b’mod separat).

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8759 — CEFC/Rockaway Capital/European Bridge Travel.

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: