Seirbhísí closamhairc d’iriseoirí 

 

Cuireann Parlaimint na hEorpa raon leathan áiseanna closamhairc ardfhorbartha ar fáil atá deartha do chraoltóirí agus d’iriseoirí ilmheán a chlúdaíonn gnóthaí Eorpacha. Agus iad lonnaithe sa Bhruiséil agus in Strasbourg araon, cuireann na stiúideonna úrscothacha seo ar do chumas ábhar ardcháilíochta a tháirgeadh ó chroílár dhaonlathas na hEorpa - go hiomlán saor in aisce.

Cibé acu ag craoladh beo, ag taifeadadh agallamh, nó ag táirgeadh ábhar ilmheán cuimsitheach atá tú, comhlíonann ár n-áiseanna agus ár dtacaíocht theicniúil na caighdeáin ghairmiúla is airde.

Saoráidí atá ar fáil do na meáin:

  • Stiúideonna Teilifíse: Tá siad feistithe go hiomlán le haghaidh craoltaí beo, cláir réamhthaifeadta, agus agallamh, agus ní mór iriseoir, agus Feisire de Pharlaimint na hEorpa (MEP) mar aoi, a bheith sna stiúideonna craolta seo. Tá siad ar fáil go heisiach do ghairmithe meán.
  • Seiteanna Ilmheán Cruinnithe Comhchéime: Tá siad foirfe le haghaidh beoshruthú nó díospóireachtaí agus cláir phlé a thaifeadadh agus éascaíonn na seiteanna seo naisc le hardáin ilmheán agus imeachtaí hibrideacha éagsúla. Is féidir rannpháirtíocht ar an láthair agus rannpháirtíocht chianda a dhéanamh, agus is gá Feisire amháin ar a laghad a bheith ann mar chainteoir a fuair cuireadh.
  • Stiúideonna Raidió: Tá na stiúideonna seo oiriúnach do chraoltaí beo agus do tháirgeadh fuaime ar ardchaighdeán, ag éascú rannpháirtíocht ar an láthair nó chianda. Is féidir iad a úsáid freisin chun podchraoltaí a thaifeadadh gan gá le Feisire a bheith i láthair.
  • Suíomhanna Seasaimh: Tá siad suite gar don seomra tionóil ina ndéantar príomhchinntí agus ina dtarlaíonn príomhdhíospóireachtaí agus tá na suíomhanna seo an-oiriúnach d’idirghabhálacha gearra beo nó taifeadta, bíodh Feisire i láthair nó ná bíodh.
  • Spásanna Oibre: Is féidir iad a chur in áirithe le haghaidh socruithe saincheaptha i rith an lae agus tá na réimsí seo le húsáid le trealamh agus criú an iriseora féin.
  • Criúnna Ceamara: Bíonn foirne ar fáil chun tacú le d’agallaimh leis na Feisirí ón ullmhúchán go dtí an seachadadh deiridh ar fud áitribh éagsúla de chuid Pharlaimint na hEorpa.
  • Seirbhís Grianghrafadóireachta: An fhéidearthacht grianghrafadóir a iarraidh ar feadh suas le 10 nóiméad chun pictiúir a ghlacadh le linn agallaimh leis na Feisirí.

Tá ár saoráidí go léir á mbainistiú ag foireann thiomnaithe gairmithe chun cúnamh pearsantaithe a chur ar fáil. Molaimid áirithint a dhéanamh i bhfad roimh ré chun a chinntiú go mbeidh an fhoireann ghairmiúil tiomanta ar fáil agus chun leas a bhaint as an bhfoireann sin chun eispéireas táirgthe rianúil a chinntiú.

Le haghaidh tuilleadh eolais nó áirithintí díreacha, seol ríomhphost chugainn ag:

Chun tuilleadh sonraí a fháil, féach ar ár mBróisiúr closamhairc nó tabhair cuairt ar an Leathanach gréasáin Closamhairc.

Faisnéis faoi tháirgí 

TAG.:  20251208SRV32068