Ár gceannaireacht
Chun a shainordú a chomhlíonadh, déanann an Banc Ceannais Eorpach (BCE) cinntí éagsúla a mbíonn tionchar forleathan acu go minic. Is iad comhlachtaí éagsúla BCE a dhéanann na cinntí sin, agus róil atá sainithe go soiléir ag gach ceann acu.
Comhlachtaí cinnteoireachta
Faigh amach faoin méid a dhéanann gach comhlacht BCE agus faoi mar a mhúnlaíonn sé ár mbeartas airgeadaíochta nó ár ngníomhaíochtaí maoirseachta baincéireachta, chomh maith le raon cúraimí eile.
An Bord Feidhmiúcháin
Bainistíonn ár mBord Feidhmiúcháin obair laethúil BCE agus ullmhaíonn sé cinntí dár bpríomhchomhlacht cinnteoireachta, an Chomhairle Rialaithe. Suíonn comhaltaí an Bhoird Feidhmiúcháin ar an gComhairle Rialaithe freisin.
Foghlaim tuilleadh faoin mBord FeidhmiúcháinAn Chomhairle Rialaithe
Is í an Chomhairle Rialaithe an comhlacht cinnteoireachta is airde atá againn. Socraíonn sí leibhéal ár rátaí úis beartais. Cinneann sí freisin cé na huirlisí beartais airgeadaíochta eile atá le húsáid sa limistéar euro agus conas a úsáidfear iad.
Léigh tuilleadh faoin gComhairle RialaitheAn Chomhairle Ghinearálta
Tugann ár gComhairle Ghinearálta oifigigh ardchéime ó na bainc cheannais uile san Aontas Eorpach le chéile. Tá sí freagrach as cúraimí sonracha agus leanfaidh sí dá ról fad is atá tíortha AE ann nach bhfuil an euro glactha acu.
Foghlaim tuilleadh faoin gComhairle GhinearáltaAn Bord Maoirseachta
Déanann an Bord Maoirseachta ár gcúraimí maoirseachta baincéireachta a phleanáil agus a mhaoirsiú. Ullmhaíonn sé dréachtchinntí maoirseachta lena nglacadh ag ár gComhairle Rialaithe.
Foghlaim tuilleadh faoin mBord Maoirseachta