امدادی امور کے لیے اقوام متحدہ کے رابطہ دفتر (اوچا) نے جمعہ کو جاری کردہ اپنے بیان میں کہا ہے کہ غزہ میں امدادی کارروائیاں شمال سے جنوب تک اہم امداد کے ساتھ لوگوں تک پہنچ رہی ہیں، جن میں نقد رقم بھی شامل ہے۔
اقوام متحدہ کے اعلیٰ سطحی امدادی رابطہ کار ٹام فلیچر نے کہا ہے کہ دوسری عالمی جنگ کے بعد بنائے جانے والے بین الاقوامی نظام بشمول اقوام متحدہ اور کثیرفریقی اداروں کو اپنے قیام کے بعد سب سے بڑے امتحان کا سامنا ہے۔
اقوام متحدہ کی سلامتی کونسل کو بتایا گیا ہے کہ لیبیا کو جمہوری اور خوشحال ملک بنانے کا خواب سابق قذافی حکومت کے خلاف آنے والے انقلاب سے 14 سال بعد بھی پورا نہیں ہو سکا اور ملک کو تقسیم، معاشی بدانتظامی، حقوق کی پامالیوں اور عدم استحکام کا سامنا ہے۔
سوڈان میں جاری تباہ کن خانہ جنگی نے ملک کو غذائی قلت، بڑے پیمانے پر نقل مکانی اور شدید عدم تحفظ کی صورت میں کثیرالجہتی انسانی بحران سے دوچار کر دیا ہے۔
اقوام متحدہ اور شراکتی اداروں نے غزہ میں فوری اور متواتر مدد پہنچانے کی ضرورت پر زور دیتے ہوئے کہا ہے کہ 15 ماہ کی جنگ سے تباہ حال لوگوں کو انسانی امداد کی فراہمی جاری ہے لیکن بڑے پیمانے پر ضروریات کے باعث اس میں مزید اضافہ ہونا چاہیے۔
اقوام متحدہ کے خصوصی نمائندے جیئر پیڈرسن رواں ہفتے شام کا دورہ کر رہے ہیں جہاں وہ عبوری حکومت کے عہدیداروں سمیت معاشرے کے مختلف طبقات کی نمائندگی کرنے والوں سے ملک میں قیام امن، استحکام اور ترقی پر بات چیت کریں گے۔
سیاسی امور اور قیام امن کے لیے اقوام متحدہ کے اسسٹنٹ سیکرٹری جنرل برائے یورپ میروسلاو جینکا نے کہا ہے کہ یوکرین میں امن معاہدہ اقوام متحدہ کے چارٹر اور عالمی قانون کے مطابق ہونا چاہیے جس میں ملک کی خودمختاری، آزادی اور سلامتی کو یقینی بنایا جانا ضروری ہے۔
اقوام متحدہ کے پروگرام برائے خوراک (ڈبلیو ایف پی) نے جمہوریہ کانگو کے مشرقی شہر بوکاؤ میں ہزاروں ٹن امدادی سامان لوٹے جانے کی مذمت کرتے ہوئے کہا ہےکہ ایسے واقعات سے لاکھوں تباہ حال لوگوں کی زندگی خطرے میں پڑ جائے گی۔
اقوام متحدہ اور اس کے شراکت داروں نے سوڈان میں جاری خانہ جنگی کے باعث اندرون و بیرون ملک نقل مکانی کرنے والے 2 کروڑ 60 لاکھ لوگوں کے لیے 6 ارب ڈالر کے امدادی وسائل مہیا کرنے کی اپیل کی ہے۔
اقوام متحدہ کے سیکرٹری جنرل انتونیو گوتیرش نے عالمی برادری سے کہا ہے کہ وہ مصائب کا شکار سوڈان کے لوگوں کی اسی طرح مدد کرے جس طرح سوڈان نے ماضی میں اپنے ہمسایوں کا ساتھ دیا تھا۔
