Asia Pasifiki

Ukandamizaji wa maandamano makubwa yaliyofanyika nchini Bangladesh mwaka jana hadi kusababisha kuangushwa kwa serikali  ya muda mrefu ya Waziri Sheikh Hasina ulisababisha vifo vya watu wapatao 1,400 ndani ya siku 46 pekee, wengi wao wakipigwa risasi na vikosi vya usalama, amesema hii leo Kamishna Mkuu wa Umoja wa Mataifa kuhusu Haki za Binadamu, Volker Türk, akinukuu ripoti ya Ofisi ya Umoja wa Mataifa ya Haki za Binadamu, OHCHR.

Myanmar inapotimiza miaka minne tangu mapinduzi ya kijeshi kufanyika nchini humo, mtaalamu huru wa Umoja wa Mataifa leo ametoa wito kwa jumuiya ya kimataifa kuongeza juhudi za kusaidia wananchi wa taifa hilo wanaoendelea kupinga ukandamizaji.

Tukiwa bado katika siku ya Elimu duniani kutana na Suhaila msichana mkimbizi kutoka Afghanistan ambaye kupitia mpango wa shirika la Umoja wa Mataifa la kuhudumia wakimbizi  UNHCR wa kuwahamishia wakimbizi katika nchi ya tatu aliwasili Jamhuri ya Kyrgyzstan ambako sio tu alipata maskani ya kudumu na wazazi wake bali pia matumaini na elimu iliyompa ari ya kurejesha matunda yake nyumbani alikotoka.

Mahakama ya Kimataifa ya Uhalifu ICC imechukua hatua ya kihistoria kupinga ukandamizaji wa kijinsia unaofanywa na viongozi wa Taliban nchini Afghanistan.

Katika jimbo la Kandahar nchini Afghanistan Noor Ahmen mkulima wa ngano amenufaika na mradi wa shirika la Umoja wa Mataifa la chakula na kilimo FAO unaotoa mafunzo ya kilimo, kugawa  mbegu na pembejeo kwa wakulima

Bahrain imekuwa ikihusishwa kwa muda mrefu na lulu, maji yake yenye kina kifupi na maeneo tajiri ya chaza yamekuwa msingi wa uchumi wa kisiwa hicho kwa maelfu ya miaka. Kamusi ya Kiingereza ya Oxford inafafanua uvuvi wa lulu kama shughuli au kazi ya kuzamia au kuvua chaza wa lulu.

Nchini Bangladesh, mradi wa kuimarisha stadi na kufungua fursa za kiuchumi, ISEC miongoni mwa wanawake na vijana, umewezesha wasichana kuvunja mwiko na kuingia kwenye tasnia ambazo zimezoeleka kuwa ni za wanaume, mathalani ufundi bomba. Mradi huo unaolenga wanufaika 24,000 wenye umri kati ya miaka 18 na 35 unatekelezwa na shirika la Umoja wa Mataifa la Kazi duniani, ILO kwa kushirikiana na serikali ya Bangladesh.

Katibu Mkuu wa Umoja wa Mataifa António Guterres  ameeleza kusikitishwa sana na vifo vya watu vilivyosababishwa na tetemeko la ardhi lenye nguvu ya 7.1 kwa vipimo vya richa lililopiga leo Januari 7 eneo la Tibet linalojitawala nchini China.

Kila mwaka, mamia ya wanawake nchini Papua New Guinea, taifa la visiwani katika bahari ya Pasifiki, hushutumiwa kimakosa kuwa ni wachawi. Matokeo yake hukumbwa na ukatili miongoni mwa wanajamii. Hata hivyo Umoja wa Mataifa kupitia shirika lake la Mpango wa Maendeleo duniani, UNDP nchini humo, limechukua hatua.

Msaidizi wa Katibu Mkuu wa Umoja wa Mataifa wa masuala ya kisiasa Rosemary DiCarlo leo ameliambia Baraza la Usalama kwamba Jamhuri ya Kidemokrasia ya Watu wa Korea (DPRK) inajitajidi kufanya kila liwezekanalo kupanua wigo wa uwezo wake wa kijeshi wa urushaji wa makombora, mpango wa nyuklia na ushirikiano wa kijeshi na Urusi.