Katika takriban miaka mitatu tangu uvamizi kamili wa Urusi nchini Ukraine, watu wa nchi hiyo wamevumilia mashambulizi ya mara kwa mara, “tishio la kisaikolojia, kufurushwa na mateso", ameonya Afisa wa uratibu wa misaada wa Umoja wa Mataifa nchini humo Matthias Schmale leo Ijumaa, Februari 2025.
Huko Gaza Kaskazini, kwenye eneo la wapalestina linalokaliwa na Israeli, wanafamilia zilizofurushwa makwao kutokana na vita kati ya Israeli na wanamgambo wa Hamas wanavumilia msimu wa baridi kali katika makazi ya muda ya mahema yanayopigwa na upepo na mvua usiku na mchana, limesema shirika la Umoja wa Mataifa la kuhudumia Watoto UNICEF. Nyumba zao zimeharibika na kuacha watoto kuishi katika mazingira mabaya.
Ripoti mpya ya Shirika la Umoja wa Mataifa la Mpango wa Maendeleo wa Umoja wa Mataifa (UNDP) iliyotolewa leo Februarai 20, 2025 inaonya kwamba uchumi wa Syria hautafikia kiwango chake cha kabla ya vita hadi mwaka 2080 kama ukuaji wa kiuchumi hautaongezeka kwa kasi.
Shirika la Umoja wa Mataifa la Chakula Duniani WFP, limerejelea kwa kiasi usambazaji wa misaada ya chakula katika sehemu za Goma, mashariki mwa Jamhuri ya Kidemokrasia ya Congo (DRC), likitoa msaada muhimu wa lishe kwa wastani wa watoto wenye umri wa miezi 6 hadi miezi 59 waliokumbwa na utapiamlo, huku mapigano ya wiki tatu yakizidi kuathiri vibaya upatikanaji wa chakula kwa wale walio hatarini.
Watoto katika Jamhuri ya Kidemokrasia ya Congo (DRC) wanakabiliwa na janga lisilo na kifani, wakivumilia ukiukwaji mkubwa wa haki zao, ikiwa ni pamoja na mauaji ya kiholela, ukatili wa kingono, uandikishaji wa kulazimishwa na utekaji nyara unaofanywa na pande zinazohusika katika mzozo, Kamati ya Umoja wa Mataifa ya Haki za Mtoto imeonya leo jijini Geneva, Uswisi.
Baraza la Usalama la Umoja wa Mataifa likifanya kikao cha dharura jijini New York, Marekani kujadili hali ya usalama inayozidi kuzorota kila uchao huko Mashariki mwa Jamhuri ya Kidemokrasia ya Congo, DRC, Mratibu wa Umoja wa Mataifa wa Masuala ya kibinadamu nchini humo, Bruno Lemarquis amesema kupanuka kwa mzozo huo kumezidi kugharimu maisha na mustakabali wa raia.
Waasi wa M23 nchini Jamhuri ya Kidemokrasia ya Congo, DRC wametaka ujumbe wa Umoja wa Mataifa wa kulinda amani nchini humo, MONUSCO uwakabidhi raia waliosaka hifadhi kwenye maeneo ya ujumbe huo mjini Goma, jimboni Kivu Kaskazini.
'Multilateralism' yaani Ushirikiano wa kimataifa ni neno linalotumika mara nyingi katika Umoja wa Mataifa, lakini si dhana ambayo inafaa tu kwa mikutano ambapo diplomasia ya kimataifa hufanyika.
Shirika la Umoja wa Mataifa la Mpango wa Chakula duniani, WFP limekaribisha mchango wa dola milioni 5 kutoka Wizara ya Mambo ya Nje ya Korea Kusini. kwa ajili ya kujengea mnepo na kuimarisha upatikanaji wa chakula kwa familia za maeneo kame nchini Kenya.
Vita vya wenyewe kwa wenyewe Sudan vikiwa vikikaribia mwaka wake wa tatu, vimeacha urithi wa njaa, ufurushaji mkubwa wa watu, na ukosefu wa usalama wa kudumu.
