It-tmexxija tagħna
Biex iwettaq il-mandat tiegħu, il-Bank Ċentrali Ewropew (BĊE) jieħu varjetà ta’ deċiżjonijiet li ta’ spiss ikunu estensivi. Dawn jittieħdu minn korpi differenti tal-BĊE, kull wieħed b’irwoli definiti b’mod ċar.
Korpi deċiżjonali
Skopri x’jagħmel kull korp tal-BĊE u kif isawwar il-politika monetarja jew l-attivitajiet ta’ superviżjoni bankarja tagħna, kif ukoll firxa ta’ kompiti oħra.
Bord Eżekuttiv
Il-Bord Eżekuttiv tagħna jimmaniġġa l-ħidma ta’ kuljum tal-BĊE u jħejji d-deċiżjonijiet għall-korp deċiżjonali ewlieni tagħna, il-Kunsill Governattiv. Il-membri tal-Bord Eżekuttiv jagħmlu parti wkoll mill-Kunsill Governattiv.
Sir af aktar dwar il-Bord EżekuttivIl-Kunsill Governattiv
Il-Kunsill Governattiv huwa l-ogħla korp deċiżjonali tagħna. Dan jistabbilixxi l-livell tar-rati tal-imgħax tal-politika tagħna. Jiddeċiedi wkoll liema, u kif, għodod oħra tal-politika monetarja għandhom jintużaw fiż-żona tal-euro.
Aqra aktar dwar il-Kunsill GovernattivIl-Kunsill Ġenerali
Il-Kunsill Ġenerali tagħna jlaqqa’ flimkien uffiċjali ta’ livell għoli mill-banek ċentrali kollha fl-Unjoni Ewropea. Huwa responsabbli għal kompiti speċifiċi u se jissokta bir-rwol tiegħu minħabba li hemm pajjiżi tal-UE li ma adottawx l-euro.
Sir af aktar dwar il-Kunsill ĠeneraliBord Superviżorju
Il-Bord Superviżorju jippjana u jissorvelja l-kompiti ta’ superviżjoni bankarja tagħna. Huwa jħejji abbozzi ta’ deċiżjonijiet superviżorji għall-adozzjoni mill-Kunsill Governattiv tagħna.
Sir af aktar dwar il-Bord Superviżorju