Katika mji wa Ramogi, Mukambo jimboni Ituri nchini Jamhuri ya Kidemokrasia ya Kongo (DRC), wanahabari wanaonekana wakiongoza juhudi za kuodoa taka ya plastiki na taka zingine kutoka mifereji ya sokoni.
Shirika la Umoja wa Mataifa la Mpango wa Chakula duniani, WFP limekaribisha mchango wa dola milioni 5 kutoka Wizara ya Mambo ya Nje ya Korea Kusini. kwa ajili ya kujengea mnepo na kuimarisha upatikanaji wa chakula kwa familia za maeneo kame nchini Kenya.
Ushirikiano kati ya Umoja wa Mataifa, UN na Muungano wa AFrika, AU, umefikia kiwango cha juu kabisa, huku taasisi zote mbili zikijizatiti kusongesha amani, usalama, na maendeleo barani Afrika.
Katika maadhimisho ya siku ya redio duniani, Idhaa ya Kiswahili ya Umoja wa Mataifa imefahamu jinsi redio mshirika wake, TBC Taifa ambayo ni ya shirika la Utangazaji Tanzania, TBC inatumia kituo hicho kinachosikika takribani asilimia 92 ya eneo la taifa hilo la Afrika Mashariki, kuelimisha umma kuhusu mabadiliko ya tabianchi.
Teksi za angani, ‘magari yanayojiendesha yenyewe, na roketi zinazoweza kutumika tena na tena, ni baadhi tu ya majawabu ya usafiri wa siku zijazo ambazo wavumbuzi kote ulimwenguni wanajitahidi kutafuta kuwa uhalisia, wakati huu ambapo mwelekeo wa hakimiliki za injini zinazohitaji kuchoma mafuta ndio ziendeshe mashine ukiwa mashakani.
Dunia inazalisha tani bilioni 2.1 hadi 2.3 za taka mijini kila mwaka, zikiwemo nguo, vifungashio, vifaa vya kielektroniki, plastiki, na chakula limesema shirika la Umoja wa Mataifa la makazi UN-HABITAT
Kilimo bora cha kakao huko Liberia kimemwondolea uchovu na kukosa kulala, mkazi wa kaunti ya Nimba, kaskazini mashariki mwa Liberia, baada ya mradi wa mfuko wa Umoja wa Mataifa wa Maendeleo ya Kilimo, IFAD nchini humo kumwezesha sio tu kugeukia kilimo, bali pia kuajiri vijana wengine na hivyo kufanikisha lengo la Umoja wa Mataifa la kuondokana na umaskini.
Bonde la mto Congo ni maskani ya misiuu mikubwa ya mvua ikishikilia nafasi ya pili duniani. Na kulinda misitu hii mikubwa yenye viumbehai mbalimbali huku ukishughulikiwa umasikini mkubwa wa nchi hiyo na ongezeko la idadi ya watu ambao sasa wanafikia milioni 100 ni changamoto muhimu inayohitaji suluhisho.
Mkutano wa viongozi wa Afrika kuhusu nishati ukipatiwa jina Mission 300 umekunja jamvi jijini Dar es Salaam nchini Tanzania kwa kuzindua Mikataba ya Nishati ya Kitaifa kutoka nchi 12 za barani Afrika, ikiwemo Tanzania, hatua ambayo ni msingi wa uwekezaji mkubwa na mageuzi ya será za nishati.
