Wataalamu wa Umoja wa Mataifa kuhusu haki za binadamu hii leo wameeleza wasiwasi wao mkubwa baada ya Rais wa Marekani kusaini Amri ya Kiuendaji inayoruhusu vikwazo dhidi ya Mahakama ya Kimataifa ya Uhalifu, ICC, wafanyakazi wake, na watu binafsi au washirika wake.
Mgogoro wa kibinadamu unazidi kuongezeka nchini Haiti huku makundi yenye silaha yakiendelea kutekeleza ukatili wa kutisha dhidi ya watoto limesema leo shirika la Umoja wa Mataifa la kuhudumia watoto UNICEF.
Mkurugenzi Mkuu wa shirika la Umoja wa Mataifa la Afya duniani, WHO Dkt. Tedros Ghebreyesus amesisitiza kuwa shirika hilo haliegemei upande wowote wa nchi mwanachama na kwamba limeanzishwa kwa ajili ya kuhudumia nchi zote na watu wote.
Wahamiaji waliorejeshwa kutoka Jamhuri ya Dominika hadi Haiti, mataifa mawili ya Karibea yanayoshirikiana kisiwa cha Hispaniola, wamekuwa wakizungumza na Umoja wa Mataifa kuhusu changamoto za kurudi katika nchi iliyojaa migogoro ambayo hawaijui vizuri.
Katibu Mkuu wa Umoja wa Mataifa Antonio Guterres leo ameonyesha wasiwasi mkubwa kufuatia tangazo la kusitishwa kwa msaada wa kigeni kutoka Marekani, akibainisha athari zake kwa jamii zilizo hatarini kote ulimwenguni.
Zaidi ya watu milioni moja sasa ni wakimbizi wa ndani nchini Haiti kwa mujibu wa takwimu mpya za kutisha zilizotolewa na Shirika la Umoja wa Mataifa la Uhamiaji (IOM).
Shirika la Umoja wa Mataifa la hali ya hewa duniani (WMO) leo hii likiwa limeutangaza mwaka jana 2024 kuwa mwaka uliokuwa na joto zaidi kuwahi kurekodiwa, leo pia WMO imeendelea kusisitiza umuhimu wa tahadhari za mapema kuhusu majanga ya tabianchi ili kuokoa maisha ya watu. WMO imeeleza kwamba tahadhari za mapema zilizotolewa na Idara ya Hali ya Hewa ya Taifa la Marekani zimesaidia kwa kiasi fulani kuokoa maisha ya watu katika moto wa nyika uliosambaa na kuteketeza maeneo makubwa mji wa Los Angels katika jimbo la California.
Katibu Mkuu wa Umoja wa Mataifa Antonio Guterres leo amesema ameshtushwa na kusikitishwa na janga kubwa la moto wa nyika linalosambaa katika mji wa Los Angeles jimboni California nchini Marekani.
Kwa mujibu wa takwimu zilizothibitishwa leo na Ofisi ya Haki za Kibinadamu ya Umoja wa Mataifa OHCHR, takriban watu 5,601 waliuawa nchini Haiti mwaka 2024 kutokana na ghasia za magenge ya uhalifu, likiwa ni ongezeko la zaidi ya mauaji 1,000 ya mwaka 2023.
Mtaalam wa Umoja wa Mataifa wa haki za binadamu kuhusu Haiti William O’Neill, leo amesema anatiwa wasiwasi mkubwa kwamba mashambulizi ya kikatili dhidi ya hospitali, zahanati, na wahudumu wa afya yaliyofanywa na magenge ya uhalifu nchini Haiti mwezi wa Desemba yamedhoofisha zaidi mfumo wa huduma za afya ambao tayari ulikuwa karibu kuporomoka.
