Habari Mpya

Goma, ambao ulikuwa mji mkuu wa Jimbo la Kivu Kaskazini, Mashariki mwa DRC ulikuwa ni  kitovu cha mafunzo ya ufundi stadi ya Umoja wa Mataifa kwa wanufaika wa miradi ya kusaidia jamii kiuchumi iliyolenga wapiganaji wa zamani waliokuwa wamejiunga na makundi yenye silaha, vijana walio katika hatari na wanawake walio katika mazingira magumu.

Kikao cha 63 cha Baraza la Kiuchumi na Kijamii la Umoja wa Mataifa ECOSOC kuhusu maendeleo ya ujamii kinakunja jamvi hii leo jijini New York Marekani baada ya majadiliano ya juma zima kuhusu maendeleo ya ustawi wa jamii, hatua zinazochukuliwa nan chi katika kufanikisha hilo na kuchagiza mshikamano wa kimataifa kutimiza lengo.

Katika maadhimisho ya siku ya redio duniani, Idhaa ya Kiswahili ya Umoja wa Mataifa imefahamu jinsi redio mshirika wake, TBC Taifa ambayo ni ya shirika la Utangazaji Tanzania, TBC inatumia kituo hicho kinachosikika takribani asilimia 92 ya eneo la taifa hilo la Afrika Mashariki, kuelimisha umma kuhusu mabadiliko ya tabianchi.

Wito wa shirika la umoja wa Mataifa la elimu  sayansi na utamaduni UNESCO wa kuinadi lugha ya Kiswahili miaka miwili iliyopita kama lugha ya kimataifa umepokelewa kwa mikono mwili na nchi mbalimbali barani Afrika na kutambua mchango wake ikiwemo Uganda itakayokuwa mwejeji wa kongamano la kimataifa la Kiswahili mwaka huu 2025 ikishirikiana na shirika la Afrika Mashariki Fest. Kwa nini Uganda imekivalia njuga Kiswahili sasa?

Huko Mashariki ya Kati Mkuu wa ofisi ya Umoja wa Mataifa ya Kuratibu Misaada ya Dharura, OCHA Tom Fletcher alifanya ziara ya siku tatu huko Ukingo wa Magharibi na Gaza ili kujionea hali halisi ya raia.

Tanzania inaendelea kufanikisha Lengo Namba 16 la Maendeleo Endelevu ya Umoja wa Mataifa linatilia mkazo upatikanaji wa amani, haki na taasisi imara kwa kupunguza mrundikano wa mashauri au kesi mahakamani, kuwezesha upatikanaji wa haki kwa makundi maalumu katika jamii.

• Je wajua! Leo hii wasichana na wanawake milioni 230 duniani kote ni manusura wa ukeketaji wanawake na wasichana, FGM?
• Je wajua kuwa FGM ni ukiukaji wa haki za binadamu unaosababisha majeraha makubwa ya kimwili, kihisia na kisaikolojia kwa wasichana na wanawake.?
• Je wajua bila hatua hivi sasa, ifikapo 2030 wanawake na wasichan milioni 27 watakuwa wanaishi wakivumilia ukiukwaji huu wa haki na utu wao ?

Shirika la Umoja wa Mataifa la elimu, sayansi na utamaduni UNESCO linasisitiza kwamba kukumbatia uwepo wa lugha mbalimbali duniani ni muhimu kwa kukuza ujumuishwaji, utofauti wa kitamaduni, na maelewano miongoni mwa watu na pia kama njia ya kuhakikisha elimu bora, kuhifadhi lugha za asili, na kuhamasisha utangamno kati ya tamaduni hasa kujifunza kwa kutumia lugha ya mama.

Malimingi, jina lake halisi limehifadhiwa kwa ajili ya usalama wake, ni mratibu wa shirika moja la kiraia la lililoko Goma, jimboni Kivu Kaskazini, Mashariki mwa Jamhuri ya Kidemokrasia ya Congo, DRC. Kupitia ujumbe wa Umoja wa Mataifa wa kulinda amani nchini humo, MONUSCO, Bwana Malimingi amekuwa akifundisha vijana, wakiwemo wale waliotumikishwa vitani na kisha kujisalimisha, stadi za kutengeneza simu janja zilizoharibika, kama njia ya kujipatia kipato badala ya kutumikishwa vitani au kuingia kwenye vitendo vya kuhatarisha usalama wao.

Mkuu wa Idara ya Umoja wa Mataifa ya Operesheni za Ulinzi wa Amani Jean-Pierre Lacroix amesisitiza umuhimu wa kuendeleza juhudi za kidiplomasia ili kumaliza mgogoro mashariki mwa Jamhuri ya Kidemokrasia ya Congo (DRC) na kuzuia uwezekano wa mzozo huo kusambaa zaidi.