Katika takriban miaka mitatu tangu uvamizi kamili wa Urusi nchini Ukraine, watu wa nchi hiyo wamevumilia mashambulizi ya mara kwa mara, “tishio la kisaikolojia, kufurushwa na mateso", ameonya Afisa wa uratibu wa misaada wa Umoja wa Mataifa nchini humo Matthias Schmale leo Ijumaa, Februari 2025.
Ukumbi wa Baraza Kuu la Umoja wa Mataifa jijini New York, Marekani leo umepata mkusanyiko wa kihistoria wa wanawake 16 wanaanga waliokutana kuchagiza uelewa wa ukatili wa kijinsia kwenye tasnia ya STEM yaani Sayansi, Teknolojia, Uhandisi na Hisabati, ikiwa ni katika maadhimisho ya Siku ya Kimataifa ya Wanawake na Wasichana katika Sayansi.
Umoja wa Mataifa na wadau wanasalia na wasiwasi mkubwa kufuatia amri iliyotolewa Jumatatu na waasi wa M23 huko jimboni Kivu Kaskazini nchini Jamhuri ya Kidemokrasia ya Congo, DRC ya kupatia wakimbizi wa ndani saa 72 wameondoka kwenye kambi mjini Goma na viunga vyake, na kurejea vijijini mwao.
Wataalamu wa Umoja wa Mataifa kuhusu haki za binadamu hii leo wameeleza wasiwasi wao mkubwa baada ya Rais wa Marekani kusaini Amri ya Kiuendaji inayoruhusu vikwazo dhidi ya Mahakama ya Kimataifa ya Uhalifu, ICC, wafanyakazi wake, na watu binafsi au washirika wake.
Mtaalamu Huru wa Umoja wa Mataifa kuhusu haki za binadamu za watu wenye ualbino, Muluka-Anne Miti-Drummond, leo Februari 7 jijini Geneva, Uswisi amepongeza uamuzi wa Mahakama ya Afrika ya Haki za Binadamu, uamuzi ambao umeipata Jamhuri ya Muungano wa Tanzania kuwa na hatia kwa kushindwa kuwalinda watu wenye ualbino dhidi ya mashambulizi ya kikatili, mateso, ubaguzi, usafirishaji haramu wa binadamu na utekaji nyara wa watoto wa watu wenye ualbino.
Mahakama ya Kimataifa ya Uhalifu ICC imechukua hatua ya kihistoria kupinga ukandamizaji wa kijinsia unaofanywa na viongozi wa Taliban nchini Afghanistan.
Kamishna Mkuu wa Haki za Binadamu wa Umoja wa Mataifa Volker Türk leo Januari 7 mjini Geneva, Uswisi amesema amesikitishwa sana na ongezeko kubwa la watu walionyongwa nchini Iran mwaka jana. Takriban watu 901 waliripotiwa kunyongwa mwaka 2024, arobaini kati yao wakiwa walinyongwa katika wiki moja pekee mwezi Desemba. Takribani watu 853 walinyongwa mwaka 2023.
Kwa mujibu wa takwimu zilizothibitishwa leo na Ofisi ya Haki za Kibinadamu ya Umoja wa Mataifa OHCHR, takriban watu 5,601 waliuawa nchini Haiti mwaka 2024 kutokana na ghasia za magenge ya uhalifu, likiwa ni ongezeko la zaidi ya mauaji 1,000 ya mwaka 2023.
Umati wa watu walikusanyika kuzunguka chumba cha mahakama kilichokuwa wazi katika kijiji kimoja katika Jamhuri ya Kidemokrasia ya Congo (DRC) asubuhi moja ya hivi majuzi, wakitazama kwa ukimya majaji, waendesha mashtaka, mawakili na makarani wakiwasikiliza washtakiwa.
Kila mwaka, mamia ya wanawake nchini Papua New Guinea, taifa la visiwani katika bahari ya Pasifiki, hushutumiwa kimakosa kuwa ni wachawi. Matokeo yake hukumbwa na ukatili miongoni mwa wanajamii. Hata hivyo Umoja wa Mataifa kupitia shirika lake la Mpango wa Maendeleo duniani, UNDP nchini humo, limechukua hatua.
