Ir-rwol tal-Kummissjoni Ewropea
Il-Kummissjoni Ewropea hi l-entità eżekuttiva tal-Unjoni Ewropea. Ir-rwoli ewlenin tagħha jinkludu:
- li tipproponi liġijiet u programmi ġodda
- li tissorvelja l-implimentazzjoni tagħhom
- li timmaniġġja l-baġit tal-UE
Il-Kummissjoni tiżgura wkoll li l-politiki u l-liġijiet tal-UE jiġu applikati b’mod korrett fl-Istati Membri kollha, tinnegozja ftehimiet internazzjonali f’isem l-UE, u talloka l-finanzjament. Barra minn hekk, hi tirrappreżenta l-interessi tal-UE fix-xena globali, filwaqt li tiżgura approċċ ikkoordinat fost il-pajjiżi tal-UE.
Kif issawwar l-istrateġija u l-politiki tal-UE
Kif tipproponi liġijiet ġodda u timplimentahom
Kif tipproponi u timplimenta l-baġit u l-finanzjament tal-UE
Kif tfassal il-politika tal-iżvilupp, tinnegozja l-ftehimiet u twassal l-għajnuna madwar id-dinja
Kif inhi organizzata l-Kummissjoni Ewropea
Tmexxija politika
Kulleġġ ta’ 27 Kummissarju, immexxi mill-President tal-Kummissjoni, jiddirieġi l-ħidma tal-Kummissjoni. Il-Kummissarji jaħdmu fuq prijoritajiet politiċi speċifiċi li huma stabbiliti mill-President tal-Kummissjoni.
Aqra l-istorja viżiva tagħna: Kif jiġu eletti u maħtura l-mexxejja tal-UE
Dipartimenti u aġenziji eżekuttivi
Il-Kummissjoni hi organizzata:
- F’dipartimenti ta’ politika, magħrufin bħala Direttorati Ġenerali, responsabbli għal oqsma ta’ politika differenti. Huma jiżviluppaw, jimplimentaw u jimmaniġġjaw il-politika, il-liġi u l-programmi ta' finanzjament tal-UE.
- Barra minn hekk, id-dipartimenti ta' servizz jittrattaw kwistjonijiet amministrattivi partikulari.
- L-aġenziji eżekuttivi jimmaniġġjaw programmi stabbiliti mill-Kummissjoni.
Lista ta’ dipartimenti u aġenziji eżekuttivi
Uffiċċji tal-Kummissjoni
Il-Kummissjoni Ewropea hi preżenti f’kull Stat Membru b’mill-anqas uffiċċju ta’ rappreżentanza wieħed inkarigat mill-komunikazzjoni u l-informazzjoni fil-livell lokali.
L-uffiċċji barra l-UE, magħrufin bħala Delegazzjonijiet tal-UE, huma mmaniġġjati mis-Servizz Ewropew għall-Azzjoni Esterna. Huma jgħinu kemm fil-promozzjoni tal-interessi u tal-politiki tal-UE kif ukoll iwettqu varjetà ta' programmi ta' assistenza.
Standards u prinċipji tas-servizzi
Ċerti prinċipji jiggwidaw lill-Kummissjoni f'xogħolha: it-trasparenza, l-imġiba etika, l-opportunitajiet indaqs, il-multilingwiżmu, kif ukoll it-trasformazzjoni diġitali u l-impatt ambjentali.
Konsultazzjonijiet, reġistri tat-trasparenza, aċċess għad-dokumenti, u benefiċjarji tal-finanzjament tal-UE
Prinċipji u regoli li jirregolaw il-kondotta tal-Kummissarji u l-istaff tal-Kummissjoni
L-użu tal-lingwi fl-għoti ta’ informazzjoni lill-pubbliku u l-interazzjoni miegħu
Viżjoni għal organizzazzjoni moderna, flessibbli, u msejsa fuq il-valuri.
Pjan għat-trasformazzjoni diġitali tal-Kummissjoni
Pjan tal-Kummissjoni biex tinkiseb in-newtralità klimatika sal-2030
Karrieri
Il-Kummissjoni taħdem kontinwament biex toffri lill-istaff tagħha post tax-xogħol modern u biex tattira u żżomm magħha l-aħjar talent fil-pajjiżi kollha tal-UE.
Dawk li jaħdmu fil-Kummissjoni jgħinu fit-tiswir tal-futur tal-Ewropa u jeħtieġ li jkollhom prestazzjoni fl-ogħla livell fl-interess tal-Ewropej kollha.
Kun parti minn komunità diversa u multikulturali ta’ professjonisti li jaħdmu madwar l-UE u lil hinn
Sib informazzjoni dwar il-paga, il-benefiċċji, l-ambjent tax-xogħol u kif tista’ tiżviluppa l-karriera tiegħek fil-Kummissjoni
Aqra l-profili tal-karrieri differenti tagħna, esplora t-tipi ta’ kuntratti, u skopri jekk tissodisfax ir-rekwiżiti tal-eliġibbiltà
Links relatati
Modi kif ninvolvu ruħna fil-ħidma tagħna, mill-parteċipazzjoni fit-tfassil tal-politika għall-applikazzjoni għall-finanzjament tal-UE
Żjarat individwali u fi gruppi fil-Kummissjoni u fl-uffiċċji tagħha
Skopri l-istorja wara s-simbolu l-aktar rikonoxxibbli tal-Ewropa
Għandek mistoqsijiet għall-Kummissjoni jew dwarha? Din hija l-informazzjoni ta’ kuntatt tagħna