Duais Eorpach Charlemagne don Óige 2025: cuir aithne ar na buaiteoirí náisiúnta
Is deis í an Duais Eorpach Charlemagne don Óige chun tacaíocht a fháil do thionscnamh AE atá á threorú ag an óige.
Tá sé mar aidhm ag an Duais Eorpach Charlemagne don Óige aitheantas a thabhairt do thionscnaimh arna reáchtáil ag daoine óga a leagann béim ar an daonlathas, a chuireann saoránacht ghníomhach chun cinn agus a tharraingíonn pobail éagsúla le chéile
Duais Eorpach do dhaoine óga
Tá sé mar aidhm ag an Duais Charlemagne don Óige aitheantas a thabhairt do shaoránaigh de thír den Aontas atá idir 16-30 bliain d'aois a bhfuil tionscaimh á ndéanamh acu a dhéanann difríocht ina bpobal nó i bhfad i gcéin. Bhí go dtí 30 Eanáir agat cur isteach air.
Na buaiteoirí náisiúnta
Ar dtús, rinne giúréithe náisiúnta measúnú ar na tionscadail ar fad, ag roghnú ainmní amháin le haghaidh gach tír.
Na chéad chéimeanna eile: an searmanas bronnta
Tabharfar cuireadh d'ionadaithe na mbuaiteoirí náisiúnta freastal ar an tsearmanas bronnta in Aachen, an Ghearmáin, an 27 Bealtaine, áit a fhógrófar na trí thionscadal is fearr ag leibhéal an Aontais.
Roghnófar na tionscadail a bhuaigh an chéad, an dara agus an tríú duais as measc na 27 mbuaiteoir náisiúnta. Is í Uachtarán na Parlaiminte Roberta Metsola atá ina cathaoirleach ar an ngiúiré, agus tá Leas-Uachtaráin na Parlaiminte Sabine Verheyen agus Pina Picierno ina measc, chomh maith le triúr comhaltaí de bhord Fhondúireacht Dhuais Idirnáisiúnta Charlemagne Aachen, ionadaí ó Fhóram Eorpach na nÓg agus buaiteoir chéad duaise na bliana seo caite.
Beidh deis ag an triúr buaiteoirí cuairt a thabhairt ar Pharlaimint na hEorpa sa Bhruiséil nó in Strasbourg, agus tairgfear Tréimhse Oiliúna Schuman d’ionadaí amháin ó gach tionscadal buaiteach Eorpach.
An Duais Eorpach Charlemagne don Óige: eagraithe agus duaiseanna
Gach bliain, bronnann Parlaimint na hEorpa agus an Fhondúireacht um Dhuais Idirnáisiúnta Charlemagne in Aachen an Duais Eorpach Charlemagne don Óige chun an obair mhór a dhéanann daoine óga a chomóradh. Is minic a leagann na tionscadail seo béim ar chomhfhéiniúlacht Eorpach agus ar an todhchaí.
Bronntar €7,500 don chéad duais, €5,000 don dara duais agus €2,500 don tríú duais.
Bhí 6,500 tionscadal san iomaíocht don duais ó 2008.
