اقوام متحدہ کے ادارہ برائے اطفال (یونیسف) نے کہا ہے کہ موسمیاتی آفات میں اضافے سے تعلیمی بحران بھی بڑھ رہا ہے اور گزشتہ سال 85 ممالک میں سخت گرمی، طوفانی بارشوں، سیلاب اور خشک سالی کے باعث 24 کروڑ 20 لاکھ بچوں کی تعلیم متاثر ہوئی۔
اقوام متحدہ کے سیکرٹری جنرل انتونیو گوتیرش نے تعلیم کو بنیادی انسانی حق اور فرد و معاشرے کی ترقی کے لیے بنیاد قرار دیتے ہوئے کہا ہے کہ تمام انسانوں کو علم تک آسان اور مساوی رسائی ملنی چاہیے۔
خواتین اور لڑکیوں کے خلاف تشدد کے مسئلے پر اقوام متحدہ کی خصوصی اطلاع کار ریم السالم نے امریکہ میں 1972 کے تعلیمی قانون کی صنفی امتیاز سے متعلق شق 'ٹائٹل 9' میں تبدیلی سے متعلق محکمہ تعلیم کے نئے ضابطوں کو عدالت کی جانب سے مسترد کیے جانےکا خیرمقدم کیا ہے۔
اقوام متحدہ کے سیکرٹری جنرل انتونیو گوتیرش نے خبردار کیا ہے کہ مصنوعی ذہانت میں ترقی کی رفتار اسے سنبھالنے کے لیے دنیا کی صلاحیت سے کہیں آگے ہے جس کے باعث جوابدہی، مساوات، تحفظ، سلامتی اور فیصلہ سازی میں انسانی کردار سے متعلق بنیادی سوالات کھڑے ہو رہے ہیں۔
اقوام متحدہ کا تعلیمی، سائنسی اور ثقافتی ادارہ (یونیسکو) غزہ میں بچوں اور نوعمر افراد کی ذہنی صحت میں بہتری لانے کے لئے مختلف منصوبوں کے ذریعے انہیں نفسیاتی معاونت فراہم کر رہا ہے۔
2023 کی طرح رواں سال بھی جنگ زدہ علاقوں میں صحافیوں اور ذرائع ابلاغ کے کارکنوں کو شدید خطرات کا سامنا رہا۔ امسال کم از کم 68 صحافی اپنے فرائض انجام دیتے ہوئے ہلاک ہوئے اور ایسی 60 فیصد سے زیادہ اموات ایسے ممالک میں ہوئیں جہاں جنگیں جاری ہیں۔
مہندی سے نقش و نگار بنانا، روانڈا کا اینورے رقص، پرتگال میں گھڑ سواری کا مخصوص فن، تھائی لینڈ کا ٹوم یم سوپ اور جاپان میں چاول کی پھپھوندی سے شراب بنانے کا علم اقوام متحدہ کے تعلیمی، سائنسی و ثقافتی ادارے (یونیسکو) کے غیرمادی عالمی ورثے کا حصہ بن گئے ہیں۔
اقوام متحدہ کے ادارہ سیاحت (یو این ٹورازم) نے بتایا ہے کہ معاشی، جغرافیائی اور موسمیاتی مسائل کے باوجود عالمی سیاحت رواں سال کے اختتام پر کووڈ وبا کے منفی اثرات سے پوری طرح نکل آئے گی۔
'تہذیبوں کے اتحاد' کا 10واں عالمی فورم پرتگال کے شہر کیسکس میں ختم ہو گیا ہے جس کے شرکا نے دنیا کو امن اور باہمی رواداری کا پیغام دیا اور انسانی تنوع کے احترام، تفریق کے خلاف جدوجہد اور بین المذاہب ہم آہنگی کے فروغ کا عزم کیا۔
اقوام متحدہ کے تعلیمی، سائنسی و ثقافتی ادارے یونیسکو کے ایک تازہ سروے کے مطابق دنیا بھر کے 62 فیصد ڈیجیٹل تخلیق کار انٹرنیٹ پر معلومات شیئر کرنے سے پہلے ان کی تصدیق نہیں کرتے۔
